ما تصوموش رمضان .... أنولي هذا العام

[ليليا مرام]

السلام عليكم
اكيد خلعكم الموضوع وقلتو واشبيها مريم
اييه ماكانش رمضان هذا العام افطرو خلي نصومو العام الجاي

استنو قبل ما تير وعليا على خاطر اللي رماني بالموس نجبدلو البوشية
نرجعو للسوجي
راني نشوف الجماعة فالواقع وفمواقع التواصل تأفف يا ربي السخانة
راح يجي رمضان يشوي ......... نشرب الماء بزاف .... يا لطيف نهار طويل
اييه كلنا نخافو رمضان فالصيف مي والله يفوت روعة ورحمة ربي صمنا فاوت عز السخانة وفات روعة ولما جا يخلاص تمنينا لو كمل رمضان وما فطرناش لرمضان نكهة خاصة ورحمة من ربي والله واسعة بزاف
ليجون قبل المغرب يا لطيف قريب يأذنو نحكيلكم طرافة مي يا جماعة ترحمو على صاحبها جارنا شاب ربي يرحمو
الصراحة هو مريض شوي فعقلو ولما شاف المغرب طوّل طلع فوق السطح وأذن نص ساعة وكامل فطرنا ههههههه لانو فعلا عندبالنا المؤذن ولما فطرنا حتى عاودنا سمعنا الآذان الحقيقي ههههههه والجيران كامل قالك هو دارها والصراحة لانو مريض ضحكنا وعاودنا خلفنا هذاك اليوم ولما مات والله بكينا عليه صغير وكبير وكل رمضان نتفكروه الله يرحمك يا رب

نرجعو للسوجي
يا خويا ما راكش قادر تصوم وعلاه تصوم وتمرض يماك فالدار او اختك وانت تأفأف وتشوف فالساعة ودور فالكوزينة دارت بيك الارض روح لبرا مي وين يروح لالا غير ارجع يروح برا مشاكل ودبزة وقتيلة ريح فالدار افضل
اييه البنات مع الطياب وغيرو والشغل والله ما يحسو المراهقات نتاع 13 و 14 تلقاها يحسو لنهار طويل مس لخرني لاتيين بالشغل

الشعب كلو مقلق يستنى وينتا ياذن ويتافف لو جينا نعرفو قيمة رمضان ورحمة ربي بينا مدنا فرصة نتوبو ونرجعو ليه يا لروعتك ربي يعني كامل اخطائنا ورحمتو بنا هايلة

واش رايكم فالناس هذي اللي تتضايق من رمضان واذا صراتلكم وين شفتو باباكم او خوكم او اي احد تعرفوه مقلق من وقت المغرب

السوجي ليكم انطلقو

وبلاكو تفطرو يا ويلي ندي ذنوبكم مارانيش ناقصة
​

 

[لؤلؤة قسنطينة]

رد: ما تصوموش رمضان .... أنولي هذا العام

السلام عليكم
اهلا مريومة، خلاص قلتي مانصوموش وحنا نفذو واذا كاين تراجع على قرارك لازم تسلكي ضريبة وهي تجيبينا كامل نفطرو عندك
شهر رمضان كامل هاداك هو السهرة لي رايحة ديريها في اللمة نديروها مباشرة هههه
المهم نرجعو للموضوع، والله يا ختي ماكانش شهر في العام نحبو ونتمنى مايخرجش قد رمضان
اروع وافضل شهر، تحسي بالراحة النفسية والطمأنينة هادا اذا صمتيه على صح، اذا الانسان صام على الماكلة وكرشو وكلشي
رايح يجيه رمضان غول لدرجة الناس قبل مايلحق رمضان بشهر تتلهف وتبدا تشري وتخزن تقول جاية المجاعة وزعما يتحججو
بالسخانة وزعما واش قاعدين يديرو؟ والله لي يتحجج بالسخانة تلقايه راقد وفوق راسو كليماتيزور ويكونيكتي ولي مسكين
يخدم والشمس تحرقلو في راسو تلقايه صابر ويقولك الحمد لله خاطر ربي عطاه القوة والقدرة، صدقيني نقولك حاجة انا ماما
مريضة بالسكر والقلب (مدايرة زوج عمليات على القلب) وماش مليحة ليها السخانة، والله في الايام الاخرى يطيحلها السكر
سااعات وتدوخ بصح في رمضان والله مايصرالها والو وماتدوخ ماوالو ومايطيحلهاش السكر وكي نهدر معاها تقولي او ربي لي
يمد القدرة وهو لي يخليك تكمل النهار نورمال بلا مايصرالك والو، يعني ربي لي يمدلك القوة سواءا برد ولا سخانة ولا نهار
طويل ولا قصير، وحنا في الدار الراجل الوحيد هو بابا يعني ماعنديش خاوتي الذكور، بصح والله مايقلقك خلاص ولا يتشرط
ولا يهبل كيما باقي الرجال بالعكس مسكين قبل الفطور لازم تحطيلو قرعة الماء الباردة برك على الطابلة هههه خاطر طول اليوم
يخدم والشمس يروح راسو كامل يتصبب عرق من التعب، وهو تاني مريض ولاطونسيو والسكر ومايحبش يرقد ولا يقعد بالعكس
يقولك نحب نخدم في رمضان، ووالله يعدي رمضان يجري غمضي عينك يروح ونشتاقولو والله اصلا نهار يعلنو العيد غدوة تحسي
بضيقة في صدرك يعني رمضان عندو طعم خاص واشتقنالو وعمرنا لا كرهنا منو بالعكس اشتقنالو
شكرا مريومة على الموضوع
تحياتي
​

 

[كفاك غرور]

رد: ما تصوموش رمضان .... أنولي هذا العام

السلام عليكم
اكيد خلعكم الموضوع وقلتو واشبيها مريم
اييه ماكانش رمضان هذا العام افطرو خلي نصومو العام الجاي

استنو قبل ما تير وعليا على خاطر اللي رماني بالموس نجبدلو البوشية
نرجعو للسوجي
راني نشوف الجماعة فالواقع وفمواقع التواصل تأفف يا ربي السخانة
راح يجي رمضان يشوي ......... نشرب الماء بزاف .... يا لطيف نهار طويل
اييه كلنا نخافو رمضان فالصيف مي والله يفوت روعة ورحمة ربي صمنا فاوت عز السخانة وفات روعة ولما جا يخلاص تمنينا لو كمل رمضان وما فطرناش لرمضان نكهة خاصة ورحمة من ربي والله واسعة بزاف
ليجون قبل المغرب يا لطيف قريب يأذنو نحكيلكم طرافة مي يا جماعة ترحمو على صاحبها جارنا شاب ربي يرحمو
الصراحة هو مريض شوي فعقلو ولما شاف المغرب طوّل طلع فوق السطح وأذن نص ساعة وكامل فطرنا ههههههه لانو فعلا عندبالنا المؤذن ولما فطرنا حتى عاودنا سمعنا الآذان الحقيقي ههههههه والجيران كامل قالك هو دارها والصراحة لانو مريض ضحكنا وعاودنا خلفنا هذاك اليوم ولما مات والله بكينا عليه صغير وكبير وكل رمضان نتفكروه الله يرحمك يا رب

نرجعو للسوجي
يا خويا ما راكش قادر تصوم وعلاه تصوم وتمرض يماك فالدار او اختك وانت تأفأف وتشوف فالساعة ودور فالكوزينة دارت بيك الارض روح لبرا مي وين يروح لالا غير ارجع يروح برا مشاكل ودبزة وقتيلة ريح فالدار افضل
اييه البنات مع الطياب وغيرو والشغل والله ما يحسو المراهقات نتاع 13 و 14 تلقاها يحسو لنهار طويل مس لخرني لاتيين بالشغل

الشعب كلو مقلق يستنى وينتا ياذن ويتافف لو جينا نعرفو قيمة رمضان ورحمة ربي بينا مدنا فرصة نتوبو ونرجعو ليه يا لروعتك ربي يعني كامل اخطائنا ورحمتو بنا هايلة

واش رايكم فالناس هذي اللي تتضايق من رمضان واذا صراتلكم وين شفتو باباكم او خوكم او اي احد تعرفوه مقلق من وقت المغرب

السوجي ليكم انطلقو

وبلاكو تفطرو يا ويلي ندي ذنوبكم مارانيش ناقصة
​

معك حق بس لازم نصوموا الا صغار او مريض او كباارسن او مسافر حسنا لكنني صاصوم

 

[دعاء الجنات]

رد: ما تصوموش رمضان .... أنولي هذا العام

لوكان جينا نعرفو زوج حوايج برك
الحاجة الأولى : ماشي مليح تفسد صيامك بالهدرة ...تاع . السخانة... راني جعت بزاف. . راني ماقدرتش.... هذا كامل مايصلحش مع انسان مسلم يصوم لوجه الله تبارك وتعالى .
الحاجة الثانية : نصومو في السخانة والعطش افضل بكثير من الصيام الذي يكون في ايام سهلة....
المهم شكرا على الموضوع وعندك ااحق في كلامك.

