جزاء الخير... اتهمتني بالسرقة.

[دعاء الجنات]

السلام عليكم
بما أن الأنترنت قرية صغيرة...
ممكن المرأة المعنية لي راح نحكي عليها بالاك تقرا واش كتبت أنا
علاخاطر تمنيت نلتقي بيها بصح الله غالب ماتلاقيتهاش
اسمها "ليلى" .. وزوجها "عبد الحق" وتسكن في نفس دائرتي احدى دوائر ولاية سطيف...
ومن هاذ المنبر حبيت نحكي قصتي معاها والله مانزيد ماننقص ...
والأعضاء يحكموا...
وياريت تقرا هي واش كتبت.. لأنو حبيت نقوللها هاذ الكلام وماجاتنيش الفرصة...
----*---------
انا نسكن في عمارة الطاج الرابع... كان عمري تسع سنين تقريبا
جاونا جيران جدد في الطاج الثالث وهوما ليلى وزوجها عبد الحق ...
ومن بعد لقيت انو هذا عبد الحق قريب لينا على هذا اصبحت صديقة "ليلى".. راجلها يروح للدار حتى الليل ... يعني ليلى تبقا وحدها
والله العظيم كنت يدها اليمنى .. نشريلها وقت تحتاج ؛ نعاونها في الدار ؛ كان ذاك الوقت عندنا مشكل في الماء نعمرو من برا... نعمر الماء للدار تاعنا ونزيد نعمرها ليها ... في كل حاجة تلقاني انا كل صباح ندق الباب ونسقسيها واش تحتاج...ونكون انا في الخدمة والله بدون مقابل من عندها
حتى جابت الطفل الأول "سراج الدين" كان عمري عشر سنين... كنت نعاونها فيه ونحكمو كيما تكون هي مشغولة حتى اصبح يعرفني ويشبع بكاء لما نكون خارجة من الدار.. والفني بزاف .. حتى زادت جابت طفل آخر وانا مازلت وفية ليها
مانيش نذكر في الخير ... والله على وجه ربي ... برك باه تفهمو الحكاية
يعني كنت كيما بنتها او اكثر خاصة هي كانت غريبة وعروس جديدة وماتعرف حتى واحد في الحومة ؛ بصح والله ماحتاجت حاجة غير لقاتني قدامها....
حان الوقت لي رايحا ترحل من الباطيمات تاعنا بصح راح يسكنو قراب "للسيام" لي طلعت نقرا فيه هذاك العام جبت السيزيام... وقالت لي كيما تقراي في السيام ارواحي عندي...
طلعت للسيام وسقسيت على الدار ولقيت الدار... بصح كانت ساكنة مع سلافاتها وازواج سلافها يعني كانت عايلة كبيرة...بصح عادي كنت نروح ديراكت عندها وتدخلني الغرفة مباشرة نلعب مع اولادها... وكي توصل الوحدة نرجع للسيام نقرا...
مضات أيام .. حتى وحد النهار وليدها سراج كسر لي الآلة الحاسبة وانا ذاك الوقت ماكانش عندي الدراهم باه نشريها.. قالت لي : ارواحي الخطرة الجاية نعطيلك تشريها... انا شبعت فرحة
* بعد أيام رجعت عند ليلى زعما قلت قربو اختبارات لازم تشريلي آلة حاسبة نحتاجها....
دخلت عندها ... والمصيبة..
لقيتها زعفانة سقسيتها واش كاين
قالت لي : سرقولي زوج ملاين "زوج ملاين في ذاك الوقت اكثر من ضرك"....
هنا قلت في قلبي : محال تشك فيا لأني انا مدة نعاها وعمري مامديت يدي لحاجة في دارها يالوكان دورو...
ومن بعد قالت لي : سلافاتي قالولي الطفلة لي موالفة تجي لعندك هي سرقتها "يعني انا"
قلت لها..كيفاه انا ؟
قالت لي : ايه انت وديجا اخرجي قبل مايجو ويشوفوك.. روحي روحي "زعكتني"
خرجت من دارها ورايحا للسيام... والله ماعلابالي حتى كيفاش مشيت هاذيك الطريق.. والله حسيت الظلمة في طريقي.. انا كنت نحبها بزاف وكنت يدها اليمنى وجامي قابلتني بحاجة تاع خير بصح عادي لم أرد لا جزاء ولا شكورا.. بصح باه تتهمني بالسرقة + وزاد زعكتني من الدار... هاذي برك لي عمري ماتوقعتها..
من هذاك النهار مازادت شافتني ومازدت شوفتها
حبيت نعرف برك ويذا لقات دراهمها او عرفت شكون سرقهوملها... تمنيت نعرف باه تعرف بلي انا خاطيني
نحسبو الصغار مايحسوش.. بصح راهوم علابالهوم بكل حاجة
مازالت لحد الآن تحرق في قلبي..
هذه هي الحكاية​

