.. كاين لي سقساني وقال لي ملاك واش بيك في الآونة الأخيرة مقلقة..
والله ماكنت حابة نفرغ قلبي وكتابة هاذ الموضوع بالخصوص...
لكن...
راني شويا وحيدة هاذ الأيام
لأنو...
أولا ياسمين صديقتي وهي في عمر أمي كبيرة وهي من المقربات.. راهي مريضة وماحبتش تقول لي خلاتني في حيرة(!)
ثانيا ؛ خطيبي راح لتونس مع اصدقائو وجيرانو وابن خالو .. وعندي بزاف ماهدرتش معاه
ثالثا...(وهو موضوعي لهاذ اليوم)
------------------
علاه نحس اختي الكبيرة ماعلابالهاش بيا اذا راني موجودة في الحياة أو...لا
راني مقلقة بزاف من جهتها... عمري ماحسيت باهتمامها ليا ؛خاصة في اصعب الظروف الي جوزتها ...
دائما مصلحتها ومخروجها هو الأول....
بالاك تحسبوني راني نقطع ! بصح قلبي راح ينفجر
علما انو عندي اخت وحدة برك ؛ وصرات بكري قصة (اذا تحبو نحكيهالكوم)... كرهتها ذاك الوقت ونحيتها من القائمة ؛ ومن بعد سامحتها وخلاص ؛ لكن هي غير طبيعية معي
تسكن وحدها هي وزوجها في العاصمة جامي قالت لي ارواحي عندي وحاجة ماتخصك اقعدي يالوكان سمانة برك... دارها من نهار سكنتها عامين رحت ليها مرة وحدة برك قعدت سمانة وكرهت لي حياتي في ذيك السمانة ماتخلينيش نطيب تعرفني نطيب مليح تقول لي اغسلي غير لماعن
وكيما تجي لعندنا نحسها تحسني ديرونجمو... كشغل زيادة موجودة في الدار ؛هذا ماكان ؛ ووليدها الصغير تقريب انا لي ربيتو تخليه عندنا باه تلقا راحتها مع راجلها حتى ونكون انا عيانة تقول لي ؛ راني خليتو عند يما ماشي عندك بصح علابالها بلي يما ماتديرلو والو والله انا لي مانرقدش طول الليل وانا معاه... وفوق هذا وحد النهار قالت لي: جامي حكمتيلي الطفل ..حتى واجهتها وقلت لها؛ انا جامي حكمتو يا ناكرة الخير؟
وجامي فرحتني بحاجة رغم انو ربي عطاها الله يبارك بصح انا والله ماراني محتاجة وسخ الدنيا كيما راني محتاجة الإهتمام...هذا ماكان
والله مدايرتني زيادة تخيلو مرة صاحب راجلها عندو حانوت كبير عندنا وكانت عندنا قال لو قول لمرتك تدي واش تحب باطل علاخاطر يحبو بزاف ؛ هزت بزاااف حوايج هاذو روايح وشمبوانات وماكياج وخلي وخلي اعطاتني غير خمار مايشبه لوالو.... والله ساعات نحتار من تصرفاتها خاصة انا عروس وراني نجهز ومحتاجة لي يهتم بيا ويشوف واش يخصني ومايخصنيش
كل ما نهدر حاجة تحب ترجعهالي وتشد معايا وعلابالكم واش قالت لي والله مانكذب قالت لي دورك تصرالك كيما صراتلك الخطرة الأولى (فسخت الخطبة الاولى ودورك تخطبت) يعني معناتلي بلي هذا خطيبي درك يخليني وزادت قالت ..استناي وشوفي
والله راني محتارة علاه واش درتلها أنا وعلاه مدايرتني زيادة في هاذ الوجود!!!!
