ما تغفلوش على فضل يوم الجمعة

[أم منيــــــر]

السلام عليكم
مساؤكم خير و بركة
ليامات لي فاتو كان عندي دخول قليل للمنتدى بسبب ظروف و مشاغل
اعذروني كامل لي ما رديتش على مواضيعكم
شحال من حاجة فاتتني و ما شاركتش فيها كما عضو يحكي على طفولتو نتع مالك
ما شاركتش نقولو اعذرني ولدي نهار حبيت نشارك لقيت الوقت فات و الضيافة كملت الله غالب:d
المهم
حطيتو هنا مواضيع بزاف تحكي على الاعضاء و المنتدى وبزاف صوالح
و انا تاني اليوم حبيت نهدر على واحد الحاجة لفتت انتباهي
كنا نهار الجمعة كي ندخلو للمة نلقاو المشاركات الجديدة اغلبها على يوم الجمعة
و فضلو و الادعية المستحبة في هاد اليوم المبارك و اليوم ما بقاش هداك النشاط و علاش ؟ ما نعرف :s
ما تقولوليش مشاغل و كدا و كدا 5 دقايق ما زادت ما نقصت تكسب فيها حسنات
انا نهار الجمعة نكون مشغولة جدا و هاد الشي ما يمنعنيش باش نسرق 5 دقايق
ندخل نشارك باي شي و من بعد نرجع نكمل شغالاتي
تدخل دير دعاء ول خاطرة ايمانية ول اي شي عندو علاقة بهاد اليوم العظيم
المهم نفيدو و نستفادو و نتعلموا من بعضنا و نذكروا بعضانا
و نكسبو حسنات و الله عز و جل يجازي الجميع
ما تنساوش نهار الجمعة تدخلوا و تورونا واش ديرو
خليتكم بخير :-r


​

 

[لؤلؤة قسنطينة]

رد: ما تغفلوش على فضل يوم الجمعة

السلام عليكم
تم الاعتماد أمي الغالية
وموضوع مميز كعادتك
نغغيب دقائق ونوعدك لا كتب ربي بالرجوع
لي عودة ان شاء الله
​

 

[الحلم الوردي]

رد: ما تغفلوش على فضل يوم الجمعة

السلام عليكي طاطا
ان شاء الله راكي مليحة
ايه اكيد يوم الجمعة فيه حوايج بزااااااااااااااف
ومنها باش العبد يتقرب من ربه
وزيد نتاع الصح قل هد النشاط
مي انا عن نفسي
ديما نقرا سورة الكهف
ونصلي على سيد المرسلين
واحمد واستغفر الله كثيرا
واحمده على كل تانعم
كل الشكر لكي طاطا
ان شاء الله منغفلوش على يوم الجمعة
​

 

[ليليا مرام]

رد: ما تغفلوش على فضل يوم الجمعة

السلام عليكم
اختي ام منير موضوع هايل فعلا الله يجازيك يا رب
راح نكونو فالموعد ان شاء الله اكيد شكرا لك

 

[الزهرة الحمراء]

رد: ما تغفلوش على فضل يوم الجمعة

السلام عليكم خالتي ام منير
اولا يعطيك الصحة على الموضوع والتنبيه وجعله الله في ميزان حسناتك
صح مرات نغفلو على فضل يوم الجمعة
ونشفى حتى فاللمة كان كاين موضوع تاني ولي هو كل عضو يدخل ويحط ملخص على موضوع الخطبة فالجامع وين صلى
نتمنى يعاود يرجع الموضوع
وان شاء الله رايحين نكونوا فالموعد
بوركت خالتي
تحياتي​

 

[شتيلا]

رد: ما تغفلوش على فضل يوم الجمعة

موضوع وتذكير رائع اختي
ربي يجازيك كل خير

 

[تـريـــاق المحـبـة]

رد: ما تغفلوش على فضل يوم الجمعة

شـــكــرا لـــك ..بـــوركـــتـــي ​

 

[السلطانة]

رد: ما تغفلوش على فضل يوم الجمعة

وعليكم السلام
اهلا خالتي الغالية
معكي حق موضوعك هذا يفكرنا جميعا بفضل يوم الجمعة ونرجعو ننصحو بعضانا ونربحو الاجر

وعندنا تاني حنا النساء ركن التوعية الدينية النسائية علاش منستغلوهش في امور تهمنا حنا النسا والبنات في امور الدين

ركن التوعية الدينية النسائية

 

[MOHAMED LAMINE7]

رد: ما تغفلوش على فضل يوم الجمعة

بارك الله فيكم ام منير

 

[Malika Tlm]

رد: ما تغفلوش على فضل يوم الجمعة

مساء النور اختي
والله عندك الحق رانا نشوفو مواضيييييييع كتيرة ماشاء الله تنشط اللمة
مي باش يدخلو خاوتنا ويديرو دعاء ولا تدكير ولا موعظة تلقايهم غايبين
لالا خاوتي هدي هي الصح نكتسبو حسنات ووعيو بعضانا
ربي يهدينا لطريق الخير
تحياتي لك موضوع مهم

 

[لؤلؤة قسنطينة]

