قلة التربية عند البنات راهي دايرة حالة في الليسي تاعنا

[~أمِيرَة الخَجل~]

السلام عليكم ورحمة الله وبركاته
انا جديدة معاكم غير الي مارحبش بيا يرحب بيا هنا هههه
وش حالكم لاباس ان شاء الله تكونو في تمام الصحة والعافية
اليوم جبتلكم ظاهرة مقلقتني بزاف والي هي تصرفات بعض البنات
انا نقرا في الليسي وكاين مجموعة من البنات حشاكم كي القردات
هوما لابسين الخيمار والحيجاب (هاذاك لازم يلبسوه زعما باش
يحاولو يغطو بيه فعايلهم) بصح دايرين علينا حالة كبيرة
حتى اخر نهار عطلنا فيه , هيا حنا كملنا عدينا الامتحان وهيا جاء
المراقب العام وقالنا اخرجو برا بويسك حنا كنا نستنو في صديقاتنا الي مزالو يعدو
هيا هاذو البنات هزو رواحهم وخرجوا لبرا حذا الباب نتاع الليسي وهاذاك الصوت يشرقع
وهاذيك الضحكة بالصوت العالية خارجة منهم حاشاك
زادو شوية جاتهم الجنية بداو يعيطو للحاجب باه يفتح الباب
بقاو يعيطو قريب نص ساعة مالا فتحلهم وقاللهم اسكتو يا المش متربيات
الطفلة الزعيمة الحنطويلة تاعهم ما طاقتش في روحها بدات تقول ( يا الرخيص انت الي ما رباوكش
أهلك يا الي ما تسواش امشي تفو عليك يا الخامج لوكان جيت قدامي نمدلك بكف نصرعك
عمبالك راني ساهلة امشي موت ليك و الي رباوك يا الي ماتسواش..)
وبزاف كلام والله حنا حلينا فمنا وبقينا نتفرجو على التبهديلة
حنا عارفينها ما تسواش هي اصلا مطرودة من ليسي أخر
و السبب : رمات بيضة على الأستاذة ...
رانا ماش مصدقين واش هاذا الي خارج منها تلبس الحيجاب فترة معينة
ونلقاوها في السمانة الاخرة تبدل وتلبس السروال الضيق وتتمختل بيه يا لطيف
انا الصراحة أول مرة نشوف وحدة كيما هاذي وتلبس تاني الطبلية المزيرة
لوكان تشوفوها تقولو هاذي تجي على وحدة تقرى في الاولى ابتدائي
واش هاذ الآفة البشرية يا لطيف منها ومن أمثالها اللي هم سبب في فساد مجتمعنا
حبيت نتناقشو في هاذ القضية انتاع قلة التربية عند البنات في المدارس
آآ صحا ونشوف فيها سعات و مرة هي وصحباتها الرخيصات
يناديو الذراري بصوت عالي وما يحشموش في كل بلاصة ..
~
ونسيت نقلكم على المكياج الي راهو مغطي وجوههم
ايا واش تقولولي عليهم وآسكو كاين الي كيفهم في منطقتكم ؟
ربي يسترنا ويستركم خاوتي​

 

[zohor kfz]

رد: قلة التربية عند البنات راهي دايرة حالة في الليسي تاعنا

ربي يلطف بعبادو
كل وقت راهم يخرجو جيل اعظم ملي قبلو
اختي انتي التهاي بقرايتكي و بلاكي تقربي ليهم و الله غير يحوسو يوسخو اي وحدة خاطيها

 

[ليليا مرام]

رد: قلة التربية عند البنات راهي دايرة حالة في الليسي تاعنا

السلام عليكم اهلا وسهلا
نرحب بيك وبموضوعك ونهنيك لانك من جيلهم وراكي رافضة التصرفات هذي والله يا اختي واش نقولك انا نقولك اللوم مش على البنات على ماليهم وين راهم ؟ هذي المسترجلة اللي تحكي عليها وين خوها وين باباها عمها او خالها وين راهم ما عندهاش رجال فالدار راني نشوف فالبنات بنات ارامل ومطلقات والله متربيات خير من اللي عندهم عشر رجال فالدار حاشا البعض اكيد
انا نقول اللوم مش على البنات وبرك اللوم على المجتمع وعلى اهليهم بالدرجة الاولى الطفلة اللي من المفروض صوتها برا ما يخرجش رجعت راجل فالزنقة وتدابز وطيح وتسب الكلام كالرجال واش تستناي منها هذي مرة حجاب ومرة سروال هي فروحها وين راحت ما لقاتش روحها راهي هاملة وغافلة على روحها شوفي نقولك هذي تافهة وصدقيني ما دير والو فحياتها وتلقى روحها كالبليغة نتاع الحمام اللي جا يلبسها الله يهديها ويهدي اشكالها شكرا لك

