عزومة أم ياسمين لناس اللمة اتفضلوا مرحبا

[السلطانة]

السلام عليكم ورحمة الله وبركاته

أهلا وسهلا بأحباب اللمة
لي عتبو عليا بعد ماطولت عليهم بالباروك
:p

وتحية لخويا حكيم ستوري لي حسبنا هربنا بالباروك ههه وخويا محمد الأمين لي بهدلنا بموضوع ههه
بلاماننساو خونا مالك سكّر لي سمعت بلي رجع اسمو هك هههه
بلاماننسى جماعة بقية الاشرار و الشريرات لي دارو النش في الموضوع هاذاك :tongue02:

الله غالب ملقيتش فرصة باه نحط الموضوع المهم منطولش عليكم

هاذا بوكي دوفلور باه ترضاو عليا

هاذا لحليب والقاطو والقهوة والكونفيتير

المقرود والبقلاوة وقاطوات اخرى

وهاذي الزريرة عند ناس الشرق (الطمينة ) واسمحولي راح نديرلكم موضوع حصري عليها
منفرد خاص

لأني مقدرتش نصور في عقلي
لازمها تتكل سخونة ومقدرتش نصور قدام الضياف خفت نبان بهلولة :d
جبتلكم هاذو وحدة لكل واحد ووحدة في اللمة بالعسل الحرّ

وأخيرا نقولكم ادعولي
تعود صغيرتي ترقد في الليل
لأني تعبت منها
خايفة تروح عليا اللمة ومبقيت نلحق
ربي يحفظكم
وعقبال مانفرح معاكم جميعا

​

 

[AmiR@RoRo]

رد: عزومة أم ياسمين لناس اللمة اتفضلوا مرحبا

السلام عليكم
يا سلام اول وحدة ندخل الصالون
بسم الله مممم
كلشي يشهي وكلشي بالطبع
الله يخلف كليت وشبعت :d
يعطيكم الصحة
وربي يهدي الياسمينة وتعود ترقد فالليل
ربي يحفظهالك وينورها

 

[لؤلؤة قسنطينة]

رد: عزومة أم ياسمين لناس اللمة اتفضلوا مرحبا

السلام عليكم
واش احوالك أختي أم ياسمين ان شاء الله صحتك لاباس؟؟
وواش الكتكوتة الشابة؟؟ راهي مهبلتك آه هههه ربي يحفظهالك ان شاء الله
شفتي كيفاه هبلوك المشاغبين تاع اللمة بطلباتهم ههههه
ماشاء الله وتبارك الرحمن قعدة بالطبع بالحلويات التقليدية والعصرية
مع الطمينة لي نقولولها حنا بسيسة في قسنطينة يعني ماشاء الله
جَمعة طيبة ان شاء الله وربي يدوم افراحكم وربي يهنيك ختي
بقات حاجة برك قلبنا يحرق عليها وهي ياسمين
وينهي ياسمييين؟؟ جيبوهالنا ولا نجيو لعندك نخطفوها ههههه
ربي يهنيك ختي ان شاء الله ويعطيك صحتك ويوفقك في حياتك
ويحفظلك هاد الطفيلة ويجعلها من الذرية الصالحة ان شاء الله
لعقوبة للبقية يارب
تحياتي
​

 

[نبض الحياة]

رد: عزومة أم ياسمين لناس اللمة اتفضلوا مرحبا

السلام عليكم ورحمة الله وبركاته
اهلاا بيك غاااليتي
والف مبرروك مرة اخرى والحمد لله ع سلامتك
ربي يباركلك في ياسمين وتكون من الذرية الصالحة يا رب
ما شاء الله تبارك الرحمن
القاطوات يهبلووو
والعرضة تقتل راني كليت حتى شبعت هههه
يعطيك الصحة حبيبتي
وربي يقدرك
بالنسبة للسهر في الليل عادي حنونة مع البيبي
مانيش باغية نخوفك هههه بصح غالبية الاطفال 3 اشهر الاولى يبدلو الليل بالنهار
وانا كنت وحدة منهم خخخخ
سلامي حنونة

 

[zohor kfz]

