مهبول جا يطلق سلابو -الجزء 1-

[Skor m@k]

بسم الله الرحمن الرحيم
السلام عليكم


ها قد عدنا مع عودت رمضان هههههه
راني فرحان

عندي بزاف ماضحكتش معاكم ههههه
ليوم نgلبها بالضحك ولهبال

نحكيلكم

على اليامات لي قبل ما نجوز الباك

كنت ديما نقرى مع زوج صحابي نراجعو ونريفيزيو

مع لعشيا حتى لليل
المهم مرة مريحين في الليسي مع لعشيا قريب لمغرب هكذاك
غير انا وزوج صحابي والعساس لي كنا هناك فالليسي
نقراو شويا نgسسرو بزاف هههه نحكو حكايات

ونضحكو نتفكرو يمات
تقريبا نجوزوها كامل ضحك وتمسخير

مرة بدينا نحكو على لجنون

هاهاهاه
كل واحد يجبد حكاية عليهم
ويقولك كي تحكي على لجنون

يخرجولك هةهههه
مام هذي المقولة مانستعرفش بيها مي توسوسك

ههههه
كان هذاك النهار الريح والبيبان والتواقي تاع الاقسام كامل مفتوحين
كل دقيقة نسمعو لخبيط والصفير تاع الريح
وحنا نهدرو على لجنون

ههههه
توسوسنا

ههههه بدينا نخافو
ممبعد سمعنا صوت طفلة صغيرة تعيط

خرجنا من القسم نجرو

نمشو ونتخباو ههههه
والخوف واش دار فينا واحد حاكم في واحد ههههه
نسمعو صوت منا نروحو مكاش حتى واحد نزيدو نسمعو ملهيك نروحو مكاش
هناك بدا الخوف

يتسلل الى قلوبنا ( كي شغل الهدرة تاع ميكي هههه )
ريحنا فالكولوار بين الاقسام حتى نشوفو خيال مرة من هناك هههه

قلنا واقيل جنون

تاع الصح ايا لي عندو قرآن فلبرتابل يديرنا نسمعو
حوسنا فالبرتابل والتبهديلة واحد فينا معندو قرآن ههةههه

كنا فالجاهلية العمياء هههههه
لقينا انشودة هههههه نحينا بيها الخوف شويا

ممبعد كيف كيف مزال الهدرة نسمعو
قلنا خلاص نقراو شويا قرآن
وبدينا نقراو كل واحد شويا ممبعد سمعنا الضحك

قلنا اواه هذو ماشي جنون

تخبينا وبقينا نستناو

حتى نشوفو طفلة صغيره دخلت تجري

لوحد القسم وطفله اخرى حكمناها فالكولوار ههههه
وهوما بنات المدير ساكنين هناك داخل الليسي هههه
شبعت ضحك

علينا في عمرهم وحد 10 سنين هكذاك هههه

المهم الاخرى بقات مخبيا فالقسم

تحت المكتب
دخلنا ريحنا فوق المكتب وبدينا نعيطو
جيب الموس رانا حكمنا وحدا ضرك نذبحوها
وبدينا نعيطو ونغنيو ههههه
مسكينة

ولات تحت المكتب ترعش خافت هههه
حتى خرجت وحدها ههههه
ممبعد ضحكنا وراحو لدارهم

عودنا ولينا نقراو زعما خاشعين مع ليسوجي هههع
حتى يحكمني واحد من راسي من الوراء

ونعيطو ونضو نجرو هههه

قريب ضربناه وهو العساس هههه قالنا سمعت لعياط جيت نطل واش كاين ههههه
قلنالو اسكت برك ليوم نهار تاع خلعة

ههههه
بصح منهذاك النهار مزدناش رحنا قرينا فالليسي

دورناها لدار الثقافة ههههه
مي التمهبيل والجنون

بقا معانا
مرة بقينا نقراو حتى جوايه 10 تاع الليل كيف كيف بقينا غير بين 3 والعساس هههه
العساس قالنا انا منخافش كامل هههه قلنالو هكذا متخافش ضرك تشوف الخوف كيفاه

