ارواحو تشوفو من 2007..

[السلطانة]

واش راكم واش حوالكم ان شاءلله راكم بخير
الله يبارك ماشاء الله واش راك تهدر هاذ الايام
ناشط بناسو يعطيكم الصحة

ويبقى هذا المنتدى افضل منتدى عندي هنا في اللمة
لأني عشت فيه أحلى أيامي
مع أحلى اخوة وأخوات
ربي يحفظهم حاضرين ولاغايبين

ونحيي لاكليك تاع واش راك تهدر لي شجعوني وسخفوني باه نعاند و نكتب

لاعلينا نرجعو للموضوع

موضوعي اليوم يحكي خاصة على الجيل الذهبي
لي عاش هذاك الوقت الرائع

نقدرو نقولو الجيل تاع السبعينات ولا اواخر السبعينات والثمانينات والتسعينات حتى سنة 96
يعني اخر جيل قرى نفس برنامج الابتدائي هههه
قبل مايبدلوه
ولحقت عليه التكنولوجيا والنت
يعني الجيل المخضرم هههه
ومكنلاه جيل ال 3 جي ولي قراو سنة 5 ابتدائي ينطق ويقول احنا الجيل الذهبي
لأني نفوت ليكم نعطيكم خبطة خبطة

راني نضحك برك ابقاو على روحكم قرعجو وشاركو في الموضوع باه تتعرفو على جيلنا :bravo01:



نرجع بيكم شوي للور
10 سنوات !
lol
تشفاو منين شاعت النت في دزاير هههههههههههههههه
ايواه هيا قولولي واش كنتو تعملو فيها ؟
انا مثلا نشفى على روحي 2007
نفتح عمي غوغل نبقى نخزر فيه
أصلا كنت نتعارك مع خويا
على الميكرو تاع البيرو ههههههههه شكون يدير فيه ويجي بابا يطيرنا هو تاني كان يقرى الجورنال ويزاحمنا في النت وماما تاني تجي هي تحب تدير فيه
نرجع ليا انا كنت دايرة سكاي روك ونكتب فيها بالفرونسي ونروح نسرق من تاع الgور هههههههههههههههه /ومدونة بالعربية للاشعار /ونروح نسجل في المنتديات الخليجية وننسى المود باس هههههههههههههه ومعرف واش
ومرات نحوس على دروس تهمني وقتها كنت نقرى في الجامعة
منيش عارفة هاذا واش كنت ندير في النت
نزيدو شوي في السنوات 2009
هنا زعم تحلبت ههههههه ودرت فايس بووك
باسمي واللقب الله يبارك
مكنتش فاهمة اصلا واش هو هههههههههههههههه
هيا سجلت وخلاص وماكانش شكلو كيما درك ام الجماعة لي كانو فيه داك الوقت يتفكروه كيفاه كان هههههههه
وتاني ندخل فيه منيش عارفة واش ندير نكتب ونحط التصاور
الوقت داك مازال ماخرجتش حاجة اسمها صفحات وقروبات
كان مارك في ذاتو ماشي محلب

الوقت داك سجلت في اللمة وسكنت فيها
بعد ماكنت نقرعج عليها برك وعلى ناسها وفتت سجلت في الشروق ولاواش اسمو ههههههههههههه ودرت مواضيع وتشهرت تم مباعد بانلي صامط ايا تلعت
وقلت خلينا في اللمة
فتحت سكايب واماسان
لي كون نسقسيو الجيل الجديد واش معناها تكوناكتي في لاماسان وتحكي بيه ميفهمش ههههههههه
والسكايب ههههه عمي السكايب كان حاجة كبيرة وقتها
وتاني تفكرت وقت الماتش تاع ام درمان هههههههههه
واش درت حروب مع خاوتنا
في المنتديات مرة منتدى خليجي
حظروني وخلاو بتّ مصغيّة

ايه وفي اللمة تاني كان صاير النش وحروب مع جيراننا هههههههههههه

مباعد قوى الفايس بووك والناس عرفتو كثر
2010 2011
ولفوق اطورت الحالة
طبعا مبقيتش باسمي متحسبونيش بهلولة هههههههههه
والحاجة لي مفهمتلهاش لدرك هو التويتر
اصلا كي نشوفو نتفكر أحلام الاماراتية ولاواش يسموها هههههههههه هي لي تقول تابعوني على التويتر تبا
قررت اني منتعلموش فتحتو مرة وبقيت نخزر فيه وهربت من تم

