أميرة ميرال
:: عضو مُشارك ::
- إنضم
- 25 ماي 2016
- المشاركات
- 254
- نقاط التفاعل
- 615
- النقاط
- 21
مساء الخير خوتي راكم آنتيك ؟ بلا مقدمات اليوم ماهيش شادة gاع ادعولي ربي يفرج عليا
الموهيم ندخل في الموضوع ديراكت اليوم ضرني قلبي بزاف من بعض الناس حيروني هذو كيفاش
يخمو ولا كيفاش ما يخافوش من ربي ولا ما فهمتش عليهم كامل
ياك زعماك كل ما يقرب رمضان يعملو الحية هذي تاع قفة رمضان بصاح راني نشوف فيها نهبة
رمضان ماشي قفة رمضان
وديجا واش من قفة على بيدون زيت وشوية فرينة ولا سميد مع باطة سمن وشوية باكيات تاع ماقارون وسباكيطي وباطة طوماطيش ؟ هذا واش راهو محتاج
المواطن في رمضان ؟ الموهيم نقولو خير من ماكانش على كل حال ومعليهش نقولو مبادرة مليحة
بصاح لي حبسلي راسي هذوك الناس لي يجو يدو حتى هوما القفة وماهمش هذوك الناس المحتاجين
تعرفهم راهم خدامين لاباس بيهم وعندهم بوست مرموق زعماك مي عندو معارفو من جماعة البلدية
ياك البلدية لي تعمل هذو الأمور نورمالمون يجي هكذا يدي قفة ويروح بيها لدارو عادي وأتخيلو كل
واحد يعمل هكذا مع معارفو واش بقى للزواولة ؟؟
هذو الخدامين وزعماك لي راهم شخصيات ما حشموش يجو يدو حق مواطن جوعان ؟ ولا ما يقولوش
هذا المواطن راه عندو ولاد ورانا نحيتها من حق لولاد ودناها لولادنا الشبعانين ؟؟؟
هو ما عندهمش حق بيدون زيت ؟ ولا باطة سمن ؟ ولا باكي سباكيطي ؟ ولا باطة طوماطيش ؟
حتى في هذي كاينة السقاطة والطمع ؟ يقبلو نورمال على جال باكي سباكيطي يقولو عليهم طماعين وضايعين ؟
أنا حرت تاع الصح حرت ما فهمتش احنا وينتا نطلعو النيفو ولا وينتا نخافو ربي :s:s
واسمحولي طولت عليكم حبيت جيست نهدر على الموضوع هذا قلقني فوق ما الإنسان راه عندو
مليون شغل في شغل مقلقو
وتحية لهشام هشام لي تحول لقرصان راني كتبت ب 6 وبالوردي تشاو خوتي
