السلام عليكم اختي
وشكرا على موضوعك الجميل
بصراحة انا نوافق على هاد التغير مادام خطيبك ولا مانقولش خطيبك نقول عاقد عليك ورايح يولي زوجك
اب ولادك من حقو يسقسي عليك ويطمن مع من راكي ويطمن على احوالك يعني من باب الاطمئنان وماش
من باب المراقبة ومن باب الغيرة وماش من باب الشك تاع لدرجة كل 2 دقايق مع من راكي؟ وواش قاعدة
ديري وعلاه خرجتي وعلاه دخلتي خاطر هنا انعدام الثقة وكثرة الشك قادرة تدمر كلشي وتخلي الحياة قبل
ماتبدا معاه تولي جحيم يعني من حقو يحددلك بعض الامور بحكم راهو رايح يولي مسؤول عليك بصح كاين
حوايج فيهم خطوط حمراء مثلا يقولها ماتروحيش لدار خالتك ولا دار عمتك ولا ماتخرجيش مع باباك حتى
تقوليلي ويقولك مادام خطبتك حبسي الخدمة هنا لالا خاطر مازالت في دار باباها نهار تتزوج بيك
افرض عليها واش تحب ولعند من تروح، مع اني مانحبش الحكايات بزاف في فترة الخطوبة تكون ماعندها حتى
معنى، بصح تاع يقولها اقفلي فايس بوك ولا بدلي رقمك هنا نظن مافيها حتى حرج، وماش شرط عدم ثقة
اولا الفايس بوك وعالم النت ماش حاجة الزامية تاع تخليها توقف بين وبين راجلك وتوليو في تقابيد عليها
مرة سمعت وحدة تحكي مع صاحبتها قاتلها قالي خطيبي اقفلي الفايس بوك ولاا عطيني المود باس ساع
قاتلها صاحبتها ماتعطيهش المود باس وماتقفليهش واذا ماعجبوش الحال نورمال يروح ويخليكن يعني سبحان
الله عالم افتراضي نخرب على جالتو حياتي، يعني بمجرد مارايحة نبدا حياة جديدة مع شخص نفضل نغلق عليا اي
باب يجيني منو ضرر حتى ولو ماكنت مدايرة والو، خاطر رانا عارفين مليح الضرر لي يجي من هاد المواقع وبالتالي
كي يقولك راجلك اقفلي فايس بوك نورمال بالعكس حاب يحميك ليس إلا ماش معناها انعدام ثقة ولا ونفس
الشي للهاتف، مثلا شخص شاف طفلة عجبتو ومتربية وكلشي باه يقطع اي شك وباه يقطع اي ماضي لهاد
الطفلة يبدلها الشريحة تاع التيليفون خاطر يهمو المستقبل ومايهموش الماضي وإلا شايف بلي عندها صحابات
بزاف ورايحين يفسدو عليها يولي يقطع علاقتها بيهم، يعني هاد الامور تجيني عادية انا، اي حاجة تاع صلاح
وتحسسني بلي راهو خايف عليا منها نقطعها خلاص وبدون تردد خاصة اذا كان الشخص المناسب يعني
نبدا صفحة جديدة كيما قلتي وعادي ماعنديش مشكل ^^ المهم يحافظ عليا ويكون معايا رجل هادا هو الاساس
شكرا ختي على الموضوع
تقبلي مروري