وبعدها ظهر لانستغرام والvيبر والواتسب وماتبعهم
مي ميكونوش بحلاوة لاماسان والسكاي روك ههههههههههههه


هاذي قبل 10 سنين برك
الوقت تبدل بسرعة من ناحية النت
هاذ المشاعر يفهمهم غير الجيل الذهبي المخضرم
لي نقدرو نقولو عليه جيل محظوظ عاش حقبتين
اتمتع بطفولتو وعاش مراهقتو وشبابو بالتكنولوجيا

هيا واش رايكم في الموضوع ؟


شجعوني باه نزيد نكتب مواضيع خلاف في بالي افكار

وجماعة موضوع رائع وشكرا
وكم انتِ مبدعة غير بعدوني راني نحظركم

لي يرد في الموضوع عندو باطة القاطو المشهور

​

 

[لؤلؤة قسنطينة]

رد: ارواحو تشوفو من 2007..

السلام عليكم
ههههههههه اهلا اختي ام ياسمين
ضحكتيني بموضوعك رجعتيني للزمن الجميل زمن النية بارك الله فيك
انا صراحة في سنة 2007 مازال مادخلش النت لدارنا كنت نشوفو من عند خالتي برك
كان السكايروك كيما قلتي والأماسان من بعد في 2011 دخلنا النت للدار
وكنت تما فاتحة ديجا فايس بوك هههه وكي درنا النت وليت نكونيكتي من الدار
شحال كنت فرحانة النهار هاداك ههههه وكان الفايس بوك تما ماش كيما درك تلقاي لي عمرهم 5 و6 سنين فيه
وتما بعد تعرفت على اللمة ودخلتلها بإسم خلاف بصح من بعد نسيت المود باس هههههه
بعد عامين وليت دخلتلها بهاد الاسم
واسكتي برك حكاية ام درمان انا كنت ندخل لموقع الام بي سي كانو فاتحين تما التعليقات حتى ولو ماش مسجل
نخليلهم تعليقات قد الجرنان ونروح هههههه
يعني يامات مايتعاودوش صح وكل عام يمشي زيد تروح حلاوتو معاه
شكرا اختي ام ياسمين ربي يهنيك
وراني جاوبت يسمى ندي القاطو ههههه
تحياتي
​

 

[بنقابي افتخر]

رد: ارواحو تشوفو من 2007..

هههه إيه فكرتيني
بعمي قوقل كيكان مسكين كان عاقل
ولا هاديك المنتديات الخليجيه خخخخخخ ندخل ونزيدش نخرج هههههه
فعلا جيل ذهبي​

 

[أم الأولاد]

رد: ارواحو تشوفو من 2007..

هههه جزت نوكل من القاطو المشهور تاع الشيكولا وغدوة من داك نعمل رد باهي

 

[فيتامين سي]

رد: ارواحو تشوفو من 2007..

