وتغبرطت البكالوريااا

[جليلوس]

يااااو صباح الخير علييييكم
خاوتي وخياتي كيراكم ان شاء الله بخير
عندي شحااال مادرتش منااا ههههههه قلت اليوم نطل عليكم بموضوع كااااش مانلقاكم ونتلايمووو شوياااا
الميهووووم كيما تعرفو رانا معا المومون تاع الإمتحانااااات
ارواحووو نخبركم بلاك كامل شفتو في الفايسبووووك الأستاذة لي صورت الطلبة لي عستهم في البيام وهوما ينقلووووا وقلناااا معليش .... هي اصلا طلعت بالكوبيااااج خلي وليداتنا ينقلواااا .... ماكان لاه تفتوا عليااااا .... استغفر الله ياااربي ....
علابالي صدق رسولنا الكريم '' من غشنا فليس منا ''
بصح شكوووون راهو يطبقها دروك الا من رحم ربك :-o:-o
ماااا علينااااش فاتوووو طرواجوووور تاع البيااااام وجاااا البااااك .... الطامة الكبرى
الناس كامل تهدر علييييه ايييييه ماشي هادااا لي حاب نحكي علييييه
خلوني نهدر قبل على الإقصاءاااات هـــــــــادي لي دوختنااااا بيها شمعون رمعون
راني حاب نقولكم هادي بن gوفريط عفوا بن غبرييييط لي غبرطت وليداتنا وبهدلتهم من عندي الله لاتربحهااااا ..... لي تأخر 5 دقائق قصاتوووو .... والله يلا ظلم هادا مش من حقهااا كان لازم يوقفوااا معا وليداتناااا باسكوووو حرااام عليها واحد يتعب كل العام ويجي في الدقيقة تالية يحطمووووه لا مستقبل لا جد مواليه راني مفوووووكر ياااا رب العالي شاوالا هادااا .... ناس ضربت كيلوميتراااات باش تجوز الباااااك وفي تالي يقولوووو ممنوووع تدخل ....
منع دخول مترشحة لإجتياز الامتحان لأنها تأخرر و سبب التأخر كان حادث مرور و المترشحة تم منعها رغم انها جاءت رفقة الدرك الوطني ,,
في كوريا و اليابان الطالب ادا عرف روحو راح يتأخر يروح للشرطة يدوه .... يا حسرااااه هوام وين واحنا ويييين يااااربي هاااا
ان شاء الله ربي يحرم عليكم الشهااادة كيما بكيتوووو وليداتناااا
ارواحوووو نحكيوو شوياااا على الكوبيااااج ولا يطير يا حسراااااه دروك تقنية جديدة ... البلوتوث يااا ولات ديمودي ....
قطعت عليهم طرواجي الشعب ولا يخرج لي سوجي قبل مايروح يفوت سيتادييييير ولا Home work بكالوريا هذا العام تحت شعار . حلوا في داركم . و جيبو معاك .
بــــــــــــــــــــــــــاكالوريا بنكهة واجب منزلي . ^^
بكري كي كان يخرج السوجي مكانش يوصل لينا قاااع ...كان يلحق لاولاد القماقم برك
كنا نقولوا : "لي مداش الباك وقت بن بوزيد ما يديش طول حيااتو .."
ضرك تعكست وقت رمعون تدي معاك السوجي من الدار :sport02::sport02:

مانيش نزيييد عليكم راني نحكي عن تجربة باسكو غير لبارح خرج تاع الفرونسي وشفتو وحليتووو وحطوووه كيما راااه انا راني داااايخ مافهمتش حاااااجة برك فهموهالي شكووون المسؤوول دروك هل تماطل الوزيييرة ام اهماااال الأساتذة ام هي مؤامرة ضد الوزيرة باش يتهناو منهااا ....
من عندي تستااااهل والله باسكوو راها غير تزيد في عمااااها
مع بن غبريط تقدر تربح الباك بلا ما تقرى اصلا المواضيع هههههههه عمر رااااااسك:yahoo01::yahoo01:
المهم صحاب البااااك 2017 وجدو رواحكم السوجياااات يمدهوملكم في سبتمبر هههههههه :d:d ماتشقاوش تعييو رواحكم
هههههههه هم يضحك وهم يبكي والله
لي عندو حاجة يقولها مرحبااا بيه الدار داركم
سمحووولي افكاري تخلطت مالقيتش كي نستيكيهاااا :-r:-r
صحيتو ... خيكم جليلووس
​

 

[لؤلؤة قسنطينة]

رد: وتغبرطت البكالوريااا

السلام عليكم
يعطيك ضربة هههههههه انا كتبت الموضوع ونلقى موضوعك من هيه فوطو كوبي على تاعي ههههه
المهم موضوعك سابقني بــ دقائق مالا نحذف موضوعي بصح حرام عليك يروحي تعبي في الكتابة هكاك هههه
درك نكوبي موضوعي ونحطهولك في رد دبر راسك ههههه
دقائق ونولي نجيبلك موضوعي مسكين، باين عرفت بلي رايحة نقدم موضوع وليت سربتو وحطيت موضوع مشابه هههه
لي عودة بإذن الله
​

 

[جليلوس]

