السوريين رجعو موضة

[أميرة ميرال]

السلام عليكم ورحمة الله وبركاته
شوفو راني جديدة وما تنشعونيش قريت مواضيعكم والله سخفتوني
نعمل موضوع راني عاندتكم مادابيكم تتهلاو فيا بجاه ربي
أختكم ميرال في أمانتكم :bravo01:
اممم ياك نورمالمون لاحظتو بلي كثرو في بلادنا المعتزات ونقصد
جمع معتز هههه قصدي السوريين يؤبشو قلبي أبش :tongue02::tongue02:
وكامل هكذا طاحو علينا خشان بالماكلة تاعهم وحكمونا من يدنا
لي توجعنا ياك رانا شعب يموت على كرشو حتى الشعب كامل ربى
الكرش ولينا ما نفرقو بين الحامل وبين لي كرشها برك خارج هههه
بون هوما درك بارك الله فيهم زعماك جابولنا أكلات جداد هكذا
ما نعرفوهمش وذوقونا أكلات شرقية والحمد لله سكنا عندهم :d:d
بصح درك كاين زوج حوايج ما فهمتهمش
اللولة لبنات تاعنا كي طايحين كي الذبان على السوريين ما فهمت
والو تفوت على مطعم سوري تحس روحك في باب الحارة ياو كامل
لبنات يتقلشو باللهجة السورية تقولو تسلم إيدك ولا يسلمو هالإيدين
ولا زعماك كي تحب تدلعو تقولو يسلمو هالديات :s:s
ولا تلقى وحدة تقول لواحد سوري تم شفتك عالفايسبوك وبعثتلك
طلب صداقة ليش ما ضفتني ؟ :s وزعمة لمخيرة لي تتعرف على واحد
من السوريين هذوك :s:s تعبولي راسي والله وليت نحشم ياو وهوما
يؤبرو ألبي ما أحلاهن تحولو لسوريات كامل
والحاجة الثانية هذو السوريين أون pيرصون تلقاهم هنا جايين من بلادهم
وعايشين في بلادنا واحنا نشوفوهم خوتنا وراهم يسترزقو هنا ولوكان
ما الشعب يروح ليهم يشري من عندهم ولا ياكل من عندهم لوكان
راهم قفلو ورجعو لبلادهم ولا تشردو بصاح تلقاه هكذا بوجه صحيح
ما يتكسرش تسمعو يمنشر في بلادك وفي شعبك ويحل في فمو :s:s:s
درك فهمنا لبنات كاين كاليتي هك رخستنا وعلابالنا بلادنا ماهيش ديك
لبلاد بصح استحي يا أخي استحي راك تسترزق عندنا أو نقطعولك
الرزق يا معتز أحترم نفسك رجال لا بطلنا ؟؟ :down::down:
المهم وحد الوقت لي جون ديالنا فرحو قالك السوريات جاو ودرك
لبنات دالتهم فرحانين قالك السوريين جاو وكي سمعو بكا تاع زواج
بين جزايرية وسوري كل وحدة راهي تشوف في روحها عروسة معتز
الله يهديكم برك فضحتونا وخليتو للبراني فرصة يطيح بينا

هذا ماكان برك حبيت نحكي على النقطة هذي بالاك كاش معنيات يفيقو
ويحشمو شوية ويتفكرو بلي راهم في الجزاير ماشي في باب الحارة 8

تربحوا خوتي شكرا على حسن المتابعة والإصغاء
كانت معكم ميرال :regards01:
​

 

[Skor m@k]

رد: السوريين رجعو موضة

السلام عليكم
مرحباا بك ختي معانا هنا فالمنتدى ان شاء الله يتكون عجباتك المواضيع تاعنا

لسوريين هلكونا وين ندورو نلقاوهم
الطلبة يطلبو فكل طريق وكل جامع حتى ولات كي شغل عادة
تروح لي ريسطورات تلقاهم فاتحين سوريين
حنا زادو تدخلونا فكروشنا سافيك تهلكت هاكذا هههه
وحنا يتبعو برك يجو الشناوة تلقايهم موراهم
حنا متبعناش غير لكحالش ههههه
مساكن راهم في غبينة عندنا هههه
يعطيك الصحة ختي
ان شاء الله مايكونش الموضوع الاخير تاعك هنا وفكل المنتدى
سلام​