اوه انا كنتت طفلة ههههه 2007 كنت اولى متوسط مي هكدا و قريت 6 سنين في ابتدائية نهاية الجيل الذهبي لي قرينا على ليلى و سلمى لي راها تزوجت نورمالمو
اوه الاماسان كان عندي بلاك 10 اول واحد حلهلي خويا و مبغاش يعلمني وليت نقوله نسيته كل يوم نسيته ورقة تودرتلي راح كتبلي في ورقة طريقة هع هع هع كي تحلي ديري هذي تخرجلك هذي دخلي هنا من بعد هنا
من بعد حليته كنت نحكي مع ولد خالي كنت مهبلاته كانو هدوك ميكيات (ايموتيكون) نقوله مين تجيبهم يرسلي slt غوز و حروف ملونين و انا حالة فمي
نعقل 2008 كنت سنة تانية متوسط كنت مشرفة في منتدى كانو يديرو مسابقات ندهل للمواقع وحدخرا و نسرق صور نشارك بيها مرات نربح مرات يربحو فلسطينية
كنت باش نكتب جملة ب 66 كشفة و انا نحوس على الحروف
و مننساش العاب طبخ و تلبيس درت فيهم رايي تاع صح مخليتش لعبة ملعبتهاش
و مننساش zoo tycoon لي نخدم حديقة و كي نكره نطلق عليهم السبع زكارة فيهم
في 2009 سجلت في اللمة مي مطولتش و خرجت كنت نحل بزاف و ننسا المود باس و نعقل واحد المنتدى دخلت نهبلهم حتى حضروني شحال غاضتني مخلاونيش نهبلهم بزاف
من بعد 2011 رجعت للمة مي مطولت و من بعد وليت زائرة
و فاسبوك خويا زعما الكبير عليا حالف فيا منحلش تقول واش راح ندير بيه حتى في الليسي اولى ثانوي ختي عندها بورطابل قالتلي نحلو هع هع هع خلطناها وحدنا و حلينا مكنت نعرف والو من بعد شحال قلناله عندنا و مدار والو
تاني في السيام.........
نتفكر تاني كان يقوللنا تديرو اي حاجة نفيقلكم غير نكملو يدخل لايستوريك و يشوف واش درنا واحد المرة ثالتة متوسط خرج صباح و كنا قريب اختبارات مدولنا اسبوع باش نحفضو قلت لماما خلينا نلعبو اليوم من قعدنا قلت لاختي لازم نكتشفو كفاش يعرف واش نخدمو و بعد عناء طويل عرفنا و نضنا نقزو و نغنو و ماما تضحك علينا
كي جا محينا كلش حتى نسمعوه يعيط و حنا من بعيد نضحكو

.............مي مكانش كما لعبة vcd و العابه و اللعبة لي قبلهم تجي فيها كابوس و تصيد الحمام و ماريو هداك اه خير من نت كومبلي متكرهش منه ابدا ابدا

 

[Amine7N]

رد: ارواحو تشوفو من 2007..

​

السلام عليكم
مين قلت 2007 تفكرت السكايب ديراكت
وغرف الدردشة
واحد يحكي ع مشاكله
ولاخر مالقى مايدير دخل يقصر
يامات زينة صح
واللمة تبقى عزيزة بزاف
المنتدى الوحيد اللي بقيت نحبه
راني كل مرة نلقى جيل جديد
مي شرطية اللمة مازلت هي هي !

إن شاء الله اللمة تبقى ديما

 

[ضآحكة مستبشرة]

رد: ارواحو تشوفو من 2007..

السلالام عليكم و رحمة الله شوشو
مشكورة عالموضوع رجعتينا لايام الخوالي و البكاء على الاطلال ههههههههه

انا في 2007 كنت صغيرة كان عمري حوالي 9 سنين مي متخافيش عليا
كنت نعرف للنت معرفة حقيقية و واحد ميدهالي في العاب التلبيس ههههههه
كل العاب التلبيس و الطبخ في هداك الوقت لعبتها و دوكا يجيو يقولولكم بايرات ميعرفوش يطيبوا
و انا من صغري نطيب ههههههه
و نهار لعبت الجزائر مع ام درمان تمى بدات مغامراتي مع كرة القدم
كنت منفهم فيها والوووووووو و هداك النهار لي ضربوا المصريين الجزائريين لقيت بابا في موقع كوورة يدور
و مبعد من تم رفدت عقلية عليه ههههههه بابا مهبول بالبالون
و ام درمان ام درمان يامات ما تتنسى و الهول و الروبلا لي درناها روعة
و اول مرة بديت نسجل في المنتديات كانت حوالي 2011 و ين بابا سجلنا في منتدى الجلفة باش نقراو فيه
و من تم تعلمت كيفاش نستخدموا
و من زدت سجلت في منتديات تاع ريال مدريد و منتديات شرقية و توليت اعلى المناصب تم ههه
و الفيس بوك كنت من 2012 و انا نسجل فيه و مكنتش نعرفلوا
و في 2013 فتحت حساب رسمي للفيس بوك و راحلي غير كيمافي 2016 دوماج شحال غاضني
التويتر عندي واحد و صافا نعرف تخدم بيه شوية
اما السكايب و الفيبر و مشتاقاتو و الانساقرام هادوا جامي روحت جيهتم
اصلا دوكا عندي منتدى اللمة و الجلفة و الفيس بوك و القدام
و اللمة قدام الفيس بوك متبانش خلاص
و توحشتك هاد الصوالح تاع بكري
كي نشوفهم نتفكر ايام الزينة ههههههههه


​

 

[الزهرة الحمراء]

رد: ارواحو تشوفو من 2007..