 

[أشــواق 19]

رد: جزاء الخير... اتهمتني بالسرقة.

السلام عليكم...
يااا اختي متعمريش راسك بحكاية هذي
في الدنيا هذي تتصادفي بمواااقف بزااف كيماا هكااا ديري لخير يرجعوهلك شر بصح لا تهتمي مدام انت علبالك بروحك مظلومة وكلي ربي ولا تكترثي لامرها
هذو تساؤلات ربي اعلم بيهم وميهمكش هيا تزعف عليك ولا ترضى لمهمم رضاية ربي
امشي بمبدأ نرقد مظلومة ومنرقدش ظالمة
وربي معاك اخييتي
تقبلي مروريسلام

 

[دعاء الجنات]

رد: جزاء الخير... اتهمتني بالسرقة.

السلام عليكم...
يااا اختي متعمريش راسك بحكاية هذي
في الدنيا هذي تتصادفي بمواااقف بزااف كيماا هكااا ديري لخير يرجعوهلك شر بصح لا تهتمي مدام انت علبالك بروحك مظلومة وكلي ربي ولا تكترثي لامرها
هذو تساؤلات ربي اعلم بيهم وميهمكش هيا تزعف عليك ولا ترضى لمهمم رضاية ربي
امشي بمبدأ نرقد مظلومة ومنرقدش ظالمة
وربي معاك اخييتي
تقبلي مروريسلام

والله ماراني معمرة بيها راسي ... برك تفكرت الحكاية بالاك كاين ناس يغلطو في حق ناس آخرين
برك غاضتني لأني كنت نحبها بزاف ونعتبرها قدوة..
شكراا لمرورك::regards01:

 

[قرصان الساحل]

رد: جزاء الخير... اتهمتني بالسرقة.

كيما يقلك اختي هذا جزاء سنمار
يمكن انت هذاك الوقت كنت صغيرة وتمشي بنية تاعك مع هادي الجارة تاعكم مي انا من رايي من قلة الادب ان الواحد يشك في واحد يتاهمو في وجهو حتى جابك الشك في قلبك ما تتكلمش في الوجه اذا ما عندكش دليل قاطع.
اما انت ملاك نتمنى ان تعلمتي الدرس من حكايتك هادي حتى تبطلي السذاجة تاعك الزايدة خصوصا في الوقت لي رانا فيه انا فهمتك انك كنت تحبي تروحي تشوفي الاولاد وتلعبي معاهم مي الواحد لازم ديما يقرا للبعيد وما يعطيش فرصة للناس يذلوه ولا يجرحوه بكلام.
بخصوص سؤالك ادا لقات زوج ملاين نقلك ان احتمال كبير ما راحو ليها لا زوج ملاين لا والو يمكن هي مجرد حيلة باه تبعدك ولا ما تشريش ليك هادي الالة حاسبة ... اهم حاجة ختي انت بينك بين ربي ما تسالك بوالو حاجة خلاف ربي يسهل عليها والمهم انت تعلمتي الدرس ومش راح تغلطي مرة اخرى
وربي يوفق اختي
​

 

[ليليا مرام]

رد: جزاء الخير... اتهمتني بالسرقة.