قالنا نروح نتعشا اتهلاو الى جا كاش واحد متخلوهش يدخل كاش ما يسرقو

هو راح غلقنا البيبان تاع دار الثقافة هي كبيرة
وطفينا الضوء ههههه حتى نشوفوه جاي وحدة وحدة
طبطب محبيناش نفتحولو ممبعد بدى يعيطنا

ههههه
حنا بدينا نديو كي الغول

هوهوهوهو ونحركو فالريدوات ونخبطو فلكراسا
هو خاف

ولا يرعش ممبعد شعلنا الشمع وبدينا نجرو لداخل بيهم ههههه
قريب رجعناه يبكي

ههههه
غاضنا عودنا فتحنالوو قلنالو واشبيك
قالنا خفت

المدير​

يجي ههههه
وهو عمبالو لجنون هههه

هذي هي يمات الباك وفي الاخير جبناه ومدرنا بيه والو ههههه
كي انا كي زوج صحابي هههه

ايا في تمهبيل جديد

سلام​

 

[Naz iha]

رد: مهبول جا يطلق سلابو -الجزء 1-

السلام عليكمْ ،
ههههههههههههههههههههههه و الله انتما 3 شاطريين :-r
زعما بغيتوو تقروو ، و انتم تخوفوو في الناس ههههههههه :thumb_up02::down:
بصخ نستعرف بالينات لي خلوكمْ ترعشو هههههههههههههههههههههههههههههههههه :tongue02:
نضحك و لا نحبس ههههههههههههه صاي هااني ساكتة غير متعيطشْ عليا ههههههههههههه :p:thumb_up02:
و الله مانعاود نضحك أححححححححححححححم أحممممم :love01:
بصحتكمْ الباك (اححم جيت نضحك منبعد حشمت ) :$:tongue02::tongue02:

أيا انا نرووح منبعد نجي نضحك :yahoo01:
​

 

[la brunette]

رد: مهبول جا يطلق سلابو -الجزء 1-

السّلامُ عليكم
هههههههههههههه عجبتني كي درتو انشودة خخخخخخخ فكرتني فالمزطول لي خرج علية
عفريت وهوا ماهو حافظ قران والو ناض يغني طلع البدر علينا هههههه احم تشبهلها برك ^ ^
ههههه راني تخيلتكم فالثلاثة كيفااآش تجروآآ وتتخبّاو خخخخخخخ وهدوووك شابعينْ ضحك ههههه
هباآآل نتاع الصحّ والعساس المسكيينْ درتووهاآآ بيهْ اييييه انه مظلووم تباآآ للحقرة خخخخخخ
المهم يعطييك الصحة والله نحيت على خاآآطري بالضّحك في المتابعة ان شاء الله
​

 

[ضآحكة مستبشرة]

رد: مهبول جا يطلق سلابو -الجزء 1-

هههههههههه و اخيرآآآ قلبي احترق شوقا لمثل هذه المواضيع
خلني نقرا و مبعد ندير رد قيس الموضوع
شكراا​

 

[إلياس]

رد: مهبول جا يطلق سلابو -الجزء 1-

هههههههههههههه

 

[ضآحكة مستبشرة]

رد: مهبول جا يطلق سلابو -الجزء 1-

السلام عليكم مالك هههه قتلتني بالضحك
و الله قصص رائعة رح تبقا ذكرايات رائعة
كي كان الباك عندو بنة ماشي كيفنا صماطة و جياحة حتى تحسووو تفاهة
امالا خلي اللمة تفرغ و تشوف واش ندير فيك ههههههههه
يوم لك و يوم عيك اتسمى كي داروها بيكم لبنات صغار درتوها بالعساس و الله متحشمووو مجانن
االا قلت مدرتوا والو بالباك باين علبيها بطلت بعد عامين قراية في الجامعة و وليت طبااخ
رانا ننتاظروا في مغامراتك المقبلة على احر من الجمممممممممممر
مشكوووووووووور خويااااا ضحكتنا ربي يحلي ايامك​

