مقارونيا الجزائر

[ام راس يابس]

السلام عليكم
واش راكم يا بطاريق افريقيا
اخباركم ان شاء الله تكونو ملاح
انا منكذبش
و الله ماني بخير
المعنويات فالحضيض
نهار الأول دخلت لقاعه الامتحان عادي
كيفي كيما أي مترشح
اول كذبه اكتشفتها هي أجهزة التشويش
ال 3G كاينه ...نورمال
من بعد
نسمع الشعب يحكي على إيليا أبو ماضي
قلت كيفاه هاذي منين عرفو هوما
و مين حطولي الموضوع لقيت إيليا أبو ماضي
معليش قلنا بالاك صدفه
و من بعد نسمعوا الشعب يحكي على الموضوع تاع الاسلاميه...!!!!!.....قلت يا شهد متهتميلهمش انت احفظي و ما تحوسي على حتى واحد
و غدوة من ذاك نسمعوا العرب يحكو على موضوع الانجليزيه ...و انا نموت على الانجليزيه من فوق 6.5 خاطيني ...قلنا متهتميش راهم باغيين يخلطوك...و كان هو
و لبارح يحكو على الفرنسيه و الموضوع مزال ما تحط ....ماعليش خليهم يقولو لي يحبو...و كان هو
ليوم نضت على 4:00 تاع الصباح نحفظ تاريخ و جغرافيا و الحرب البارده و جماعتها
و نروح و نلقى الشعب حل الموضوع قبل ما يحطوه
خلاص راهي القنطه فاتت قرجومتي و وصلت للساني
انا نقرا و نتعب و نشقى العام كامل و نتمرمد من و من و نحفظ و المبوقل و خوه يلقاها واجده
المواضيع تدور فالفايس
و رقد على وذنك يا الغافل
كثر خير الهندسه طلعنا بيها المورال
..........
قالك وسائل متطورة لمنع الغش
احلفوا
علابالكم بلي كون بغيت نغش نغش عاااادي
المسودة تاعي نفس اللون كل يوم نقدر ندي وحدة زياده و نكتب فيها و نحطها غدوة فوق الطابله و حتى واحد ما يفيق
الشعب كل دقيقه يخرج للحمامات ...و أوراق الغش مخبيه عندهم ...عاادي
و الي داير هاتف نقال
حدث و لا حرج
تلقى روحك تقرى و تقرى و تسهر و تتعب و من بعد انت التالي فالجماعه بعد ما كنت.....
ايييه
هاذ العام كي المصلي كي تارك الصلاه كامل يدو الباك
و تارك الصلاه يدي خير من المصلي
قولولي متغيضكمش ؟؟
.
.
نشوفو مع موضوع الفلسفه راهم يحكو عليه

 

[ليليا مرام]

رد: مقارونيا الجزائر

السلام عليكم اختي ان شاء الله تكوني من الناجحين
شوفي نقولك اول شي انت قبل ما تلومي اللي تعب واللي ما تعبش شوفي شكون خرجهم انا راح نفوت اختبار مهم في حياتي ونلقى سوجي فالفايس وانا قتلت روحي ببالقرايا نشوفو نكذب عليك نقولك خاطيني وحرام وما نقراهش وما نحلوش ما نديرش عليه الف بالمية لكن نشوفو ونحل ممكن نديرو فالاتحمال يكون صح ياو يد صحيحة خرجتهم ومس انا او انت او زوالي لالا من الوزارة قالولي نتاع لونقلي 3 سوايع قبل خرج وخرجاتو طفلة فالفايس وخرج هو نفسو تماما ولقيت تعليقات يشكرو فيها وقالولها جزاك الله كامل خدمنا فيه يعني جزاها الله
ما عرفتش انا هذي لازملها فتوى
اما تقوليلي انا نقرا ونتعب ولاخر لقاها واجدة لالا في بالك انت هذاك ما قراش كامل العام واستنى يخرجو السوجي ماكانش منها يا اختي شوفي هوما شافوه حلوه فضول يكون صح او لالا
انا راني معاك فالليل شراو الات باه يغشو صح راني معاك فاللي كوبياو
راني معاك فكل هذو يدو الباك بالساهل مي يكذب على روحو يسلك هنا وفالجامعة كيفاه ويا سيدي سلك فالجامعة ولما يخرج طبيب او مهندس كيفاه راح يدير
لالا اختي هذي مش مقارونيا هذي سباغيتي الخيط راه طويل وجاي من الوزارة شكرا ربي ينجحك يا رب

 

[فيتامين سي]

رد: مقارونيا الجزائر

واش راح تستني من شعب افريقيا العظيم
قالك التسريب من الفاسبوك
انا فقتلهم هذا واحد عنده فاسبوك يوحي على الباك من بعد يقوللهم حلو هذا وقيلة يطيح من بعد الشعب يحله اووووه gوووووووووووووووووووووووووووووووووووووووووووول طاح هو
اووووووووووووووووووه راكم مامنين
ههههههه هما خرجوه هما حطوه هما هدرو و هما نفسهم لي طردو لي تاخرو بثواني لي جايين من بعيد
هما نفسهم لي خلاو اساتدة تافهين يقرونا هما نفسهم لي خلاو الظلم
عليكم يضحكو .وقيلة حاسبين الناس مزالها تامن بالغولة و العواوة
المهم بعد 10 سنين تلقي طبيب لا علاقة بالطب تعرفيهم هدوك لي في سبيطار كي تدخلي مريضة بوذنيك يقلعولك رجلك هدو هما
تبا تبا تبا لهم
ربي ينجحك حبوبتي و يفرحك و يفرحنا معاك و ينجحك البطات هدوك حبوباتي
و ميروحش تعبكم على باطل و لي غش يبقا حقير و حياته يبقا حقير

 

[لؤلؤة قسنطينة]

رد: مقارونيا الجزائر

السلام عليكم يا ام راس يابس هههه
علابالك كن يشوفو داعش التوقيع تاعك يدخلوك في الجيوش تاعهم هههههه، وواشوا العنوان هادا انا قلت موضوع طبخ تحط هنا بالغلط ههههه راني نضحك برك ماديريش عليا
والله يا اختي موضوع تسريب مواضيع البكالوريا راهو حديث الساعة، حتى انا عندي اختي تتعب وماترقدش بكري وتنوض الصباح
وانا نوض معاها ونتعب معاها لدرجة اهملت امتحاناتي غير على جالها وفي الاخير واحد يقولها بكل فخر يجي واحد يقولها بكل فخر
ماراني حافظ والو وندي 18 غير بالغش، انا نقولك حاجة لي يقولك الدولة مخربة وحتى انا نبروفيتي ونغش هادا ماش سبب، نقولو الدولة معوجة ونتا لازم تكون معوج؟؟ وحديث الرسول وين راح؟؟ ولا مع كل تعويجة نتعوجو حنايا؟ انا مانكدبش عليك البارح كي قاعدة نشوف في الناس تهز الاجابة وتروح كلي لواجب منزلي غاضتني ختي وليت شفت شوي في النت قلت كاشما نلقى على الاقل احتمالات نعاونها بيهم ونطمنها بصح من بعد بابا دارلنا درس وقال لأختي مانحبش حتى سؤال تخرجيه من النت ومانحبش الامتحان تاعك تجوزيه بالغش، قالها ماش نضحكو على الناس لي حاكمة مناصب بالغش والتزوير ونشجع بنتي على الغش، قالها احفظي وابذلي مجهودك ولي مكتبهولك ربي يلحقك بلا غش وزيد يكون ضميرك مهني وتقنعي بــ 10 بعرق جبينك خير من 18 بالتزوير
وعيطتها صاحبتها باه تمدلها السوجي ورفضت وحتى انا اقتنعت بكلام بابا وعندو الحق
وصدقيني كاي ناس شفتهم على الفايس بوك قالولهم بركاونا من الغش والحرام وخليونا نروحو للجامعة بعرق جبينا بصح مساكن يطيحو عليهم بالسب والشتم وواش دخلك ومعرف واش، يعني ربي يهديهم برك
ناس تستعين بالغش ونسات ربي لي بكلمة منو يغير الاحوال، كاين اخت هنا في اللمة وهي عاشقة الجنة خدمت بحفاظتها وبجهدها والزنزلة تدي وتجيب بيهم في القسم وماحبتش تغش وكملت وثقتها بربي كبيرة يعني نحييها وربي مارايح يخيبها ان شاء الله
مالاا ختي ماتقلقي ماوالو اذا ماخدمتيش مليح ربي او يعوضك وتنجحي بعرق جبينك وتعبك وبضمير هاني احسن ماتروحي كل يوم موجدة السوجي وتدي 18 بالحرام ومن بعد تبلوكي في الجامعة
اتوكلي على ربي وكتري الدعوات وبالعكس احمدي ربي مادام بعد عليك اكتشاف المواضيع يسمى ماش راضيلك الحرام
وان شاء نسمعو عليك كل خير
تحياتي وربي ينجحك

​

 

[Msb security]

رد: مقارونيا الجزائر

نشاء الله جيبيه اختي الكريمة
متقلقيش ومتيبسيش راسك برك

مايكون غير الخير انشاء الله
ربي يوفقك ​

 

[AmiR@RoRo]

رد: مقارونيا الجزائر

شعب عايش بالغش وللغش
وش تستناي منو
ربي يجيب الخير برك

 

[zohor kfz]

رد: مقارونيا الجزائر

مايغضك الحال ما والو ... عارفة بلي واعرة بصح الله غالب
المهم انتي راكي تقراي لروحك و على جال الاسلام تعلى رايتو بناس قريين و نهار توقفي بين يدين ربي تقوليلو انا ديرت لي عليا و مغشيتش
ربي ينجحكي اختي

 

[الورد الأحمر]

رد: مقارونيا الجزائر

السلام عليكم ورحمة الله وبركاته

هذا واش يغيض تكافؤ الفرص كيما قال هشام في موضوع جليل ماكانش وتلقى لمبوقل يديها خير من لي قرا على خاطر الثاني جابها بتعبو واللول ما شقاش عليها !! ... واش نقولك ما تتحطمي معنويا ما والو كملي برك واتكلي على ربي وما يطيحلك الموغال ختى واحد وبالتوفيق أختي .

 

[hadil2044]

رد: مقارونيا الجزائر

ربي يفرج حنونة
الحالة كامل مخلطة

ربي ينجحك اللي ما يتوكلش على ربي ما يرحش غير ما تخمي ياسر
​

 

[قرصان الساحل]

رد: مقارونيا الجزائر

والله ختي وش راح نقلك كون جيت في بلاصتك يغيضني الحال نكدب عليك ايه يغيضك هدا هو ناس قبل ما تبدا السباق كامل لازم تكون في نفس الخط
مي الحاجة لي نقولهالك انا تعلمتها من تجربتي المتواضعة في الحياة هادي اي مش في الباك برك اي في الدنيا بكل تمشي هكا ديما كاين واحد مافونصي عليك قبل ما تبدا السباق لو تعيط ولا تزعف مش راح تغير حتى حاجة وعلى جال هاد الشي انا نقلك ما يهمك والو المهم انت عرقتي وراح تدي عرقك يعني حتى 0.25 راكي جبتيها وتعبتي عليها وسهرتي واحد ما صدقها عليك وهدا هو اهم شي الواحد لما يشوف نتيجتو في النهاية راح يشوف مجهودو وعرقو وين وصلو والله مهما تكون لازم تفتاخري بيها لأنها نتاعك تاع ليالي لي سهرتيهم وهداك التعب وانا لما تكون نتيجة وتجي تقوليلي جبت هاد المعدل راح نتحيلك ونقلك يعطيك الصحة ومن حقك تفخري بيها .. اما هداك لي عطاولو سوجي او كاين ربي ما تخافيش هاد الحكاية يكتب ربي ان شاء الله وتشوفيها غير هي في الجامعة تروحي تخدمي كيف كيف لازم من دوكا تحضري نفسك لهاد الصدمات وما تخليهمش يأثرو على حياتك..
ام راس يابس ازربي كملي الباك تاعك طول ما خلاصش واحنا توحشنا نشوفو هبالك هههه
تحياتي ليك اختي ربي يوفقك ان شاء الله
​

 

[MOHAMED LAMINE7]

رد: مقارونيا الجزائر

في مادة الفرنسية كان معايا زميلي في العمل وفعلا حطو الموضوع في الفايسبوك وقام بنسخه واخذه الى ابنته وطبعا كان ذلك قبل بداية الامتحان

 

[MOHAMED LAMINE7]

رد: مقارونيا الجزائر

ننصح المرضى ان لا يعالجوا عند الأطباء الذين نجحوا في بكالوريا 2016

 

[FATIMA 19]

رد: مقارونيا الجزائر

نشاله تنجحي و تفرحي
صح واش صرا كامل تغيضك نفسك بزاف
يتفكر الواحد التعب و السهر و كلش
في الأخير يلقاو كلش واجد
مي ماتخافيش والله يسلكوها كامل كاين ربي
​

 

[حلم يعانق السماء]

رد: مقارونيا الجزائر

ماشي برك تغيضك عمرك يا تحبي تقتلي روحك
ماشي عام كامل نتعب منبعد يجي زميلي لي قعد يغني مع الصرصور ويجيب خير مني
منحبش نحبط المعنويات بصح في الجزائر مينطبقش من جد وجد ومن زرع حصد
ذاك لي عندو الكتاف والغشاش هوما الواجدين
مكانش العدل في دزاير

بكالوريا هذا العام كارثة الله يكون في عونك أختي ويوفقك




​

 

[ام راس يابس]

رد: مقارونيا الجزائر

السلام عليكم اختي ان شاء الله تكوني من الناجحين
شوفي نقولك اول شي انت قبل ما تلومي اللي تعب واللي ما تعبش شوفي شكون خرجهم انا راح نفوت اختبار مهم في حياتي ونلقى سوجي فالفايس وانا قتلت روحي ببالقرايا نشوفو نكذب عليك نقولك خاطيني وحرام وما نقراهش وما نحلوش ما نديرش عليه الف بالمية لكن نشوفو ونحل ممكن نديرو فالاتحمال يكون صح ياو يد صحيحة خرجتهم ومس انا او انت او زوالي لالا من الوزارة قالولي نتاع لونقلي 3 سوايع قبل خرج وخرجاتو طفلة فالفايس وخرج هو نفسو تماما ولقيت تعليقات يشكرو فيها وقالولها جزاك الله كامل خدمنا فيه يعني جزاها الله
ما عرفتش انا هذي لازملها فتوى
اما تقوليلي انا نقرا ونتعب ولاخر لقاها واجدة لالا في بالك انت هذاك ما قراش كامل العام واستنى يخرجو السوجي ماكانش منها يا اختي شوفي هوما شافوه حلوه فضول يكون صح او لالا
انا راني معاك فالليل شراو الات باه يغشو صح راني معاك فاللي كوبياو
راني معاك فكل هذو يدو الباك بالساهل مي يكذب على روحو يسلك هنا وفالجامعة كيفاه ويا سيدي سلك فالجامعة ولما يخرج طبيب او مهندس كيفاه راح يدير
لالا اختي هذي مش مقارونيا هذي سباغيتي الخيط راه طويل وجاي من الوزارة شكرا ربي ينجحك يا رب

شكرا على مرورك زهرة
لكن هذاك الي حكيتي بلي شاف الموضوع و حلو هو محلهش فالحقيقه
هو شاف الحل و حفظه عن ظهر قلب و راح دارلو نسخ لصق
فرق كبير بين تحل الموضوع و لا تحفظ حل الموضوع
و رانا نعرفوهم بلي ماشي وجه قرايا
خروب بلادي و ماشي تالف عليا

 

[ام راس يابس]

رد: مقارونيا الجزائر

واش راح تستني من شعب افريقيا العظيم
قالك التسريب من الفاسبوك
انا فقتلهم هذا واحد عنده فاسبوك يوحي على الباك من بعد يقوللهم حلو هذا وقيلة يطيح من بعد الشعب يحله اووووه gوووووووووووووووووووووووووووووووووووووووووووول طاح هو
اووووووووووووووووووه راكم مامنين
ههههههه هما خرجوه هما حطوه هما هدرو و هما نفسهم لي طردو لي تاخرو بثواني لي جايين من بعيد
هما نفسهم لي خلاو اساتدة تافهين يقرونا هما نفسهم لي خلاو الظلم
عليكم يضحكو .وقيلة حاسبين الناس مزالها تامن بالغولة و العواوة
المهم بعد 10 سنين تلقي طبيب لا علاقة بالطب تعرفيهم هدوك لي في سبيطار كي تدخلي مريضة بوذنيك يقلعولك رجلك هدو هما
تبا تبا تبا لهم
ربي ينجحك حبوبتي و يفرحك و يفرحنا معاك و ينجحك البطات هدوك حبوباتي
و ميروحش تعبكم على باطل و لي غش يبقا حقير و حياته يبقا حقير

اسكتي دوك تجي السلطات العليا ترفدك على جال تعليقك هذا
واقع اليم

 

[باتنية و نص]

رد: مقارونيا الجزائر

اي بان سي gغاف!

 

[ام راس يابس]

رد: مقارونيا الجزائر

السلام عليكم يا ام راس يابس هههه
علابالك كن يشوفو داعش التوقيع تاعك يدخلوك في الجيوش تاعهم هههههه، وواشوا العنوان هادا انا قلت موضوع طبخ تحط هنا بالغلط ههههه راني نضحك برك ماديريش عليا
والله يا اختي موضوع تسريب مواضيع البكالوريا راهو حديث الساعة، حتى انا عندي اختي تتعب وماترقدش بكري وتنوض الصباح
وانا نوض معاها ونتعب معاها لدرجة اهملت امتحاناتي غير على جالها وفي الاخير واحد يقولها بكل فخر يجي واحد يقولها بكل فخر
ماراني حافظ والو وندي 18 غير بالغش، انا نقولك حاجة لي يقولك الدولة مخربة وحتى انا نبروفيتي ونغش هادا ماش سبب، نقولو الدولة معوجة ونتا لازم تكون معوج؟؟ وحديث الرسول وين راح؟؟ ولا مع كل تعويجة نتعوجو حنايا؟ انا مانكدبش عليك البارح كي قاعدة نشوف في الناس تهز الاجابة وتروح كلي لواجب منزلي غاضتني ختي وليت شفت شوي في النت قلت كاشما نلقى على الاقل احتمالات نعاونها بيهم ونطمنها بصح من بعد بابا دارلنا درس وقال لأختي مانحبش حتى سؤال تخرجيه من النت ومانحبش الامتحان تاعك تجوزيه بالغش، قالها ماش نضحكو على الناس لي حاكمة مناصب بالغش والتزوير ونشجع بنتي على الغش، قالها احفظي وابذلي مجهودك ولي مكتبهولك ربي يلحقك بلا غش وزيد يكون ضميرك مهني وتقنعي بــ 10 بعرق جبينك خير من 18 بالتزوير
وعيطتها صاحبتها باه تمدلها السوجي ورفضت وحتى انا اقتنعت بكلام بابا وعندو الحق
وصدقيني كاي ناس شفتهم على الفايس بوك قالولهم بركاونا من الغش والحرام وخليونا نروحو للجامعة بعرق جبينا بصح مساكن يطيحو عليهم بالسب والشتم وواش دخلك ومعرف واش، يعني ربي يهديهم برك
ناس تستعين بالغش ونسات ربي لي بكلمة منو يغير الاحوال، كاين اخت هنا في اللمة وهي عاشقة الجنة خدمت بحفاظتها وبجهدها والزنزلة تدي وتجيب بيهم في القسم وماحبتش تغش وكملت وثقتها بربي كبيرة يعني نحييها وربي مارايح يخيبها ان شاء الله
مالاا ختي ماتقلقي ماوالو اذا ماخدمتيش مليح ربي او يعوضك وتنجحي بعرق جبينك وتعبك وبضمير هاني احسن ماتروحي كل يوم موجدة السوجي وتدي 18 بالحرام ومن بعد تبلوكي في الجامعة
اتوكلي على ربي وكتري الدعوات وبالعكس احمدي ربي مادام بعد عليك اكتشاف المواضيع يسمى ماش راضيلك الحرام
وان شاء نسمعو عليك كل خير
تحياتي وربي ينجحك

​

باباك عندو الحق 200 بال100
تغيضك انا نعصر روحي باش نتفكر الحفيظه لي حفظتها و هو يخرج للحمام و يرجع بضحكه من كبرها ضرس العقل بانت
تغيضك انا العام كامل نتمرمد فالمطر و المكتبات و نروحو جماعه نحلو المواضيع و المبوقلين فالدار ناعسين و من بعد هوما يحفضو الحل و يخدمو و احنا لنا الله يا الغافلين
و كون غير جيت نعرفك بلي تقرا
ينقل فالعام و يزيد ينقل فالباك
هنا ماشي غير تقنطي
تبغي تطردقي
حبو يدمرو الوزيرة يدمروها وحدها
احنا علاش!!!!
-------------
غاضتني بزاف اختي عاشقه الجنه كون انا كون هبلت ...أصلا التركيز كامل يمشيلك
ترجعي تخمي في حياتك برك
الله يكون معاها

 

[ام راس يابس]

رد: مقارونيا الجزائر

نشاء الله جيبيه اختي الكريمة
متقلقيش ومتيبسيش راسك برك

مايكون غير الخير انشاء الله
ربي يوفقك ​

ان شاء الله

 

[ام راس يابس]

رد: مقارونيا الجزائر

شعب عايش بالغش وللغش
وش تستناي منو
ربي يجيب الخير برك

امين اختي