أميرة ميرال
:: عضو مُشارك ::
- إنضم
- 25 ماي 2016
- المشاركات
- 254
- نقاط التفاعل
- 615
- النقاط
- 21
مساء الليل عليكم واش راكم خوتي لاباس عليكم ؟
راني بخير خصني قوسطو برك :p
جيت نحكيلكم اليوم على وحد الموقف حضرتو البارح هو الصح ضحكني ومن بعدا غمني
الموهيم البارح زعماك كنت خدامة وبعدها خرجت نفليكسي لقيت وحدة نعرفها هي تخدم
في نفس البناية لي نخدم فيها مي ماشي معايا الموهيم وهي ماشية طايحة خشية على لرض كسرتلنا
راسنا بهذاك الطالون أنا قلت رسمي تطيح ما فيهاش هيا طيحي هيا طيحي وتتفركش مسكينة وتهبط
للرض كي بطانة الغرس في وحد لافورم والpوز واش نقوللكم وكانت رافدة تيليفونها في يدها
حسيتها كي الجنود يصرالهم كلشي وغير السلاح ما يطيحش للرض هكذاك هي بقات مركزة مع
تيليفونها برك ما يطيحش للرض وهي نورمال مام تسيح ما عندهاش مشكل هههه أنا ضحكت ما
نكذبش عليكم وقلت القول المتفق عليه يا ستااار :-o:-o الموهيم كان حسيتو بهزة خفيفة في لرض راهي
غير سهام كي طاحت ما تخافو ما والو ههههههه :yahoo01::yahoo01::yahoo01::p
هنا كملت الضحك نورمال أنا رايحة ليها نرفدها ياو طاحت طيحة تاع كلاب ولقيت الشعب الكل جرا
ليها قلت ياو ما لحقتش gاع كامل سبقوني خلوني نرفد سهام رانا نخدمو في مضرب واحد مام ماشي بيرو
واحد مي والو ما لحقتش gاع بقيت نتفرج يا خوتي حيرني الشعب ديالنا والله حيرني :s:s:s
واش الفايدة كي تجري لواحد طاح للرض وما ترفدوش ؟ هكذا يا خوتي جراو gاع ليها وكي لحقو ليها لي
وقفت تتفرج ومشات ولي وقف يشوف ومازال يشوف ولي وقف مع صاحبو يضحك ومشاو وكملو ضحك
ولي وقفت مع صاحبتها وقيه قيه قيه قيه فشلولي البصلة السيسائية حبسولي الستيلو العصبي علاش مالا ما خليتونيش
نجوز نرفد سهامو يعطيكم طيحة تبهدل كتر من طيحتها
الموهيم جزت بين الحضور رفدتها طيحتلي كتافي الحاصولورجعتها منين نخدمو طيشتها في البيرو ديالها مع لي يخدمو معاها ورجعت أنا للبيرو ديالي وبقات سهام غايضتني حسيتها
ضحية مجتمع ما عادش يجري لبعضاه وقت الشدة الطفلة بسيف رجعت تمشي مي ماشي أنا لي ضربتها بعين ما تغيضكم
ما والو دروك نقوللكم واش عملت تبطل تغيضكم وتقولو شح فيها هههه :p:p
شوية منين داك يا خوتي نلقى وحدة جاتني قالتلي أرواحي نحتاجوك تشهدي رحت واش نشهد راني شاهد ما شافش حاجة
مدولي زعماك التقرير نمضي مع الشهود ولقيتلكم التقرير مكتوب فيه بلي حادث عمل وصرالها داخل المبنى منين كانت
نازلة تعمل فوطوكوبي في ليطاج التحتاني وطاحت في الدروج :s:s:s وخاااه سهام الكذابة شفتك برا تتقلشي ولوكان ما
طحتيش كانت تنزلي دمعة ماروكو نقول وكيفاش هذي تمشي هاك فوق صوماص ! وطحتي على الطروطوار والناس
جراو ليك باش يضحكو عليك ودروك ظهرتي طحتي في الدروج ؟؟ درجة لي تشقفلك راسك على زوج صدمتني !
قلت يعني شوف وين لحقنا في لحظة سهام كانت ضحية مجتمع صح ما بقاش يجري للناس حتى يساعد وهنا تفكرت
موضوع لاريمان لو ....نحطكم في مواقف مشابهة (كي العادة اشهار مجاني :tongue02
هذي من جهة ومن جهة وحد أخرىكي شفت كاين ناس شهدو ومضاو بلي سهام طاحت في الدروج قلت سبحان الله ياك الشهادة لله بصح الناس عادو
صح ما يخافوش من الأمور هذي ديجا الطيحة ما حضروهاش كيفاش يشهدو ؟ وعلابالهم بلي طاحت برا كي خرجت
بلا إذن وبلا تخبر الشاف سارفيس تاعها بصح جاتهم نورمال يشهدو شهادة الزور ! هذا كامل على زوج دورو تعويض
الموهيم في اللخر أنا ما شهدتش معاها وكنت شاهد ما شافش حاجة وما خليتهاش في قلبي قلتلها علابيها عطاك ربي
ضربة كيما هاك علابالو بلي تستاهليها بصح أو صح خاطيني ماشي كي شفت معاها طاحت ههههه :tongue02::tongue02::tongue02:
صحيتو خوتي وتشاو