السلام عليكم غاليتي
هههههه في واش فكرتينا نسيناهم كامل صح
انا المرة الاولى كي شفت العنوان في بالي رايحا تحكي على لي ميكي لي كنا نشوفوهم والمسلسلات ههههه ياحسراه والله صح توحشت هادوك اليامات
وحنا تاني نشفالها كي دخلنا النت وكان الميكرو الكبير هداك هههههه ماتفكرينيش وااااع
ولكن أنا ماحليتش اماسان كامل وتاني سكاي روك
ايا مبعدة بالشوية بالشوية بديت نعرف حليت فايسبوك ونشفالها صح ماكانش كيما هكا كان نورمال المهم كان مبدل
مبعدة ماعجبنيش بزاف الفايسبوك مازدتش دخلتلو حتى نسيت المودباس وكامل مبعدة دخلت للتويتر ايا ساعة ماعجبنيش
ايا دورتها ندور فالمنتديات حتى لقيت اللمة وسجلت فيها حبيبتي

اييييييه والله توحشنا هادوك اليامات صح لوكان غير يرجعو
يعطيك الصحة حبيبة لي فكرتينا فيهم
تحياتي
​

 

[AmiR@RoRo]

رد: ارواحو تشوفو من 2007..

السلام عليكم
هههه الله يبارك اختي شوشو عندك تاريخ حافل مع عالم النت
عيشتينا معاك وش عشتي
ومالقري كامل وش كاين في عالم النت تبقى اللمة احسن وافضل واجمل وارقى وابدع وكلشي ههه
القاطو باينة كملاتو مريم بصح معلش
لعقوبة للموضوع الجاي وحطيلنا قاطو شباب راني نجي انا لولا خخخ
ربي يهنيك

 

[قرصان الساحل]

رد: ارواحو تشوفو من 2007..

اول حاجة نحييك على الموضوع تاع الجيل الذهبي ولا نسميه الجيل البائس تاع الفقر والسعادة ... مي كاينة حاجة ام ياسمين انا راني نروماركي مليار ههه الجيل تاعنا مكانش يقول mama w papa هههه كنا نشرو تريكو كبير عليك باه يلبسو خوك لي موراك -_- ولا التأثر بالجيل الجديد لعبلك بعقلك
ايه نرجعو نحكو على الانترنيت كي بدات كانت تاع 1515 بتلفون فيكس 10 دقايق طلع غوغل يضربوك ب 50 دج .. نشفالها بكري باه تشوف ريزيلطا تاع الباك تلقى كاش واحد في محل يخرج الميكرو ومليار واحد مقابلو يشوف ريزيلطا ههه ويسعدو لي عندو معرفة معاه ... كان السكايب سيد المواقع كي تقول قدام واحد عندي سكايب كي شغل قلت راني رئيس دولة تولي ناس كامل تقول والله فلان راه عندو سكايب.
مي في جيلنا عشنا الحياة دوك كانت حلوة تاع الصح مي دوك او كلش ولا سامط
يعطيك الصحة ختي ام ياسمين موضوعك مميز

​

 

[آمِيْرَتُه]

رد: ارواحو تشوفو من 2007..

