عاااااجل ساعدوني ارجوووووووووووووووووكم ارجوكم ساعدوني ارجوكم

[hanaaane]

سلام خاوتي
اليوم حبيت نقلكم و نحكيلكم و نسالكم
ربي يخليكم عاونوني
انا البنت الصغيرة و الوحيدة في دارنا و عندي اربع اخوة ذكور مانيش قريبة منهم او بالاحرى يعتبروني عدوتهم نهار كامل و هوما يتبعو فيا و يشرولي فالمشاكل و يحرشوا ف بعضهم عليا
اما معا البنات سواءا من العائلة و لا لالا انا نغير من تصرفاتهم معاهم
و اليوم انا خلاص نفسيتي تعبت و راني رافدة هم و سررررررررررررررررر كبير ف قلبي
تفارقت انا و اخت ما ولدتهاش ماما و اعز صديقة
الان راني مخنوقة و وجعي كبير
ماما راهي تقلي احكيلي وش بيك و راهي تقول للناس لي قراب منها حنان بنتي عندها سر مي ماهيش حابا تحكيهولي
انا يا ريت نقدر نحكيلها مي همي و سري خايفا يزعفها و لي ف قلبي يخليني نخسرها
ياااااااااااااااااااااااااااااااااااا رب قولولو وش ندير
يا ماما كي راني من هم الدنيا يا ماما

 

[zohor kfz]

رد: عاااااجل ساعدوني ارجوووووووووووووووووكم ارجوكم ساعدوني ارجوكم

اختي ربي يفرج عليكي
على خوتكي عادي حتى انا اخت وحدة ل 3 شباب هوما هكدا طبعهم ماعلاباليش تزهالهم منين يشوفوكي زعفانة و هاكدا بصح منين تكبري غادي تولي بقدركي و خصوصا ادا مغلطتيش حتى في حاجة يوليو رافدينكي فوق روسهم غير ملي راكي مزال صغيرة يحبو يديرو هكدا ... انا في عمري 25 سنة و مزالهم لي يجي فايت عليا لو كان برك يضربني لكتفي و يفوت المهم يخليني نزعف و لا يشدلي شعري و لا يعضني هكدا طبع لولاد معندكي ما تديري
و على ماماك ماشي شرط كل ما يصرالكي تعرفو و خصوصا ادا يسبب مشكلة بيناتكم
و كاين حل انو تحكي مع ربي من جيهة هو اصلا راه عارف اسم كاين و من جيهة تفرغي لي فقلبك و من جيهة هو يحبك و يهديكي اكيد للحاجة لي في صلاحكي

 

[باتنية و نص]

رد: عاااااجل ساعدوني ارجوووووووووووووووووكم ارجوكم ساعدوني ارجوكم

سلام عليكم

متعمريش راسك بخاوتك..هذي هي عقلية الشاب الجزائري..تبالهم رجلة كي يديرو هك ..الله يهديهم
كيما قاتلك الاخت تكبري ويتبدلو معاك

بخصوص سرك..لازم تحكي لماماك بما انو ما درتي حتى غلطة واكيد هي رح تتفهمك
انا كيفك انسانة كتومة ..وديما جابدة روحي
حتى حسيت روحي مرضت ووليت نتوسوس من اي شي ونخاف من نظرة الناس ليا
لذا مهما كنتي رزينة وقوية متقدريش تخلي كولش فقلبك وانتي مزلتي صغيرة
رح تحتاجي لنصيحة اللي اكبر منك
ممكن تزعف منك. لكن المهم انتي تحسي روحك مرتاحة ويتنحى عليك هذاك الحمل الثقيل اللي كنتي تعاني منو هذي شحال
خاصة انو معندكش اخت..لازم ديري والدتك اختك وصديقتك..ربي يحفظهالك
وربي يفرج عليك اختي
تحياتي

 

[نبض الحياة]

رد: عاااااجل ساعدوني ارجوووووووووووووووووكم ارجوكم ساعدوني ارجوكم

السلام عليكم ورحمة الله وبركاته
حبيبتي الغالية انسيهم ينسوك
وما تعمريش راسك بيهم
ونصيحة مني حتى انا بنت وحيدة في البيت
اتخذي من امك صديقة واخت وحبيبة واحكيلها كل شيء
لانو الوقت راه صعيب والناس رجعت انانية كثير
ممكن تحطي ثقتك واملك في صديقة حتى تخليك في النهاية
اما امك لا لا مهما قصرتي في حقها تلقيها جنبك
احكي لامك وفضفضيلها حتى هاد المشكل مع اخوتك احكيلها
او احكي للوالد يتكلم معاهم
حتى خوتي هاك لكن بابا معلمهم يحترموني واي حاجة نقوله وحتى انا متهلية فيهم حاولي تكسبي خوتم ما تكرهيهمش
ربي يفرجها عليك حبيبتي