السلام عليكم
شوفي اختي اول شي انت خدمتي لربي وزيدي كنت بكل براءة ودرت خير كبير وراح تلقايه ضرك وانت كبيرة
نقولك حاجة هذي اكيد عرفت شكون سرقهم واللس سرقهم من الدار وعارفك تجي ثم وعرف انو راح يشكو فيك انت عليها سرق حتى تحصل فيك نقولك وكلي ربي عليه لانو دارها بالعاني
ثاني شي هي سمعت لكلام سلافاتها وشكت فيك ربي يسامحها ما حقهاش مي نقولك حاجة والله صدقيني تباتي مظلومة ولا تباتي ظالمة لو لقات دراهمها نقولك حاجة والله من يومها راهي نادمة وحتى ما ترقدش الليل وما لقاتش كيفاه تقولك اسمحيلي او تقولك كانت طفلة ونسات لو انا منك نشوف كان مازالت تسكن ونروح نحكي معاها مش على جال ترجعي معاها كيما كنت لالا حتى تتاكيد من الشي اللي دارتو او سقسي اللي مقربين منها المهم حاولي تعرفي واذا ما قدرتيش خليها للدنيا يجيها نهار وين تندم وتعرف انها ظلماتك
لالا الصغار يحسو ويحسو بزاف وامور صراتنا ومازالا تحرق فقلبنا لضرك
نقولك معليش ربي يردلك حقك ان شاء الله انت عارفة روحك ما ديتيش خلاص تهني وارتاحي
شكرا لانك شاركتينا قصتك

 

[باتنية و نص]

رد: جزاء الخير... اتهمتني بالسرقة.

سلام عليكم
في حالة كانت خايفة من سلافاتها كانت قادرة تحاوزك من بعد تعيطلك تطلب السماح
لكن هي مادارت حتى موقف
الحاجة الوحيدة اللي نقدر نقولهالك : الدنيا دوارة
انتي جاتك من جارتك وتبقا برانية مهما كان
الحاجة اللي توجع كي تجيك من عائلتك من لحمك ودمك
وتشوفي والديك ينهانو قدامك ونتي تبقاي مكتوفة اليدين
نرفعلك القبعة انك ما حقدتيش عليها او كرهتيها
وكيما قتلك الدنيا تدور...ونهار يرجعلك حقك
قولي : اللهم لا شماتة..
تحياتي

 

[دعاء الجنات]

رد: جزاء الخير... اتهمتني بالسرقة.

كيما يقلك اختي هذا جزاء سنمار
يمكن انت هذاك الوقت كنت صغيرة وتمشي بنية تاعك مع هادي الجارة تاعكم مي انا من رايي من قلة الادب ان الواحد يشك في واحد يتاهمو في وجهو حتى جابك الشك في قلبك ما تتكلمش في الوجه اذا ما عندكش دليل قاطع.
اما انت ملاك نتمنى ان تعلمتي الدرس من حكايتك هادي حتى تبطلي السذاجة تاعك الزايدة خصوصا في الوقت لي رانا فيه انا فهمتك انك كنت تحبي تروحي تشوفي الاولاد وتلعبي معاهم مي الواحد لازم ديما يقرا للبعيد وما يعطيش فرصة للناس يذلوه ولا يجرحوه بكلام.
بخصوص سؤالك ادا لقات زوج ملاين نقلك ان احتمال كبير ما راحو ليها لا زوج ملاين لا والو يمكن هي مجرد حيلة باه تبعدك ولا ما تشريش ليك هادي الالة حاسبة ... اهم حاجة ختي انت بينك بين ربي ما تسالك بوالو حاجة خلاف ربي يسهل عليها والمهم انت تعلمتي الدرس ومش راح تغلطي مرة اخرى
وربي يوفق اختي
​

*والله كنت صغيرة وماندير حساب لحتى حاجة ...
بصح كان هذا أول درس ليا..
.. شكرا لمرورك

 

[دعاء الجنات]

رد: جزاء الخير... اتهمتني بالسرقة.