رد: وتغبرطت البكالوريااا

السلام عليكم
يعطيك ضربة هههههههه انا كتبت الموضوع ونلقى موضوعك من هيه فوطو كوبي على تاعي ههههه
المهم موضوعك سابقني بــ دقائق مالا نحذف موضوعي بصح حرام عليك يروحي تعبي في الكتابة هكاك هههه
درك نكوبي موضوعي ونحطهولك في رد دبر راسك ههههه
دقائق ونولي نجيبلك موضوعي مسكين، باين عرفت بلي رايحة نقدم موضوع وليت سربتو وحطيت موضوع مشابه هههه
لي عودة بإذن الله
​

السلام عليكم
هههههههه نيهاهاهاهاهاهاها موضوعي شبااااب وزوين غير سوبريمي تاعك وجيبيه في رد عندي
مرحبا مرحبااا زيارتنا بركة :yahoo01::yahoo01:
ههههههههههه والله صدفة سبحااان الله في وقت واحد وموضو وااااحد :d:d:d
علابالك الضربة راني محتاجها غير كتري الدعاوي انا كرهت والله
بإنتظارك خيتي

 

[لؤلؤة قسنطينة]

رد: وتغبرطت البكالوريااا

راني وليت، لقيت موضوعي سابقك بــ 4 دقائق يسمى انا لي نغلب -_- بصح معليش عندك مدة ما زرتناش في هاد القسم
مالا نرحبو بيك على أكمل وجه وانان كتب مواضيع خلاف مرة اخرى ان شاء الله
وهكاك بقات تحرق في قلبي هههههه
المهم نوليو للموضوع ورايحة نقتبس ردي من موضوعي لي تم اعدامو مسكين ههه

كيما قلت خويا البكالوريا راهي حديث الساعة هاد الايام، على كل حال ربي يوفق كل الممتحنين وان شاء الله الجهود تاعهم ماتروحش هكاك، خاطر كل عايلة راهي تتعب مع ولدها ولا بنتها لي رايحة تجوز الباك منهم أنا ختي الصغيرة قاعدة تجوز في الباك تقول انا لي عندي باك ههه اذا سهرت نسهر معاها واذا ناضت الصباح بكري نوض معاها، حتى امتحاناتي أهملتهم بسبب البكالوريا، يعني ان شاء الله ربي يوفقهم ويسهلهم كل ماهو صعب ان شاء الله
وبالرجوع للموضوع، هادا المواضيع لي راهي تتسرب من بلاصة لبلاصة لدرجة التلاميذ البارح راحو موجدين الاجوبة تاع موضوع الفرنسية ومع دخلو لقاو نفس الموضوع لدرجة التلاميذ ولاو يعيطو من الفرحة في قاعات الامتحان ويقولو "هو هادا هو نفس الموضوع"

أولاً، البكالوريا ولا حاجة تافهة في نظري والدراسة في الجزائر راهي كل يوم في تدهور والمستوى تاعنا يطيح، مادام الناس توجد الاجوبة وتروح
كلي رايحة دير واجب منزلي مالا واش فايدة البكالوريا؟؟ ووين راهي حرمة البكالوريا؟ من المفروض كل واحد يروح يمتحن في ورقتو ومايكونش تسريب للمعلومات ولا للمواضيع خاطر رانا نختابرو في جهد التلميذ لي رايح يطلع للجامعة ويولي طالب ونشوفو اذا قدرتو تسمحلو يطلع ولالا
يعني وينهي الرقابة والمواضيع تدور بكل سهولة

وثانيا، تغيض انو انسان يرقد 3 ساعات في اليوم برك وهو يحفظ ويتعب ويخدم بمجهودو وواحد يشوف الموضوع فليل ويرقد بعقلو وينوض آلاز
ويدي 17 و 18، علابالي كل واحد وواش جاتو الفرصة بصح لازم هاد الامتحانات تمشي بنزاهة وبضمير.

واليوم الصباح ناضت الحرب في دارنا هههه على هاد الموضوع، خاطر اختي خبرت بابا بلي مواضيع البكالوريا تاع الاجتماعيات راهي تتسرب في النت من البارح فليل، ساع بابا قال لأختي مانحبكش تطلي على اي موضوع ولا تبحثي على اي موضوع مسرب خاطر في نظري يعتبر غش ومانحبش بنتي تنجح بالغش، قالها احفظي وانجحي بجهدك وتعبك ماش تروحيلي للنت تخرجي مواضيع تاع امتحان، قاتلو اختي بصح هادا ماش غش حنا واش ذنبنا اذا خرجو المواضيع، قالها البكالوريا امتحان لواش حفظتي وواش جهزتي نفسك لعام كامل واختبار ليك اذا تقدري تكوني اهل للجامعة ولالا، قالها ماش نضحكو على الناس لي وصلت لمناصب وهي ماتفهم والو وولادنا نطلعو فيهم هكاك، قالها انا ماش حابك تجيبيلي 20 ولا 18 قالها حاب خدمتك ولو 10 المهم نهار تدي الباك نقول بنتي سهرت وتعبت وبذلت مجهود ماش باتت في النت تسرب في المواضيع وتسرق في الاسئلة، وفي نفس اللحظة اتصلت وحد من زميلات اختي قاتلها بلي موضوع الاجتماعيات راهو عندي باه نمدلك الاسئلة والاجوبة، ساع ختي قاتلها لالا ماندي والو راني حفظت ونروح نخدم عادي، الطفلة مسكينة تخلعت هههه قاتلها راكي متأكدة؟؟ قاتلها اختي هيه مانحتاج والو درك نكمل المراجعة برك ونروح للامتحان، وبالفعل ختي بقات تريفيزي حتى لحق الوقت راحت للامتحان بلا ماشافت في النت واقتنعت بكلام بابا كي قالها لي مكتبهولك ربي او يلحقك بلا ماتشوفي الموضوع ولو مايكتبلكش تدي الباك راكي تشوفي الموضوع وماتنجحيش