 

[أميرة تقرت]

رد: عاااااجل ساعدوني ارجوووووووووووووووووكم ارجوكم ساعدوني ارجوكم

يا ختي مهما كان خاوتك ماشي راح يكرهوك
و سرك اذا كان راح يقلق ماماك ماكان لاه تقوليلها
ربي يكون معاك​

 

[همس الوُرود]

رد: عاااااجل ساعدوني ارجوووووووووووووووووكم ارجوكم ساعدوني ارجوكم

السلام عليكم

يآ أختي حنآن

محآل خوتك يكرهوك وجآمي تديريهم عديآن

هومآ يخآفوا عليك علآبيهآ ربمآ يزعفوا عليك مي محآل يكونوا يكرهوك

ومن شدة خوفهم وحرصهم عليك يعآملو ربمآ بقبآحة لأنك أختهم الوحيدة

صدقيني يآ أختي بلآك أختك تقدر تكون ضدك بصح خوك مآشكيتش يكون ضدك

أنتي حآولي تشوفي العآلم بمنظورهم أكيد رآيحة تفهمي بلي خوتك يحبوك بزآف

متشوفيش للبنآت لخرين وتقآرني

ربي يعينك

سلآم​

 

[فيتامين سي]

رد: عاااااجل ساعدوني ارجوووووووووووووووووكم ارجوكم ساعدوني ارجوكم

ممكن ببساطة تبينيلهم خطاهم
و الامر سهل هو التجاهل
حبسي الحكايات معاهم يمات تلقيهم يعرفة غلطتهم ...مجربة ههههههه

 

[السلطانة]

رد: عاااااجل ساعدوني ارجوووووووووووووووووكم ارجوكم ساعدوني ارجوكم

عادي اختي انا تاني الطفلة الوحيدة بين الذكورا

وكي تزوجت ورحت وليت نتوشحهم ويتوحشوني ونتوحشك دوك ليامات

متقلقيش روحك خاوتك ويحبوك مهما يصير

روحي فضفضي مع ماماك ماكانش لي يفهمها قدك

ربي يفرج عليك

 

[ام راس يابس]

رد: عاااااجل ساعدوني ارجوووووووووووووووووكم ارجوكم ساعدوني ارجوكم

سلام خاوتي
اليوم حبيت نقلكم و نحكيلكم و نسالكم
ربي يخليكم عاونوني
انا البنت الصغيرة و الوحيدة في دارنا و عندي اربع اخوة ذكور مانيش قريبة منهم او بالاحرى يعتبروني عدوتهم نهار كامل و هوما يتبعو فيا و يشرولي فالمشاكل و يحرشوا ف بعضهم عليا
اما معا البنات سواءا من العائلة و لا لالا انا نغير من تصرفاتهم معاهم
الحل مجرب و بسيط
صوميهم يامات
رايحه تلاحظي بلي راه يحاولوا يتقربوا منك و يفهموا واش كاين تماك عرفيهم غلطتهم
راهم الشبيبه منيش عارفه علاش يحبوا اللعب الخاسر معانا ...راني حاسه بيك في هادي و الله ...يحوسولك على الزله
و اليوم انا خلاص نفسيتي تعبت و راني رافدة هم و سررررررررررررررررر كبير ف قلبي ....طبيعه السر انت وحدك تعرفيها و منها تعرفي اذا تحكيها و لا لا
تفارقت انا و اخت ما ولدتهاش ماما و اعز صديقة ....بسبب ذاك السر....و لا بسبب اخر ....اذا بسبب تافه حاولي ترجعيها و اذا مبغاتش خلاص هي الخاسرة المهم انت خلي بابك مفتوح ليها و متخليش العيب يخرج منك انت
الان راني مخنوقة و وجعي كبير .....الله يفرج عليك
ماما راهي تقلي احكيلي وش بيك و راهي تقول للناس لي قراب منها حنان بنتي عندها سر مي ماهيش حابا تحكيهولي
انا يا ريت نقدر نحكيلها مي همي و سري خايفا يزعفها و لي ف قلبي يخليني نخسرها ...
ياااااااااااااااااااااااااااااااااااا رب قولولو وش ندير
يا ماما كي راني من هم الدنيا يا ماما
اذا راكي عارفه بلي سرك راح يمرض ماماك و لا راح تخسريها بسبتوا غير اخطيك و ماتقوليلهاش...و اذا راكي شايفه بلي سرك انت ضخمتيه و هو هين و مشكلتك محلوله باذن الله احكيلها ......اذا سرك راه مصيري و عندو تاثير على مستقبلك لكن راح تخسري بيه يماك اذاقلتيلها احكيه لواحد عزيز عليك بش يكون شهد و فالمستقبل تركزي عليه و يعاونك

...........