السلام عليكم
شوفي اختي اول شي انت خدمتي لربي وزيدي كنت بكل براءة ودرت خير كبير وراح تلقايه ضرك وانت كبيرة
نقولك حاجة هذي اكيد عرفت شكون سرقهم واللس سرقهم من الدار وعارفك تجي ثم وعرف انو راح يشكو فيك انت عليها سرق حتى تحصل فيك نقولك وكلي ربي عليه لانو دارها بالعاني
ثاني شي هي سمعت لكلام سلافاتها وشكت فيك ربي يسامحها ما حقهاش مي نقولك حاجة والله صدقيني تباتي مظلومة ولا تباتي ظالمة لو لقات دراهمها نقولك حاجة والله من يومها راهي نادمة وحتى ما ترقدش الليل وما لقاتش كيفاه تقولك اسمحيلي او تقولك كانت طفلة ونسات لو انا منك نشوف كان مازالت تسكن ونروح نحكي معاها مش على جال ترجعي معاها كيما كنت لالا حتى تتاكيد من الشي اللي دارتو او سقسي اللي مقربين منها المهم حاولي تعرفي واذا ما قدرتيش خليها للدنيا يجيها نهار وين تندم وتعرف انها ظلماتك
لالا الصغار يحسو ويحسو بزاف وامور صراتنا ومازالا تحرق فقلبنا لضرك
نقولك معليش ربي يردلك حقك ان شاء الله انت عارفة روحك ما ديتيش خلاص تهني وارتاحي
شكرا لانك شاركتينا قصتك

-شكراا اختي على الكلام الجميل جدااا
والله تمنيت نتلاقاها نقوللها زوج كليمات برك.. نخليهم يحرقو في قلبها .. مي عندها الزهر
تقبلي تحياتي.

 

[لؤلؤة قسنطينة]

رد: جزاء الخير... اتهمتني بالسرقة.

السلام عليكم
بدون مقدمات نقولك حاجة اختي لعزيزة طيشي عليك وماتعمريش راسك
لوكان في الدنيا هادي تعمري راسك بكل حاجة تصرالك مع العباد رايحة
تعيشي في كآبة، خاطر اذا عاد الأخ ولد يماك وباباك يحاربك والاب لي دمو
يجري في عروقك يحاربك ولا الأم لي زعما معروفة بالحنان تغر ببنتها وتديها
للهلاك واش تتوقعي كتر من هكا؟؟ وواش تتوقعي من البراني؟
حبيبتي الشي لي عدنا نشوفوه في الدنيا من منكرات رجع قلبنا بارد ولينا
كلشي نشوفوه عادي، مالا ماتعمريش راسك بيها، بالعكس يقولك تبات
مظلوم ولا تبات ظالم، خاطر اذا مظلوم ربي يخرج الحق وترقد هاني على مخدتك
اماا لظالم هي لي واعرة، مالا نتي انساي الحكاية والشي لي درتيه احسبيه لربي
سبحانو وهو رايح يجازيك بأحسن منو ان شاء الله
بالتوفيق غاليتي
​

 

[دعاء الجنات]

رد: جزاء الخير... اتهمتني بالسرقة.

السلام عليكم
بدون مقدمات نقولك حاجة اختي لعزيزة طيشي عليك وماتعمريش راسك
لوكان في الدنيا هادي تعمري راسك بكل حاجة تصرالك مع العباد رايحة
تعيشي في كآبة، خاطر اذا عاد الأخ ولد يماك وباباك يحاربك والاب لي دمو
يجري في عروقك يحاربك ولا الأم لي زعما معروفة بالحنان تغر ببنتها وتديها
للهلاك واش تتوقعي كتر من هكا؟؟ وواش تتوقعي من البراني؟
حبيبتي الشي لي عدنا نشوفوه في الدنيا من منكرات رجع قلبنا بارد ولينا
كلشي نشوفوه عادي، مالا ماتعمريش راسك بيها، بالعكس يقولك تبات
مظلوم ولا تبات ظالم، خاطر اذا مظلوم ربي يخرج الحق وترقد هاني على مخدتك
اماا لظالم هي لي واعرة، مالا نتي انساي الحكاية والشي لي درتيه احسبيه لربي
سبحانو وهو رايح يجازيك بأحسن منو ان شاء الله
بالتوفيق غاليتي
​

