أميرة ميرال
:: عضو مُشارك ::
- إنضم
- 25 ماي 2016
- المشاركات
- 254
- نقاط التفاعل
- 615
- النقاط
- 21
مساء الخير جماعة الخير واقيل راني والفت نعمل موضوع كل يوم :p
حبيت نقوللكم بلي راني قرعاجة كبيرة ونتوله لكلشي مالا حطيت عيني
على الوزيرة هذي وقرعجت عليها وحبيت نعطيكم رابور عليها
AmiR@RoRo
هذي الوزيرة راني فقت بيها بلي تتجسس على الطبقة تاعنا وتروح تبيع الماتش
الفوق عند جماعتها وشوفو معايا درك نأكدلكم الشي هذا :thumb_up02::thumb_up02:
درك على الساعة 21:22 عملت التقرير هذا وتبعو معايا:
الوزيرة هذي على الساعة 21:14 راحت زعماك للعيادة النفسية وتتجسس
على الأعضاء من الطبقات الدنيا يحكو مشاكلهم ويعبرو على شعورهم عند
الأطباء النفسانيين وهي تعبي واش يحكو ومن بعد تعمل بيهم تقرير ويتعاقبو
إما بالجلد وإما بالأعمال الشاقة ويأسروهم ويحرموهم من أدنى ظروف الحياة
وعوض مساكن يتطورو وينميو قدراتهم من الخلعة يرجعو لور لا تطوير ذات
لا والو هذا الكل بسبتها واتفضلو الدليل
وقبلها على الساعة 19:04 كانت تخدع في الشعب بلامان وتتغلغل في المجتمع
العام تاعنا وتلعب فيها منا فينا حتى نرتاحولها ومن بعد تعمل عملتها السودة
والرادار تاعي حكمها ما تخافوش وليكم الدليل
وقبلها يا جماعة كي عادت لافار فيها احتفالات وقاطو وليموناد وكلشي جات
تجري ولعبتها فرحها من فرحنا وهي غير باش تعمرها تعرفو الوزراء يحبو يلمو على
كلشي ويشاركو الشعب في كلشي بصح ما يشاركوناش في الأمور الأخرى :p
وعلى الساعة 14:30 حكمها الرادار في الحفلة تاع التخرج وليكم الدليل
وشوفوها البارح على 23:59 كي سمعت بلي كاين تمنشير جات تجري كاشما تلم
خبارات وتديني للحبس مع سمعت لافار فيها هدرة جات تجري تعرف واش هي
هاذ الهدرة وما قالتش طاح الليل نبطل الطبيعة هذي لالا بصح راهم الوزراء
يأمنو بمقولة خيار الشطح في الظلمة هههه وليكم الدليل
المهم وقبلها كانت عملت بزاف أمورات تقدرو تتأكدو منها وفاتت تقرعج على
الشعب واش راهو يكتب في المكتبة تاع التجميع :p:p ومن بعد كي شكيب خليل
فاتت تلعبهالنا متدنية ودخلت لركن نفحات رمضانية زعماك توريلنا بلي هي
خاطيها وقبلها راهي كانت في المسابقات الرمضانية تgابر في الجوائز كاشما تدي
وتقسم مع الوزراء لخرين كيما موالفين هوما يفيدوها كاشما تفيدهم :p:p
وقبلها فاتت للمكتبة لعبتها من الناس لي يقراو الكتب باش تفوتها علينا مثقفة
ونخافو منها :p:p:p وبقات غير تدور منين كاينة ريحة رمضان كاش قفة رمضان
تخطف وحدة كاش جائزة تخطف زوج كاش وليمة تتحط تاكل مع الشعب :p
هذا واش حكم الرادار على الوزيرة هذي وتأكدت من نواياها ثالمون تدور غير
في لمضارب هذو وين كاين القيل والقال ووين كاين الجوائز والماكلة ومنين باش
توريلنا بلي تخاف ربي وتعرف الكتب وتطالع :p:p:p
وراني نزعق برك مع حبيبتنا حبيت نبدلو جو برك
والمرة الجاية رادار وحد آخر على وزيرة ولا وزير وحد آخر
وراسكم قبل ما نتلون نفوت عليكم كامل نخلي غير الشعب الgليل
ما نحكيش عليه وانتوما صحاب الألوان نعيا متبعتكم حتى نلقى روحي برا
ههههه وتصبحوا بخير خوتي :p:p