السلام عليكم
اهلا شوشو عاش من شاف ستيلوك يسركل هنا خخخخ
المهم فكرتيني نهار حليت فايس بوك بإسمي و لقبي هههه شيعت روحي و مكنت فاهمة والو و كانو شايعين حوايج مش ملاح كنت نظل نستغفر و نحمد ربي أني مسلمة تبا ههههه
و كنت ندور بزاف في منتديات خليجية و مغربية بزاف و وحد المنتدى نعتبره أسمط منتدى جزائري ' الشروق راكي فيه أنت تاني '
بعدها جيت نطلع موقع الخبر الجريدة حتى طحت في اللمة سجلت و نسيت مود باص و عاودت سجلت مرة أخرى في 2011 كنت نحوس على بحث و لقيته هنا ملا كي دخلت قلت آه هذا المنتدى نتاع مكوناكتي ههههه راني لقيته و فرحانة كي شغل لقيت كنز خخخخ و كنت نظل نشيخ في MSN و جماعة لخرى ههه
المهم وقتنا مش كيما وقتهم وقتنا فور بزاف نية مش كيما درك غير الحيلة تلعب
ياريت الوقت يرجع بينا
راني نشجع و نعاود عاودي كتبي لينا :p

 

[Hakan]

رد: ارواحو تشوفو من 2007..

هيهيه يااختي ام ياسمين النت عندي معاها علاقة غرامية من سنة 2005 على ما اضن
مي مكانش عندي ميكرو كان خالي عندو ميكرو وعندو النت وكان ما عندوش الاطفال
نروح انا نبات عندو يعني صراحة انا كنت نتبع غير اليوتيوب والفيديوهات نتاع الرسوم
دراغن بول وغيرو ماكنتش نعرف لهاذ الحوايج طوول
ايا ومن بعد تحلبنا وحصلنا مي الحاجة المليحة في الجيل نتاعنا انو التكنلوجيا انطلقت من
السنوات نتاعنا يعني في الطفولة نتاعنا بدينا نتحلبو وضركا اي جديد رانا رايحين نعرفولو
مايجيكش طفل صغير ويقلك نعرف خير منك ها ها ها
ميرسي خيتو بالتوفيق ..​

 

[حكاية قمر]

رد: ارواحو تشوفو من 2007..

سلام عليكم
راكي جبتيها تعرفي أنا من جيل لي سلك من لخبطة غي بشوي
ذاك الوقت كنت نعرف غي العاب بنات برك
وحتى 2009 عرفت قضية تسجيل في منتديات وسجلت بحال كبرت
شكرا راكي خليتينا نتفكرو يامات زمان

 

[همس الوُرود]

رد: ارواحو تشوفو من 2007..

السلآم عليكم ورحمة الله وبركآته

يآ أختي مآنآش قآدرين على زعآفك ولك دآ موضوع قمة وروعة مآشآء الله

أنآ نشوف معآه والنور يضرب في عينيآ من بريق تألقه

هههه رآني نشوفك خآلطتي النت بالبيآن

أنآ وحدة من النآس ف 2007 كآن عمري 10 سنوآت كنت نحب نلعب مآريو ونلعب ساندريلا وندير الماكياج لباربي

وندخل لGooGle نعرف غير نكتب ألعاب بنات

نبقى فيها شوية ونقلق

ونبقى نراقب فالميكرو ومنين يجي خويا يقعد فيه نولي نبكي ونقولو ينوضلي ونروح نشكي لبابا هههه

كنت وحد الستوووتة و ف 2009 دخلتنآ لحكآية تع الشآت حنآ بنآت الحومة فتحنآ MSN وولينآ نحكيوا فيه ونتمهبلو
ومبعد سنة عرفتني نجلآء ومآريآ فور ألجيريآ وهومآ كآنو صحآبآت فنفس لكلآصة

مآرية صآحبة نجلآء بمعنى صآحبة صآحبتي تجي عندهآ ونجلآء جآرتي تعرفنآ كآنوا ديمآ يحكيوا على اللمة

أيآ دخلتهآ نقرعج عليهم

وليت نقرعج على نآس اللمة لمدة عآم وأنآ ضيفة نشفى كنت ندخل غير هنآ لمنتدى وش رآك تهدر ونشبع ضحك

ومبعد حبست التقرعيج على اللمة و دخلت للفيسبوك من النهآر الأول خوتي نحآوهولي ومخلآونيش ندخلوا

أيآ سجلت فوحد السيت تع البيآر تعلمت البيآر نلعب مع النآس

ومبعد حبست السيت هدآك أيآ وجيت للمة سجلت فيهآ ومن تم وأنآ هنآ مزآل معششة هههههه

أيآ أنآ شكرتك و زدت حكيتلك حكآيتي نورمآلمو 4 بآيط تع القآطو و كوكآ كولآ ~رآهم منعوهآ عليآ فالدآر هههه~

والله يعطيك الصحة ختي صح ضحكتيني و رجعتي بيآ لسنوآت فالمآضي أيآم لآ تنسى ~

سلآم​

 

[السلطانة]

رد: ارواحو تشوفو من 2007..