درك كل واحد كيفاه يخمم وكاين لي يقولك انا فرصة نغتانمها لكن كي خممت في هدرة بابا لقيتها صح،يعني كن ماتتسربتش المواضيع رايحة نحفظ وكن تتسرب رايحة نحفظ مالا نخدم بضمير احسن، وهادي وجهة نظري وكل واحد كيفاه وجهة نظرو من الموضوع

وبالنسبة للناس لي هدرت عليهم لي تحرمو من البكالوريا مساكن والله قطعولي قلبي كي شفتهم يبكيو وفي حالة انهيار تام بصح هنا ماش غلطة بن غبريط خاطر راني حايرة في في الحراس تاع الثانويات لي ماخلاوهمش يدخلو واش من قلب عندهم؟ زعما خايف من الوزارة؟؟ ولا من بن غبريط؟؟ وهوما وين شافوك؟؟

وحدة مسكينة تسكن في قرية معزولة ماجات تلحق حتى تأخرت ب10 دقائق على الامتحان، طلبت من الحارس يسمحلها بالدخول قالها دقائق ونوليلك ومن بعد تسمع في الجرس مالا عرفت بلي بداو يوزعو في المواضيع والحارس مارجعش للاسف، طفل مسكين شبع بكا خاطر لقى حادث مرور في الطريق وتعطل وكي لحق روطار بــ 3 دقايق حرموه من حلم حياتو، قالهم تعب تاع عام كامل راح في 3 دقايق، والله مافهمتش القلوب تاع الناس كيفاه، زعما درك ظهرتلهم على تطبيق النظام، الدنيا اي مخربة من كل بلاصة والشركات معمرة اختلاسات وتزوير وساكتين عليها وطالب يتأخر 3 دقايق تحرمو من الامتحان؟؟ زعما جاتك النزاهة دركا؟؟ ربي يهديهم برك وربي يصبر هاد التلامذ مساكن وربي يعوضهم

المهم ربي يوفق كل الممتحنين وان شاء الله نسمعو الزغاريت في كل دار
راني حطيتلك الموضوع كام هنا، دبر راسك درك فيه هههههه تسربلي موضوعي وتحبني نسكت :d

وكي قلت يعطيك ضربة للمزاح فقط ليس إلا ^^ بالعكس ربي يوفقك خويا وربي يهنيك ان شاء الله

هيا اقرا الموضوع هادا عقاب ليك هههه
تحياتي​

 

[salah.f]

رد: وتغبرطت البكالوريااا

كاينة منها بلي هاديك ليهودية راح تحذف آيات من المقرر المهم بعد كل هاد الشي الي مدوخني هادوك الشياتين الي يدافعو عليها وجوه البق ، بارك الله فيك اخي

 

[جليلوس]

رد: وتغبرطت البكالوريااا

راني وليت، لقيت موضوعي سابقك بــ 4 دقائق يسمى انا لي نغلب -_-
هههههه منيتك انا لي غلبتك هعععععع :sport02::sport02:
بصح معليش عندك مدة ما زرتناش في هاد القسم
مالا نرحبو بيك على أكمل وجه وانان كتب مواضيع خلاف مرة اخرى ان شاء الله
الله يسلمك يعيشك راني بخير ماخصني والو لحمد لله
وهكاك بقات تحرق في قلبي هههههه
شحححححح فيك :yahoo01::yahoo01:
المهم نوليو للموضوع ورايحة نقتبس ردي من موضوعي لي تم اعدامو مسكين ههه
مسكين ربي يصبرك عليييه ويصبرني على قراية هاد الجورناااال :d:d
كيما قلت خويا البكالوريا راهي حديث الساعة هاد الايام، على كل حال ربي يوفق كل الممتحنين وان شاء الله الجهود تاعهم ماتروحش هكاك، خاطر كل عايلة راهي تتعب مع ولدها ولا بنتها لي رايحة تجوز الباك منهم أنا ختي الصغيرة قاعدة تجوز في الباك تقول انا لي عندي باك ههه اذا سهرت نسهر معاها واذا ناضت الصباح بكري نوض معاها، حتى امتحاناتي أهملتهم بسبب البكالوريا، يعني ان شاء الله ربي يوفقهم ويسهلهم كل ماهو صعب ان شاء الله
احنا نقولوا ربي يوفقهم وقاااع لي تعب ان شاء الله يلقاها زينة قداموووو ومرحبا بيهم في الجامعة
وبالرجوع للموضوع، هادا المواضيع لي راهي تتسرب من بلاصة لبلاصة لدرجة التلاميذ البارح راحو موجدين الاجوبة تاع موضوع الفرنسية ومع دخلو لقاو نفس الموضوع لدرجة التلاميذ ولاو يعيطو من الفرحة في قاعات الامتحان ويقولو "هو هادا هو نفس الموضوع"
ههههههه يااا لؤلؤة قسنطينة ههههههه واحد لدرجة حافظ الأجوبة ماقراااش كامل النص شوي ويقولهم ماهيش تبااان زيدووو ديرولي زوووم :d:d
أولاً، البكالوريا ولا حاجة تافهة في نظري والدراسة في الجزائر راهي كل يوم في تدهور والمستوى تاعنا يطيح، مادام الناس توجد الاجوبة وتروح
كلي رايحة دير واجب منزلي مالا واش فايدة البكالوريا؟؟ ووين راهي حرمة البكالوريا؟ من المفروض كل واحد يروح يمتحن في ورقتو ومايكونش تسريب للمعلومات ولا للمواضيع خاطر رانا نختابرو في جهد التلميذ لي رايح يطلع للجامعة ويولي طالب ونشوفو اذا قدرتو تسمحلو يطلع ولالا
يعني وينهي الرقابة والمواضيع تدور بكل سهولة

