هل كانت رغبتك

[لاريمان]

السلام عليكم ورحمة الله وبركاته

ام منير راني بدلت السيجي وقبل مانروح وننقل دوزاني :dحبيت نطرح موضوع الصراحة
مهم ويحدد مصير كل واحد سواء الدراسي ولا المهني
هل كانت رغبتك؟؟؟
بزاف اولياء يدخلوا في رغبات اولادهم وحبوهم يقراو حسب رغبتهم هوما
حتى ولو كان هذا الشيء ضد رغبة ابنو
تلقى الطفل حاب يروح اداب هنا يدخل الاب لالالا تروح علوم باه تخرج طبيب
لو كان بنو ناقص شوي يحتم عليه الدروس الخصوصية بالدز
باه ينجح وتلقاه مسكين يتعافر باه ينجح ويحقق امنية والديه
ويكمل مشوارو الدراسي وحتى المهني يعني كلشي ضد رغبتو ويرضي رغبة والديه
بصح ماننساش كاين الي يقتنع براي والديه وينجح
وكاين الي كانت رغبتو ونجح ولا مانجحش المهم
كان الخيار ليه
سؤالي واش رايكم في هذ التدخل الاباء
وانتوما هل كانت رغبتكم التخصص الي راكم فيه
ولاحتى التخصص تاع الجامعة
وهل انتم راضيين على رغباتكم ولالالا
واحلى سلام:regards01:
​

 

[Msb security]

رد: هل كانت رغبتك

السلام عليكم
نعم اختي يواجه الكثير هاذ المشكل
اضن ان الولد له الحق في اختيار اختصاص الذي يحبه
لكن تدخل الوالدين قد يسبب بعض المشكال لكن هم بتدخلهم يريدون الخير لولدهم و ليس العكس لكن يجب علي الولد او البنت ان يخبر هم بانه يريد هاذ الاختصاص ويحبه و سيتقبلون الامر عادي فقط يجب المفاهمة
شكرا لموضوعك سلام

 

[أشــواق 19]

رد: هل كانت رغبتك

السلام عليكم...
قرار مثل هذا لازم يتاخذو الولد والاب راح تكون عندو الحق في اعطاء رأي برك
خطراكش كل واحد وميولاتو ورغبتو و واحد ميقدر يقرا حاجة ميحبهااش..
بالنسبة ليا التخصص لندرس فيه مكنتش حاباتو مي تاقلمت مع الوقت
واحد مفرضو علياا كان خطا في الاختياار
شكراا خيتي على الموضوع

 

[لاريمان]

رد: هل كانت رغبتك

السلام عليكم
نعم اختي يواجه الكثير هاذ المشكل
اضن ان الولد له الحق في اختيار اختصاص الذي يحبه
لكن تدخل الوالدين قد يسبب بعض المشكال لكن هم بتدخلهم يريدون الخير لولدهم و ليس العكس لكن يجب علي الولد او البنت ان يخبر هم بانه يريد هاذ الاختصاص ويحبه و سيتقبلون الامر عادي فقط يجب المفاهمة
شكرا لموضوعك سلام

وعليكم السلام
هي صح انو الولد من حقو لكن بعض الاباء يحبويفرضو على ولادهم تخصص معين
نقولك حالة تاع وحدة جارتناتخيل ايام الشهاة تاع المتوسط هي الي تديه وتروح تجيبو
وتقعد تستناه حتى يخلص ثلاث ايام وهي معاه وقالت لي نبعثو علوم
الصراحة الطفل لما تشوفو يبان مسكين مضغوط ومستسلم لارادة امه
ولما قالت لها كاش ماخدم قالت لي راهو مقنعنيش باجاباتو
ميش هكذا
شكرا على ردك اخي

 

[لاريمان]

رد: هل كانت رغبتك

السلام عليكم...
قرار مثل هذا لازم يتاخذو الولد والاب راح تكون عندو الحق في اعطاء رأي برك
خطراكش كل واحد وميولاتو ورغبتو و واحد ميقدر يقرا حاجة ميحبهااش..
بالنسبة ليا التخصص لندرس فيه مكنتش حاباتو مي تاقلمت مع الوقت
واحد مفرضو علياا كان خطا في الاختياار
شكراا خيتي على الموضوع

