- إنضم
- 23 أفريل 2016
- المشاركات
- 1,022
- نقاط التفاعل
- 3,889
- النقاط
- 171
جورنان اللمة العدد الثـــــــــــــــــاني
مرحبا بيكم في العدد الثاني من جورنان اللمة بعدما وصلت الفكرة في العدد لول ولاحظت اقبال الاعضاء مشكورين كل واحد واسمو وبعدما طلبو مني الاعضاء تكون فيه اعداد اخرى اليوم راح يكون العدد الثاني ودايما تحت عنوان رأينا صواب يحتمل الصواب ورأيكم خطأ يحتمل شوية الصواب شكون مش عاجباتو يقول انا ونرفع يديا نرفع عليه دعوة صحيحة اي بلاكم
ثمن الجريدة : 25 دج سلك قبل ما تقرا -_-
نبداو اليوم مع أول ركن إللي هو
شوف خاوتنا واش قالو في سواجة تواعهم (جمع موضوع)
العضو اللول لي نحكي عليه هو عضو ناشط بزاف هاد اليام وهو عضو جديد واسمو اميرة اميرال
المهم السيدة اميرال دخلت ثلاث مواضيع نجيب منهم مقتطفات ونجي
كاين صحاب اللون هذا لي نكتب فيه وهو لخضر لي كي حالتي:
هذو كي نشوفهم نصبر روحي بيهم نقول ماكيش وحدك تايهة راهم كاين بزاف
ناس ضايعين كيفك وراهم في تقشف والمشاركات تاعهم تطلع بالشوية كيفي
معليش حنا ضايعين وطبقة كادحة وتقشف واش اختي الزوالي هذا في بالك انت ما يعيشش لا في الواقع لا حتى في المنتديات تسمى على حساب وش فهمت انا الهوا وكان جا بيدك تكوبيه علينا معليش نكملو
زادت دارت زوج مواضيع بعنوان
الرادار حكم الوزيرة AmiR@RoRo
الرادار حكم Skor m@k
ايه بعد ما هدرت في الطبقة الكادحة كيما تقول غير دخلت حبيبتنا دورتها تدور غير بالجماعة تاع الفوق الطبقة المالكة كيما تسميهم هي وتبع وش يديرو دقيقة بدقيقة هادي كامل باه دير معريفة معاهم تسمى انت ما خرجاتكش حياة الكسرا والما ايا دورتيها بروصا للفوق معليش اميرة ميرال دنيا وجوه مي الاخرة فعال
ختي علاه تكتبي بالخط 7 عندبالك منشوفوش راكي قريب تعمينا
**********************************************************
نروح لعضو اخر وموضوع اخر تاع عمي رابح66 علاه تحشمو وما تحشموش
صراحة كي قريت العنوان بديت نطلع ونهبط افار حشمة قلت بلاك الواحد كشما قال ولا كاش جاست عيانة اي كي لحقت نقرا
إذا أنا رابح * جزائري من سكيكدة وبكل فخر ولو يضعوا البيانات بالتفصيل لأضع حتى الدائرة والبلدية والقرية*
من أنت ؟* ومن أين ؟* وأين انت ؟*
اه وي السي رابح او حاب لادريسا ونميرو تاع الدار ايه اني فهمت اعطيني عنوان الدار ايه واش عليه حاب تخطب عمي رابح ها اخرجهالنا من لول لاه تقولنا حشمة ما حشمة اي دنيا تبدلت دوكا ما بقاتش كيما بكري ولازم تشر باه نفهموك
***************************************************
عضوة اخرة يسموها شاعرة الامل دارت موضوع بعنوان غاضتني عمري .. ادخلو تعيشو
لي يقرا يجي يجري واش كاين واش صرالها مسكين غير تدخل الموضوع تلقاها تغني
لاموني لي غارو مني
وقالولي واش عجبك فيها
جاوبت اللي جهلو فني
خودو عيني شوفو بيها
ايه قولينا الفتي اغنية جديدة نجو نسمعوها مي غاضتني عمري ومبعدا نجي نلقاك تغني لا يا حليش هادي ما هدرش عليها القذافي في كتابو الاخضر عارف الباك وضايقة روحك مي حتى حنا تغيضنا عمرنا كي تغيضك عمرك وانت زاهيتلك وتغني
ولي عجبتني تانيك في موضوع اختنا الشاعرة
حبايب قلبي انا راح تغيضني عمري ويلا مالقيتش وجودكم في موضوعي
على الرغم من انو عارفة انو سامط وطويل لكن حبيت برك نوصل ميساج
يعني مزية عارفة بلي سامط وطويل غير مكان لاه هادي المحسنات البديعية تاع حبايب قلبي
***************************************
بطـــــــــــــــــــــــــــــاقة حمراء
نزيدو موضوع اخر في هاد العدد واللي هو من نصيب عضو جديد اسمها ربطة معدنوس
رابط الموضوع http://4algeria.com/forum/threads/446853/
بعنوان رواية باللهجة الجزائرية الحب الحلال