 

[أميرة ميرال]

رد: السوريين رجعو موضة

السلام عليكم
مرحباا بك ختي معانا هنا فالمنتدى ان شاء الله يتكون عجباتك المواضيع تاعنا

لسوريين هلكونا وين ندورو نلقاوهم
الطلبة يطلبو فكل طريق وكل جامع حتى ولات كي شغل عادة
تروح لي ريسطورات تلقاهم فاتحين سوريين
حنا زادو تدخلونا فكروشنا سافيك تهلكت هاكذا هههه
وحنا يتبعو برك يجو الشناوة تلقايهم موراهم
حنا متبعناش غير لكحالش ههههه
مساكن راهم في غبينة عندنا هههه
يعطيك الصحة ختي
ان شاء الله مايكونش الموضوع الاخير تاعك هنا وفكل المنتدى
سلام​

وعليكم السلام
مرسي خويا على الترحيب يعطيك الصحة وبيان سير عجبوني المواضيع
لوكان ما عملتش الموضوع هذا سخفتوني هههه
والله صح كيما قلت غير لكحالش ما شفتش الرجال تاعنا يتبعو في نساهم
ولا لبنات تاعنا يتبعو في رجالهم واقيل رانا دي راسيزم ياو هههه علابيها ؟
والله يا خويا بلادنا تدخلت بزاف كاش نهار يرجعو البرانية كتر من أهلها
ولا بالاك نلقاو رواحنا برا بكل نخلوهالهم ونمشو شغل من بكري بومدرح
عايشين في لبلاد هذي زادو جاو درحونا والله المستعان أو يفرج ربي
مرسي خويا اونكور وان شاء الله ماشي آخر موضوع شجعوني برك :p
تشاو
​

 

[ليليا مرام]

رد: السوريين رجعو موضة

السلام عليكم
اهلا ميرال نورتينا واش نقولك يا اختي الصح الضيق فالقلوب المهم جنا فتحنالهم قلوبنا وبلادنا شدتهم وما ذلتهمش كيما باقي البلدان انا نشوف اللي كانو يطلبو رجعو يخدمو وسكنو وولادهم يقراو والحمد لله احسن من يتشردو لانو الحرب مقدرة على كل واحد ويجي نهار يرجعو لبلادهم العيب مش مليح
نرجعو للسوجي بناتنا مخلوعات مي ارواحي نقولك مخلوعات ويعرفو يخيرو وعلاه ما طاحوش مع الكحالش او شناوا راهم خيرو الزين الكامل السوريين مي نقولك فمرة رحت نشري حجاب من حانوت نتاع سوريين ايا بدا يمنشر فينا ويعاير وصفرات الوجه يضحكو بهدلتو ولما كانو ليجون برا حاطين فالطوابل وسمعو الهدرة طلو عليا وقالولي ختي كاش ما كاين هوما خافو ماتو يقولك يتحاماو قتلو ماكان والو خويا انا نقولو ما رجعتليش الصرف وهو يقولي رجعتلك سينو كانو ياكلوه وانا ما نحبش الحقرة قتلو راك شفت راك فبلادنا مهما كانو ولادنا مي فحولة ونتاع رجولية حل عينك فعشنا وينشنا تمسخير
انا ما نلومهمش السوريين انا نلوم المخلوعات حابة تورنر باب الحارة وتعيطلو ابن عميييييييييي
ياو حطي رجليك فالما بارد يعشقو فيكم وي يتزوجوكم نو
شكرا

 

[أميرة ميرال]

