عندما يصبح العالم الإفتراضي خير من العالم الحقيقي.

[دعاء الجنات]

------تحية إليكم -----كبيركم وصغيركم----
واش نقدرو نقولو على زمان..(؟)
اصبح العالم "الإفتراضي" خير وخير من ال•_•لحقيقي
--------
ولا.. أشخاص العالم ا
_______لإفتراضي.... خير من الأشخاص لي حوليك -إلا من رحم الله -
-------
ولينا في زمان.... تلقا لي يحبوك ويتمناولك الخير في العالم الإفتراضي اكثر من الحقيقي
صح (؟) ولا راني غالطة °_°


في العالم الإفتراضي كاين بزاااف يدعولك بالخير حتى انهم مايعرفوكش
-------
وفي الواقع يااااااااامن غير باباك ويماك..... يدعيلك؟؟؟؟
-------
في العالم الافتراضي... بزاف يخلو شغالاتهم باه ينصحوك وينفعوك
وفي الواقع...
وبالاك
-تلقا واحد عندو "عضوية " في منتدى يحبوه ودايما يستناوه أو عندو "صفحة " في الفايس .. عندو الكثير من المشجعين والمعجبين ونهار يغيب... يسقسو عليه ----وبالاك في الواقع ولا واحد يشجعو أو يطلعلو المورال... غييييير لي يهبطو لو المورال لل0
ونقولو : علاه هذاك دايما لاصق في الميكرو والبورطابل
الله غالب بالاك لقا اشخاص الموجودين في العالم الإفتراضي خير من وجهك (°_°)

انا وحدة من الناس اليوم "عقدت العقد المدني" أول حاجة درتها دخلت للمنتدى وكتبت في قسم إحتفالات الأعضاء بلي عقدت والله قبل مانعيط لصحاباتي.. علاخاطر علابالي راح نلقا اشخاص في هاذ العالم الجميل يفرحو معايا ويدعولي ؛ كيما لقيتهم من قبل في همومي... ومازال نزيد نلقاهم ويلقاوني
... تحية ليكم​

]

 

[إلياس]

رد: عندما يصبح العالم الإفتراضي خير من العالم الحقيقي.

الاصدقاء الافتراضيون خير من الحقيقون والله عشت مع الافتراضيون احسن اوقات و مازلت عاشوا معي افراحي و احزاني والله اما الحقيقون كرهتم لانهم مصالحهم اهم مني يتكلموت معك الا وقت المصلحة فقط

 

[تـريـــاق المحـبـة]

رد: عندما يصبح العالم الإفتراضي خير من العالم الحقيقي.

اول حاجة نقولها هي مبارك عليك العقد المدني تكملي بالصحة والعافية والهناء والسعادة .. الامر الثاني انا تاني نلقا راحتي مع الأشخاص في العالم الافتراضي الضحك اللعب نصائح لبعض الامور في حياة اليوميةالي مرات ما تلقاش ليها الحل الا عند الي تقابلهم في العالم الافتراضي و حتى القصص الي تأخذ منها العبرة . ​

 

[دعاء الجنات]

رد: عندما يصبح العالم الإفتراضي خير من العالم الحقيقي.

الاصدقاء الافتراضيون خير من الحقيقون والله عشت مع الافتراضيون احسن اوقات و مازلت عاشوا معي افراحي و احزاني والله اما الحقيقون كرهتم لانهم مصالحهم اهم مني يتكلموت معك الا وقت المصلحة فقط

عندك الحق... وهذا واقع مؤلم باه يولو الناس لي خلف جهاز محمول وكمبيونتر خير من الناس لي قدامك.. الله غالب
شكرا على مرورك الطيب

 

[الزهرة الحمراء]

رد: عندما يصبح العالم الإفتراضي خير من العالم الحقيقي.

السلام عليكم غاليتي
اولا مبروك عليك لعقود وربي يهنيكم يارب ويرزقكم الذرية الصالحة
ثانيا صح كلامك مرات فالعالم الافتراضي وكيما قلتي تلقاي س يوقفو معاك تلقاي بنات يعودوا صح صحاباتك اكثر من لي تعرفيهم في حياتك وهذا كامل وماشفتيهم وماشافوك يدو نيميرو تاعك كي يشوفوك غايبة يعيطو يسقسوأعليك كي تكون عندك كاش حاجة يبعثولك ميساج يشجعوك بيه كيم صرا معايا هنا مع بنات منا من اللمة
حنا هنا فاللمة رانا عايلة وحدة وكامل مانحبوش على بعضانا
ربي يحفظهم واحد واحد
بوركت غاليتي
تحياتي​

 

[لؤلؤة قسنطينة]

رد: عندما يصبح العالم الإفتراضي خير من العالم الحقيقي.

السلام عليكم
للمرة الثانية نقولك مبروك عزيزتي وربي يهنيك ويوفقك للخير ان شاء الله
والله كيما قلتيها ختي لعزيزة كاين ناس تتعرف عليهم في العالم الافتراضي
تلقاهم كي الاخ والاخت وبمثابة اصدقاء ربما مالقيتهمش في الواقع،
يبكيو معاك يفرحو معاك يضحكو معاك يحفظو صفاتك ويحبو واش تحب
ويكرهو واش تكره، لما تلقى انسان يقولك نتي راكي تحبي هاد الشي
ولا تحبي هاد اللون ويعرفو اهم الاشياء عن حياتك بينما اقرب الناس ماتعرفهاش

تفهم بلي كاين اشخاص في العالم الافتراضي احسن من الف قريب من غير الاب
والام طبعاً، وناس اللمة خير دليل ربي يحفظهم ويوفقهم ويدوم جمعتنا ان شاء الله
تحياتي
​

 

[حمزةusma]

رد: عندما يصبح العالم الإفتراضي خير من العالم الحقيقي.