ونعم بالله ""كلام في الصميم اختي """"
صح عندك الحق.. مي والله تفكرتها غير البارح ؛ حبيت نتشاركها معاكم
تحياتي:regards01:

 

[حاملة القرءان]

رد: جزاء الخير... اتهمتني بالسرقة.

لو تتفضلي تدخلي للرسائل الخاصة ربما استطيع مساعدتك

 

[أميرة ميرال]

رد: جزاء الخير... اتهمتني بالسرقة.

السلام عليكم
احنا نقولو ما يسرقك غير لي يعرفك هذو أكيد سرقوها الجماعة لي راهم في الدار
ومنين شافوك انتي برانية تجي عندها بزاف قالك نلصقو التهمة فيها هي أكيد تصدق
لي معاها ماشي انتي صغيرة تقول بالاك غرك شيطانك وسرقتيلها وبيان سير الانسان
وقت يكون صغير راه يفهم ويتفكر مليح واش صرالو من مواقف كيما هذي وما ينساش
كل إنسان جرحو ومرات كاين جراح من الصغر تقيس بزاف حتى قادرة تأثر على
الإنسان هذاك حتى فكرتيني في أمور ما نحبش نتفكرها للأسف وواش نقولك اختي
هذي تكون مع الوقت عرفت الكاليتي تاع الناس لي راهي عايشة معاهم وتكون فهمت
بلي ماشي انتي لي سرقتيها بصاح بعد ما جرحت طفلة كانت بنيتها معاها وبنية الصغر
ما تعمري راسك ما تقلقي روحك كاين ربي يجازي كل واحد على فعالو حنونة
​

 

[دعاء الجنات]

رد: جزاء الخير... اتهمتني بالسرقة.

السلام عليكم
احنا نقولو ما يسرقك غير لي يعرفك هذو أكيد سرقوها الجماعة لي راهم في الدار
ومنين شافوك انتي برانية تجي عندها بزاف قالك نلصقو التهمة فيها هي أكيد تصدق
لي معاها ماشي انتي صغيرة تقول بالاك غرك شيطانك وسرقتيلها وبيان سير الانسان
وقت يكون صغير راه يفهم ويتفكر مليح واش صرالو من مواقف كيما هذي وما ينساش
كل إنسان جرحو ومرات كاين جراح من الصغر تقيس بزاف حتى قادرة تأثر على
الإنسان هذاك حتى فكرتيني في أمور ما نحبش نتفكرها للأسف وواش نقولك اختي
هذي تكون مع الوقت عرفت الكاليتي تاع الناس لي راهي عايشة معاهم وتكون فهمت
بلي ماشي انتي لي سرقتيها بصاح بعد ما جرحت طفلة كانت بنيتها معاها وبنية الصغر
ما تعمري راسك ما تقلقي روحك كاين ربي يجازي كل واحد على فعالو حنونة
​

الكاليتي تاع كل واحد تبان مع الوقت يا "اميرة"
شكرا على المشاركة الطيبة.

 

[دعاء الجنات]

رد: جزاء الخير... اتهمتني بالسرقة.

لو تتفضلي تدخلي للرسائل الخاصة ربما استطيع مساعدتك

انتظر رسالتك يا حاملة القرآن ...

 

[laid_dial]

رد: جزاء الخير... اتهمتني بالسرقة.