رد: عزومة أم ياسمين لناس اللمة اتفضلوا مرحبا

الله يدوم فراحكم و تتربا بنتكم في عزكم و دلالكم
و متخميش جيباها تقرى معانا في المنتدى تولي ترقدلكي في الليل ... و اكيييد راها تعرفنا هههههه
ايا انا راني دايا حقي و ماشية .. الله يخلف

 

[آمِيْرَتُه]

رد: عزومة أم ياسمين لناس اللمة اتفضلوا مرحبا

السلام عليكم
الله يبارك
ربي يدوم النعمة
عقبال منشوفو حوايج عرسها

 

[ثَسْكُورْثْ نَثْدُوكْلِي]

رد: عزومة أم ياسمين لناس اللمة اتفضلوا مرحبا

سلام عليكم

اهلا بك الزينة ان شاء الله ارتحت

يم يم يم ممممم الله يبارك ماشاء الله ربي يكثر ويدوم النعمة عليكم يارب

ربي يحفظ الكتكوتة تعنا ياسمين ^^ معليه لوكان سجلتيها هنا في اللمة توانسنا في الليل ههه

ربي يخليهالك و تتربى في عزكم وفي طاعة ربي

شكراا على العرضة والطمينة الحلوة ^^

بالتوفيق

كوني بخير
​

 

[الامين محمد]

رد: عزومة أم ياسمين لناس اللمة اتفضلوا مرحبا

ههههههههههههههههههه
http://4algeria.com/forum/threads/445746/
هاذ الميضوع هو اللي خلانا نشبعوا اليوانا خلاص قطعت
الأمل قلت ام ياسمين هربت و بديت نوجد في موضوع
ام ياسمين هربت ههههههههههههههه
تعرفينا جماعة المنشار راني طورنا الحرفة راه عندنا منشار اليكتريك

و عندنا تاني أنواع أخرى

تعرفينا راه قريب العطلة لازم نتعلموا حرفة ههههههه
و ما لقيناش افضل من التمنشير

ثم اختي شكون اللي قال ما تصوريش الضياف
على الأقل فرصة لخويا حكيييم كاش ما يخطب ههههههههههه

أختي سمحيلنا تعبناك و بوسيلي ياسمين
و قوليلها هاذي البوسة من عند خالو الامين
أما بخصوص النوم رقيلها ب أعوذك بكلمات الله التامة من كل شيطان و هاامة
و من كل عين لااامة رقيلها في ما تشرب منه
و امسحي بسبابتك على جبينها
عقبال لأفراح أخرى


​

 

[سكون الفجر]

رد: عزومة أم ياسمين لناس اللمة اتفضلوا مرحبا

ما شاء الله لا قوة الا بالله، كل شي شهي ربي يبارك لك حبيبتي ام ياسمين
حبيبتي اغلي يانسون وشربيه للصغيرة رح تنام باذن الله شربيها ورح تلاقي فرق كبير
الله يهنيكِ فيها وتفرحي فيها ان شاء الله

واسلم ايديكِ على كل شيء، بصحتكم

 

[الامين محمد]

رد: عزومة أم ياسمين لناس اللمة اتفضلوا مرحبا

أختاااه ربي يقدرك و يبارك لك في ياسمين
و يجعلها ذرية صالحة و يحفظها و يفرحك بيها
​

 

[الحلم الوردي]

رد: عزومة أم ياسمين لناس اللمة اتفضلوا مرحبا

الف مبرروك
الحمد لله على سلامتك
ربي يباركلك في ياسمين وتكون من الذرية الصالحة
ربي يحفظها ويخليهالكم
ما شاء الله تبارك الرحمن
القاطوات ملاح
وربي يقدرك​

 

[تـريـــاق المحـبـة]

رد: عزومة أم ياسمين لناس اللمة اتفضلوا مرحبا

السلام عليكم مالقيت ما نقول كلشي في بلاصتو يشهي والله يعطيك الصحة يخليلك الاميرة ياسمينة ويحفظهالك وتخليك ترقدي في الليل وماشا الله ​

 

[بنقابي افتخر]

رد: عزومة أم ياسمين لناس اللمة اتفضلوا مرحبا

وعليكم السلام
كلش كلش يشهي اممم الله يبارك
وبالنسبة للكتكوتة ربي يباركلك فيها وكيما قالولك رقيلها بالاستعاذة. اختي ربي يكون معاك
واسمحيلي على الازعاج ^^

 

[hadil2044]

