- إنضم
- 30 نوفمبر 2014
- المشاركات
- 3,109
- نقاط التفاعل
- 7,433
- النقاط
- 941
- الجنس
- أنثى
-----------
"""""""""""
(صح فطوركم)
حبيت نشارككم يامات الصغر مع رمضان وشكون ماعندوش ذكريات جميلة في يامات الصغر ... لي راحت وماعمرنا ماننساوها... ايه كناٌ ملائكة ؛ ماشي كيما درك كبرنا وكبر معانا كل شي
**أول حاجة نتفكرها هي كنت نموت بالفرحة كي يجي رمضان علاجال (الزلابية) &@£... علاخاطر مانشروهاش غير في رمضان يعني كانت عندي معادلة من الدرجة الأولى هي
رمضان =زلابية..
ربي يغفرلي كنت صغيرة ؛ نرجع للموضوع تاع صايمة وفاطرة ؛ أنا بديت الصيام شويا صغيرة .. وكنت نصوم سيف على أمي كيما تدير معايا ::::والو.... صايمة صايمة
امالا كنت نوض معاهم في السحور نسحر ونولي نرقد ونزيد نوض قبل مايأذن الفجر ببعض دقائق باه نشرب الماء باه مانعطشش في النهار.... ايه هكذا كنت أعتقد ... المشكلة راني ننوض بعد أذان الفجر بساعة ولا ساعتين ونسقسي أمي : ماما أذن الفجر ولا مازال ؟
وامي الحبيبة تقول لي : لالا مازال ؛ وانا نحكم الماء نشرب نشرب نشرب حتى نرتوي ؛ماتقولوش ماما كذبت بصح كانت تخاف عليا علاخاطر كنت صغيرة ومش تاع الصيام...المهم نكمل نهاري وانا نستنا في المغرب فرحاااانة بلي انا كبرت وصومت (^_^) ونسيت زوج ايطرات تاع الماء لي شربتهوم... المهم انا ماكنتش علابالي في بالي مازال ما اذنتش ... آه حتى كبرت باه أمي صارحتني بالحقيقة المرة(°_°)... بصح عذرتها على خاطر كانت تخاف عليا ... يعني كنت اغلبية صيامي فاطرة ... المهم النية ..
وصح سحوركم