الموضوع هذا والله ما فهمتو انا قريتو كي شغل حكاية يمكن منتداها ادخل فرغ واش في قلبك ولا قسم خلاف مش عارف .. وهاد العضو واضح ان جديد يعني ولا واحد مني انا وروح وجهو والدليل موضوعو فيه 0 رد 0 اعجاب حبيت نقول ادا موضوع يستاهل نقولو يستاهل والا كيما قلت نعملو توجيه
وعلى هذا كامل نستاهلو بطاقة حمراء بدون استثناء
***********************************************************
ركن قالــــــــــــــــــــــــــــــــو المهـــــــــــــــــــــــــــــال
ام راس يابس في رد على هشام هشام : هذاك النور لي راه فالموضوع تاع اللامبه ماشي نتاعك ...مراحش نقولك نورت و نكذب عليك يا عيني على ظرافتك
زهرة الزئبق قالت بلي الولاد راهم يديرو في التبرج ؟؟؟ ايه الولاد تبعتوهم حتى في تريكو دبو وبونطاكور
ام ياسمين و صاحبة القبعة الحمراء الهدرة بـ لي كود تاع المستورة وحدة قالت وحدة فهمت والباقي كي الاطرش في الزفة
ام ياسمين كل مرة تستغل الفرصة وتبين عشقها للجيل البائس عام سي سالفو كيما قالو شيوخة وكانت تعيط بالفيكس باه تسمع صوتها في التلفزيون .. وش حابة نقلك ربي يسلطو عليك
سكر ديما ماشي قاعد ادا رد في موضوع وقالك راح نولي انسى تزيد تشوفو مرة اخرى
كاين عضو حاب يرشيني باه منجدوش هنا ولي هو فاطمة الزهراء قالت ادا استسلمت تنحني من لائحة المنشار ؟؟؟ لالا بنتي اللي حكمو المنشار حتى ويكون فتحي المدير لا معارف لا رشوة -_-
************************************************************************
كلمة اعجبتني ... تستحق التحية
قالتها اميرة ميرال في موضوع السوريون رجعو موضة
بصاح تلقاه هكذا بوجه صحيح
ما يتكسرش تسمعو يمنشر في بلادك وفي شعبك ويحل في فمو
وي تغيض صح هو مش منا و يمنشر في بلادك وانت مديك نيف عليه احشموا بلادنا ونعرفو كامل عيوبها مي ماشي قدام لزناش تبهدلونا
**********************
مشكورين على المتابعة خاوتي عارف طولت عليكم حبيت نغطي اكبر عدد ممكن من المواضيع رانا نضحكو برك بلا زعااااااااف واللي عندو اقتراحات اضافات انتقادات يخليهالي لتحت في كمونتار
وربي يوفق جماعة الباك ان شاء الله
تحياتي
مرحبا بيكم في العدد الثاني من جورنان اللمة بعدما وصلت الفكرة في العدد لول ولاحظت اقبال الاعضاء مشكورين كل واحد واسمو وبعدما طلبو مني الاعضاء تكون فيه اعداد اخرى اليوم راح يكون العدد الثاني ودايما تحت عنوان رأينا صواب يحتمل الصواب ورأيكم خطأ يحتمل شوية الصواب شكون مش عاجباتو يقول انا ونرفع يديا نرفع عليه دعوة صحيحة اي بلاكم
ثمن الجريدة : 25 دج سلك قبل ما تقرا -_-
نبداو اليوم مع أول ركن إللي هو
شوف خاوتنا واش قالو في سواجة تواعهم (جمع موضوع)
العضو اللول لي نحكي عليه هو عضو ناشط بزاف هاد اليام وهو عضو جديد واسمو اميرة اميرال
المهم السيدة اميرال دخلت ثلاث مواضيع نجيب منهم مقتطفات ونجي
كاين صحاب اللون هذا لي نكتب فيه وهو لخضر لي كي حالتي:
هذو كي نشوفهم نصبر روحي بيهم نقول ماكيش وحدك تايهة راهم كاين بزاف
ناس ضايعين كيفك وراهم في تقشف والمشاركات تاعهم تطلع بالشوية كيفي
معليش حنا ضايعين وطبقة كادحة وتقشف واش اختي الزوالي هذا في بالك انت ما يعيشش لا في الواقع لا حتى في المنتديات تسمى على حساب وش فهمت انا الهوا وكان جا بيدك تكوبيه علينا معليش نكملو
زادت دارت زوج مواضيع بعنوان
الرادار حكم الوزيرة AmiR@RoRo
الرادار حكم Skor m@k
ايه بعد ما هدرت في الطبقة الكادحة كيما تقول غير دخلت حبيبتنا دورتها تدور غير بالجماعة تاع الفوق الطبقة المالكة كيما تسميهم هي وتبع وش يديرو دقيقة بدقيقة هادي كامل باه دير معريفة معاهم تسمى انت ما خرجاتكش حياة الكسرا والما ايا دورتيها بروصا للفوق معليش اميرة ميرال دنيا وجوه مي الاخرة فعال
ختي علاه تكتبي بالخط 7 عندبالك منشوفوش راكي قريب تعمينا
**********************************************************
نروح لعضو اخر وموضوع اخر تاع عمي رابح66 علاه تحشمو وما تحشموش