السلام عليكم
ههههههههه اهلا اختي ام ياسمين
اهلا مريم
هههه تصدقي البارح كامل منلي حليت اللاب توب وانا نجي باه نرد وحصلت في الموضوع
تبكيلي صغيرتي ولا تجيني كاش حاجة تحكمني واخرتها جاو الضياف وروحو مع المغرب هيا جيت فرحانة قلت نخطف شوي ردود
لقيت النت ماكانش ههههههههههههههههه
ضحكتيني بموضوعك رجعتيني للزمن الجميل زمن النية بارك الله فيك
انا صراحة في سنة 2007 مازال مادخلش النت لدارنا كنت نشوفو من عند خالتي برك
هههه تشفاي كان لي يدير النت في دارو يبان حاجة كبيرة ونبقاو نسناو باه نقرعجو عليه
كان السكايروك كيما قلتي والأماسان من بعد في 2011 دخلنا النت للدار
وكنت تما فاتحة ديجا فايس بوك هههه وكي درنا النت وليت نكونيكتي من الدار
شحال كنت فرحانة النهار هاداك ههههه وكان الفايس بوك تما ماش كيما درك تلقاي لي عمرهم 5 و6 سنين فيه
هههه الشعور تاع اول مرة وحدو ههههه
هيا مالا بديتي بالفايس بووك طول هههه
ايه صح درك الدراري عندهم فايس بووك :down:
وتما بعد تعرفت على اللمة ودخلتلها بإسم خلاف بصح من بعد نسيت المود باس هههههه
بعد عامين وليت دخلتلها بهاد الاسم
هههه كانت عندنا الهواية تاع ننساو المود باس معرف علاه هههه
واسكتي برك حكاية ام درمان انا كنت ندخل لموقع الام بي سي كانو فاتحين تما التعليقات حتى ولو ماش مسجل
نخليلهم تعليقات قد الجرنان ونروح هههههه
هههه نشفالها العفسة هاذي تاع الامبي سي خخخخخخ
يعني يامات مايتعاودوش صح وكل عام يمشي زيد تروح حلاوتو معاه
شكرا اختي ام ياسمين ربي يهنيك
وراني جاوبت يسمى ندي القاطو ههههه
ايه ايامات هايلة
هاكي زيدي الفلاش مع القاطو هههه

تحياتي
​

نورتي عزيزتي شكرا

 

[السلطانة]

رد: ارواحو تشوفو من 2007..

هههه إيه فكرتيني
بعمي قوقل كيكان مسكين كان عاقل
ولا هاديك المنتديات الخليجيه خخخخخخ ندخل ونزيدش نخرج هههههه
فعلا جيل ذهبي​

عمي غوغل كان على ديدانو هههههههههه
احلى ذكريات شكرا

 

[السلطانة]

رد: ارواحو تشوفو من 2007..

هههه جزت نوكل من القاطو المشهور تاع الشيكولا وغدوة من داك نعمل رد باهي

هههه بصحتك في انتظار عودتك

 

[السلطانة]

رد: ارواحو تشوفو من 2007..