بخصوص سؤالك ادا لقات زوج ملاين نقلك ان احتمال كبير ما راحو ليها لا زوج ملاين لا والو يمكن هي مجرد حيلة باه تبعدك ولا ما تشريش ليك هادي الالة حاسبة ... اهم حاجة ختي انت بينك بين ربي ما تسالك بوالو حاجة خلاف ربي يسهل عليها والمهم انت تعلمتي الدرس ومش راح تغلطي مرة اخرى
وربي يوفق اختي
​

الله يجزاك خير :up: اتفق معك

 

[ليليا مرام]

رد: جزاء الخير... اتهمتني بالسرقة.

-شكراا اختي على الكلام الجميل جدااا
والله تمنيت نتلاقاها نقوللها زوج كليمات برك.. نخليهم يحرقو في قلبها .. مي عندها الزهر
تقبلي تحياتي.

اهلا اختي
العفو انت اللي هايلة ومتربية وغاضتك صح لانو تحرق فالقلب
شوفي انا من الناس لما تصرالي حاجة كيما هذي انا ما نبقاش بالحرقة نروح ونفهم ونردلها الصرف
مي مرات تلقاي حتى التعب والشقوة لعندهم ما يستاهلوهاش
ولو انت حايرة بزاف انو لقات شكون سرقها او لانو لازم تقوليلها كلام حوسي عليها او دعي ربي تجي وحدها فطريقك نوصيك الدنيا تلاقي لو تلاقيتيها قولي اللي عندك والله راح تستراحي وخليها
موفقة

 

[دعاء الجنات]

رد: جزاء الخير... اتهمتني بالسرقة.

اهلا اختي
العفو انت اللي هايلة ومتربية وغاضتك صح لانو تحرق فالقلب
شوفي انا من الناس لما تصرالي حاجة كيما هذي انا ما نبقاش بالحرقة نروح ونفهم ونردلها الصرف
مي مرات تلقاي حتى التعب والشقوة لعندهم ما يستاهلوهاش
ولو انت حايرة بزاف انو لقات شكون سرقها او لانو لازم تقوليلها كلام حوسي عليها او دعي ربي تجي وحدها فطريقك نوصيك الدنيا تلاقي لو تلاقيتيها قولي اللي عندك والله راح تستراحي وخليها
موفقة

عندها الزهر كنت صغيرة ... لوكان درك صدقيني والله مانسكت ؛ كي نكون صافية مستعدة نتحدى اي واحد
موفقة انت ايضا

 

[ليليا مرام]

رد: جزاء الخير... اتهمتني بالسرقة.

عندها الزهر كنت صغيرة ... لوكان درك صدقيني والله مانسكت ؛ كي نكون صافية مستعدة نتحدى اي واحد
موفقة انت ايضا

خليها وتفكري كلامي يجبهالك ربي حد عندك وراح تنهناي تاكدي وانت هانية وصافية
ربي يخليك

 

[4algeria Network]

رد: جزاء الخير... اتهمتني بالسرقة.

السلام عليكم ورحمة الله وبركاته

الانسان يكفي أنو يكون مرتاح بضميرو مع ربي بلي ما سرق ما عملها والباقي كامل يخليه على ربي والحق ديما يظهر واقنعي بلي ربي عادل وكلشي منو عندو فيه حكمة وممكن ما تعرفيش واش الحكمة من الحادثة هذي بصح أعرفي بلي في اللخر كل واحد يتجازا على قد أفعالو وما تعبيش راسك بالتفكير بزاف بنتي .

بالتوفيق .

 

[فيتامين سي]

رد: جزاء الخير... اتهمتني بالسرقة.

واش راكي حنونة لباس ......
انا على حساب مفهمت مكانتش حابة تجي عندها للدار برك لا زوج ملاين لا والو و باش متقولكش خرجي تحجت بناس دارها ...ممكن قالولها متجيبيش الناس رغم انتي كنتي طفلة و نيتك صافية
متهتميش بالماضي ..كون صح تلحقك لداركم و تحكي مع والديك ...مي هنا تفهمي انها لا دراهم لا والو...ديريها درس ليك في حياتك ..سلام