صراحة كي قريت العنوان بديت نطلع ونهبط افار حشمة قلت بلاك الواحد كشما قال ولا كاش جاست عيانة اي كي لحقت نقرا
إذا أنا رابح * جزائري من سكيكدة وبكل فخر ولو يضعوا البيانات بالتفصيل لأضع حتى الدائرة والبلدية والقرية*
من أنت ؟* ومن أين ؟* وأين انت ؟*
اه وي السي رابح او حاب لادريسا ونميرو تاع الدار ايه اني فهمت اعطيني عنوان الدار ايه واش عليه حاب تخطب عمي رابح ها اخرجهالنا من لول لاه تقولنا حشمة ما حشمة اي دنيا تبدلت دوكا ما بقاتش كيما بكري ولازم تشر باه نفهموك
***************************************************
عضوة اخرة يسموها شاعرة الامل دارت موضوع بعنوان غاضتني عمري .. ادخلو تعيشو
لي يقرا يجي يجري واش كاين واش صرالها مسكين غير تدخل الموضوع تلقاها تغني
لاموني لي غارو مني
وقالولي واش عجبك فيها
جاوبت اللي جهلو فني
خودو عيني شوفو بيها
ايه قولينا الفتي اغنية جديدة نجو نسمعوها مي غاضتني عمري ومبعدا نجي نلقاك تغني لا يا حليش هادي ما هدرش عليها القذافي في كتابو الاخضر عارف الباك وضايقة روحك مي حتى حنا تغيضنا عمرنا كي تغيضك عمرك وانت زاهيتلك وتغني
ولي عجبتني تانيك في موضوع اختنا الشاعرة
حبايب قلبي انا راح تغيضني عمري ويلا مالقيتش وجودكم في موضوعي
على الرغم من انو عارفة انو سامط وطويل لكن حبيت برك نوصل ميساج
يعني مزية عارفة بلي سامط وطويل غير مكان لاه هادي المحسنات البديعية تاع حبايب قلبي
***************************************
بطـــــــــــــــــــــــــــــاقة حمراء
نزيدو موضوع اخر في هاد العدد واللي هو من نصيب عضو جديد اسمها ربطة معدنوس
رابط الموضوع http://4algeria.com/forum/threads/446853/
بعنوان رواية باللهجة الجزائرية الحب الحلال
الموضوع هذا والله ما فهمتو انا قريتو كي شغل حكاية يمكن منتداها ادخل فرغ واش في قلبك ولا قسم خلاف مش عارف .. وهاد العضو واضح ان جديد يعني ولا واحد مني انا وروح وجهو والدليل موضوعو فيه 0 رد 0 اعجاب حبيت نقول ادا موضوع يستاهل نقولو يستاهل والا كيما قلت نعملو توجيه
وعلى هذا كامل نستاهلو بطاقة حمراء بدون استثناء
***********************************************************
ركن قالــــــــــــــــــــــــــــــــو المهـــــــــــــــــــــــــــــال
ام راس يابس في رد على هشام هشام : هذاك النور لي راه فالموضوع تاع اللامبه ماشي نتاعك ...مراحش نقولك نورت و نكذب عليك يا عيني على ظرافتك
زهرة الزئبق قالت بلي الولاد راهم يديرو في التبرج ؟؟؟ ايه الولاد تبعتوهم حتى في تريكو دبو وبونطاكور
ام ياسمين و صاحبة القبعة الحمراء الهدرة بـ لي كود تاع المستورة وحدة قالت وحدة فهمت والباقي كي الاطرش في الزفة
ام ياسمين كل مرة تستغل الفرصة وتبين عشقها للجيل البائس عام سي سالفو كيما قالو شيوخة وكانت تعيط بالفيكس باه تسمع صوتها في التلفزيون .. وش حابة نقلك ربي يسلطو عليك
سكر ديما ماشي قاعد ادا رد في موضوع وقالك راح نولي انسى تزيد تشوفو مرة اخرى
كاين عضو حاب يرشيني باه منجدوش هنا ولي هو فاطمة الزهراء قالت ادا استسلمت تنحني من لائحة المنشار ؟؟؟ لالا بنتي اللي حكمو المنشار حتى ويكون فتحي المدير لا معارف لا رشوة -_-
************************************************************************
كلمة اعجبتني ... تستحق التحية
قالتها اميرة ميرال في موضوع السوريون رجعو موضة
بصاح تلقاه هكذا بوجه صحيح
ما يتكسرش تسمعو يمنشر في بلادك وفي شعبك ويحل في فمو
وي تغيض صح هو مش منا و يمنشر في بلادك وانت مديك نيف عليه احشموا بلادنا ونعرفو كامل عيوبها مي ماشي قدام لزناش تبهدلونا
**********************
مشكورين على المتابعة خاوتي عارف طولت عليكم حبيت نغطي اكبر عدد ممكن من المواضيع رانا نضحكو برك بلا زعااااااااف واللي عندو اقتراحات اضافات انتقادات يخليهالي لتحت في كمونتار
وربي يوفق جماعة الباك ان شاء الله
تحياتي
آخر تعديل بواسطة المشرف:
