- إنضم
- 23 أفريل 2016
- المشاركات
- 1,022
- نقاط التفاعل
- 3,889
- النقاط
- 171
اصدقائي ، صديقاتي ، الرائعوون ، اصحاب الوجوه الشاحبة ، سكان احلى منطقة على وجه الارض، ايها الجمهور العريض لنادي ليستر ومحرز، كيف تقضون اوقاتكم في هذا الجو الربيعي المنعش
اليوم رجعتلكم باه نحكيو على واحد الميضوع نظن كامل اكم تعيشوه ، خدامين ولا بطالين ، شباب شيوخ صغار ، طلبة المهم جميع شرائح المجتمع الواسع ... هذا الموضوع بخصوص البوكيمونات اللي تعيشلك حياتك .. يعني ربي عطاك حياتك ليك انت لكن كاين ناس اخرين ربما يعيشولك حياتك اكثر من أنت عايشها لروحك ؟؟؟؟
صحا تخرج صباح رايح تخدم ولا راجع باه تعاود ترقد ولا رايح تشري الخبز .. حبابنا عياشين الحياة ربي يعيشهم تلقاهم يحسبولك شحال من خطوة مشيت وشحال من خبزة شريت وشحال رجعلك الخباز الصرف .. ما تتعجبش هادو ناس راهم اقوى من الاف بي اي وعندهم وسائل بدائية بالصح جد متطورة في نفس الوقت تخليهم يميزو الصاشي الكحلة ادا فيها كوكاو ولا تمر ... ويوزن صاشي تاعك قبل ما توصلها للدار .. وما تتفاجئش اذا طلبك واحد وقالك خويا معليش شوية كوكاو اللي جاي تحت التمر او باين مالح وبنين
صحا هاد الناس اصحاب الرادارات يكونو عادة من سكان كوكب المقاهي ... ولا يكونو جمبك ولا يعرفوك من بعيد بالصح يعرفو على حياتك كثر من انت تعرف على روحك ... مرة مريح انا وواحد صاحبي في قهوة ونقسرو وحكاية تجيب حكاية حتى نلقى واحد مبرونشي معانا قلبا وقالبا ودخل يحكي معانا في السوجي وكان معريفة سنين وثم ثم يدخص عليك ويدوموندي منك نيميرو تلفون ... اذا صادفكم هدا النوع او حاب يقلكم اني حاب نعيشلك حياتك صديقي الله يعيشك حياتي عشتها وبقالي الفيد
وكاين النوع اللي عيان بزاف تلقاه يقرا معاك ولا يخدم معاك ولا جارك المهم يعرفك ... ديما من انت تخدم خدمة ما تعجبوش وانت ماكش مليح مالغري ما عندو ما دخلو فيك وفي شغلك ... تلقاه كي السوسة يجري من هدا ل هدا ... ادا انت تخدم مليح ما يعجبوش الحال راح يقولهم واش بيه هذا يزيد عليها ويطيح علينا في النيفو وهكدا نبانو مش خدامين قدامو المهم رايح يعمل المستحيل باه يكسرك ويمد عليك صورة ماشي مليحة ولن يهدأ له بال حتى تولي ضاربها برقدة كيما هو ... علخاطر انت عندك ضمير وتحب تخدم خدمتك ميعجبوش الحال ايا باه يدير القلب ويلحق ليك لالا يحب يكسرك وهذا المشكل راهو هلك بلادنا في شتى الميادين ... يا خويا خليني ندير كيما نبغي ما تقلقني ما نقلقك
هذا المشكل او نشوفوه حتى في عمال النظافة ولا البلدية تلقى واحد مسكين يعرق و 4 لخرين يتفرجو ويقطعو فيه والكلمة المشهورة او يزيد عليها ؟؟؟ ولا اللي يخدم خدمتو نسموه يزيد عليها ... واللي يفيس هو الراجل وهو لي ماشي شيات .. بالصح علاه نهار يجي المسؤول كامل يحبو يبانو قدامو ... ولا والفتو الشيتة ... ولا انت مسمار لازمك مارطو فوق راسك
المهم باه منطولش بزاف ونخلي الموضوع بين يديكم نقول لهاد نوع من الناس انا نحب نزيد عليها ادا راك تشوف فيا نزيد مي انت راك عشتلي حياتي مرات تبانلي نجيب كرسي ونريح ومندير والو ونشوف هاد الانواع من البشر كيفاه يعيشولي حياتي بلاك يعيشوها خير مني وكي يكملو المعيشة راح نعطيهم تصفيقة حارة.