خطيبي مانقدرش نحكيلو هاذ الشي يقول اختها تحكي عليها هكذا؟؟؟ والله مرة حكيتلو شويا ومن بعد ندمت ؛ لأنو خواتاتو ماشاء الله ونحبهوم وعلابالي نافاهمو انا وياهم خايفة يفكر كاش تفكير
المهم اسمحولي اذا طولت
ونشكر كل واحد قرا كتابتي حتى الآخر لكم الشكر الخالص
تحياتي
صرحتا قصة محزنة قليلا لانه انتي تمنيتي ان تكون بقربك
ولكن السؤال المطروح لماذا تفعل هكذا معاك
ربما هناك سبب اختي الكريمة
انصحك بشيء وهو ان تجلسي معها وتحكيها وتخبرها بالجروح التي عملتها لكي لانها لم تحس حولي تتفهمي معها
وان شاء الله تنتهي المشكل
واش نقولك يا ملاك
فعلا هي مشكلة لما تكون اختك تعاملك بهاد الطريقة لو كان تحي من جهة اخرى تنساي نورمال بصح اختك تعاملك بقسوة لالا
شي ما يتقبلوش العقل
انا نظن هادي شادتهالك من صغرك ربما والديك كانو يفضلوك عليها على بها كبرت بهاد العقدة و الله اعلم
كاين بزاف خواتات يغيرو من بعضاهم ربما تفوتها في بزاف صوالح تحقد عليها
اهم شي بلاكي بلاكي تخرجي سرك و سر بيتك و عايلتك لخطيبك هدا يبق داخل العايلة لانو ربما بعد الزواج يرجع يعايرك بيها و صرات مع بزاف بنات
المهم خليها الله يهديها
انت عندك مشروع زواج اهتمي بنفسك و ريحي بالك باش تربحي صحتك و راها يماك قدامك
اتكلي هلى ربي سبحانو و ان شاء الله تتزوجي و تعيشي مهنية مع راجلك و تنساي كامل هاد الشي
ربي يهنيك حبيبتي و ينحي عليك الهموم
اهلا خيتو ملاك واش راكي ان شااء الله بخير وراحتك ضيقة الروح هذي المهم نحكيلك خيتو وانت ان شااء الله تصيبي الفايدة في واش راني نقول الاخوات يااختي يستحيل تشعل بيناتهم وجامي نخمم انو ممكن اخت تكون ضد اختها الا اذا كان هناك شيء واحد وهو التفرقة كيما قات خالتي ام منير لكن معلهش نزيد نحكيلك حاجة في الشؤون العائلية كاين هناك يااما اخ خارج الطريق سواء بمعاملاتو بجفاؤو ببرودة قلبو سواء اخت كيما هااك عندها في حياتها غير اولادها وزوجها وما تستعرفش بحتى وااحد وهذي النوعية تعاني منهم جل العائلات الجزائرية
يعني حتى الوالد نتاعها تصيبيها تكرهو ماشي حتى اختها كاين اخوات يكرهو خوهم وكاين خوتاتات يكرهو بعضاهم يعني ماشي غير انت تعاني من هذا المشكل وزيد حاجة اخرى انو يستحيل انو ترضي هذي النوعية من الناس لانو في الصغر نتاعهم عندهم عقدة الطرف الآخر يعني سبحان الله تلقايها تحكي على ختها بالسووء اعدائها ولاعداء ختها فقط لانو تغير منها او تكرهها وتحب تبين انو هي فور على ختها
اذن المطلوب منك انت هي انو تصبري انو مهما يكون راهي قطعة منك وراهي الرحم نتاعك اللي غدوا يسقسيك عليها ربي سبحانو اذن حاولي تكوني معاها مليحة وحاولي تقدري ظروفها ايا انو ممكن راهي تعاني من مشاكل في البيت نتاعها وما لقاتش شكون تحكيلو
ويعني سبحان الله ساعات الواحد تضيق عليه من خوه ويقول خويا ما هوش متفكرني والمشكل انو خوه ثانيك راهو يطرح في نفس السؤال لهذا حاولي انك تكوني انت المباادة وحاولي تحسيها انو عندها اخت حاولي تستشيريها في امور عرسك مثلا في نوعية الحلوى سقسيها كيفاش تعاملي زوجك بحكم خبرتها هي سقسيها على كل شؤون الحياة الزوجية هكاك باش تحس اختك انو راهي عندها مسؤولية اتجاهك والطبيعة البشرية هذي هي يعني بزااف نااس يحبو انو يشاوروهم ويديو برايهم ربي يهنيك ختي سلام..