رد: ما تغفلوش على فضل يوم الجمعة

السلام عليكم
شكرا امي الغالية على الموضوع المميز
بارك الله فيك
وشكرا على التنبيه، فعلا حنا هدفنا هنا في اللمة انو نوعيو بعضانا وننصحو بعضانا
وننبهو بعضانا وخاصة انو يوم الجمعة فيه دعوات مستجابة ويوم مبارك
يعني دقائق نجمعو فيها الحسنات ماش رايحة تعطلنا ولا تاخذ من وقتنا
وكيما قالت ماجدة كاين مواضيع مخصصة ليوم الجمعة دارها الاخ جليلو نظن
بالاضافة لركن التوعية النسائية كما ذكرت اختي ام ياسمين
ان شاء الله نتبعو تنبيهك ونزهيو لمتنا يوم الجمعة
شكرا ربي يحفظك وجزاكِ الله خيرا
تحياتي
​

 

[ضآحكة مستبشرة]

رد: ما تغفلوش على فضل يوم الجمعة

السلام عليكم خالتو ام منير
نورتي القسم مرحبا بيك
ان شاء الله يا خالة
الظروف برك راهي منعتنا ان شاء الله اليامات الجايين رح نتفكروا و ندخلوا نشاركوا بقية الاعضاء
بكاش ذكر ولا خاطرة ولا همسة دينينة عن فضل يوم الجمعة
بارك الله فيكي و جعلها في ميزان حسناتك​

 

[فيتامين سي]

رد: ما تغفلوش على فضل يوم الجمعة

عندك الحق والله
بارك الله فيك ماماتي
ان شاء الله نهتمو بالجانب لي حكيتي عليه و نستفادو و نلمو الاجر
تحياتي

 

[Hakan]

رد: ما تغفلوش على فضل يوم الجمعة

صح صح خالتي ام منير
يعني مشكلت الاقسام الايمانية ماشي غير في يوم الجمعة مام في الايام الاخرين حتى انا عندي حضور جد باهت لثم
مي عندي مواضيع فيهم ربي يتقبل منك هذا الموضوع ان شااء الله ندير موضوع في يوم الجمعة اذا كان في الوسع ان شااء الله بارك الله فيك خالتي ..​

 

[أم منيــــــر]

رد: ما تغفلوش على فضل يوم الجمعة

السلام عليكم
تم الاعتماد أمي الغالية
وموضوع مميز كعادتك
نغغيب دقائق ونوعدك لا كتب ربي بالرجوع
لي عودة ان شاء الله
​

و عليكم السلام
شكرا على الاعتماد السريع
انت المميزة بردودك لحلوة
في انتظارك حبيبتي
​

 

[أم منيــــــر]

رد: ما تغفلوش على فضل يوم الجمعة

السلام عليكي طاطا
و عليكم السلام حبيبتي ملاك
ان شاء الله راكي مليحة
الحمد لله بخير
ايه اكيد يوم الجمعة فيه حوايج بزااااااااااااااف
ومنها باش العبد يتقرب من ربه
نتمنى ربي يتقبل منا جميعا
وزيد نتاع الصح قل هد النشاط
ايه نتع الصح قل النشاط
لما يكون القسم ناشط يحفز باقي الاعضاء باش يشاركو
مي انا عن نفسي
ديما نقرا سورة الكهف
ونصلي على سيد المرسلين
واحمد واستغفر الله كثيرا
واحمده على كل تانعم
تقبل الله منك و منا جميعا
فعلا الواحد مالازمش يتهاون على امور دينو
و يوم الجمعة فيها اجر و ثواب لازم ما نضيعوههش
كل الشكر لكي طاطا
لا شكر على واجب
ان شاء الله منغفلوش على يوم الجمعة
​

الله يثبتنا على الدين و الطاعة و الله يجعلنا من الفائزين
شكرا لمرورك العطر
​

 

[أم منيــــــر]

رد: ما تغفلوش على فضل يوم الجمعة

السلام عليكم
اختي ام منير موضوع هايل فعلا الله يجازيك يا رب
راح نكونو فالموعد ان شاء الله اكيد شكرا لك

و عليكم السلام
بارك الله فيك
ربي يجازي الجميع كل خير
ان شاء الله
شكرا على المرور الطيب
​

 

[أم منيــــــر]

رد: ما تغفلوش على فضل يوم الجمعة

السلام عليكم خالتي ام منير
و عليكم السلام و رحمة الله و بركاته
اولا يعطيك الصحة على الموضوع والتنبيه وجعله الله في ميزان حسناتك
الله يسلمك
آمين يا رب العالمين
صح مرات نغفلو على فضل يوم الجمعة
و هدا لي مالازمش يكون حتى نبهوا بعضانا
ونشفى حتى فاللمة كان كاين موضوع تاني ولي هو كل عضو يدخل ويحط ملخص على موضوع الخطبة فالجامع وين صلى
نتمنى يعاود يرجع الموضوع
و الله هادي فكرة طيبة جدا يا ريت ترجع
وان شاء الله رايحين نكونوا فالموعد
ان شاء الله
بوركت خالتي
الله يبارك في عمرك حبيبتي
تحياتي​

يعطيك الصحة على كرم المرور
​

 

[sosobibicha]

رد: ما تغفلوش على فضل يوم الجمعة

سلام عليكم
نور القسم بوجودك خالتي ام منير
كلامك صحيح و مرات نغفلوا على هذا اليوم المبارك ان شاء الله يعود النشاط و الاهتمام
بارك الله فيك على الموضوع المميز و القيم
جزاك الرحمن خيرا ان شاء الله
تحية لك :regards01:​

 

[أم منيــــــر]

رد: ما تغفلوش على فضل يوم الجمعة

موضوع وتذكير رائع اختي
ربي يجازيك كل خير

بارك الله فيك
ربي يجازينا جميع
​