وثانيا، تغيض انو انسان يرقد 3 ساعات في اليوم برك وهو يحفظ ويتعب ويخدم بمجهودو وواحد يشوف الموضوع فليل ويرقد بعقلو وينوض آلاز
ويدي 17 و 18، علابالي كل واحد وواش جاتو الفرصة بصح لازم هاد الامتحانات تمشي بنزاهة وبضمير.

راحت بلادنا بالسلامة مابقاااات قراية يااااا حسراااااه

واليوم الصباح ناضت الحرب في دارنا هههه على هاد الموضوع، خاطر اختي خبرت بابا بلي مواضيع البكالوريا تاع الاجتماعيات راهي تتسرب في النت من البارح فليل، ساع بابا قال لأختي مانحبكش تطلي على اي موضوع ولا تبحثي على اي موضوع مسرب خاطر في نظري يعتبر غش ومانحبش بنتي تنجح بالغش، قالها احفظي وانجحي بجهدك وتعبك ماش تروحيلي للنت تخرجي مواضيع تاع امتحان، قاتلو اختي بصح هادا ماش غش حنا واش ذنبنا اذا خرجو المواضيع، قالها البكالوريا امتحان لواش حفظتي وواش جهزتي نفسك لعام كامل واختبار ليك اذا تقدري تكوني اهل للجامعة ولالا، قالها ماش نضحكو على الناس لي وصلت لمناصب وهي ماتفهم والو وولادنا نطلعو فيهم هكاك، قالها انا ماش حابك تجيبيلي 20 ولا 18 قالها حاب خدمتك ولو 10 المهم نهار تدي الباك نقول بنتي سهرت وتعبت وبذلت مجهود ماش باتت في النت تسرب في المواضيع وتسرق في الاسئلة، وفي نفس اللحظة اتصلت وحد من زميلات اختي قاتلها بلي موضوع الاجتماعيات راهو عندي باه نمدلك الاسئلة والاجوبة، ساع ختي قاتلها لالا ماندي والو راني حفظت ونروح نخدم عادي، الطفلة مسكينة تخلعت هههه قاتلها راكي متأكدة؟؟ قاتلها اختي هيه مانحتاج والو درك نكمل المراجعة برك ونروح للامتحان، وبالفعل ختي بقات تريفيزي حتى لحق الوقت راحت للامتحان بلا ماشافت في النت واقتنعت بكلام بابا كي قالها لي مكتبهولك ربي او يلحقك بلا ماتشوفي الموضوع ولو مايكتبلكش تدي الباك راكي تشوفي الموضوع وماتنجحيش

خخخخخ مسكينة اختك غاضتني والله تتعب وتحفظ ومن تالي تلقا كامل لي معاها حافظين ليغيبونص مسكينة .....
باباك ربي يحفظوو ويطول عمرووو هادا هو المثل الاعلى قوليلو عمي ماعليش تترشح نحطوووك وزير التربية

درك كل واحد كيفاه يخمم وكاين لي يقولك انا فرصة نغتانمها لكن كي خممت في هدرة بابا لقيتها صح،يعني كن ماتتسربتش المواضيع رايحة نحفظ وكن تتسرب رايحة نحفظ مالا نخدم بضمير احسن، وهادي وجهة نظري وكل واحد كيفاه وجهة نظرو من الموضوع

وبالنسبة للناس لي هدرت عليهم لي تحرمو من البكالوريا مساكن والله قطعولي قلبي كي شفتهم يبكيو وفي حالة انهيار تام بصح هنا ماش غلطة بن غبريط خاطر راني حايرة في في الحراس تاع الثانويات لي ماخلاوهمش يدخلو واش من قلب عندهم؟ زعما خايف من الوزارة؟؟ ولا من بن غبريط؟؟ وهوما وين شافوك؟؟

هنا المشكل في الحراس ولي شاف دو سونتر وفي الوزارة والاساتذة
دوووك نقولك كيفااااه العساس ادا ماخلاكش تدخلي سيتادير الشاف دوسونتر هو لي حاب هاكا
ولوكان الوزارة بعتت مرسوم تقول فيه لي يتأخر ب 15 دقيقة ياخي حق كل طالب وكل واحد وظروفو
هوما ماخلاوهمش يدخلو عندبالهم جابو الأجوبة وراهم روطار ياخي شعب متخلف حااابس متحجر طفررررت غير في ولادنا
الله لا تربحهم لا دنيا لا اخرة لي قطعوا بامل وليداتنا يااااربي استجب

