ماتروحيش للجنازة راكي مخطوبة؟؟؟؟؟

[دعاء الجنات]

تحياتي ليكوم
:down::regards01:
الشهر لي فات توفى جارنا "عمي السعيد" الحومة كامل حزنت عليه
هو الجار المفضل لينا وكامل يحبوه لكن كلنا خلقنا لنموت
..وبناتو بين اربعة صحاباتي يعني نروح لعندهوم وهوما الجيران الوحيدين لندخل دارهوم مانحبش نخلط بزاف
ماشي المشكلة هنا...
المشكلة انا غير سمعت جارنا توفى والله تشوكيت... وبكيت عليه حتى نلقا امي "كانت تخدم" قالت بلي لي يخدمو معاها البنات قالولها باه تقول لي ماتروحيش للجنازة راكي مخطوبة وهذا فال ماشي مليح!!!!!!
واش هذا؟؟؟؟؟؟
ووحدة من هاذ البنات صديقة وحدة من بنات جارنا الله يرحمو والله خوفوها وماراحتش للجنازة ولما سمعت بنت جارنا بالقصة بلي ماجاتش تعزيها لأنها مخطوبة وخافت...
لا حولى ولا قوة الا بالله وين وصلنا
البنات صديقاتي وقفت معاهم في اعراسهم وهوما ايضا ..
كليت ملح دارهم وهوما ايضا ..
وفي موت باباهم مانحظرش الجنازة
قلت لأمي قوليلهم اتقو الله وخطيكم من البدع .. ولبست حوايجي وروحت ووقفت معاهم وزيد روحت من بعد ودرت الواجب ..
بصح الأخرب غاضها الحال من صديقتها هاذيك المخطوبة لي خافت على روحها قالت لي والله ماتتصوري وشحال انا كنت نوقف معاها وعاونتها على وجه ربي بصح هي خافت ... الله يهدي ما خاق
وفي الأخير اخطيكم من الخرافات ا
قل لن يصيبنا إلا ماكتبه الله لنا.​

 

[الورد الأحمر]

رد: ماتروحيش للجنازة راكي مخطوبة؟؟؟؟؟

السلام عليكم ورحمة الله

ياخي حالة يخي حتى الموت فيها مخطوبة ومتزوجة ومعرف واش ؟ وواش حكاية الفال هذا لي يحكو بيه ؟؟ كلشي بالمكتوب وكيما ربي كتب لهذا الوفاة كتب لغيرو لحياة وكتب لغيرو الخطوبة ووو ويعني كي ما تروحش للجنازات تثبت خطوبتها ؟ ما تدري هي تموت ولا خطيبها يموت ولا يبطل ونوغمال خلاص كلشي ممكن وكلشي بحساب ربي يعني الخطوبة وقفت على الجنازات درك ؟ هذا يسموه جهل برك ما يسموه والو وربي يهدينا ويبعد علينا الجهل هذا لي رجعنا لورا !!

 

[آم رآنيا]

رد: ماتروحيش للجنازة راكي مخطوبة؟؟؟؟؟

السلآم عليكم

آمر محير متروحيش متخدميش في الجنازة وهاذ كامل على جال انك مخطوبة

واش من فاال ياناس اتقو الله
انما الاعمال بالنيات وين راحت النية ولاداها الريح وحنا قعدنا غير نحلو ونحرمو
يااخي حالة ربي يهدينا ويصلح امورناا​

 

[zohor kfz]

رد: ماتروحيش للجنازة راكي مخطوبة؟؟؟؟؟

قل لن يصيبنا إلا ماكتبه الله لنا.
الله يهدي ما خلق