 

[حاملة القرءان]

رد: ما تصوموش رمضان .... أنولي هذا العام

مالا اصبري مريومة نفطر ونرجع نعقب على الموضوع

 

[كفاك غرور]

رد: ما تصوموش رمضان .... أنولي هذا العام

لوكان جينا نعرفو زوج حوايج برك
الحاجة الأولى : ماشي مليح تفسد صيامك بالهدرة ...تاع . السخانة... راني جعت بزاف. . راني ماقدرتش.... هذا كامل مايصلحش مع انسان مسلم يصوم لوجه الله تبارك وتعالى .
الحاجة الثانية : نصومو في السخانة والعطش افضل بكثير من الصيام الذي يكون في ايام سهلة....
المهم شكرا على الموضوع وعندك ااحق في كلامك.

كلامها صح صومي كي تكسب اجر

 

[tistissa dj-tissou]

رد: ما تصوموش رمضان .... أنولي هذا العام

شهر رمضان شهر الرحمة والاحسان الشهر الفضيل ياريت كان يجينا 3 ولا4 مرات في العام
شهر رمضان شهر هايل يحس بحلاوتو غير المؤمن الحقيقي ماكانش خير من ليلة القدر ..ليلة القدر خير من الف شهر ..كانش خير من صوت تلاوة قران صلاة التراويح
ندعوا ربي يقدرنا على اداء العبادة على اكمل وجه دون تقصير
فرحة رمضان فرحة كبيرة وفي ما معنى الحديث للصائم فرحتان فرحة عند الافطار وفرحة عند لقائه ربي
والله لواحد منا يتمنى يجيه رمضان يجدد دينو ويصلي ل ربي وهو صايم ويصفي النية ويقيم ليل ويقرب صلتو ب ربي سبحانو وربي يحب الانسان الصائم
اما بالنسبة لهاد الناس فهي ناس خرجت من رحمة ربي وكي شغل تصوم بمزيتها ربي يهدينا ان شاء الله آمين
​

 

[ليليا مرام]

رد: ما تصوموش رمضان .... أنولي هذا العام

السلام عليكم
وعليكم السلام اهلا مريومة نورت السوجي
اهلا مريومة، خلاص قلتي مانصوموش وحنا نفذو واذا كاين تراجع على قرارك لازم تسلكي ضريبة وهي تجيبينا كامل نفطرو عندك
شهر رمضان كامل هاداك هو السهرة لي رايحة ديريها في اللمة نديروها مباشرة هههه
اييه نتوما جات لهذي وطعتوني ياخي حالة تلقاو الواجدة
ياخي مريم موالفة راسك خشين كي جات تفطري رمضان قبلت ديركت وااااااااااااع
انا مرحبا بيكم تفوتو رمضان والعيد ووجدو صباعتيكم للدرابك تغنو ههههههه


المهم نرجعو للموضوع، والله يا ختي ماكانش شهر في العام نحبو ونتمنى مايخرجش قد رمضان
اروع وافضل شهر، تحسي بالراحة النفسية والطمأنينة هادا اذا صمتيه على صح، اذا الانسان صام على الماكلة وكرشو وكلشي
رايح يجيه رمضان غول لدرجة الناس قبل مايلحق رمضان بشهر تتلهف وتبدا تشري وتخزن تقول جاية المجاعة وزعما يتحججو

الناس عندهم 4 اشهر وهوما يقضو ويخبو تقولي الحرب مازال ما شفت ناس وجدو الصدقة او عمل خيري كل واحد يخمم على كرشو
الصيام رجع صيام الكرش مش صيام لربي
بالسخانة وزعما واش قاعدين يديرو؟ والله لي يتحجج بالسخانة تلقايه راقد وفوق راسو كليماتيزور ويكونيكتي ولي مسكين
يخدم والشمس تحرقلو في راسو تلقايه صابر ويقولك الحمد لله خاطر ربي عطاه القوة والقدرة، صدقيني نقولك حاجة انا ماما
مريضة بالسكر والقلب (مدايرة زوج عمليات على القلب) وماش مليحة ليها السخانة، والله في الايام الاخرى يطيحلها السكر
سااعات وتدوخ بصح في رمضان والله مايصرالها والو وماتدوخ ماوالو ومايطيحلهاش السكر وكي نهدر معاها تقولي او ربي لي
يمد القدرة وهو لي يخليك تكمل النهار نورمال بلا مايصرالك والو، يعني ربي لي يمدلك القوة سواءا برد ولا سخانة ولا نهار


ربي يخليها ويشفيها يا رب
صدقيني انا دايرة شعال من عملية ورمضان اللي فات صمت ولو وصلت لحالة حرجة وكنت دايرة عملية يومين قبل رمضان وصمت وفالليل ندير الحقن والطبيب قالي ما تصوميش وضمت وكيما قلت على العكس واله نحس فروحي عادي وعندي القوة نورمال ربي هو اللي يمد كيما قالت ماماك ربي يحفظها يا رب وتلقايهم بصحتهم ويشكو ويتشنفو هذوك ما يعرفوش للنعمة
طويل ولا قصير، وحنا في الدار الراجل الوحيد هو بابا يعني ماعنديش خاوتي الذكور، بصح والله مايقلقك خلاص ولا يتشرط
ولا يهبل كيما باقي الرجال بالعكس مسكين قبل الفطور لازم تحطيلو قرعة الماء الباردة برك على الطابلة هههه خاطر طول اليوم
يخدم والشمس يروح راسو كامل يتصبب عرق من التعب، وهو تاني مريض ولاطونسيو والسكر ومايحبش يرقد ولا يقعد بالعكس
يقولك نحب نخدم في رمضان، ووالله يعدي رمضان يجري غمضي عينك يروح ونشتاقولو والله اصلا نهار يعلنو العيد غدوة تحسي
بضيقة في صدرك يعني رمضان عندو طعم خاص واشتقنالو وعمرنا لا كرهنا منو بالعكس اشتقنالو
شكرا مريومة على الموضوع
تحياتي
​

ربي يحفظ والديك يا رب ويخليهم لانهم يعرفو قيمة رمضان التعب والمرض ما وقفش حاجز عكس شي ناس يا لطيف
ايه والله اليامات التوالى نكره رمضان لما يروح تصدقي يغيضني تقول انسان كان عايش معانا ورايح ما نقدرش
انا نحب رمضان ولو تكون السخانة واش تكون عندو ريحة روعة وراهي بدات تجي كان شميتوها حقا كاينة منها ريحة رمضان والا غير انا نشمها والله توصلنا يمات قبل رحمة ربي الواسعة
شكرا نورت السوجي وانا كان فطرت ربي يسهل تدخلي لقبرك وحدك انا خاطيني

 

[ليليا مرام]

رد: ما تصوموش رمضان .... أنولي هذا العام

معك حق بس لازم نصوموا الا صغار او مريض او كباارسن او مسافر حسنا لكنني صاصوم

اهلا اختي نورت الموضوع
اييه لازم الصغار بزاف نعودوهم باليوم حتى يتعلمو والكبير وما يقدرش والمريض والمسافر هذاك مباح له الصيام اكيد
مي حنا نحكو على ناس ما عندهمش عذر باين ويشكو من رمضان يعني بصحتهم عادي وما مراض ما والو تلقايه يضرب الحيط يريبو كيما قالت مريم هذاك اللي يظل تحت كليماتيزور نهار كامل فالدار فالبرود ويكونيكتي يشكي واللي خدام الناس تخدم فالصحرا وما يشكوش
الله يهديهم
شكرا لك

 

[حاملة القرءان]

رد: ما تصوموش رمضان .... أنولي هذا العام

المهم راني رجعت ،عموما الشعب الجزائر يتسبب بصيام رمضان

لي عندو أي حاجة يأجلها حتى يشرب الماء على أساس ثلاثين يوم ماشربش هههه

أيا ويزيد يقولك مادورش في ساحتي في رمضان راه يغلبني )هذو صايمين على العباد

المشكل وين يتسحر منتصف الليل ويظال راقد حتى للمغرب

ويجي يقولك عياني الصوم ؟؟؟؟؟؟؟

نقولو رمضان مبارك وربي يغفر لنا

 

[ليليا مرام]

رد: ما تصوموش رمضان .... أنولي هذا العام

لوكان جينا نعرفو زوج حوايج برك
الحاجة الأولى : ماشي مليح تفسد صيامك بالهدرة ...تاع . السخانة... راني جعت بزاف. . راني ماقدرتش.... هذا كامل مايصلحش مع انسان مسلم يصوم لوجه الله تبارك وتعالى .
الحاجة الثانية : نصومو في السخانة والعطش افضل بكثير من الصيام الذي يكون في ايام سهلة....
المهم شكرا على الموضوع وعندك ااحق في كلامك.