رد: السوريين رجعو موضة

السلام عليكم
اهلا ميرال نورتينا واش نقولك يا اختي الصح الضيق فالقلوب المهم جنا فتحنالهم قلوبنا وبلادنا شدتهم وما ذلتهمش كيما باقي البلدان انا نشوف اللي كانو يطلبو رجعو يخدمو وسكنو وولادهم يقراو والحمد لله احسن من يتشردو لانو الحرب مقدرة على كل واحد ويجي نهار يرجعو لبلادهم العيب مش مليح
نرجعو للسوجي بناتنا مخلوعات مي ارواحي نقولك مخلوعات ويعرفو يخيرو وعلاه ما طاحوش مع الكحالش او شناوا راهم خيرو الزين الكامل السوريين مي نقولك فمرة رحت نشري حجاب من حانوت نتاع سوريين ايا بدا يمنشر فينا ويعاير وصفرات الوجه يضحكو بهدلتو ولما كانو ليجون برا حاطين فالطوابل وسمعو الهدرة طلو عليا وقالولي ختي كاش ما كاين هوما خافو ماتو يقولك يتحاماو قتلو ماكان والو خويا انا نقولو ما رجعتليش الصرف وهو يقولي رجعتلك سينو كانو ياكلوه وانا ما نحبش الحقرة قتلو راك شفت راك فبلادنا مهما كانو ولادنا مي فحولة ونتاع رجولية حل عينك فعشنا وينشنا تمسخير
انا ما نلومهمش السوريين انا نلوم المخلوعات حابة تورنر باب الحارة وتعيطلو ابن عميييييييييي
ياو حطي رجليك فالما بارد يعشقو فيكم وي يتزوجوكم نو
شكرا

وعليكم السلام ومرحبا حنونة جوزي جوزي
ديجا نقولو الحمد لله على نعمة الأمن والأمان وباقي الشي نخلوه مغطي بغطا
البير ماكان لاه نقيسوه وكيما قلتي اللوم بوكو بليس على المخلوعات لي في
بالهم مثلا رايحين يطيرو بمعتز وتقولو تؤبرني هههه ياك قلتيها يعرفو يخيرو ما
راحوش للكحالش هذوك مساكن ما كاينلهمش وكامل محقورين هنا في بلادنا
واحد ما لقيناه يخدم وجاو متشردين وبقاو متشردين حتى هزوهم رجعوهم
لبلادهم بصح السوريين راهم عملو بلاصتهم هنا علابيها المخلوعات تلقايهم
يدورو جيهتهم بزاف ولي ما نحبوش واحد يسترزق في بلاد الناس وعايش
بالتفاعل تاع الناس هذو معاه بصح يجي يحقر ولاد لبلاد ولا يضحك عليهم
وهو لوكان يتفاهمو عليه ويبطلو يشرو من عندو يغلق ويروح يتسول :s
كرهت لبنات المخلوعات والسوريين المتكبرين وهوما مهما يكون حالهم مليح
ومسقمتلهم الدنيا هنا يبقاو راهم في بلاد الناس مالا ماكان لاه يتكبرو
ومرسي أختي على التفاعل فرحتيني حسبت واحد ما يديها فيا هههه
شكرا وتشاو
​

 

[الورد الأحمر]

رد: السوريين رجعو موضة

السلام عليك ورحمة الله وبركاته

اي وي الظاهرة هذي شفتها مام عندنا نشوف في لبنات كيفاه يديرو ويتقلشو زعمة على السوريين تقول نقصفهم ربي يهديهم برك ويهدينا أجمعين

مرحبا بيك أختي في اللمة وأهلا بيك في واش راك تهدر ومادابينا نشوفوك في مواضيع أخرى هاو شجعناك يا سيدي :p

 

[الامين محمد]

رد: السوريين رجعو موضة

يعطيك الصحة أميرتنا راكي بردتي قلبي في البنات اللي
يعوجوا في رواحهم
حتى اللهجة السورية تخرج منهم تقيي سامطات نتاع الصح:tongue02::tongue02:

واحد النهار دخلت في محل لقيت وحدة تعوج في روحها
و باقية تخلط في الهدرة مع واحد الراجل ظنيته سوري
لكن في الأخير ضهر انه جزايري
و قال ليها علاش راكي قاعدة تعصري في روحك انا جزايري نخدم مع السوريين:-o:-o
تعرفي هاذيك البنت تحطت في موقف يحشم:$
نورمالمو هوما يتعلموا لهجتنا و ليس العكس
لكن تبقى دايما عقدتنا مع المنتوج المحلي :down:هههههههههههههههه

أختي أميرتنا من غدوة حتى أنا نحوس على كاش محل فيه سوريات
نروح نحكي عفوا نشري هههههههه و نتفرج:d:d
تؤبري ألبي محلاك شو اسمك يا صبية ههههههههههه:$
واش نقدر نسلك راسي :p

لكن خايف تقولي أسمي مسعووودة هههههههههههه

أختي أميرتنا شكرا موضوعك زين :regards01:
تحياتي أخوك الامين محمد:regards01:
​

 