ربي يفرج عليك اختي
انت درك ديري في بالك بلي هي اختك متقطعيهاش مي لا اكتر لا اقل
و انها متمدلكش حجات عادي حنونة يبقى امر يخصها نتي مديريش في بالك بلي متزوجة لازم تجيبلك حجات نونونو ديري فكرة راها عند البراني قادر يحاسبها على كلش هذي أولا^o^
ثانيا كاين بزاف بنات ميحبوش لي يخربلهم في كوزينتهم =/و زيد ادا راجلها يحب ماكلتها عادي هدا منعتبرهش انا مشكل ابدا ابدا ابدا متعمريش راسك
و ثالتا عادي لما تجيب ولدها خليه قليلها ماشي انا ولدته متنعسيه معاك متقوليلها نسيتي خيري نتي لما ديري حاجة لوجه ربي ماشي باش نشكرو بعضانا خلاص محبيتيش متهتميش فيه و متمرضيش روحك
رابعا واش يهمك فيها ادا تقولك دوك تفسخي خطوبتك تروح تلعب بعيد علاش الدنيا سايبة وقيلة
و قليلها دعوة ترجع على مولاها غدوا ربي يرزقك ببنات خافي ربي يصرالهم كتر مني
و خامسا انا اختي متزوجا في وهران و غير حدانا جامي بت عندها و نحبها بزاف مي نبات عندها علاش و بناتها دايرتهم خواتاتي عاشو عندنا عادي مام هي كانت مرات في دارها و بنتها تبات مريضة و نسهر عادي ماشي نقوللها درتلك و عملتلك هدي كلي درتي حاجة مليحة و من بعد حرقتيها /تتمني عليها /
و سادسا نقولك حاجة و متزعفيش انت لي راكي مكبرة كلش و مشاكل بين الاخوة كاينة دايما و اعمامي اكبر دليل كل واحد و عقله كاين الاناني و الحقار و الظالم مي ميهمش كل واحد بينو بين مولاه
انتي نصيحتي ليك عمري وقتك باسكو فراغ يخليك طلعي و تنزلي خليك ياو دوك يجوك التجاعيد في وجهك ههههه
بسطيها يا اختي تنحل كون نحكيلك واش عندنا تنوضي تبكي مي كاين بلاء و ابتلاء المهم متضلميش و خلاص
~أمِيرَة الخَجل~، تم حظره "حظر دائم". السبب: مخالفة القوانين
رد: ختي مادايرتنيش في الحساب...
السلام عليكم
يا ختي عندك ماماك و باباك احكيلهم جامي يخليوك محتاجة و مخصوصة نورمال تحكي لماماك عن ختك و واش راهي مدايرتلك و كيما ينصح فيا بابا اذا راكي حابة الاحترام والاهتمام ابداي بيه انتي الاولة تلقايه خير من الي مديتيه انتي ما تخلي في قلبك والو ديري و كأنو راكي متصالحة مع اختك . ربما هي متكبرة وانتي ماش كيفها و ما تتفاهموش بصح انتي ما توقفيش في علاقة الاخوة الي بيناتكم سقسي عليها واهدري معاها اختك ما يصدك عنها والو في الدنيا . خليها ادير الي في راسها بصح انتي ماذابيك اديريلها قيمة باش ترجعلك اكتر منها وسقسيها واستفسري منها و من هاد النهار ما تزيديش تخبي في قلبك اي حاجة ناقصاتك احكي عليها و اطلبيها واش خسرتي اذا حكيتي
ربي يجيبلك الخير اختي و ربي يهنيك .
السلام عليكم عليكم و صح فطوركم
واقيلة راني متأخرة بزاف على الرد و لكن المهم أختي واش نقولك أصبري و أتمشاي بنيتك الحمد لله كي عندك أمك و أمك مرايحاش تسمح فيك و تاني عندك خطيبك و أختي كوني على يقين مول النية في حياته مارايح يطيح و اذا طاح يجي واقف،أختي خمي في اللي راه جاي و باه تبني حياة زوجية ناجحة.
المهم ربي يهنيك و ربي يفرج عليك و ربي يهدي أختك و إذا كاش ماخصك راني هنا malgré que راني صغيرة.
السلام عليكم ورحمة الله تعالى وبركاته.اختي صدقيني مكاش الي يحس بيك غير الي مجرب انا تاني نعاني من نفس المشكل معاك لكن الاختلاف انو انا لكبيرة واختي هي الصغيرة وهي الي مشيا رايها عليا وتعاملني معاملة غير ربي يعلم بيها وديما تقلي ماما معليش فوتي من اجلي وعلى خاطري حتى خلاص اختي تمادات ولات هي الي تمي رايها عليا وانا منقدرش نرد عليها و نقلك ربي يفرج ومعليش اختي نصبرو حتى يفرج ربي
السلام عليكم اختي العزيزة
وش نقولك كايني في ببزاف عائلات تصيبي اخت تدير كيما هاكا لاختها وغالبا ماتكون للي صغيرة عليها، والسسب علاما اظن هي الغيرة، بالاك شافتك نتيا مليحة مع الناس و محبوبة ولا فيك ميزات نتي مراكيش شايفتهم في روحك و هي تغير منك، أنا الصراحة صراتلي مع وحدة فاميلتي في نفس عمري ملغري هي الصراحة هي شابة عليا مي حتى من بعد باش فقت علاه كانت ديرلي هكذا، اتفكري غير ذيك لحكمة" السنابل المملوءة تخفض رؤوسها اما السنابل الفارغة هي التي ترفع رأسها عاليا" و كذلك " لأواني الفارغة تصدر ضجيجا" امالايا اختي جامي تغيضك عمرك على تصرف سيء يصدر من الناس نحوك، بل ابكي اذا نتي درتي جاست مش مليح للناس،
ولكن بما أنو هذه راهي اختك مانقولكش كحلي قلبك عليها، كيما قالولك الاخوة و الاخوات نتي الهدف الاول تاعك انك تهتمي بروحك و بتجهيزاتك للزواج إن شاء الله ، و ثاني حاجة بالاك بعد ما تتزوجي راهي تعرف قيمتك وتبدا تتبدل ، وثان كي تشوفي تضحك معاك سيي كيفاش تكسبيها بالاك تتكاكا لواش راهي دير
واسمحيلي لا طولت عليك درتلك رد كثر من الموضوع تاعك
weech diri; hia hakda w mich raha tetbedel
de temps en temps sah tghid w lazem tfarghi mais matkhalich tekhmem hadek yaather bzef, ki tchoufi douk les gestes ehta9riha hia matehta9rich nafssek prc hia li dhalma nti maderti wallou
w dit toi que ness bzef 3andhom des problemes hakda
سلام عليكم
فعلا اللي يشوف هم الناس ينسى همو
رانا كامل فيها اختي. لكن كل واحد تختلف مشكلتو حسب ظروفو
انتي ذكرتيلنا فقط جانب الاخت ومذكرتيش والديك مثلا ومعاملتهم ليك..انا والدي كنت قريب وصلت لدرجة نكرهو في هاذ الشهر المعظم
لكن لما راجعت نفسي وحطيت الاسباب لقيت انو مكانش اب يكره ولادو ولا اخت تكره اختها ..فقط مجرد سوء تفاهم او معاملة مجاايش من العدم. كل واحد وظروفو
اختك مع هاذ الحوايج لي ذكرتيهم ممكن متكونش قصدت حاجة
انا تاني اختي كي نروح عندها متخلينيش نطيب وتخليني نغسل لماعن..علاخاطر برك مش حابتني نتعب
عندي اختي مزوجة عندها 10 سنين جامي لا بت عندها لكن عمري لا قلت بلي مبغاتنيش
بنت اختي احنا تاني لي ربيناها وكبرناها ..وكي نروح عندها مكانتش تنتبه لبزاف حوايج ..مي انا كي راني عارفتها كيفاه مدايرة منديرش عليها
وبالنسبة لحكاية خطيبك ممكن مي رانا في مجتمع ميرحمش مبغاتش تتعاودلك نفس الحكاية الاولى