وحدة مسكينة تسكن في قرية معزولة ماجات تلحق حتى تأخرت ب10 دقائق على الامتحان، طلبت من الحارس يسمحلها بالدخول قالها دقائق ونوليلك ومن بعد تسمع في الجرس مالا عرفت بلي بداو يوزعو في المواضيع والحارس مارجعش للاسف، طفل مسكين شبع بكا خاطر لقى حادث مرور في الطريق وتعطل وكي لحق روطار بــ 3 دقايق حرموه من حلم حياتو، قالهم تعب تاع عام كامل راح في 3 دقايق، والله مافهمتش القلوب تاع الناس كيفاه، زعما درك ظهرتلهم على تطبيق النظام، الدنيا اي مخربة من كل بلاصة والشركات معمرة اختلاسات وتزوير وساكتين عليها وطالب يتأخر 3 دقايق تحرمو من الامتحان؟؟ زعما جاتك النزاهة دركا؟؟ ربي يهديهم برك وربي يصبر هاد التلامذ مساكن وربي يعوضهم

ناس سرقت ملايير وماقصاوهاش وهادو الطلبة مساكن 3 دقائق او 5 ماخلاوهمش يجوزوا علاش ياربي هادا ظلم والله عدوووك وماتبغيهالوش

المهم ربي يوفق كل الممتحنين وان شاء الله نسمعو الزغاريت في كل دار

آمين الزغاريت فيها فيهااا وان شاء الله كيا قلتي دار دار

راني حطيتلك الموضوع كام هنا، دبر راسك درك فيه هههههه تسربلي موضوعي وتحبني نسكت :d

حوجي يانا عطشتيني جيبولي كاس مااااا من عين الفوااارة :-r:-r عينيااا نقلبوووو

وكي قلت يعطيك ضربة للمزاح فقط ليس إلا ^^ بالعكس ربي يوفقك خويا وربي يهنيك ان شاء الله

هيا اقرا الموضوع هادا عقاب ليك هههه
تحياتي​

بصح عطشتيني يا بنت قسنطينة شا نقولك راكي مغبرطة :d:d
ههههه شكرا يعطيك الصحيتوووو بارك الله فيك

 

[جليلوس]

رد: وتغبرطت البكالوريااا

كاينة منها بلي هاديك ليهودية راح تحذف آيات من المقرر المهم بعد كل هاد الشي الي مدوخني هادوك الشياتين الي يدافعو عليها وجوه البق ، بارك الله فيك اخي

واه خويا راك تشوووف بهدلت بينا راهم يضحكوا علينا لجنااااس
الله يحذفها من وجه الاروض واش نقولك ربي يجيبهالها في اقرب وقت
قولوا آمين .... وي خليهم تنفعهم الشيتة وجوه الشر يا حفييييظ
الله يبارك فيك شكرا لك

 

[salah.f]

رد: وتغبرطت البكالوريااا

واه خويا راك تشوووف بهدلت بينا راهم يضحكوا علينا لجنااااس
الله يحذفها من وجه الاروض واش نقولك ربي يجيبهالها في اقرب وقت
قولوا آمين .... وي خليهم تنفعهم الشيتة وجوه الشر يا حفييييظ
الله يبارك فيك شكرا لك

هههههه اااااامين

 

[نبض الحياة]

رد: وتغبرطت البكالوريااا

السلام عليكم ورحمة الله وبركاته
راك حكيت ووفيت اخي
كبما قلت هم يضحك وهم يبكي
من جهة حسبنا والله ونعم الوكيل فيهم اللي قصاو المتاخرين
ومن جهة الجماعة اللي راهي تنقل وتغش نقولها ومبعد واش كاين تجيبو الباك ب 15 ولا 16 وواش مبعد تروحو للجامعة والله غير يخرجوها منكم
صدقوني العام الماضي الميدسين تقول جيش التحرير حنا رحنا ضحيتهم ما لقيناش وين نقرو قاسونا حتى 6 نتاع عشية باه يلحق دورك تقرا كور
طل عليهم والله راهم الطايح فيهم كثر من النايض الجامعة راهي تصفي فيهم واحد واحد اسئلة جد صعبة وعقدولهم الامور
الحاصول اذا غشيت وسلكت من الباك الجامعة العليا ما ترحمش !!
مالا الواحد يحط راسه ويدي باكه حسب قرايته
ربي ينجحهم ويفرحهم جميعا
مشكور اخي

 

[لؤلؤة قسنطينة]

رد: وتغبرطت البكالوريااا

بصح عطشتيني يا بنت قسنطينة شا نقولك راكي مغبرطة :d:d
ههههه شكرا يعطيك الصحيتوووو بارك الله فيك

هههههههههههه انفلوانزا الغبريطية راهي تدور هههه
ومالا تسربلي موضوعي ونرحمك :p
العفو خويا ولك كل الشكر على الموضوع
ربي يفرح خاوتنا وخواتاتنا ومايروحش جهدهم في الباطل ان شاء الله
وحنا في الدار بابا راهو يهدد بقطع النت هههههه قال لأختي كن ندري تشوفي في المواضيع
نكوبيلكم النت، قتلو وانا واش ذنبي؟ (زعما ضحايا الارهاب مسكينة :d)
قتلو انا عاقلة خاطيني ليروشارش عندي اللمة نحي فيها ضيقة الخاطر برك ههه
وحتى الفايس بوك وخاطيني الخالوطة مواطنة صالحة انا ههههه
المهم رايحة نزيد نديرلك جرنان خلاف هنا هههه
شكرا مجددا على الموضوع بالتوفيق خويا
​

 

[جليلوس]