 

[Skor m@k]

رد: مهبول جا يطلق سلابو -الجزء 1-

السلام عليكمْ ،
ههههههههههههههههههههههه و الله انتما 3 شاطريين :-r
زعما بغيتوو تقروو ، و انتم تخوفوو في الناس ههههههههه :thumb_up02::down:
بصخ نستعرف بالينات لي خلوكمْ ترعشو هههههههههههههههههههههههههههههههههه :tongue02:
نضحك و لا نحبس ههههههههههههه صاي هااني ساكتة غير متعيطشْ عليا ههههههههههههه :p:thumb_up02:
و الله مانعاود نضحك أححححححححححححححم أحممممم :love01:
بصحتكمْ الباك (اححم جيت نضحك منبعد حشمت ) :$:tongue02::tongue02:

أيا انا نرووح منبعد نجي نضحك :yahoo01:
​

السلام عليكم
ضحكتي حتى ضحكتيني ههههه
حتى انا كي كنت نكتب فيها وضحكت تفكرت اليامات هههههه
والله غير يمات وحدهم
ان شاء الله مزالو اليامات نضحكو خلاص زعفنا بزاف هههه
يعطيك الصحة ختي ​

 

[Skor m@k]

رد: مهبول جا يطلق سلابو -الجزء 1-

السّلامُ عليكم
هههههههههههههه عجبتني كي درتو انشودة خخخخخخخ فكرتني فالمزطول لي خرج علية
عفريت وهوا ماهو حافظ قران والو ناض يغني طلع البدر علينا هههههه احم تشبهلها برك ^ ^
ههههه راني تخيلتكم فالثلاثة كيفااآش تجروآآ وتتخبّاو خخخخخخخ وهدوووك شابعينْ ضحك ههههه
هباآآل نتاع الصحّ والعساس المسكيينْ درتووهاآآ بيهْ اييييه انه مظلووم تباآآ للحقرة خخخخخخ
المهم يعطييك الصحة والله نحيت على خاآآطري بالضّحك في المتابعة ان شاء الله
​

السلام عليكم
هههه والله غير تقول صح مزطولين مزيا لي لقينا انشودة هههه
بصح مفادتش ههههه
هذاك العساس كان يبغينا نريحو معاه حتى ل 2 تاع الليل
حنا زعما نقراو هههه وهو يجي يحكينا حياتو هههه
والله غير يمات
يعطيك الصحة ختي ​

 

[Skor m@k]

رد: مهبول جا يطلق سلابو -الجزء 1-

هههههههههه و اخيرآآآ قلبي احترق شوقا لمثل هذه المواضيع
خلني نقرا و مبعد ندير رد قيس الموضوع
شكراا​

السلام عليكم
مزال لخير للقدام يا بنت عمي ههههه
غير وجدي روحك
​

 

[Skor m@k]

رد: مهبول جا يطلق سلابو -الجزء 1-

هههههههههههههه

السلام عليكم
شكرا لك أخي​

 

[لؤلؤة قسنطينة]

رد: مهبول جا يطلق سلابو -الجزء 1-

السلام عليكم
هههههههههههههههه والله الهبال تاعك ماعندوش حدود خويا مالك ههههه
حياتك كاملة مغامرات ههههه ولي عجبتني حاطين انشودة هههههه كي ماخرجلكمش
جن ملتحي وينشد معاكم راكم ملاح هههههه
والعساس مسكين واش غاضني درتو فيه رايكم كن انا ندخل لداخل ونقرا آية الكرسي
بأعلى صوتي نرقي دار الثقافة هههههههه جن مايزيد يجي يقرا لتم ههه
والله فكرتني بيامات كنت نروح مع صحاباتي لليسي من 8 حتى 4 باه نروحو وحنا نقراو
ونتعبو ونراجعو كيف كيف بصح حنا ماكناش حاطين بالنا للجنون يعني يجيو الجنون
ولا يخطفونا وحنا غير عينينا مع الكراريس هههه بالاك كانو كاينين جنون وغضناهم لدرجة
شافونا حابين نقراو ههههه، على كل حال موضوع هايل ونستناو جديدك في شهر رمضان
ربي يحفظك خويا وربي يدوم هاد الضحكة ان شاء الله عليك وعلى عايلتك ^^
تحياتي
​