رد: عزومة أم ياسمين لناس اللمة اتفضلوا مرحبا

يعطيك الصحة ام ياسين وتسلك ايديك
​

 

[ام زين الدين]

رد: عزومة أم ياسمين لناس اللمة اتفضلوا مرحبا

اممممممممممم مبروك عليك تتربى في عزك سخفتيني بالزريرة نموت عليها وخاصة نتاع النوافس عندها نكهة خاصة
كلش هايل ساعفيها برك هذي البداية تكون صعيبة مع الغازات ما تعلميلهاش تهزيها ورضعيها طبيعي وتحملي
​

 

[فيتامين سي]

رد: عزومة أم ياسمين لناس اللمة اتفضلوا مرحبا

الف الف الف مبروك حبيبتي
تتربى في عزكم ان شاء الله ...ربي يحفضها
الله يبارك قاطو بالهمة و الطبع كلشي يسخف

 

[Djaouida]

رد: عزومة أم ياسمين لناس اللمة اتفضلوا مرحبا

لاماننسى جماعة بقية الاشرار و الشريرات لي دارو النش في الموضوع هاذاك

خخخخ انا وحدة من هم ههههههه شريرة ههههه
كلشي يشهي وكلشي بالطبع مشاء الله
والف مبرروك مرة اخرى والحمد لله ع سلامتك
ربي يباركلك في ياسمين وتكون من الذرية الصالحة يا رب
سلامــــــــــــــــــــ​

 

[أم لينة]

رد: عزومة أم ياسمين لناس اللمة اتفضلوا مرحبا

باسم الله ماشاء الله. ربي يخليك لينا اختنا الغالية و كيما يقولو العتب على قد المعزة ههه.
ربي يباركلك في ياسمين و يكبرها في طاعت مولاها و والديها .
النوم حاجة طبيعية احنا نقولو كي تفوت الربعين يتعدل نومها شوي و انت زيدي ارقيلها كيما قالك الاخ الامين و تاني اعطيها تيزانة اليانسون ربما الغازات راهي مأرقتها .
​

 

[السلطانة]

رد: عزومة أم ياسمين لناس اللمة اتفضلوا مرحبا

السلام عليكم
يا سلام اول وحدة ندخل الصالون
بسم الله مممم
كلشي يشهي وكلشي بالطبع
الله يخلف كليت وشبعت :d
يعطيكم الصحة
وربي يهدي الياسمينة وتعود ترقد فالليل
ربي يحفظهالك وينورها

اهلا وسهلا بيك امورة جوزي جوزي
مرحبا بيك :love01:وبصحتك
ههه ان شاءلله يارب
باه تخليني نرجع ندخل للمة كيما زمان :sport01:
ان شاءالله ربي يفرحك ونفرحو معاك حبيبتي
شكرا

 

[السلطانة]

رد: عزومة أم ياسمين لناس اللمة اتفضلوا مرحبا

السلام عليكم
واش احوالك أختي أم ياسمين ان شاء الله صحتك لاباس؟؟
وواش الكتكوتة الشابة؟؟ راهي مهبلتك آه هههه ربي يحفظهالك ان شاء الله
شفتي كيفاه هبلوك المشاغبين تاع اللمة بطلباتهم ههههه
ماشاء الله وتبارك الرحمن قعدة بالطبع بالحلويات التقليدية والعصرية
مع الطمينة لي نقولولها حنا بسيسة في قسنطينة يعني ماشاء الله
جَمعة طيبة ان شاء الله وربي يدوم افراحكم وربي يهنيك ختي
بقات حاجة برك قلبنا يحرق عليها وهي ياسمين
وينهي ياسمييين؟؟ جيبوهالنا ولا نجيو لعندك نخطفوها ههههه
ربي يهنيك ختي ان شاء الله ويعطيك صحتك ويوفقك في حياتك
ويحفظلك هاد الطفيلة ويجعلها من الذرية الصالحة ان شاء الله
لعقوبة للبقية يارب
تحياتي
​

اهلا وسهلا بلؤلؤتي الغالية
الله يبارك فيك حبيبتي
جاتنا صحبة ماما من قسنطينة :graduation:
تفكرتك ههه
درك نفليكسيهالك معاها ههه
الله يحفظك عزيزتي عقبال مانفرحو معاك ان شاءلله
شكرا
​