اوه انا كنتت طفلة ههههه 2007 كنت اولى متوسط مي هكدا و قريت 6 سنين في ابتدائية نهاية الجيل الذهبي لي قرينا على ليلى و سلمى لي راها تزوجت نورمالمو
اهلا بيك هيبة هههه يكونو تزوجو اكيد
اوه الاماسان كان عندي بلاك 10 اول واحد حلهلي خويا و مبغاش يعلمني وليت نقوله نسيته كل يوم نسيته ورقة تودرتلي راح كتبلي في ورقة طريقة هع هع هع كي تحلي ديري هذي تخرجلك هذي دخلي هنا من بعد هنا
كان زعم حاجة فور ههههههههههههه وكي شغلكي تعرفي تمشيه راكي top
من بعد حليته كنت نحكي مع ولد خالي كنت مهبلاته كانو هدوك ميكيات (ايموتيكون) نقوله مين تجيبهم يرسلي slt غوز و حروف ملونين و انا حالة فمي
كانو يهبلو هاذوك الكوميكات هههه
نعقل 2008 كنت سنة تانية متوسط كنت مشرفة في منتدى كانو يديرو مسابقات ندهل للمواقع وحدخرا و نسرق صور نشارك بيها مرات نربح مرات يربحو فلسطينية
ههههه كان كاين منتديات جديدة وقتها همهم برك مشرفين يخدمو ميهمش محبة الاعضاء
كنت باش نكتب جملة ب 66 كشفة و انا نحوس على الحروف
و مننساش العاب طبخ و تلبيس درت فيهم رايي تاع صح مخليتش لعبة ملعبتهاش
و مننساش zoo tycoon لي نخدم حديقة و كي نكره نطلق عليهم السبع زكارة فيهم
الالعاب هاذو روعة صح
مازلت نلعبهم هههه

في 2009 سجلت في اللمة مي مطولتش و خرجت كنت نحل بزاف و ننسا المود باس و نعقل واحد المنتدى دخلت نهبلهم حتى حضروني شحال غاضتني مخلاونيش نهبلهم بزاف
ههههه مشكلة تاع الباس لي يتنسى
من بعد 2011 رجعت للمة مي مطولت و من بعد وليت زائرة
هههه كنتي تقرعجي برك
و فاسبوك خويا زعما الكبير عليا حالف فيا منحلش تقول واش راح ندير بيه حتى في الليسي اولى ثانوي ختي عندها بورطابل قالتلي نحلو هع هع هع خلطناها وحدنا و حلينا مكنت نعرف والو من بعد شحال قلناله عندنا و مدار والو
تاني في السيام.........
تالمون الناس كي تحكي على الفايس بووك تشهر وحبيتو تديروه رغم تحذيرات خوكم ههه
نتفكر تاني كان يقوللنا تديرو اي حاجة نفيقلكم غير نكملو يدخل لايستوريك و يشوف واش درنا واحد المرة ثالتة متوسط خرج صباح و كنا قريب اختبارات مدولنا اسبوع باش نحفضو قلت لماما خلينا نلعبو اليوم من قعدنا قلت لاختي لازم نكتشفو كفاش يعرف واش نخدمو و بعد عناء طويل عرفنا و نضنا نقزو و نغنو و ماما تضحك علينا
كي جا محينا كلش حتى نسمعوه يعيط و حنا من بعيد نضحكو
خخخخخ واخيرا فهمتو العفسة تاع ايفاسي ليستوريك تبا لكما

.............مي مكانش كما لعبة vcd و العابه و اللعبة لي قبلهم تجي فيها كابوس و تصيد الحمام و ماريو هداك اه خير من نت كومبلي متكرهش منه ابدا ابدا
ياحصرا اتمتعنا صح

نورتي عزيزتي

 

[زهرة اللمة]

رد: ارواحو تشوفو من 2007..

انا في 2007 كاان عندي 7 سنوااات منشفااااش بزاااااف بصح نعقل على كيفااااش كنت نتعااارك انا و خويااا عليها

مكنتش نعرف لا عمي قوقل و لا هم يحزنون

ايه كنت نلعب وحد اللعبة تاااع مطعم البطاريق لا تشفاولهاااا من y8

و الله شوقتيني و راني نتمنى و لو عشت هذووك اليامات

 

[السلطانة]

رد: ارواحو تشوفو من 2007..

​

السلام عليكم
مين قلت 2007 تفكرت السكايب ديراكت
وغرف الدردشة
واحد يحكي ع مشاكله
ولاخر مالقى مايدير دخل يقصر
يامات زينة صح
واللمة تبقى عزيزة بزاف
المنتدى الوحيد اللي بقيت نحبه
راني كل مرة نلقى جيل جديد
مي شرطية اللمة مازلت هي هي !

إن شاء الله اللمة تبقى ديما

وعليكم السلام اهلا اخي
انعم غرفة الدردشة والقروبات ههه
اللمة هي وهي وشرطية اللمة هي هي :d
ربي يحفظك خويا