شكرا على المتابعة تحية مني للجميع
اليوم رجعتلكم باه نحكيو على واحد الميضوع نظن كامل اكم تعيشوه ، خدامين ولا بطالين ، شباب شيوخ صغار ، طلبة المهم جميع شرائح المجتمع الواسع ... هذا الموضوع بخصوص البوكيمونات اللي تعيشلك حياتك .. يعني ربي عطاك حياتك ليك انت لكن كاين ناس اخرين ربما يعيشولك حياتك اكثر من أنت عايشها لروحك ؟؟؟؟
صحا تخرج صباح رايح تخدم ولا راجع باه تعاود ترقد ولا رايح تشري الخبز .. حبابنا عياشين الحياة ربي يعيشهم تلقاهم يحسبولك شحال من خطوة مشيت وشحال من خبزة شريت وشحال رجعلك الخباز الصرف .. ما تتعجبش هادو ناس راهم اقوى من الاف بي اي وعندهم وسائل بدائية بالصح جد متطورة في نفس الوقت تخليهم يميزو الصاشي الكحلة ادا فيها كوكاو ولا تمر ... ويوزن صاشي تاعك قبل ما توصلها للدار .. وما تتفاجئش اذا طلبك واحد وقالك خويا معليش شوية كوكاو اللي جاي تحت التمر او باين مالح وبنين
صحا هاد الناس اصحاب الرادارات يكونو عادة من سكان كوكب المقاهي ... ولا يكونو جمبك ولا يعرفوك من بعيد بالصح يعرفو على حياتك كثر من انت تعرف على روحك ... مرة مريح انا وواحد صاحبي في قهوة ونقسرو وحكاية تجيب حكاية حتى نلقى واحد مبرونشي معانا قلبا وقالبا ودخل يحكي معانا في السوجي وكان معريفة سنين وثم ثم يدخص عليك ويدوموندي منك نيميرو تلفون ... اذا صادفكم هدا النوع او حاب يقلكم اني حاب نعيشلك حياتك صديقي الله يعيشك حياتي عشتها وبقالي الفيد
وكاين النوع اللي عيان بزاف تلقاه يقرا معاك ولا يخدم معاك ولا جارك المهم يعرفك ... ديما من انت تخدم خدمة ما تعجبوش وانت ماكش مليح مالغري ما عندو ما دخلو فيك وفي شغلك ... تلقاه كي السوسة يجري من هدا ل هدا ... ادا انت تخدم مليح ما يعجبوش الحال راح يقولهم واش بيه هذا يزيد عليها ويطيح علينا في النيفو وهكدا نبانو مش خدامين قدامو المهم رايح يعمل المستحيل باه يكسرك ويمد عليك صورة ماشي مليحة ولن يهدأ له بال حتى تولي ضاربها برقدة كيما هو ... علخاطر انت عندك ضمير وتحب تخدم خدمتك ميعجبوش الحال ايا باه يدير القلب ويلحق ليك لالا يحب يكسرك وهذا المشكل راهو هلك بلادنا في شتى الميادين ... يا خويا خليني ندير كيما نبغي ما تقلقني ما نقلقك
هذا المشكل او نشوفوه حتى في عمال النظافة ولا البلدية تلقى واحد مسكين يعرق و 4 لخرين يتفرجو ويقطعو فيه والكلمة المشهورة او يزيد عليها ؟؟؟ ولا اللي يخدم خدمتو نسموه يزيد عليها ... واللي يفيس هو الراجل وهو لي ماشي شيات .. بالصح علاه نهار يجي المسؤول كامل يحبو يبانو قدامو ... ولا والفتو الشيتة ... ولا انت مسمار لازمك مارطو فوق راسك
المهم باه منطولش بزاف ونخلي الموضوع بين يديكم نقول لهاد نوع من الناس انا نحب نزيد عليها ادا راك تشوف فيا نزيد مي انت راك عشتلي حياتي مرات تبانلي نجيب كرسي ونريح ومندير والو ونشوف هاد الانواع من البشر كيفاه يعيشولي حياتي بلاك يعيشوها خير مني وكي يكملو المعيشة راح نعطيهم تصفيقة حارة.
شكرا على المتابعة تحية مني للجميع