[الامين محمد]

رد: السوريين رجعو موضة

السلام عليكم
اهلا ميرال نورتينا واش نقولك يا اختي الصح الضيق فالقلوب المهم جنا فتحنالهم قلوبنا وبلادنا شدتهم وما ذلتهمش كيما باقي البلدان انا نشوف اللي كانو يطلبو رجعو يخدمو وسكنو وولادهم يقراو والحمد لله احسن من يتشردو لانو الحرب مقدرة على كل واحد ويجي نهار يرجعو لبلادهم العيب مش مليح
نرجعو للسوجي بناتنا مخلوعات مي ارواحي نقولك مخلوعات ويعرفو يخيرو وعلاه ما طاحوش مع الكحالش او شناوا راهم خيرو الزين الكامل السوريين مي نقولك فمرة رحت نشري حجاب من حانوت نتاع سوريين ايا بدا يمنشر فينا ويعاير وصفرات الوجه يضحكو بهدلتو ولما كانو ليجون برا حاطين فالطوابل وسمعو الهدرة طلو عليا وقالولي ختي كاش ما كاين هوما خافو ماتو يقولك يتحاماو قتلو ماكان والو خويا انا نقولو ما رجعتليش الصرف وهو يقولي رجعتلك سينو كانو ياكلوه وانا ما نحبش الحقرة قتلو راك شفت راك فبلادنا مهما كانو ولادنا مي فحولة ونتاع رجولية حل عينك فعشنا وينشنا تمسخير
انا ما نلومهمش السوريين انا نلوم المخلوعات حابة تورنر باب الحارة وتعيطلو ابن عميييييييييي
ياو حطي رجليك فالما بارد يعشقو فيكم وي يتزوجوكم نو
شكرا

أختي التوأم راكي
تعايري معايرة نتاع عجايز
يعطيك الصحة
كاش نهار نفوت ليك المدام تغسليها راهي ميبسة راسها ههههههههه
واش أختي التوأم تبرديلي خاطري فيها

 

[انا ناس ملاح]

رد: السوريين رجعو موضة

صح كاينة منها ميرال كلامك صواب غروسومودو لبنات تاعنا زودوها تقول غير هوما رجالة !!!!
و الشي اللي ينرفزني ان هاذ السوارا شايفين رواحهم حاجة ماعلاباليش غرهم زين الفيلمات ولا واش ! انا اللي راني شايفتهم عاااادي سمورا و بالحبوب في وجوههم و باشعين يعني فيهم و عليهم كي هوما كي بناتهم
يعني لاكان عالزين عندنا الزين
ولاكان عالماكلة البراكا في الدوبارة البسكرية ولا هاذيك الكبة المسودة تاعهم
خاوتنا نحبوهم راهم مسلمين سنة بصح كي يصمطوها هاك و يعودو يتكسلو علينا نقولولهم رآنا عندنا الزين و الدين و الماكلة و العقلية ماناش مخلوعين و الجزايري مايخلعوا والو غير بعض المصايب اللي بهدلو بينا سينون حنا هوما حنا و حاجة ماتخلعنا

 

[انا ناس ملاح]

رد: السوريين رجعو موضة

السلام عليكم
اهلا ميرال نورتينا واش نقولك يا اختي الصح الضيق فالقلوب المهم جنا فتحنالهم قلوبنا وبلادنا شدتهم وما ذلتهمش كيما باقي البلدان انا نشوف اللي كانو يطلبو رجعو يخدمو وسكنو وولادهم يقراو والحمد لله احسن من يتشردو لانو الحرب مقدرة على كل واحد ويجي نهار يرجعو لبلادهم العيب مش مليح
نرجعو للسوجي بناتنا مخلوعات مي ارواحي نقولك مخلوعات ويعرفو يخيرو وعلاه ما طاحوش مع الكحالش او شناوا راهم خيرو الزين الكامل السوريين مي نقولك فمرة رحت نشري حجاب من حانوت نتاع سوريين ايا بدا يمنشر فينا ويعاير وصفرات الوجه يضحكو بهدلتو ولما كانو ليجون برا حاطين فالطوابل وسمعو الهدرة طلو عليا وقالولي ختي كاش ما كاين هوما خافو ماتو يقولك يتحاماو قتلو ماكان والو خويا انا نقولو ما رجعتليش الصرف وهو يقولي رجعتلك سينو كانو ياكلوه وانا ما نحبش الحقرة قتلو راك شفت راك فبلادنا مهما كانو ولادنا مي فحولة ونتاع رجولية حل عينك فعشنا وينشنا تمسخير
انا ما نلومهمش السوريين انا نلوم المخلوعات حابة تورنر باب الحارة وتعيطلو ابن عميييييييييي
ياو حطي رجليك فالما بارد يعشقو فيكم وي يتزوجوكم نو
شكرا