 

[Salah eddin]

رد: قلة التربية عند البنات راهي دايرة حالة في الليسي تاعنا

لا حول و لا قوة الا بالله
ياودي هذي الظاهرة راها في كل مكان
ساعات نعود مريح برايجو عاقبين بنات و يضحكو و رافعين اصواتهم لا حيا لا حشمة
الله يهدي و خلاص
و
بارك الله فيك يا اختي
و
شكرا
​

 

[hadil2044]

رد: قلة التربية عند البنات راهي دايرة حالة في الليسي تاعنا

اولا مرحبا بيك معنا
راهم في كل بلاصة مش غير تاع السيات زعما اللي في جامعة كبيرة والو تصرفاتها لا علاقة
واكثر حاجة تحمصني في المزوجات خلي البير بغطاه

تقبلي مروري
​

 

[~أمِيرَة الخَجل~]

رد: قلة التربية عند البنات راهي دايرة حالة في الليسي تاعنا

ربي يلطف بعبادو
كل وقت راهم يخرجو جيل اعظم ملي قبلو
اختي انتي التهاي بقرايتكي و بلاكي تقربي ليهم و الله غير يحوسو يوسخو اي وحدة خاطيها

اهلا بيك اختي في موضوعي
والله كيما قلتي الاجيال راهي كل مرة تخرج بشكل
بصح انا ما رانيش منهم جامي
نورتي اختي و شكرا لك :regards01:
​

 

[~أمِيرَة الخَجل~]

رد: قلة التربية عند البنات راهي دايرة حالة في الليسي تاعنا

السلام عليكم اهلا وسهلا
نرحب بيك وبموضوعك ونهنيك لانك من جيلهم وراكي رافضة التصرفات هذي والله يا اختي واش نقولك انا نقولك اللوم مش على البنات على ماليهم وين راهم ؟ هذي المسترجلة اللي تحكي عليها وين خوها وين باباها عمها او خالها وين راهم ما عندهاش رجال فالدار راني نشوف فالبنات بنات ارامل ومطلقات والله متربيات خير من اللي عندهم عشر رجال فالدار حاشا البعض اكيد
انا نقول اللوم مش على البنات وبرك اللوم على المجتمع وعلى اهليهم بالدرجة الاولى الطفلة اللي من المفروض صوتها برا ما يخرجش رجعت راجل فالزنقة وتدابز وطيح وتسب الكلام كالرجال واش تستناي منها هذي مرة حجاب ومرة سروال هي فروحها وين راحت ما لقاتش روحها راهي هاملة وغافلة على روحها شوفي نقولك هذي تافهة وصدقيني ما دير والو فحياتها وتلقى روحها كالبليغة نتاع الحمام اللي جا يلبسها الله يهديها ويهدي اشكالها شكرا لك

اهلا بيك اختي نورتي
ههه كلمة المسترجلة نسيت نقولها انا قلتيها
جات في بلاصتها
كيما قلتي تلقى روحها كالبليغة نتاع الحمام
خليها هي وامثالها يعرفو معنى افعالهم
دوك الايام توريلهم
وربي يهدي ما خلق
تشرفت بيك اختي وشكرا لك:regards01:
​

 

[~أمِيرَة الخَجل~]

رد: قلة التربية عند البنات راهي دايرة حالة في الليسي تاعنا

لا حول و لا قوة الا بالله
ياودي هذي الظاهرة راها في كل مكان
ساعات نعود مريح برايجو عاقبين بنات و يضحكو و رافعين اصواتهم لا حيا لا حشمة
الله يهدي و خلاص
و
بارك الله فيك يا اختي
و
شكرا
​