مبروك عليك العقد المدني
اكيد هناك اصدقاء في العالم الافتراضي افضل من اصدقاء الواقع وقد نجدهم عند الحاجة او طلب المساعدة
شكرا لك على الطرح

 

[مشاعر قلم]

رد: عندما يصبح العالم الإفتراضي خير من العالم الحقيقي.

نعم توجد كثير من الامثلة الحية التي تشهد بمصداقية موضوعك لكن الحقيقة تقول
ان العالم الافتراضي ينتهي بنقطاع الاتصال وصداقاته ومعارفه اذا لم تدعم بلقاءات واقعية
فستنتهي صلاحية هاته الصداقات وليس من العقلانية ان نهرب للافتراضي كرها لما في الواقع بل بالعكس
يجب على الانسان تايس قاعدة متينة في عالمه الواقعي اولا ثم عليه ان يدعم هذه القاعدة
بتفاعلات مع العالم الافتراضي لشيء واحد وفقط وهو ان قابلية التواصل في العالم الافتراضي
اصبحت اوسع واكبر من قابلية التواصل في العالم الواقعي​

 

[دعاء الجنات]

رد: عندما يصبح العالم الإفتراضي خير من العالم الحقيقي.

اول حاجة نقولها هي مبارك عليك العقد المدني تكملي بالصحة والعافية والهناء والسعادة .. الامر الثاني انا تاني نلقا راحتي مع الأشخاص في العالم الافتراضي الضحك اللعب نصائح لبعض الامور في حياة اليوميةالي مرات ما تلقاش ليها الحل الا عند الي تقابلهم في العالم الافتراضي و حتى القصص الي تأخذ منها العبرة . ​

يبارك فيك اختي الله يسلمك
شكرا على المرور الطيب

 

[دعاء الجنات]

رد: عندما يصبح العالم الإفتراضي خير من العالم الحقيقي.

السلام عليكم غاليتي
اولا مبروك عليك لعقود وربي يهنيكم يارب ويرزقكم الذرية الصالحة
ثانيا صح كلامك مرات فالعالم الافتراضي وكيما قلتي تلقاي س يوقفو معاك تلقاي بنات يعودوا صح صحاباتك اكثر من لي تعرفيهم في حياتك وهذا كامل وماشفتيهم وماشافوك يدو نيميرو تاعك كي يشوفوك غايبة يعيطو يسقسوأعليك كي تكون عندك كاش حاجة يبعثولك ميساج يشجعوك بيه كيم صرا معايا هنا مع بنات منا من اللمة
حنا هنا فاللمة رانا عايلة وحدة وكامل مانحبوش على بعضانا
ربي يحفظهم واحد واحد
بوركت غاليتي
تحياتي​

الله يهنيك انت ايضا اخيتي
وصح كيما قلت اللمة اكبر مثال
ربي يخلينا دايما حباب
شكرا على المشاركةيا الزهرة الحمراء

 

[ليليا مرام]

رد: عندما يصبح العالم الإفتراضي خير من العالم الحقيقي.

السلام عليكم اختي اهلا وسهلا
والله يا اختي شوفي زمان كان عالم افتراضي الناس تخاف منو وداية نظرة عليه وقليل قليل اللي يدخلو مي الناس ضرك راه رجع عالمها الحقيقي كيما قلت لو عندك خبر يفرح هنا يفرحولك ومن قلبهم لو فالعايلة والله كلمة مبروك تقولهالك تقولي تيرات عليك بكلاش من فوق قلبها وزهي حاسداتك لو عندك خبر مش مليح هنا كامل يتحيرو ويتقلقو ويبقاو يسقسو نقولك علاه لانو ناس ما تعرفش بعضاها ما عندها علاه تضرك ولا تحسدك ولا تتمنالك الشر على العكس تعلقنا بناس من النت والله خير من الاهل من تجربتي من المنتديات والله عندي عايلة مش اصدقاء ما نبدلهمش محال مهما يصير ولا ننساهم ولو ما تواصلتش معاهم وكاين زرتهم فديارهم وكاين صديقات اعز من خوتاتي واصدقاء والله وقت مرضي لقيتهم خير من اللي ليا مليار مرة ما بقاش فعالمنا الحقيقي من غير الوالدين والله خوك وليد يماك وباباك ويتمنالك الشر الموت برك ما يحبهالكش اما كل شي يصيبك نورمال مي العالم الافتراضي والله قلوبهم صافيين شوفي ندابزو ونتعايرو بالردود ونتقلقو من بعضانا كالخاوة والخواتات مي لو يلحقنا خبر مش مليح كامل نتقلقو وكاين بكينا معاهم سبحان الله تحبي ناس من وراء حاسوب وتتقلقي وتخافي عليهم بعكس اللي قراب لينا يشوف فيك تعاني بعينيه ويتفرج فيه
انا نقول هذي الاجابيىة فالعالم الافتراضي خلقت لكل واحد فينا عايلة تعوضو او اصحاب يعوضوه ندخلو هنا مقلقين نلقاو شكون يوقف معنا شكون يدعينا شكون يسقسي علينا واش نديرو بالعالم اللي برا اللي كلو نفاق
شكرا لك

 

[salah.f]

رد: عندما يصبح العالم الإفتراضي خير من العالم الحقيقي.

مع كل هذا يبقى افتراضي لكنه جميل ، تحياتي