تجمٌع تحضيرات ودردشة رمضانية

[أم الأولاد]

السلام عليكم ورحمة الله وبركاته

اللهم بلغنا رمضان واعنا على قيامه وصيامه

ليكن هذا الموضوع تجمع لنا

خاص بالحديث عن تنظيف المطبخ والمنزل و الأكل الذي سنحضره في شهر رمضان
واش حضّرتي سيدتي انستي من تدابير رمضانية حتى الآن ؟
واش راح نطيبو واش نعملو

​

​

ياريت تشاركونا جميعا







​

 

[أم الأولاد]

رد: تجمٌع تحضيرات ودردشة رمضانية

هل عملتم نيطواياج للمطبخ والدار ؟

حنا عملناه خلاص باقي نلصقو الريدو تاع النافذة فقط

كاشما عملتو تدابير منزلية افيدونا بيها


​

 

[جيهان جوجو]

رد: تجمٌع تحضيرات ودردشة رمضانية

وعليكم السلام
بارك الله فيك على الفكرة الجميلة التي ستفدينا كثيرا
بالتوفيق
في امان الله
​

 

[hadil2044]

رد: تجمٌع تحضيرات ودردشة رمضانية

راني مع الميناج بصفة عامة بديت روطار كي كملنا الكنترولات
كملت الصالة والهول الزورات والزرابي
الكوزينة السمانة الجاية ان شاء الله

فيما يخص الاكل شرينا شوي سقايط والفريك مزال ما رحيناهش ومزالت قداه من حاجة
وباه نجرب اوراق الديول الى صلحت نولي ديما نديرها
ربي يقدرنا نكملو

افيدونا البنات وش عملتو
​

 

[أم منيــــــر]

رد: تجمٌع تحضيرات ودردشة رمضانية

السلام عليكم
يعطيكم الصحة لبنات و تصومو بالصحة ان شاء الله
راكم تعرفو كامل بلي لمرا على العام و هي مع النيتوياج و الكوزينة بصح والفنا انو قبل رمضان نظفو كامل البيت
ماعليش عادة حميدة ادا ما تشغلناش على صلاتنا و على عباداتنا
لازم نغتنم الفرصة و احنا نظفو في التسبيح و ذكر الله و الاستغفار حتى نالو الاجر
انا تقريبا كملت النيتواياج
شريت شويا ماعن كانو لازميني
كنت ناوية نصبغ البيت ربي ما كتبش ماعليش
التحضيرات المعنوية
صمت ايام من شعبان الله يتقبل منا جميعا
في كل وقت نردد
سبحان الله و الحمد لله و لا الاه الا الله و الله اكبر
ندعي اللهم بلغنا رمضان لا فاقدين و لا مفقودين
صدقنا لي قدرنا عليه و نتمنى ربي يتقبل منا و يجعله في ميزان حسناتنا
و درك قلوبنا متلهفة على قدوم الشهر الكريم العزيز علينا
ربي يعاونكم و يعطيك الصحة على فتح هاد النافدة
​

 

[zohor kfz]

رد: تجمٌع تحضيرات ودردشة رمضانية

كملنا الميناج بصح وليد عمي راه ماشي يملك و نديرولو في دارنا الصولح يعني اليناج نكملوه السبت لي قبل رمضان ان شاء الله
باقيلي نشوف وصفات لرمضان ان شاء الله

 

[اسيل الحياة]

رد: تجمٌع تحضيرات ودردشة رمضانية

شكرا لك على التحضيرات ان شاء الله تفيدنا
وصــــــــــــــــــــــــــــح رممضانكم وكل عــــــــــــــــــــــــام وانتم بخيـــــــــــــــــــــــــــر

 

[Hakan]

رد: تجمٌع تحضيرات ودردشة رمضانية

انا نقعد نسفقلكم من هذا الموضوع ههه عجبني نتاع الصح هههه
ربي يعاونكم انساتي سيداتي​

 

[الحلم الوردي]

رد: تجمٌع تحضيرات ودردشة رمضانية

هل عملتم نيطواياج للمطبخ والدار ؟
ايه حنا هذ العام صبغنا صافي كل شيء منقي
وزيد النتواباج نتاع المطبخ والدار كملناه الحمد لله

ان شاء الله يدخل علينا بالهنا والصحة
كاشما عملتو تدابير منزلية افيدونا بيها
ايه كاين
كيما حنا في شهر رمضان لازم الفريك يتخدم في البيت
ورحيناه ووجدناه
وشرينا حوايج جدد كيما لاواني نتاع النحاس وتانيك الفخار
وتانيك كيما الكسبر حب حمصناه وتانيك رحيناه
المهم من بعد ان شاء الله
نزيدكم تدابير اخرى
صحا رمضانكم
​

 

[كفاك غرور]

رد: تجمٌع تحضيرات ودردشة رمضانية

فكرة حلوة شكراااااااااا ختيتو

 

[نبض الحياة]

رد: تجمٌع تحضيرات ودردشة رمضانية

السلآم عليكم
مبروك افتتآح الموضوع
فكرة شيقة
ربي يقدركم حبيبآتي
بالنسبة لي مآزلت لحد الآن ما بديت حتى حآجة
مآمآ غسلت شوية قش
ام الصعيب بآقيلي حتى بعد رمضآن ان شاء الله
للاسف ما زلت نقرآ
في المتآبعة ^^
​

 

[zohor kfz]

رد: تجمٌع تحضيرات ودردشة رمضانية

ربي يعينكم لبنات
راني فرااااااااااااااش الله غالب بصح منين غدة اخر اجل ان شاء الله ربي يعيني و نوض ندير اخر اكبر غسلة للدار ... لبارح كان ملاك ولد عمي الحمد لله كملناه سلمات ههههه
اه ليوم غسلت ماما الصلة و انا رفدت الربلة تاع لماعن و مسحت فريجيدار و غلفتو غدة ان شاء الله نغسل الكوزينة و لي دوش

 

[الزهرة الحمراء]

رد: تجمٌع تحضيرات ودردشة رمضانية

السلام عليكم نجمتي
نتمنى تكوني بخير والحمد لله
والله لقيتينا اليوم كملنا آخر حاجة والحمد لله الحالة ماجات تخلاص عمرنا خرجت
غدوا رايحين نبداو في حوايج خفاف تخص التوابل وماشابه ذلك
كاش مايكون راني نجيك هنا
تحياتي

 

[dhikra]

رد: تجمٌع تحضيرات ودردشة رمضانية

mrc les filles ya3tikoum saha tsoumou bell hna nchallah

 

[taleb2011]

رد: تجمٌع تحضيرات ودردشة رمضانية

[FONT=&quot]:up:ربي يوفقكم ويجازيكم[/FONT]