اهلا بيك اخي نورت
ايه شفت وين وصلت قلة التربية
ربي يهدي
شكرا لك :regards01:
​

 

[Hakan]

رد: قلة التربية عند البنات راهي دايرة حالة في الليسي تاعنا

السلام عليكم اهلا اختي لجديدة ان شااء الله بخير
واش نقلك اختي يعني صراحة فترة المراهقة هذي شيء
بالفعل عصيب جداا
ساعات نتفكر واش كان يصرى في الليسي اللي كنت نقرى فيه نقول سبحان الله
فرق جد كبير بين الجامعة والليسي والمتوسط
كاين بنات كانو ما يصلحوش ومن بعد سبحان الله كبرو استعقلو وراحلهم الهبال
وكاين اللي كانت لاباس ومن بعد انحلال خلقي 180 درجة
ربي يجيب الخير رك انو صح صح مشكل التربية مشكل عظيم
واش نقول غير ربي يهدي وخلاص
ساعات كي جي فايت على بنات الليسي نقل واشمن حياء هذا منعم تمام
يعني خلافا لفتيات نتاع الجامعة فيهم شوي ذرة حياء
مي في الليسي يابن عمي مكاين والو ربي يجيب الخير ويهدي ان شااء الله​

 

[~أمِيرَة الخَجل~]

رد: قلة التربية عند البنات راهي دايرة حالة في الليسي تاعنا

السلام عليكم اهلا اختي لجديدة ان شااء الله بخير
واش نقلك اختي يعني صراحة فترة المراهقة هذي شيء
بالفعل عصيب جداا
ساعات نتفكر واش كان يصرى في الليسي اللي كنت نقرى فيه نقول سبحان الله
فرق جد كبير بين الجامعة والليسي والمتوسط
كاين بنات كانو ما يصلحوش ومن بعد سبحان الله كبرو استعقلو وراحلهم الهبال
وكاين اللي كانت لاباس ومن بعد انحلال خلقي 180 درجة
ربي يجيب الخير رك انو صح صح مشكل التربية مشكل عظيم
واش نقول غير ربي يهدي وخلاص
ساعات كي جي فايت على بنات الليسي نقل واشمن حياء هذا منعم تمام
يعني خلافا لفتيات نتاع الجامعة فيهم شوي ذرة حياء
مي في الليسي يابن عمي مكاين والو ربي يجيب الخير ويهدي ان شااء الله​

اهلا بيك اخي نورت
حنا راني شايفين الكوارث تاع قلة التربية
ربي يسترنا
تحياتي :regards01:

​

 

[باتنية و نص]

رد: قلة التربية عند البنات راهي دايرة حالة في الليسي تاعنا

راكي قلتيها مشي متربيات
انا اصلا ضد كلمة "مراهقة"
المراهقة ممكن تكون في الجانب العاطفي
اللي من خلالو تنجر طفلة بريئةوراء كلام صحباتها
او تغر بيها رفقة السوء
وفي هذه الحالة اذا كانت لبنت بنت فاميليا مع لوقت رح تفيق وترجع لاصلها وتستعقل
اما انك تمشي وتعيطي فالطريق وتسبي اللي كثر منك!!

وخاصة الاساتذة ...كناا اذا كرهنا استاذ معين واذا طرنا طرنا اسوأ شيئ ممكن نعملوه هو نهبلوه فلقسم
لكن عمرنا متوصل بينا الوقاحة لدرجة نضربوه !
وبالنسبة للبس قلناها مرارا وتكرارا..مهوش مقياس
والدليل صرات معيا اليوم فالجامعة
فاتت عليا طفلة لباسها محتشم ما شاء الله زمان لحقها واحد حكم جبدلها 3 تلفونات قالها تتمسخري بيا! وضربها بكف
اتصوري نتي باباك عمرو مهز يدو عليك
باش يجيك واحد متعرفي لا اصلو ولا فصلو يضربك
لكن لوكان مشي هي اللي وصلت روحها مكانش هز يدو عليها

انا عندي قناعة انو حتى لو تجيبي خريج سجون
لما يشوف طفلة محترمة رح يحطها فوق راسو وجامي لا يضايقها ولا يقولها كلام مش مليح

