medcherif03
:: عضو منتسِب ::
- إنضم
- 2 مارس 2016
- المشاركات
- 52
- نقاط التفاعل
- 81
- النقاط
- 3
هاج الخاطر بالمحاين واتقشلم----وهمي سدى على روس جبالي
فاض الدمع وجاه وادي متلطم----اسوادو لرسام كي جاو اقبالي
انحس ابمشعال يقدي و يفحم----في صدري بركان لابا يطفالي
اتفكرت ايام في ذاك المرسم----و حن قليبي ليه و اتقيثر حالي
تشهد ذي لرسام ياما درنا ثم----ما تحلى الدنيا من دون اغزالي
تتباها لعطاف بازهار الموسم----و انواوير ربيع في البر الخالي
قدت لي ليام و السعد اسقم----وطلت بدري بالزهر عطاها لي
زاهي بغزالي ما نيش انخمم----فارح بيه و دايرو وسط ادوالي
أوهبها طولة و القد امسقم----دار لها مشية كي الريم الفالي
ويلا برمت عينها فيا نتعثلم----صيادي بالسهم يرمي عن جالي
اذا ضحكت تسلبني بالمبسم----و اذا سكتت كملت واش ابقالي
مطبوعة باسنان جوهر فالفم----و كي تتكلم نغمة اناي و تحلالي
كي تتلفت صيفة البدر الا تم----جملة حارو فيه العشاق امثالي
تشبه زهر اربيع فاتح وامرقم----متخالف فالنوار بلوان اتلالي
ريحتها عنبر تقدم ليه واشم----ولا مسك يفوح يشفي لعلالي
نعت القمرة تضوي ع المعلم----اعقاب الليل اتبان تسطع فالعالي
من يتمعن زينها عقلو يتقم----يبات يخمم واش يسعى من تالي
شوفتها تمرض العاشق يسقم----و يجافيه النوم كيما يصرالي
يسعد من جات في سهمو وانعم----يسكرعنها حوش سورو عالي
يحجبها على العامة و ايقمقم----معيون الحساد ربي يحميها لي
تمت بقلمي medcherif03
قاموس الكلمات
اتقشلم-غيم و سحب
اتقيثر-اتغير من الأحسن الى الأسوء
نتعثلم-تتخلط عني الأمور من شدة الفرح
اعقاب الليل-آخر الليل
يتقم-يتغم
سهمو-نصيبو
ايقمقم-ايغمغم-من غم يغم
فاض الدمع وجاه وادي متلطم----اسوادو لرسام كي جاو اقبالي
انحس ابمشعال يقدي و يفحم----في صدري بركان لابا يطفالي
اتفكرت ايام في ذاك المرسم----و حن قليبي ليه و اتقيثر حالي
تشهد ذي لرسام ياما درنا ثم----ما تحلى الدنيا من دون اغزالي
تتباها لعطاف بازهار الموسم----و انواوير ربيع في البر الخالي
قدت لي ليام و السعد اسقم----وطلت بدري بالزهر عطاها لي
زاهي بغزالي ما نيش انخمم----فارح بيه و دايرو وسط ادوالي
أوهبها طولة و القد امسقم----دار لها مشية كي الريم الفالي
ويلا برمت عينها فيا نتعثلم----صيادي بالسهم يرمي عن جالي
اذا ضحكت تسلبني بالمبسم----و اذا سكتت كملت واش ابقالي
مطبوعة باسنان جوهر فالفم----و كي تتكلم نغمة اناي و تحلالي
كي تتلفت صيفة البدر الا تم----جملة حارو فيه العشاق امثالي
تشبه زهر اربيع فاتح وامرقم----متخالف فالنوار بلوان اتلالي
ريحتها عنبر تقدم ليه واشم----ولا مسك يفوح يشفي لعلالي
نعت القمرة تضوي ع المعلم----اعقاب الليل اتبان تسطع فالعالي
من يتمعن زينها عقلو يتقم----يبات يخمم واش يسعى من تالي
شوفتها تمرض العاشق يسقم----و يجافيه النوم كيما يصرالي
يسعد من جات في سهمو وانعم----يسكرعنها حوش سورو عالي
يحجبها على العامة و ايقمقم----معيون الحساد ربي يحميها لي
تمت بقلمي medcherif03
قاموس الكلمات
اتقشلم-غيم و سحب
اتقيثر-اتغير من الأحسن الى الأسوء
نتعثلم-تتخلط عني الأمور من شدة الفرح
اعقاب الليل-آخر الليل
يتقم-يتغم
سهمو-نصيبو
ايقمقم-ايغمغم-من غم يغم
آخر تعديل:
