السينيما العربية موش حتقدر تغمض عينيك

[أم الأولاد]

السلام عليكم ورحمة الله وبركاته

هاذي تحية لجميع الفنافين والفنفونات اللماويين واللماويين
المهبولين والعاقلين ولي هاربلهم خيط ولي يسكنو في زنقة لهبال اللماوي
المهم أنا عااقلة ومحبيتش نعضلكم الكابل تاع النت
مي تقلقوني راني ناكلو وترمضنو بلا نت

حيرني واحد الموضوع ايا قلت نحكو فيه
ضروك نجو للمسلسلات الميكسيكية
الشي لي حيرني فيهم كل مسلسل
دايمن البطل عندو شركة وأسهم ومضروب بالدراهم للنيف
وعندهم vيلا وسيارات ميفضوش
وفجأة يتعرف على فتاة فقيرة
تكون البطلة
ويرجعو couple
أيا ومن مباعد تفلس الشركة ويرجعو للحديدة
وتظهر وحدة شريرة تحاول اختطاف
الحبيب الرائع
خفو علينا شويا

عمري شفت مسلسل ميكسيكي خالف هذه القاعدة
وبعدما شبعونا خرشف بيهم
جابولنا المصاروة لي استعمرونا عوام
افلام الابيض والاسود

انا بحبك يااحمد بحبك
كل بطل عندهم سماه احمد
حتى رجعت نتخيل مصر كاملة اسم الرجال عندهم احمد
في كل مسلسل مصري او فيلم
حكاية لازم يدخلو فاها الشطيح والرديح
ويوريو حارة شعبية وفاها
رقص ورقاصة بعد الشطح ترجع حرب
ويموت واحد فيهم
ويحطو القرآن
القرآن يعرفوه غير كيما يموت واحد
اللقطة هاذي في كل مسلسل تتعاود
ها جيبو الجديد

والاتراك وماادراكم مالاتراك استعمار لمدة 10 سنوات كي والو
تاني نفس السوجي واحد مول دراهم وطوموبيل وفيلات
يحب وحدة فقيرة ودارهم يرفضو الزواج
ويختموها بانجاب طفل ولاطفلة بدون زواج

ونروحو للتيليفزيون نندبو كيف كيف منحكوش خير
لاصوت لاصورة يحشم


خلونا مع الاتراك احسن على الاقل نشوفو الوجوه
HD

يعني هاذا واش يصدرولنا للتلفاز
علاقات الحب وانجاب الاطفال غير شرعيين
ونفس القصص والحكايات
جامي دارو بطل مسلسل معندوش شركة ومفلسش في اللخر
كونو واقعيين شويتح
يعني كون جاو مسلسلاتنا تصلح راهم صدروهم
لكن
العرب لاعلاقة من جا يستعمرنا فكريا
وكليا
حتى الديشي تاع الشناوة والهنودا
رهجونا بيهم
مازالو غير هاذم برك

هيا في لامان

​

 

[إلياس]

رد: السينيما العربية موش حتقدر تغمض عينيك

السينما العربية في الحضيض لانه تقليد اعمى للغرب

 

[zohor kfz]

رد: السينيما العربية موش حتقدر تغمض عينيك

رغم كووووول هاد الشي و الله ادعم منتوج بلادي لكن فاين راااااه جامييييي شفت مسلسل جزائري كي الناس او فيلم جزائري هاكدا فيه اكشن و لا عفسة جديدة و الحق يقال تاع الضحك صويلح و جماعتو نتفرجلهم و يعجبوني اما الدرامة من عام وهيبة بنتي مزيدت تفرجتلهم
بلاك كاش عام ان شاء الله نشوفو درامة مفيدة و متغيرة مع المجتمع

 

[ضآحكة مستبشرة]

رد: السينيما العربية موش حتقدر تغمض عينيك

و انتوما واش داكم لهاذ الشعووووب كامل
مخليين الزين لاطاي و العقلية عند الجزائريين و رايحين تبعو في هذووو
بيناتنا لي حب قلبو يتقلع يروح يشوف جياح الدزيرين
المهم مشكووورة على الميضوع
راكي فنانة ناشئة في اللمة في مجال كتابة سيناريو الفكاهي ربي معاك
​

 

[zohor kfz]

رد: السينيما العربية موش حتقدر تغمض عينيك

و انتوما واش داكم لهاذ الشعووووب كامل
مخليين الزين لاطاي و العقلية عند الجزائريين و رايحين تبعو في هذووو
بيناتنا لي حب قلبو يتقلع يروح يشوف جياح الدزيرين
المهم مشكووورة على الميضوع
راكي فنانة ناشئة في اللمة في مجال كتابة سيناريو الفكاهي ربي معاك
​

و زيد حتى لي يجيبهم من عند الناس يقصوهم يقصوهم حتى المسلسل يكون فيه 100 حلقة يرجع فيه برك 20 حلقة او اقل عادي ههههه

 

[شمس الاصيل2]

رد: السينيما العربية موش حتقدر تغمض عينيك

السلام انا من غير عثمان عليوات ماتحلالي التفراج اما قصص و الرومانسيات راهم هبلو بيهم الناس

 

[قرصان الساحل]

رد: السينيما العربية موش حتقدر تغمض عينيك

والله بخصوصي انا ختي نجمة قطبية عمري ولا قدرت نتفرج هاد الانواع من السينما العربية ولا الهندية ولا المكسيكية كيما قلتي خرطي في خرطي نشعر بالغثيان لو كان نتفرجهم سيرتو التركية ناس ما تموت موالو والله يا العفسة تاع يموتو ويديرو القران في المسلسلات المصرية اخخخخ يعيو
انا نتفرج فقط ما تنتج هوليود تماك كل شيئ رااااااااائع الانتاج السيناريو التمثيل سواء في الافلام ولا المسلسلات

موضوعك مميز ختي وانا نقرا فيه حسيت روحي نغني في اغنيى تاع رااب ههه
يعطيك الصحة
​

 

[زهرة اللمة]

رد: السينيما العربية موش حتقدر تغمض عينيك

انا نظن لو كاان لقيناا المتعة و الفايدة في مسلسلاتنا منروحوش نتاااع الغرب

ياك دارنا تستر عارنا ههههههههههههه

 

[لؤلؤة قسنطينة]

رد: السينيما العربية موش حتقدر تغمض عينيك

السلام عليكم
شكرا عروس البحر على الموضوع
نتي لميتي المسيك والهنودة والاتراك في بعضاهم درتي ميلونج ههههه
المهم هي الصراحة الافلام لي راهي تتعرض تافهة بكل المعايير مافيها ما يعجب زعما يقولك رومانسية
حتى الرومانسية لي فيها وبايخة ورايحة للخيال، يعلموك العلاقات المحرمة وغير الشرعية مااكنش مسلسل
من لي هابلين عليهم اليوم تستفادي منو، انا مانكدبش ساعات نتفرج ولكن لما نقتنع بلي القصة عندها معنى
وتاني قبل اعوام كانت بعض الافلام الخليجية عندها معنى وفيها عبرة، تخليك تقرب من ربي
تخليك تعرف مغزى للحياة هادي، اما دركا حتى هوما زادو فيها ولاو نص قصصهم رومانسية وتمسخير
المهم ربي يهدينا ويهديهم برك
شكرا حبيبتي على الموضوع ربي يحفظك
تحياتي
​

 

[تـريـــاق المحـبـة]

رد: السينيما العربية موش حتقدر تغمض عينيك

السلام عليكم .. عندك الصح راكي جبتيها هاذو هوما نفس سوجي ومافيه حتى فائدة والتقليد الاعمى لما دخلت الافلام والمسلسلات التركية ولوا يقلدوا بعضهم .. وكل واحد فيهم يشطح على هواه

 

[Msb security]

رد: السينيما العربية موش حتقدر تغمض عينيك

هههههههههه
خخخخ والله صح فكرتينا في كوادلوبي

 

[الورد الأحمر]

رد: السينيما العربية موش حتقدر تغمض عينيك

السلام عليكم

ونسيتي ما قلتيش بلي البطل لازم ديما يدخل للحبس وويدخل لسبيطار وزعمة يحبس قلبو ومن بعد يرجعوه بالصعقات الكهربائية وكان هندي نوغمال غير ما تبكي البطلة فوق راسو وتهبط الدمعة تاعها فوق عينو يرمش عينو وينوض خخخ ولا البطلة تاع المكسيكيين تعوار ومن بعد تعمل عملية وتعود تشوف وكان هنودا فيهم اللقطة تاع تفقد الذاكرة ولا تموت البطلة وفجأة تجي وحدة خلاف تشبهلها في كلش ويدهشو الكل هههههه شبعونا قرنون تقهمنا منهم والله وكان على التلفزة الجزائرية مغبونة الأبطال تاعها ديما باينين بلي يمثلو حتى درك شفت غير في عاشور العاشر وجمعي فاميلي وسويتشرز لي تمثليهم مليح ومش باينين بلي مقابلين كاميرا وحافظين السيناريو الفاشل بالعادة ههه ... مغسي عجبني الموضوع بدلتيلي بيه المود ... سلآمو

 

[أميرة ميرال]

رد: السينيما العربية موش حتقدر تغمض عينيك

أحكي على لهنودة منين داك نجي ندير رد شباب هههه
يقتلوني أنا لهنودة والله يديرو هكذا لقطات يزيدو فيها
حتى وأنا نتفرج وحدي نحشم بيني بين روحي ثالمون
شغل زادو فيها بزاااااااااااااااااااف
مرسي أختي موضوع شباب يعطيك الصحة
​

 

[آمِيْرَتُه]

رد: السينيما العربية موش حتقدر تغمض عينيك

السلام عليك
هه نسيتي مسلسلات الجزائرية بشرى الفاليزة خخخخخخخخخخخخخ

 

[salah.f]

رد: السينيما العربية موش حتقدر تغمض عينيك

كنت نستنا في السينما الجزائرية العريقة هههه