السلام عليكم احباب قسم واش راك تهدر راحين نرحلو فرمضان ونجو هنا
مي استنو الرحلة مش فالنهار لالا فالنهار رانا ندورو فقسم واش راك تهدر وفكل الاقسام
مي فالسهرة السهرية عند مريم كيفاش ارواحو تعرفو
قهوة وتاي
جماعة الخير كل ليلة راح تكون عندنا سهرة مميزة
كل ليلة راح يكون ضيف الضيف هذا هو وزهرو
مقالب وضحك ضيافة اكيد
ضيفنا راح يشرب التاي والقهوة ونضيفوه
وقلب اللوز وقطايف واللي يحبو
احبس يا ضيفنا ماكانش حاجة ببلاش
المطلوب من ضيفي انو يخصصنا وقت انا نوجد الموضوع واللي عليه يختار الوقت اكيد بعد صلاة التراويح واللي قادر يدخل قبل اكيد نستناوه
ضيفي راح يكونو فالضيافة مراحل
تعريفك ........... راح تمدنا نبذة عليك لا تشعر والو تحكينا على روحك شوي بكل صراحة
اجابياتك وسلبياتك وكل شي فيك
يومياتك ......... راح تقولنا واش دير فرمضان من وقت تنوض حتى تتسحر
خمسة بخمسة ....... هذي راهي مش خمسة ماسكل جاكسون لالا راهي خمس اسئلة ترد عليها بخمس اجوبة محرجة الله غالب
شكون تختار ..... شكون تختار هذي فقرة انت تختار عضو تتحداه فلعبة فنكتة فمواجهة الله يسهل بيناتكم
واحد من عشرة .... راهي ارقام وانت يا ضيفنا تختار رقم وراح نمدولك بوقالتك
انت وزهرك ....... هذي فقرة يا ضيفي انت وزهرك واش يصرالك ادعي ربي قبل ما تدخل الفقرة ذي مريم راح هنا تتحول ويا زهرك واش دير فيك
كلمة ختامية ........ منك كلمة ختامية
واخيرا هدية الضيف هذي نمدلك فيها كادو انا يبقالك ذكرى
جماعة قسم واش راك تهدر هذا هو موضوعنا فسهرات رمضان
وعندنا كل سمانة الفوط احسن سهرة وفالاخير نخرجو باحسن سهرة لكل رمضان
نتمنى عجبكم الموضوع
ربي يتقبل منكم ومنا
......نضن وصلك مساج تاعي و فهمتيه ...سلام