علعموم ربي يهدي بناتنا ويستر عليهم
اغلب الحالات اللي يديرو هك تلقايهم يعانو من رقابةشديدة فالبيت ومعاملة مش مليحة
لكن هذا مش مبرر ومش سبب يخليك تواجهي مشاكلك بطريقةسلبية

مرحبا بك اختي
بداية موفقة
تحياتي

 

[Princesse Diyor]

رد: قلة التربية عند البنات راهي دايرة حالة في الليسي تاعنا

اهلا بيك اختي اولا

ثانيا و الله هذوم هوما بنات الجيل هذا لا تربية لا اخلاق لا احترام

و اكيد كاينين عندنا ايضا و في كل مكان و كل واحدة تؤثر علة وحدة باش تعود كيفها
ربي يسترنا و يحفضنا
شكرا على الطرح القيم
​

 

[ضآحكة مستبشرة]

رد: قلة التربية عند البنات راهي دايرة حالة في الليسي تاعنا

اهلا اختي
و رمحبا بيك
راكي دخلتي دخلة قوية
و الله هاد النوع من البنات كاين في كل ربوع الوطن متخميش ههههههه
ربي يهدينا و يسترنا و يبعدنا على الصحبة الصالحة
الانسان يعس روحوا و الناس الخامجة يبعد عليهم و خلاص
بويسك مبقاش لمان و ربي يجيب الخير
ان شاء الله من هاد العام نتهناو من جد الليسي و نروحوا للجامعة
و تم يعود واحد ما يتلهى في خوه
نورتي​

 

[فيتامين سي]

رد: قلة التربية عند البنات راهي دايرة حالة في الليسي تاعنا

مرحبا بيك حنونة معانا
ان شاء الله تستفادي معانا و نستفادو من عندك و متمليش منا حنا طيوبات بزااااف و حبوبات و عاقلات ^^نشكر روحي هع هع هع ^^
يا اختي حتى انا عام لي فات قريت في ليسي ...للاسف اسوء ليسي في جزائر هو لي قريت فيه كون نحكيلك تنخلعي
انا و اختي نلبسو حجاب طويل و خمار لا الوان لا خرطي لا مكياج املا والله الى مرات نجو داخلين يسبونا الحراس ولا ليسورفيو كون اي حاجة يبهدلوك ماشي مربية و واحد الكلام تجي داخلة مولات الميني بنتي و حنونتي واش راكي و يبدو يذلقولهم
هنا مكناش مادينلهم قيمة لا رشوة لا والو معجبهمش
تامني بلي ادا هذي قاست بيضة حنا مدخلين لي ضاربينهم
بو منحكيلكش على الشراب لي يدخلوه و المخدرات هذيك قصتها طويلة مي مدير حيوان حشاك و الادارة ماشي متربية
تامني الادارة ميخافوش ربي كي تكوني حدك حد روحك يتبلاوك
منقولش غلطة في البنت مراهقة غلطة لي دخلها في الليسي روح ربي بنتك عاد حطها تقرا و الادارة يخصهم اعدام ديراكت
مرة في القسم وحدة تبلات اختي (اختي تقرا الله يبارك ...الاولى في قسمها ..متحجبة متهدرش مع ناس عندها صديقة وحدة برك املا كي مقدرولهاش جات بدات تسب و تضرب تاضت مدابزة كي جابت دارنا واش بداو يكدبو بلي اختي قالت كلام و دارت ستناو رشوة كي مكانش ناضو يخلطو و هذي لي دابزت معاها مطرودة من ليسيها و مسترجلة و تخدم في دعارة و عادي دخلوها درك ليسيات ميخلوكش تقري
نوكلو عليهم ربي
الادارة يخص يعدموهم ولا يدفنوهم لا اخلاق لا والو ...مدخلين كامل مطرودين لي في وهران و حنا كون ىوطار 1دقيقة يبهدلك و هدوك كل يوم غايبين زيد طياحة نو عادي عادي ياك خلصو باش دخلو
و اولياءهم حاسبينها روضة المهم ولده راه في ليسي
ربي يسترنا و يحفضنا برك
بعدي عليهم قد ما تنجمي متاكلي من عندهم و لا تحكي معاهم ولا تمديلهم حجاتك هدو شياطين بشرية