اختي وعلاش تقولي في الاخير يعشقوا فيكم وي يتزوجوكم نو !
علاش الله لا يوصلهم ليهم الشرف العظيم يتزوجوا جزائرية
ياو حنا اللي مانتزوجوهمش ماناش نطايشو بنت الجزاير حرة بنت الأحرار و الراجل الجزايري هو الخير و البركة
مافهمتش علاش تقولي يتزوجوككم نو !!!
الإجابة هي ايه لخطراش يحبلو باش يدي جزايرية ياو فاقو السلطات الجزايرية راهي متفطنة و مانعة زواجهم بِنَا حفاظا علينا لان بنت الجزاير حرة و ماتتزوجش اي زواج سيرتو كيما هاك مش مضمون لا دار لا دوار لا كواغط لا حقوق ! كثر خير و تحية حارة للسلطات الجزايرية اللي حمات بناتها من استغلال البعض من هاذ السوارا

 

[أميرة ميرال]

رد: السوريين رجعو موضة

السلام عليك ورحمة الله وبركاته

اي وي الظاهرة هذي شفتها مام عندنا نشوف في لبنات كيفاه يديرو ويتقلشو زعمة على السوريين تقول نقصفهم ربي يهديهم برك ويهدينا أجمعين

مرحبا بيك أختي في اللمة وأهلا بيك في واش راك تهدر ومادابينا نشوفوك في مواضيع أخرى هاو شجعناك يا سيدي :p

وعليكم السلام سيدتي :regards01::regards01:
تسمى ماهيش غير عندنا برك راهي منتشرة في كل بلاصة انتشروا فيها السوريين
ياحي على ديك التبهديلة بهدلو بينا هاذ الكاليتي وجوه التبهديل
مرسي على التشجيع يعطيك الصحة وان شاء الله نكون ديما حاضرة :thumb_up02:
​

 

[أميرة ميرال]

رد: السوريين رجعو موضة

يعطيك الصحة أميرتنا راكي بردتي قلبي في البنات اللي
يعوجوا في رواحهم
حتى اللهجة السورية تخرج منهم تقيي سامطات نتاع الصح:tongue02::tongue02:

واحد النهار دخلت في محل لقيت وحدة تعوج في روحها
و باقية تخلط في الهدرة مع واحد الراجل ظنيته سوري
لكن في الأخير ضهر انه جزايري
و قال ليها علاش راكي قاعدة تعصري في روحك انا جزايري نخدم مع السوريين:-o:-o
تعرفي هاذيك البنت تحطت في موقف يحشم:$
نورمالمو هوما يتعلموا لهجتنا و ليس العكس
لكن تبقى دايما عقدتنا مع المنتوج المحلي :down:هههههههههههههههه

أختي أميرتنا من غدوة حتى أنا نحوس على كاش محل فيه سوريات
نروح نحكي عفوا نشري هههههههه و نتفرج:d:d
تؤبري ألبي محلاك شو اسمك يا صبية ههههههههههه:$
واش نقدر نسلك راسي :p

لكن خايف تقولي أسمي مسعووودة هههههههههههه

أختي أميرتنا شكرا موضوعك زين :regards01:
تحياتي أخوك الامين محمد:regards01:
​

ههههه أصبرني نضحك وبعدها نرحب بيك في الموضوع ضحكتني لي تلعب فيها
وظهر جزايري هههه والله هذي ضحكة موقف يحشّم صح هههه ودرك مرحبا
بيك جوز للموضوع شفت ديك الحشمة وين حطت روحها وهي تطلق
في لسانها وتفوت في روحها كول عليه ههه ما لازمش الوحدة تتسرع :smile02::smile02::smile02:
اتوله لا تروح تحكي قصدي تشري وتزيد تطيح فيها مسعودة برك ههه
مرسي على الرد خويا يعطيك صحيحتك :regards02:
​

​

 

[أميرة ميرال]

رد: السوريين رجعو موضة

اختي وعلاش تقولي في الاخير يعشقوا فيكم وي يتزوجوكم نو !
علاش الله لا يوصلهم ليهم الشرف العظيم يتزوجوا جزائرية
ياو حنا اللي مانتزوجوهمش ماناش نطايشو بنت الجزاير حرة بنت الأحرار و الراجل الجزايري هو الخير و البركة
مافهمتش علاش تقولي يتزوجوككم نو !!!
الإجابة هي ايه لخطراش يحبلو باش يدي جزايرية ياو فاقو السلطات الجزايرية راهي متفطنة و مانعة زواجهم بِنَا حفاظا علينا لان بنت الجزاير حرة و ماتتزوجش اي زواج سيرتو كيما هاك مش مضمون لا دار لا دوار لا كواغط لا حقوق ! كثر خير و تحية حارة للسلطات الجزايرية اللي حمات بناتها من استغلال البعض من هاذ السوارا

مرحبا أختي بلعقل برك عليها راهم كاين بزاف حالات تمسخرو بيهم وخلاوهم وي
وكاين تاني بزاف حالات تزوجوهم وراهم كاين بزاف سوريين يتزوجو في
الجزائريات مع أنو كاين قانون واضح يمنع الزواج بينهم بصح يعملو لف ودوران
على القانون ويتزوجو بالفاتحة وبما أنو العقد المدني ما يقبلوش أنهم يعملوهولهم
يديرو الدخلة بالفاتحة ومن بعد الوحدة تشكي عليه وكي يتأكدو بالطب الشرعي
يعقدولهم ويبانلي القانون هذا عوض يعلي شان المرأة الجزايرية راه حبطو للرض
تاع توصل بالوحدة تتزوج هكذا وتولي في المحاكم تتجرجر وتروح تشكي باش
يثبتولها زواجها راهي gراف لوكان ينحو القانون بالاك خير وخير
مرسي على الرد أختي ويعطيك صحيحتك
​

 

[أميرة ميرال]

رد: السوريين رجعو موضة

صح كاينة منها ميرال كلامك صواب غروسومودو لبنات تاعنا زودوها تقول غير هوما رجالة !!!!
و الشي اللي ينرفزني ان هاذ السوارا شايفين رواحهم حاجة ماعلاباليش غرهم زين الفيلمات ولا واش ! انا اللي راني شايفتهم عاااادي سمورا و بالحبوب في وجوههم و باشعين يعني فيهم و عليهم كي هوما كي بناتهم
يعني لاكان عالزين عندنا الزين
ولاكان عالماكلة البراكا في الدوبارة البسكرية ولا هاذيك الكبة المسودة تاعهم
خاوتنا نحبوهم راهم مسلمين سنة بصح كي يصمطوها هاك و يعودو يتكسلو علينا نقولولهم رآنا عندنا الزين و الدين و الماكلة و العقلية ماناش مخلوعين و الجزايري مايخلعوا والو غير بعض المصايب اللي بهدلو بينا سينون حنا هوما حنا و حاجة ماتخلعنا

ههههه والله ما شفت الرد هذا شفت غير ردك الثاني يوووه يعطيك الصحة بردتيلي
قلبي وعجبتني تاع عادي وسمورا وبلحبوب ههههه والله ضحكتيني أختي :d:d:d
عندك الصح كاين برك لي بهدلو بينا لوكان راه الزين عندنا والماكلة عندنا بصح
ادام كاين مخلوعات في الدنيا هذي أو تعرفي يطيحو البق على الباقي ويسودولنا
صورتنا قدام البرانية ومرسي ثاني على الرد هذا والله ضحكت
​

 

[قرصان الساحل]

رد: السوريين رجعو موضة

والله حطيتي اليد على الجرح خاصة في ظاهرة شهدتها ووجعني قلبي تاع صح منها
يجي واحد اجنبي لا على التحديد المهم من اي دولة عربية يعني هو هرب من بلادو اما بسبب الحرب او بسبب الفقر وجا يسترزق هنا كيما قلتي مرحبا ... اما ان يتكلم في بلادي خــــــــــــــــــــــــــــط أحمــــــــــــــــــــــــــــر
وللاسف ونقولها وفمي مليان وجوه البخس تساند فيه يا ختي ولا خويا او كون ما جابوش الشر والحرب ما يجيش ليك علاه ما يجيكش تاع قطر ويجيك تاع سوريا وتاع مش عارف
خويا بلادي ونحبها بخنونتها على الاقل حنا عندنا الغاز يمشي 24/24 ساعة روح شوف خاوتك علاه ما يحكوش في هادي صح بلادنا وعيوبها مي بيناتنا هادي مش نحكولهم .. روح هو وقلو سوريا فيها الحرب وكي يجاوبك قلي ؟؟

والله نتقلق صح من هاد الناس وانت في اول موضوع خليتيني نتقلق منهم هههه
والله يعطيك الصحة ختي راكي فووووووووووووووووور بزاف
كملي كملي ..
في المتابعة
​

 

[انا ناس ملاح]

رد: السوريين رجعو موضة

مرحبا أختي بلعقل برك عليها راهم كاين بزاف حالات تمسخرو بيهم وخلاوهم وي
وكاين تاني بزاف حالات تزوجوهم وراهم كاين بزاف سوريين يتزوجو في
الجزائريات مع أنو كاين قانون واضح يمنع الزواج بينهم بصح يعملو لف ودوران
على القانون ويتزوجو بالفاتحة وبما أنو العقد المدني ما يقبلوش أنهم يعملوهولهم
يديرو الدخلة بالفاتحة ومن بعد الوحدة تشكي عليه وكي يتأكدو بالطب الشرعي
يعقدولهم ويبانلي القانون هذا عوض يعلي شان المرأة الجزايرية راه حبطو للرض
تاع توصل بالوحدة تتزوج هكذا وتولي في المحاكم تتجرجر وتروح تشكي باش
يثبتولها زواجها راهي gراف لوكان ينحو القانون بالاك خير وخير
مرسي على الرد أختي ويعطيك صحيحتك
​

صباح النور حنونة وشراكي شوي و جمعة مباركة ليك و للجميع
لالا راكي غالطة في أهداف هذا القانون و كيفاش و علاش
راهي دزاير منعت الزواج من البداية هذا خوفا على مصير بناتها
بصح البنات هوما اللي راحو يتزوجو بالفاتحة و كسروا القانون و تبعوا شهوة النفس
يعني ماتلوميش القانون لانه ماضربهاش على يدها و قالها تزوجيه بالسيف
بالعكس هو حماها بصح هي راحت زوجت بالفاتحة لكي تضع القانون امام امر الواقع
و القانون بطبيعة الحال كي يشوف حالات حمل او اولاد في سن التمدرس اكيد سيتنازل و يعقد لهم
و لكن في البداية القانون كان ضد هذا الزواج لأسباب موضوعية و بعيدة المدى غرضها هو فقط حماية مصير الفتاة من المستقبل المجهول مع هذا اللاجىء اللذي قد يتزوجها فقط من اجل تسوية وضعيته و اذا استقرت الأوضاع في بلده لربما يغادر و يتركها مرمية ورآه و قد يكووووووون شيعي او نصراني او يهودي ماناش عارفين ملتو واش !
يعني كون كيما تقولي القانون مفروض من الاول يسمح لهم بالزواج معناه هكا بناتنا للتطياش !! لالالاا الزواج بالجزائرية مش يطايش و بناتنا نمدوهم عالصح و كثر خير الدولة اللي منعت هالشي و إلا صرا العجب في بناتنا يستغلوهم و مبعد يطيشوهم بولادهم هاذي رؤية دولة و سياسة دولة لها بعد نظر مش تمسخير :yahoo01:

 

[أميرة ميرال]

