السلآمـ عليكم و صح فطوركمـ
فكرة روعة تكشف المشاغببن تاع اللمة :d
حبيت نشاركم وحدة من اعمال الشغب تاوعي
انك تكون جامعي و خاصة في الاقامة الجامعية ميفوتش نهارك بلا مقالب و تمهبيل و الشي اللي درتو كان في اول عام ليا كان اخر شهرين للسنة الدراسة
و زوج صحاباتي عامهم التالي و رايححين يتزوجوا كبر عندهم التوسويس
راني خايفة سحروني راني خايفة يعينوني , يا ويلي راني نقصت منيش ناكل يا ويلي و يا ويلي و يا ويل مخي انا اللي تخربش بحكايات السحور
المهم نهار الاخير تاع الامتحانات مبقاش بزاف و نتفارقوا قلت لازم يتفكروها
اوقات الامتحان بيناتنا كانت مقلوبة هوما الصباح و انا لعشية , كملوا شغلهم الصباح و مع التعب و السخانة رقدوا و كنت انا موجده صوالحي
حوست في النت على صور تاع السحر عفاكم الله كيما اللي راهم يوروهم في المقابر, و جبت ورق ابيض و خربشتهم بلون بني و اخترعت شوية رموز :d و درتلهم قماشة كحلة اكدولي عليها باش تجيب الرعب و المصداقية
خيطت القماشة على الورق بانو كي شغل كتاب سحر , حسيت روحي محترفة و انا و الله خاطيني
توسويسهم هو اللي وصلنا :d
جا وقتي انا باش نروح و هوما من شدة التعب رقدوا و خلاو الباب مفتوح و مكانش غيرنا في الكولوار ووحدة جارتنا , week-end الكل مشاو بقينا حنا البعاد كان السكات محسوا على والو , جبت الكتيبات
وحطيتهم واحد على اليمين و التاني شمال و مبيناتهم درت سكر على طول الباب مش هتقدر تغمض عينيك هههههه قعد يبان كي شغل سحر من الاكوادور,آه لا هدي بلاد البنان قصدي الكاميرون :d
المهم انا البريئة كي شغل مدرت والو مشيت للامتحان
وليت مع لعشة لقيت مندبة قايمة غايضتهم عمرهم اللي خافو منو صرالهم هههههه قالولي ارواحي وداد تشوفي واش صرا معلابالهمش بلي انا مولاتها :-r وحدة تقول انا عفست عليه و الاخرى تقول انا غي شفتو بعينيا :s و ممبعد عيطوا لجارتنا فلكولوار قالولها انتي سلفية اقراينا في الما و نغسلوا بيه قبل ما يفوت فينا السحر رجعوها راقية ههههههه قعدنا شوية تلمست الطفلة شعرها و بدات يا ويلي يا ويلي شعري طاح يا ويلي على شعري صاي صاي داروهالي بلعاني . قلتلكم هي موسوسة مقدرتش نقابلهم وليت نروح نضحك و نعاود نجي نمثل عليهم و نزيد الزيت على النار روحي رقي و راحت عليك و باين واعر
و الثانية عيطت لراجلها قاتلو روحلي للامام باش يوجدلهم الرقية و بدات تشكي راني فشلانة و قلبي واجعني هدوا باينة يعرفونا علاه يديرونا هاك علاه المهم ساعات فاتت عليهم بدموع و التحسر على المستقبل المغبون
جات ساعة الحقيقة و يا ويلي انا درك , نصيرة عادي نسلك روحي معاها بصح فتيحة شوفو منقلكم تزون قنطار و فوقه شوية تسما وداد راها
كنت باغية نزيد حتى يومين بصح غاضوني رحت لشومبرتي و بعثتلهم ميساج رسالة اعتراف بالانقلاب العسكري اللي درتو
غي انا رسلتها و نسمع في الجري في الكولوار و فتيحة الله يبارك الزنزلة ههههه افتحي افتحي الباب الله لا تربحك حبستيلي قلبي و انا ميتة ضحك عليهم قلت في بالي الطريحة نديها نديها غي نفتح خير و غير الباب فتح تعرفوا الباقي
هي تالمون سمينة تضربني شوية و تريح من الفشلة هههههه و هدي هيا فوتنا يامات شابين قعدوا في الذاكرة و هدي اجملهم ديت فيها طريحة و قعدت هي اجملهم
فكرة روعة تكشف المشاغببن تاع اللمة :d
حبيت نشاركم وحدة من اعمال الشغب تاوعي
انك تكون جامعي و خاصة في الاقامة الجامعية ميفوتش نهارك بلا مقالب و تمهبيل و الشي اللي درتو كان في اول عام ليا كان اخر شهرين للسنة الدراسة
و زوج صحاباتي عامهم التالي و رايححين يتزوجوا كبر عندهم التوسويس
المهم نهار الاخير تاع الامتحانات مبقاش بزاف و نتفارقوا قلت لازم يتفكروها
اوقات الامتحان بيناتنا كانت مقلوبة هوما الصباح و انا لعشية , كملوا شغلهم الصباح و مع التعب و السخانة رقدوا و كنت انا موجده صوالحي
خيطت القماشة على الورق بانو كي شغل كتاب سحر , حسيت روحي محترفة و انا و الله خاطيني
جا وقتي انا باش نروح و هوما من شدة التعب رقدوا و خلاو الباب مفتوح و مكانش غيرنا في الكولوار ووحدة جارتنا , week-end الكل مشاو بقينا حنا البعاد كان السكات محسوا على والو , جبت الكتيبات
المهم انا البريئة كي شغل مدرت والو مشيت للامتحان
جات ساعة الحقيقة و يا ويلي انا درك , نصيرة عادي نسلك روحي معاها بصح فتيحة شوفو منقلكم تزون قنطار و فوقه شوية تسما وداد راها