 

[saho souhila]

رد: عاااااجل ساعدوني ارجوووووووووووووووووكم ارجوكم ساعدوني ارجوكم

سلام ~ سوري على التأخر مي معليش
من رأيي انا لازم تحاولي تتقربي من خواتك هادوا باي وسيلة كانت و اكيد لي بروبلام دياولك يخلصو
و ادا راكي شايفة انو مستحيل هدا الشي خطيك و متحوسيش عليهم واش يديروا عيشي حياتك كلي مكاينينش
و يماك لوكان تديري عليا حكيلها كلش علابالي انو ممكن الامر متتفهموش مي انت حاولي بشوية متحكيش كلش في مرة حاولي توصليهالها بطريقتك و تشوفي ردة فعلها ،،،و راني sur تفهمك و تنصحك لانو اي وحدة معندهاش ختها لازم تكون قريبة بزااف من يماها و تديرها كي صحبتها تحكيلها كلش على الاقل تخفي على روحك شوية

و ربي يسرهالك حبيبتي ان شا الله و بالنهاية كلش فايت حتى هدي الكآبة لي راها فيك فايت كاش نهار



نحبك ~​

 

[BELESSIMO]

رد: عاااااجل ساعدوني ارجوووووووووووووووووكم ارجوكم ساعدوني ارجوكم

سلام عليكم

متعمريش راسك بخاوتك..هذي هي عقلية الشاب الجزائري..تبالهم رجلة كي يديرو هك ..الله يهديهم
كيما قاتلك الاخت تكبري ويتبدلو معاك

بخصوص سرك..لازم تحكي لماماك بما انو ما درتي حتى غلطة واكيد هي رح تتفهمك

 

[GI Joe]

رد: عاااااجل ساعدوني ارجوووووووووووووووووكم ارجوكم ساعدوني ارجوكم

khalihom allah la hadro mat3amrich rassek, almohim thebou w trespectiw ba3dhkom mich chart tgassrou
mais mamak ahkilha w nooormal la ma3djebhech l hal hia li raha tfahmek win ghlati mich""chibh sadi9a""raha tkouni plus a l aise m3a rohek

 

[Bouchra22]

رد: عاااااجل ساعدوني ارجوووووووووووووووووكم ارجوكم ساعدوني ارجوكم

rabi yfaraj 3lik khty

 

[fahd141]

رد: عاااااجل ساعدوني ارجوووووووووووووووووكم ارجوكم ساعدوني ارجوكم

للأسف ما أفهم اللهجة الجزائرية لكن اللي فهمته انك متضايقة من معاملة الأخوة الذكور لك ..


شي عادي اللي يصير منهم ..
اكثر الشباب في العالم العربي للأسف بنفس العقلية و نفس الموال ..
و هو ليس دليلا على الكره ، فلا تفكري بالمنطق هذا أو تعتمدي هذا المنظور لأنك راح تتعبي كثير مثل ما انت تعبانة الان ..
أسلوبهم ناشف و فيها لا مبالاة ، و احيانا قد يأكلو بعض حقوقك او يمنعوك عن بعضها ، و للأسف البيئة لها دور ..
اسهل الحلول التطنيش و عدم الرد بالمثل ، لأنهم راح يعاندو بزيادة ، و أَرى أن تتحدثي للوالدة بأسلوب عادي بدون ما توريها انك شايلة عليهم او مقهورة ،، الأم اكيد ملاحظة الشيء هذا وهي اكيد راح تساعدك بطريقتها ،،،
ومع الوقت مثل ماذكرو الأخوة سابقا تقربي لهم شيئا فشيئا لعل و عسى يفتح الله بينك و بينهم بابا ..


الله يعينكم

 

[miss victoria]

رد: عاااااجل ساعدوني ارجوووووووووووووووووكم ارجوكم ساعدوني ارجوكم

واش رايحة نقوولك ربي يكون معاو ادعيلهم بالهداية
و انا تاني ندعيلك