رد: وتغبرطت البكالوريااا

السلام عليكم ورحمة الله وبركاته
راك حكيت ووفيت اخي
كبما قلت هم يضحك وهم يبكي
من جهة حسبنا والله ونعم الوكيل فيهم اللي قصاو المتاخرين
ومن جهة الجماعة اللي راهي تنقل وتغش نقولها ومبعد واش كاين تجيبو الباك ب 15 ولا 16 وواش مبعد تروحو للجامعة والله غير يخرجوها منكم
صدقوني العام الماضي الميدسين تقول جيش التحرير حنا رحنا ضحيتهم ما لقيناش وين نقرو قاسونا حتى 6 نتاع عشية باه يلحق دورك تقرا كور
طل عليهم والله راهم الطايح فيهم كثر من النايض الجامعة راهي تصفي فيهم واحد واحد اسئلة جد صعبة وعقدولهم الامور
الحاصول اذا غشيت وسلكت من الباك الجامعة العليا ما ترحمش !!
مالا الواحد يحط راسه ويدي باكه حسب قرايته
ربي ينجحهم ويفرحهم جميعا
مشكور اخي

اهلا بيك اختي رقية نورتي
حسبي الله ونعم الوكيل فيهم اكييييد في لي ظلم وليداتناااا
ههههه واه قالك الباك نشوة والجامعة حشوة ياااا لي ينقل ما يطولش عمرو قصيرة هههه :d:d
واه كيما قلتي اقرا لي عندي وحفظك والباقي على ربي ولي جاااات من عندو مرحبااا بيها 10 بعرقي وتعبي ولا 15 بالنقيل :up::up:
الله يفرحهم اون تو لي كا هههههه كامل كامل تولموند تولموند .....
وباي باي طاطا نورية العام الجاي يصفوهاااا راها باينة تكمل كيما هاك
العفو يعطيك الخير

 

[جليلوس]

رد: وتغبرطت البكالوريااا

هههههههههههه انفلوانزا الغبريطية راهي تدور هههه
ومالا تسربلي موضوعي ونرحمك :p
العفو خويا ولك كل الشكر على الموضوع
ربي يفرح خاوتنا وخواتاتنا ومايروحش جهدهم في الباطل ان شاء الله
وحنا في الدار بابا راهو يهدد بقطع النت هههههه قال لأختي كن ندري تشوفي في المواضيع
نكوبيلكم النت، قتلو وانا واش ذنبي؟ (زعما ضحايا الارهاب مسكينة :d)
قتلو انا عاقلة خاطيني ليروشارش عندي اللمة نحي فيها ضيقة الخاطر برك ههه
وحتى الفايس بوك وخاطيني الخالوطة مواطنة صالحة انا ههههه
المهم رايحة نزيد نديرلك جرنان خلاف هنا هههه
شكرا مجددا على الموضوع بالتوفيق خويا
​

اواااااه ماكيش نيشااان يا بنت الناااس
عطشتيني وحابة تزيدي تاني رد جديد علاش واش درتلك حرااام عليييك
هادي في الموزمبيق وماصراتش :d:d
الله يفرح قاااع وليداتنااا ان شاء الله
ربي يهنييييييك

 

[hadil2044]

رد: وتغبرطت البكالوريااا

صحيت على الموضوع
كي عديت الباك كانو ساعات يوصلو حتى بعد 20 دقيقة يدخلو ويزيدوهم الوقت عادي

اما بالنسبو كونها مؤامرة فكل شيئ ممكن لكن مادمها وزيرة كانت تتصرف مش تمنع الطلبة اللي تاخرو 5 دقايق من الدخول
اصلا المنضومة التعليمية تخلطت مساكن التلاميذ
بصح قولي شكون يدفع ثمن الغلطة سوى اللاميذ اللي يكرهو من القراية ويخرو والا كيما القرارات اللي تحطم الطلبة

ربي يصلحنا البلاد ويحفظهالنا
​

 

[جليلوس]

رد: وتغبرطت البكالوريااا

صحيت على الموضوع
كي عديت الباك كانو ساعات يوصلو حتى بعد 20 دقيقة يدخلو ويزيدوهم الوقت عادي

اما بالنسبو كونها مؤامرة فكل شيئ ممكن لكن مادمها وزيرة كانت تتصرف مش تمنع الطلبة اللي تاخرو 5 دقايق من الدخول
اصلا المنضومة التعليمية تخلطت مساكن التلاميذ
بصح قولي شكون يدفع ثمن الغلطة سوى اللاميذ اللي يكرهو من القراية ويخرو والا كيما القرارات اللي تحطم الطلبة

ربي يصلحنا البلاد ويحفظهالنا
​

يعطيك الصحة اهلا بييييك
واااه كانوا يدخلو عادي كي كنا نقراااو وكان بن بوزيييد
بصح دروك كلش تغبررررط الله غالب ماعندنا مانديرو غير ربي ينجينا ويحفظ هاد البلاد وخلاص
الباك هاد العام راح يبقى في التاريخ :d:d

 

[أشــواق 19]