رد: السوريين رجعو موضة

والله حطيتي اليد على الجرح خاصة في ظاهرة شهدتها ووجعني قلبي تاع صح منها
يجي واحد اجنبي لا على التحديد المهم من اي دولة عربية يعني هو هرب من بلادو اما بسبب الحرب او بسبب الفقر وجا يسترزق هنا كيما قلتي مرحبا ... اما ان يتكلم في بلادي خــــــــــــــــــــــــــــط أحمــــــــــــــــــــــــــــر
وللاسف ونقولها وفمي مليان وجوه البخس تساند فيه يا ختي ولا خويا او كون ما جابوش الشر والحرب ما يجيش ليك علاه ما يجيكش تاع قطر ويجيك تاع سوريا وتاع مش عارف
خويا بلادي ونحبها بخنونتها على الاقل حنا عندنا الغاز يمشي 24/24 ساعة روح شوف خاوتك علاه ما يحكوش في هادي صح بلادنا وعيوبها مي بيناتنا هادي مش نحكولهم .. روح هو وقلو سوريا فيها الحرب وكي يجاوبك قلي ؟؟

والله نتقلق صح من هاد الناس وانت في اول موضوع خليتيني نتقلق منهم هههه
والله يعطيك الصحة ختي راكي فووووووووووووووووور بزاف
كملي كملي ..
في المتابعة
​

ايه يا خو هوما جابتهم لغبينة هنا وراهي ظروفهم هنا خير من ظروف لي مازالو
باقيين في سوريا ومن بعدا يجي يتgوعر عليك في بلادك وشايف روحو حاجة
وهو لوكان تشلي عليه الجماعة تقوللهم ما بقيتو تشرو من عندو ما والو يقفل
ويقلبها نصبة قدام الجامع والله عيب عليهم مرحبا بيهم راهم خوتنا مي لوكان
هذو لي يحلو في فمهم يلمو الفم داك ويسكتو ويخلو الأمور السياسية لأهل لبلاد
ماشي خيرلهم ؟ زيد لقاو لي يضحكلهم كيف ما قلت ولقاو البانيت تجري عليهم
شافو رواحهم صح حاجة وتلقاه بالاك كان في بلادو نكرة ووحدة ما تخزر فيه
تسمى تعددت العوامل والنتيجة واحدة رخسونا ولاد بلادنا مرسي خو :regards01:
​

 

[أميرة ميرال]

رد: السوريين رجعو موضة

صباح النور حنونة وشراكي شوي و جمعة مباركة ليك و للجميع
لالا راكي غالطة في أهداف هذا القانون و كيفاش و علاش
راهي دزاير منعت الزواج من البداية هذا خوفا على مصير بناتها
بصح البنات هوما اللي راحو يتزوجو بالفاتحة و كسروا القانون و تبعوا شهوة النفس
يعني ماتلوميش القانون لانه ماضربهاش على يدها و قالها تزوجيه بالسيف
بالعكس هو حماها بصح هي راحت زوجت بالفاتحة لكي تضع القانون امام امر الواقع
و القانون بطبيعة الحال كي يشوف حالات حمل او اولاد في سن التمدرس اكيد سيتنازل و يعقد لهم
و لكن في البداية القانون كان ضد هذا الزواج لأسباب موضوعية و بعيدة المدى غرضها هو فقط حماية مصير الفتاة من المستقبل المجهول مع هذا اللاجىء اللذي قد يتزوجها فقط من اجل تسوية وضعيته و اذا استقرت الأوضاع في بلده لربما يغادر و يتركها مرمية ورآه و قد يكووووووون شيعي او نصراني او يهودي ماناش عارفين ملتو واش !
يعني كون كيما تقولي القانون مفروض من الاول يسمح لهم بالزواج معناه هكا بناتنا للتطياش !! لالالاا الزواج بالجزائرية مش يطايش و بناتنا نمدوهم عالصح و كثر خير الدولة اللي منعت هالشي و إلا صرا العجب في بناتنا يستغلوهم و مبعد يطيشوهم بولادهم هاذي رؤية دولة و سياسة دولة لها بعد نظر مش تمسخير :yahoo01:

صباح النورالزينة وجمعة مباركة حنونة وراني بخير الحمد لله
والله يا أختي القانون هذا فيه وعليه هو صح تحط بهدف التنظيم مي شوية خلط
الحالة وتحط باش يعزز الفتاة الجزايرية هيا هي خيرت ترخص روحها وتحط هاذ
القانون قدام الأمر الواقع ومادام ما فراتش لافار في سوريا والله ما نفهمو كان
هذو الحالات يدومو ولا جيست تفرا في بلادو يعطيها لبلادو ويخلفها وراه :s
الله يحفظ ولاد وبنات لبلاد ويبعد عليهم كل خبيث وشكرا أختي
​