وعليكم السلام اختي
يعطيك الصحة لهنا دورهم التوجيه
ربي يعوض عليك ربما لما تروحي للجانب المهني تحبيه اكثر
شكرا على نقل تجربتك اختي
بالتوفيق
​

 

[دعاء الجنات]

رد: هل كانت رغبتك

ههههههه ياريت كان واحد يدخل فيا ... من لي بديت نقرا وانا نخمم وحدي ونستنتج وحدي ونجرب وحدي ونلقا الحل وحدي.... واحد ماكان علابالو بيا ... بصح عموما مليح المشاورة بالاك الوالدين يعرفو حوايج مايعرفهومش الطالب ويلقا والديه مع الاخير عندهوم الحق.

 

[ثَسْكُورْثْ نَثْدُوكْلِي]

رد: هل كانت رغبتك

سلام عليكم ..

موضوع في الصميم ..صح تلقى بزاف تلاميذ يعانون من ظغوطات الأولياء في اختيار رغباتهم حتى المجتمع بحد ذاته يساهم في الظغط بطريقة غير مباشرة ....

جميل ان تشاورهم في اختيارك لتخصص ما لكن لا يعني ان تتقيد برغباتهم ..

بالنسبة لي التخصص الذي اخترته كان عن قناعه ورغبه مني والحمد لله لم يعارض احد ...

بالتوفيق للجميع..​

 

[لاريمان]

رد: هل كانت رغبتك

ههههههه ياريت كان واحد يدخل فيا ... من لي بديت نقرا وانا نخمم وحدي ونستنتج وحدي ونجرب وحدي ونلقا الحل وحدي.... واحد ماكان علابالو بيا ... بصح عموما مليح المشاورة بالاك الوالدين يعرفو حوايج مايعرفهومش الطالب ويلقا والديه مع الاخير عندهوم الحق.

نظن ملاك كنت حابة يعاونوك ربما تلقايه في امور اخرى
وربما خلاوك تعتمدي على روحك وهوما يشوفو من بعيد
صح المشاورة مليحة فقط ركزت علي يضغغطو على اولادهم
ربي يعاونك وييسر لك الطريق
صحيتي

 

[لاريمان]

رد: هل كانت رغبتك

سلام عليكم ..

موضوع في الصميم ..صح تلقى بزاف تلاميذ يعانون من ظغوطات الأولياء في اختيار رغباتهم حتى المجتمع بحد ذاته يساهم في الظغط بطريقة غير مباشرة ....

جميل ان تشاورهم في اختيارك لتخصص ما لكن لا يعني ان تتقيد برغباتهم ..

بالنسبة لي التخصص الذي اخترته كان عن قناعه ورغبه مني والحمد لله لم يعارض احد ...

بالتوفيق للجميع..​

وعليكم السلام
صحيح ماقلتيه يعيش بزاف ضغوطات وانا كما قلتي التوجيه مليح في هادي الفترة دون الضغط
مليح انك درستي تخصص من اختيارك
موفقة اختي سارة
وصحيتي على الرد

 

[zohor kfz]

رد: هل كانت رغبتك

حنا في دارنا لكي الحرية المطلقة في فعل ما تريدين لكن يجب ان تكوني مقتانعة بالشي لي تديريه و تقنعيهم ... قريت لي حبيت و تخرجت و الحمد لله التخصص تاعي فادني بزاااااااااااااااااف و خلاني نشوف الحياة من زوايا اخرى

 

[نبض الحياة]

رد: هل كانت رغبتك

و عليكم السلام و رحمة الله و بركاته
موضوعك قضية اجتماعية منتشرة بكثرة
لكن في النهاية دائما الابن هو الضحية!
المشاورة مليحة لكن من الاحسن يخلوله الامر ليه
شخصيا الحمد لله قراراتي اتخذتهم وحدي مع شورى والدي طبعا
وراضية عنها تمام الرضى
مشكورة حبيبتي