السلام عليكم اختي اهلا وسهلا
ايوا هذي هي انا على جال هذي درت الموضوع مش عارفين ممكن اللي يتأففو انو نيتهم راحت مش صايمين لربي لما يشكي وما يحبش رمضان واش من اجر يديه
نعم لانو الصيام فايام الحر عندو اجر مضاعف والواحد على الاقل يكفر على ذنوبو وربي يغفرلو
العفو وشكرا على التواجد الدئم الله خليك

 

[Salah eddin]

رد: ما تصوموش رمضان .... أنولي هذا العام

السلام عليكم
ياودي الله يهديهم
واش ؟ هي ايامات و تعقب
وعلاه راهم مخلوعين هاك
هذي سخانة و هذا عطش ؟
واش هذا ؟
النهار كامل راقدين و من بعد يقلك السخانة و العطش
ايا خلونا والله
و
السلام عليكم
​

 

[ليليا مرام]

رد: ما تصوموش رمضان .... أنولي هذا العام

مالا اصبري مريومة نفطر ونرجع نعقب على الموضوع

اهلا وسهلا
اييخ روحي افطري ما تجينيش جيعانة ثاني تاكلينا

 

[ليليا مرام]

رد: ما تصوموش رمضان .... أنولي هذا العام

شهر رمضان شهر الرحمة والاحسان الشهر الفضيل ياريت كان يجينا 3 ولا4 مرات في العام
شهر رمضان شهر هايل يحس بحلاوتو غير المؤمن الحقيقي ماكانش خير من ليلة القدر ..ليلة القدر خير من الف شهر ..كانش خير من صوت تلاوة قران صلاة التراويح
ندعوا ربي يقدرنا على اداء العبادة على اكمل وجه دون تقصير
فرحة رمضان فرحة كبيرة وفي ما معنى الحديث للصائم فرحتان فرحة عند الافطار وفرحة عند لقائه ربي
والله لواحد منا يتمنى يجيه رمضان يجدد دينو ويصلي ل ربي وهو صايم ويصفي النية ويقيم ليل ويقرب صلتو ب ربي سبحانو وربي يحب الانسان الصائم
اما بالنسبة لهاد الناس فهي ناس خرجت من رحمة ربي وكي شغل تصوم بمزيتها ربي يهدينا ان شاء الله آمين
​

السلام عليكم اهلا وسهلا
اييه هذا اللي يقول كلامك اللي مومن صح ويحب رمضان راه الف شهر ما يعوضو يا حسراه لو يجيهم 4 مرات ياو يهجرو للهند حتى ياكلو البقر الله غالب حنا مسلمين صج مي ناقصين نية ربي فاتحنا الابواب نغلطو ونتوبو وشهر نرجعو فيه لربي مي ناس ترجع وتخلاص ليلة القدر ويرجعو لعوايدهم نقولك حاجة انا شفت نسا صدقيني لما تخلاص ليلة 27 من ذاك الغد تروح للقزانة والطالب قالك الجنون انطلقو يا لطيف
الحمد لله ربي مخلينا نحبو رمضان ونصوموه ليه والماكلة ما تهمناش وقد ما نلحقو ندير والخير ونحفظو القرآن ونصدقو قليل حتى لما يجي يخلاص نقولو لوكان غير يزيد لانو توالفي تصدقي وتصومي وتقراي بزاف القرآن والله روعة ايام رمضان من احب الايام ليا
شكرا الله يتقبل منكم ومنا شكرا

 

[FATIMA 19]

رد: ما تصوموش رمضان .... أنولي هذا العام

سلام
والله صــــح الناس دايماً تشكي من رمضآن سيرتو في وقت الحر
مي ربي يقدّرْنآ و يرحمْنآ برحمْتو
آآه هاذو اليامآت انا راني نشكي صح مي مانيش نشكي من رمضآن
الراطرباج الله لا تربحو لي جا في رمضان مع السخانة و التعب
و فيـــ الْأخير نشاله نجوزو رمضآن مع الأحْبآبــــ و في طاعة ربي ورضايتو
​

 

[ليليا مرام]

رد: ما تصوموش رمضان .... أنولي هذا العام

المهم راني رجعت ،عموما الشعب الجزائر يتسبب بصيام رمضان

لي عندو أي حاجة يأجلها حتى يشرب الماء على أساس ثلاثين يوم ماشربش هههه

أيا ويزيد يقولك مادورش في ساحتي في رمضان راه يغلبني )هذو صايمين على العباد

المشكل وين يتسحر منتصف الليل ويظال راقد حتى للمغرب

ويجي يقولك عياني الصوم ؟؟؟؟؟؟؟

نقولو رمضان مبارك وربي يغفر لنا

اهلا ياخي فطرت وشبعت بصحتك
اييه لوكان غير فالما يا حوجي واش يشرو وااش يحطو فالطابلة تشوفيهم طالعين بالساشيات طالعين هابطين يدو كل شي ياو الحشيش ويخلاص قريب يروحو يرعاو
ما عندناش قناعة وناس اخرين الخبز ومش لاحقين عليه الله يهدينا واحد ياكل ويرمي ولاخر يشم فشهر الرحمة
اييه ذوك جماعة الرقاد عندهم جنون النهار يصومو فبلاصتهم وكيما قلت ينوض كفرعون ما دوروش بيا تقولي انت ديناصور واش دخل الصيام فساحتو وما ندوروش بيه كلها حجج والامهات خلي خوك ما دوريش من جهتو يا حسراه سبع راح ياكلني
رمضانك مبارك وربي يقبل منكم ومنا شكرا

 

[ليليا مرام]

رد: ما تصوموش رمضان .... أنولي هذا العام

السلام عليكم
ياودي الله يهديهم
واش ؟ هي ايامات و تعقب
وعلاه راهم مخلوعين هاك
هذي سخانة و هذا عطش ؟
واش هذا ؟
النهار كامل راقدين و من بعد يقلك السخانة و العطش
ايا خلونا والله
و
السلام عليكم
​

وعليكم السلام صلاح الدين اخلا بيك ياخي ماراكش من الجماعة اللي تشكي من رمضان ؟
وي ياما وتعقب ويامات غاليين للي يعرف قيمتهم
اييه الراقد فتاولو باللي تتلم الحسنات وهو راقد عليها ينوض 5 دقايق قبل المغرب ويزيد يشكي
رانا مخلينك ما تتقلش برك ههه
وعليكم السلام والزعاف علاه ما تتقلقش

 

[ليليا مرام]

رد: ما تصوموش رمضان .... أنولي هذا العام

سلام
والله صــــح الناس دايماً تشكي من رمضآن سيرتو في وقت الحر
مي ربي يقدّرْنآ و يرحمْنآ برحمْتو
آآه هاذو اليامآت انا راني نشكي صح مي مانيش نشكي من رمضآن
الراطرباج الله لا تربحو لي جا في رمضان مع السخانة و التعب
و فيـــ الْأخير نشاله نجوزو رمضآن مع الأحْبآبــــ و في طاعة ربي ورضايتو
​

السلام عليكم اختي اهلا وسهلا
ربي يقدرك وتكملي القرايا معليش راح ربي يمد القوة التوقيت عيان ما يراعوش التعب والصيام والسخانة كنا نخمو على جماعة الباك راهم سلكو
ونتوما ربي يقدركم ان شاء الله
ربي يتقبل منكم ومنا ان شاء الله
امين شكرا

 

[Salah eddin]

رد: ما تصوموش رمضان .... أنولي هذا العام

ياودي راهم القاشي لي يقلك السخانة و كذا هو لي يقلقك
انا قصدت بلي رمضان اصلا يجي بالبركة تاعو
لا سخانة و لاهم يحزنون
و
شكرا لك يا اختي

​

 

[ليليا مرام]

رد: ما تصوموش رمضان .... أنولي هذا العام

ياودي راهم القاشي لي يقلك السخانة و كذا هو لي يقلقك
انا قصدت بلي رمضان اصلا يجي بالبركة تاعو
لا سخانة و لاهم يحزنون
و
شكرا لك يا اختي

​

نعم اكيد عندك الحق والله يقلقو يشكو من رمضان اللي هو ربي مدولهم باب يتقربو فيه منو مي الناس الله يهديها
العفو وشكرا لك خويا