رد: وتغبرطت البكالوريااا

وعليكم السلام
شكرا خويااا على الموضوع الباهي
هذاا هو حديث الساعة هههه
الباك كانت عندو هيبة صح مي الوقت هذا كثر الغش سيرتو منين دخلت التكنولوجيا
شعبنا مخلوع يستعمل التكنولوجيا غير من الجانب السلبي..
لبارح كنت نمشي قدام الليسي شفت استاذ كنت نقرا عندو في يدو سيجي وتلفون فهمت بلي كاينة حالة غش حبيت نتاكد باه منظلمش لمخلوق ايا سقسيتو على اجواء لبااك وبشوية حتا فهمت بلي صح راهو يغش
قتلوو علاه عليكم هذا
قالي اااي لازم نعاونو ولادنااا... هههههه نعاونو ولادنا بالغش ماهذا ؟؟!
في قناة النهار قاعدة نتفرج حتا جا واحد البوكيمون هكا لاعبها فايق قالهم انا راني عندي 3 سنين وانا نعقب ومديتوش وصحابي كامل نقلو نجحو قالهم اني دكا شريت واحد لعفسة من العلمة بلوتوث ولا معلاباليش وش هي لمهم بزوج ملايين وينقل بيها وميت بالسعادة ويشرح للصحفية كيفاش يستعملها !!!! وقالهم بكل فخر لاه دكا شكون بقا يحفظ؟؟! لحفاظة ولات ديمودي!!!!!!!! نعيي روحي نحفظ والكوبياج ساهل
للدرجة هذي المستوى منحط؟!
ربي يهدي ما خلق

 

[4algeria Network]

رد: وتغبرطت البكالوريااا

السلام عليكم ورحمة الله وبركاته

موضوع الاقصاءات أنا صراحة شايفو عادي مانحكيش على الظروف الاستثنائية تاع حادث ولا راني نحكي على لي كانت ظروفو عادية بصح تقصى، ياك زادو وخرو الموعد بنص ساعة وكانت على الثمنية ونص رجعت الثمنية ومازالو برك التأخيرات ؟ يا خو لي عارف روحو ممكن يتعطل يمشي بكري من الدار ! زمان بكري كانو التلاميذ تلقاهم في المركز قبل بنص ساعة ودرك يجيك في الدقيقة اللخرة يقولك راني جاي نفوت !! شوية الإنسان يعمل حسابو والظروف الطارئة تاع آخر دقيقة هذوك ما نحكيش عليهم .

موضوع التنقال هذا مستحيل يكون بلا مؤامرة من الأساتذة وهنا رانا في وجه زوج أمور اللول المستوى الركيك للأساتذة والمسؤولين وانعدام روح المسؤولية فيهم وتدنيس مهنة قال الرسول صلى الله عليه وسلم عنها أن صاحبها يكاد أن يكون رسول والثاني تدني المستوى التعليمي للطالب ومع الوقت عاد ضامن رسمي بلي فيها التنقال ومالا علاش يحفظ ويكسر راسو ! كاين نقطة ثالثة لازم نحكو عليها هي تواطؤ حتى الأهل في الموضوع هذا وتوفير الوسائل للولادهم باش ينقلو .

المرة هذي باينة بلي تسريب المواضيع كان متعمد ونظن الهدف منو ضرب الوزيرة حتى تتنحى من منصبها والله أعلم، والوزيرة هذي كاين أمور عملتهم ملاح وكاين أمور ماكان لاه نهدرو عليهم وفي اللخر كي بن بوزيد كي رمعون شمعون فكرون كامل كيف بعض مازال ما شفناش وزير يرقى صح بمجال التعليم في بلادنا وباقيين غير نتقهقرو وربي يستر .

بالتوفيق أخي .

 

[جليلوس]

رد: وتغبرطت البكالوريااا

وعليكم السلام
شكرا خويااا على الموضوع الباهي
هذاا هو حديث الساعة هههه
الباك كانت عندو هيبة صح مي الوقت هذا كثر الغش سيرتو منين دخلت التكنولوجيا
شعبنا مخلوع يستعمل التكنولوجيا غير من الجانب السلبي..
لبارح كنت نمشي قدام الليسي شفت استاذ كنت نقرا عندو في يدو سيجي وتلفون فهمت بلي كاينة حالة غش حبيت نتاكد باه منظلمش لمخلوق ايا سقسيتو على اجواء لبااك وبشوية حتا فهمت بلي صح راهو يغش
قتلوو علاه عليكم هذا
قالي اااي لازم نعاونو ولادنااا... هههههه نعاونو ولادنا بالغش ماهذا ؟؟!
في قناة النهار قاعدة نتفرج حتا جا واحد البوكيمون هكا لاعبها فايق قالهم انا راني عندي 3 سنين وانا نعقب ومديتوش وصحابي كامل نقلو نجحو قالهم اني دكا شريت واحد لعفسة من العلمة بلوتوث ولا معلاباليش وش هي لمهم بزوج ملايين وينقل بيها وميت بالسعادة ويشرح للصحفية كيفاش يستعملها !!!! وقالهم بكل فخر لاه دكا شكون بقا يحفظ؟؟! لحفاظة ولات ديمودي!!!!!!!! نعيي روحي نحفظ والكوبياج ساهل
للدرجة هذي المستوى منحط؟!
ربي يهدي ما خلق

اهلا بيك اختي اشواق
على السلامة ... ان شاء الله راكم بخير ؟؟
واه هادي هياااا ديما تجي حاجة نلهاو فيها ... والباك ككل عام كل يوم بخرجة جديدة
واه النت هي سبابنااا صراحة فسدت كلش ... ربي يسترها علينا وخلاص
ايه تبقى حاير ومن جيهة نقولك شححح في بن غبريط تستاهل دعاوي الشر خرجو فيهاااا
راها في ورطة:d:d
ههههههه اخر التطورات والمستجداااات العجب والله .... راكي في دزاير كلشي ممكن
ربي يهدينا ويوفق وليداتناا لي تعبو وقراااو لهاد الهم تاع البااااك من القلب ربي يفرحهم
يعطيك الصحة

 

[جليلوس]

رد: وتغبرطت البكالوريااا

السلام عليكم ورحمة الله وبركاته

موضوع الاقصاءات أنا صراحة شايفو عادي مانحكيش على الظروف الاستثنائية تاع حادث ولا راني نحكي على لي كانت ظروفو عادية بصح تقصى، ياك زادو وخرو الموعد بنص ساعة وكانت على الثمنية ونص رجعت الثمنية ومازالو برك التأخيرات ؟ يا خو لي عارف روحو ممكن يتعطل يمشي بكري من الدار ! زمان بكري كانو التلاميذ تلقاهم في المركز قبل بنص ساعة ودرك يجيك في الدقيقة اللخرة يقولك راني جاي نفوت !! شوية الإنسان يعمل حسابو والظروف الطارئة تاع آخر دقيقة هذوك ما نحكيش عليهم .