 

[Skor m@k]

رد: مهبول جا يطلق سلابو -الجزء 1-

السلام عليكم مالك هههه قتلتني بالضحك
و الله قصص رائعة رح تبقا ذكرايات رائعة
كي كان الباك عندو بنة ماشي كيفنا صماطة و جياحة حتى تحسووو تفاهة
امالا خلي اللمة تفرغ و تشوف واش ندير فيك ههههههههه
يوم لك و يوم عيك اتسمى كي داروها بيكم لبنات صغار درتوها بالعساس و الله متحشمووو مجانن
االا قلت مدرتوا والو بالباك باين علبيها بطلت بعد عامين قراية في الجامعة و وليت طبااخ
رانا ننتاظروا في مغامراتك المقبلة على احر من الجمممممممممممر
مشكوووووووووور خويااااا ضحكتنا ربي يحلي ايامك​

السلام عليكم
سافيك حبيتي ديري منافسة انا راني واجد
ضرك جي ختي مجاجو تغير متبغيش ههههه
تقول حتى هي زيد تزدم هههه
ونحصل بيكم
راني نستنى المواضيع تاعك هاهاها

 

[ضآحكة مستبشرة]

رد: مهبول جا يطلق سلابو -الجزء 1-

السلام عليكم
سافيك حبيتي ديري منافسة انا راني واجد
ضرك جي ختي مجاجو تغير متبغيش ههههه
تقول حتى هي زيد تزدم هههه
ونحصل بيكم
راني نستنى المواضيع تاعك هاهاها

ههههههه شكون هادي مجاجو باش نتفاهمو عليك​

 

["viola"]

رد: مهبول جا يطلق سلابو -الجزء 1-

ههههههههههههههه تاع الانشودة وحدها هههههههههههههههههه

مبعد ما عاودولكمش الباك ؟خخخخ

صحيت و صحا رمضانك ^^​

 

[الزهرة الحمراء]

رد: مهبول جا يطلق سلابو -الجزء 1-

السلام عليكم
ههههههه وشوا هذا ا خويا مالك ندير النهار الباك الباك الباك ندير الشروق الباك الباك الباك ندخل للفايس الك الباك الباك نحي للمة الباك الباك ندخل لقسم سكاتشات الباك تبا لك ايتها البكالوريا انا اكرهك
نرجعو خخخخخ بعد ماحكيت قصة حياتي
ههههههه قتلتني كي قلت درنا انشودة خخخخخخ قاعدة نتخيل فهاذيك الدقيقة الواحد خايق وطالق انشودة من نيتكم ههههههه هكاك ديرو قوسطو للجنون خخخخ
اكمل على هذا المنوال مع الجنون ههه

 

[Skor m@k]

رد: مهبول جا يطلق سلابو -الجزء 1-

السلام عليكم
هههههههههههههههه والله الهبال تاعك ماعندوش حدود خويا مالك ههههه
حياتك كاملة مغامرات ههههه ولي عجبتني حاطين انشودة هههههه كي ماخرجلكمش
جن ملتحي وينشد معاكم راكم ملاح هههههه
والعساس مسكين واش غاضني درتو فيه رايكم كن انا ندخل لداخل ونقرا آية الكرسي
بأعلى صوتي نرقي دار الثقافة هههههههه جن مايزيد يجي يقرا لتم ههه
والله فكرتني بيامات كنت نروح مع صحاباتي لليسي من 8 حتى 4 باه نروحو وحنا نقراو
ونتعبو ونراجعو كيف كيف بصح حنا ماكناش حاطين بالنا للجنون يعني يجيو الجنون
ولا يخطفونا وحنا غير عينينا مع الكراريس هههه بالاك كانو كاينين جنون وغضناهم لدرجة
شافونا حابين نقراو ههههه، على كل حال موضوع هايل ونستناو جديدك في شهر رمضان
ربي يحفظك خويا وربي يدوم هاد الضحكة ان شاء الله عليك وعلى عايلتك ^^
تحياتي
​