اخي الكريم في هادي راني معااااك بصح شويااا رحمة انقطعت من قلوبهم والله العظيم
بكاوهم يا خويا بكاوهم ....الله لا تربحهم

موضوع التنقال هذا مستحيل يكون بلا مؤامرة من الأساتذة وهنا رانا في وجه زوج أمور اللول المستوى الركيك للأساتذة والمسؤولين وانعدام روح المسؤولية فيهم وتدنيس مهنة قال الرسول صلى الله عليه وسلم عنها أن صاحبها يكاد أن يكون رسول والثاني تدني المستوى التعليمي للطالب ومع الوقت عاد ضامن رسمي بلي فيها التنقال ومالا علاش يحفظ ويكسر راسو ! كاين نقطة ثالثة لازم نحكو عليها هي تواطؤ حتى الأهل في الموضوع هذا وتوفير الوسائل للولادهم باش ينقلو .

اكييييد الكل مشارك في هاد المهزلة لي وصلنا ليها ... ربي يحفظك ويستر برك
العجب والله راسي حبس ما تقدرش تتصور تقول في المريخ وماداروهااااش ....
بصح تاني الوزيرة عطااات للغش اهمية كبيرة وضخماتووو ضحكت علينا الناس يشوفوا فينا شوفة ماتسواااش
عيب عليهاااا والله ...
الله يهديناا

المرة هذي باينة بلي تسريب المواضيع كان متعمد ونظن الهدف منو ضرب الوزيرة حتى تتنحى من منصبها والله أعلم، والوزيرة هذي كاين أمور عملتهم ملاح وكاين أمور ماكان لاه نهدرو عليهم وفي اللخر كي بن بوزيد كي رمعون شمعون فكرون كامل كيف بعض مازال ما شفناش وزير يرقى صح بمجال التعليم في بلادنا وباقيين غير نتقهقرو وربي يستر .

والله راها حابة تتخلط بسبابها لي يخلط مصارينها هاد الفكرووون كيما قلت
ان شاء الله ينحوها علينا ونتهنااااو يجي لي يليق بالمنصب .... ارتقوا يا وزراء شويااااا
كيفاه بغيتو الشعب مايلعبش ونتوما دايرين رايكم !!


بالتوفيق أخي .

الله يوفق الجميع لما يحبه ويرضااااه
شكرا لمرورك اخي بارك الله فيك

 

[السلطانة]

رد: وتغبرطت البكالوريااا

وعليكم السلام

والله ياخويا مفهمنا فيها والو انا الفايس بووك هاذا دهشني

المواضيع خرجت ولولاد حلوها في الدار وراحو الصباح
شغل واجب منزلي برك

كي تسربت من مدراء المراكز واش بقى

هنا منلوموش الدراري قلنا كوباو بالتراو جي وكاين لي عاونهم

اللوم على لي فوق منهم

انا شفوني الحق يتمسخرو بيهم ويلعبو بيهم خلاوهم يصدقو روحهم

وحنا الباك في دزاير بقاتلو مرة وحدة ويرجع غير معترف بيه

كيما زمان لي صرات في عهد وزير سابق خرجو المواضيع تنحى !

لكن بن غبريط شكون يقدر ينحيها !!
وزيد كان تنحات والتلاميذ واش ذنبهم !!


من رايي كون ينجحوهم كامل وخلاص وعلاه يقصيو في البعض

مادام الروس لكبيرة ندبت للدنيا

تبا وألف تبا وخذولنا الحالة وحطمولنا الأخلاق قبل التعليم رجعنا مهزلة العالم .

 

[ضآحكة مستبشرة]

رد: وتغبرطت البكالوريااا

السلام عليكم جليلوا
مرحبا بيك من جديد
انا نقولك حاجة و الله العظيم غير علبالي بلي السوجيات خرجوا بصح ضميري كان يأنب فيا مقدرتش نشوفوا
غاضتني عمري يا الرب العالي عام كامل و احنا نندبوا و نحرثوا و مبعد في الاخير التبهدايل صاير
انا كــــــــــــــرهت يا ناااااااااااااس مكاش مصداقية
الناس لي موصلهاش السوجي كوبات بالبلوتوث
باي حق فعلوا بنا كل هذا
و ما ذنبنا نحن الابرياء
خاصة الفرنسية و الاجتماعيات مخدمت والو همممممم التسريبات و زادت كملت علينا الهزة
لكن عالاقل الزلزلة امر رب العالمين لكن التسريبات امر من
خاااااااااااوتي عييت مقدرتش نتفكر خاصة اليوم
اسوء اسبوووووووع مر عليا في حياتي

ادعولي خاوتي ربي يحققلي لي في بالي
​