السلام عليكم
هههه للبنات هذوك عندهم مضحكو علينا ههههه
قالونا زعما كبار وخوافين ههههه
والعساس هذاك كنا نهبلوه كل يوم نخرجولو بخرجة جديدة
ديما يمات الباك الناس تحكي بلي ملاح
غير هذوك لي نهار كامل يقراو النفس مكانش هههه
حنا جوزناه غير التمسخير بصح كي نقراو نعولو
كاش مرة نحكيلكم حكاية اخرى صراتنا ههههه
يعطيك الصحة ختي مريم​

 

[Skor m@k]

رد: مهبول جا يطلق سلابو -الجزء 1-

ههههههههههههههه تاع الانشودة وحدها هههههههههههههههههه

مبعد ما عاودولكمش الباك ؟خخخخ

صحيت و صحا رمضانك ^^​

السلام عليكم
هههه حنا لي زونسيا حضارة ميعاودوناش الباك هههه
يعطيك الصحة ختي​

 

[حروف تائهة]

رد: مهبول جا يطلق سلابو -الجزء 1-

السلام عليكم
هههههههههههههههههههههههههههههههههههههههههههههههههههه
قريب قتلتني بالظحك يعطيك الصحة خويا
بصح من لول كنتو ميتين بالخوف خخخخخخخخخخخخ
و ممبعد قلبتوها تخوفو في الغاشي هههههههه
في إنتظار الاجزاء القادمة

 

[جيهان جوجو]

رد: مهبول جا يطلق سلابو -الجزء 1-

وعليكم السلام ورحمة الله وبركاته
ههههههههههههههههههههههههههههههههههههههه
ضحكتي بالصح قاعدة نتخيل فيكم كيفاش كنتو تجرو واحد حاكم في واحد هههههه
وتاع الانشودة اكثر يعني درتوها كي القران ياو راها تزيد تهبلكم
وهذوك البنات الصغار جاو في وقتهم كي ابطال المسلسلات خخخ
ومسكينة هذيك الطفلة اللي كانت تحت المكتب ههههه خلعتوها انا في بلاصتها نقرا في جنونك
تخلعت قلت دركا يخرجلي من الميكرو بالموس
هههه
واحد الهباااااال يليق هاذ الجنون تاعكم ندير في تاع قنوات الاكشن والمغامرات
وخلفتوها في المراقب مسكيييييييييييين
هههههههههههههههههههههههه
اهبالك اللي يقراه ولا يسمع بيه يهبل معاه
من قبيل نقرا ونرجع نقرا ضحكنييييييييي ونحلي الملل اللي كان فيا
ههههه
يعطيك الصحة السي سكر افندي
بارك الله فيك
رانا نستناو في التمهبيل الجديد تاعك
باذن الله
في امان الله
​

 

[AmiR@RoRo]

رد: مهبول جا يطلق سلابو -الجزء 1-

عالسلامة سكر افندي
راني غير كما شفت الموضوع هداك تع حكايات مجنون ولا منعرف وداير الجزء السابع
كنت حا نقولك ما كملتناش الحكاية مزال يخصنا نضحكو
وليوم جيتنا بالجديد يا اهلا
والله يا لهبال نتوما وحدكم خلعتكم ربع طفلة حبيتو تخرجوها فالعساس ههه
ديجا راك حكيت عليهم وجد روحك ليوم تبات قاعد بلا رقاد وراهم يجو يونسوك هههه
يعطيك الصحة