اليوم رايحين تفطرو عند [آمِيْرَتُه ]

[آمِيْرَتُه]

رمضان مبارك و ربي يتقبل منا و منكم

ملاحظة : كان من المفروض موضوعي يكون ليلة أمس لكن لظروف مقدرتش ندخل و نشاركم الفطور أعتذر

أكيد لازم نبدو بالتمر و الحليب

نروحو للطبق الرئيسي الحريرة نتاع الوهارنة

و معها المعقودة باسكو منقدروش نديرو حريرة بلا منديرو المعقودة :thumb_up02:

طاجين الحلو نديره بلا لحم لأن مكانش لي ياكل لحمه :-h

و السلاطة

و خويا سخف على الحوت بلاصوص

و الخبز السوري كل واحد وكيفاش يسميه

و مع الجو ميليق غير الدلاع

و في السهرة درتلهم محلبي و تحلية بالشوكولا و الفواكه و سلطة الفواكه

و ربي يدومها نعمة علينا و عليكم

و بغيت نطلب طلب لي يدخل موضوعي يطلب الرحمة لخالي ربي يرحمه لي معندهش بزاف ملي فارقنا و مازال الدمعة غالبتنا أول رمضان بلا بيه

ربي يصبر زوجته و يصبرنا

​

​

 

[AmiR@RoRo]

رد: اليوم رايحين تفطرو عند [آمِيْرَتُه ]

السلام عليكم
يعطيك الصحة أختي امنة
مممم الحلو والحوت سخفوني على صبح ربي هه
يسلمو دجياتك
ربي يرم خالك ويتغمده بواسع رحمته ويصبر زوجته واهله

 

[لؤلؤة قسنطينة]

رد: اليوم رايحين تفطرو عند [آمِيْرَتُه ]

السلام عليكم
أولا ربي يرحم خالك ويوسعلو في قبرو ويغفرلو ذنوبو
ويجعل مثواه الجنة يارب ويصبر أهلو على فراقو
كترولو الدعوات فقط في هذا الشهر المبارك
أما بالعودة للموضوع
ماشاء الله وتبارك الرحمن كلشي خرج يشهي الله يبارك وبالطبع
من الفطور للسهرة تاكلوها بالصحة والهنا ان شاء الله
وربي يدوم جمعتكم ويهنيكم ان شاء الله
شكرا اختي على العرضة ^^
وصح فطوركم
​

 

[جليلوس]

رد: اليوم رايحين تفطرو عند [آمِيْرَتُه ]

السلام عليكم
اولا نقولك ربي يعظم اجركم انا لله وانا اليه راجعون ربي يرحمو ويجعل مثواه الجنة
وربي يبدل محبتو بالصبر ... الله يصبركم ان شاء الله
وثانيا يعطيك الصحة خيتي راكي شاطرة كلش فووور فن وديكووور
انا خليلي غي الدلاااااع حمبوووك ماتاكلوهش وتخلوني ههههه
الله يدومها نعمة ويحفظها من الزواااال
ربي يهنيكم
دمتِ بخير
​

 

[hadil2044]

رد: اليوم رايحين تفطرو عند [آمِيْرَتُه ]

بصحتكم
ربي يرحمو ويجعل نثواه الجنة
​

 

[*amani*]

رد: اليوم رايحين تفطرو عند [آمِيْرَتُه ]

سلمت يداك
تحفة شكرا

 

[*فاطمة الزهرة*]

رد: اليوم رايحين تفطرو عند [آمِيْرَتُه ]

السلام عليكم

يعطيك الصحة حبيبتي

ماشاء الله كلشي يشهي

عظم الله اجركم ، ربي يرحمو و يصبر اهلو و عائلته


صح فطوركم



​

 

[السلطانة]

رد: اليوم رايحين تفطرو عند [آمِيْرَتُه ]

وعليكم السلام يعطيك الصحة على الفطور الوهراني
وربي يرحم خالك ويجعل مثواه الجنة

 

[ام زين الدين]

رد: اليوم رايحين تفطرو عند [آمِيْرَتُه ]

ماشاء الله ربي يدومها نعمة
عظم الله اجركم انا لله وانا اليه راجعون ربي يرحمو ويجعل مثواه الجنة​

 

[الزهرة الحمراء]

رد: اليوم رايحين تفطرو عند [آمِيْرَتُه ]

السلام عليكم اختي
اولا عظم الله أجركم ،انا لله وانا اليه راجعون نسأل الله أن يتغمده برحمته ويدخله فسيح جناته
ثانيا اختي ماشاء الله على هاذيك الطابلة كل شيء فيها يشهي
يعطيك الصحة وبصحكتم
تحياتي

 

[Oum Loukmane]

رد: اليوم رايحين تفطرو عند [آمِيْرَتُه ]

السلام عليكم و رحمة الله و بركاته

اولا عظم الله آجركم ربي يبدل محبته بالصبر و يجعل مثواه الجنة

ثانيا الأطباق كامل روعه ربي يجعلها مائدة عامرة بصحتكم و يسلمو أيديكي

صح فطوركم​

 

[rose09000]

رد: اليوم رايحين تفطرو عند [آمِيْرَتُه ]

السلام عليكم
حبيبتي ربي يرحمك خالك و يصبركم
إعظم الله اجركم ، و أسكنه الله فسيح جناته
و على العرضة يعطيك الصحة عليها راكي تهليتي فينا
تحياتي
​

 

[سكون الفجر]

رد: اليوم رايحين تفطرو عند [آمِيْرَتُه ]

البقاء لله أختي، أسأل الله أن يرحمه ويغفر له ويجعل الجنة مثواه الأخير ..
..

ما شاء الله اطباق شهية جداً، بارك الله فيكِ غاليتي
تسلم ايديكِ، والله نحنا كل يوم ناكل الدلاع هذا، مممممم ما في الذ منه
جزاكِ الله خيراً يا الغالية

 

[البحر الهادي]

رد: اليوم رايحين تفطرو عند [آمِيْرَتُه ]

السلام عليكم ورحمة،
شكرا لك على الدعوة ،هل ممكن تستضيفون معكم؟
الله يرحم خالك ويوسع له في قبره ويدخل الجنة
ويأجر زوجته وأولاده ويلحقنا به مسلمين

 

[ليليا مرام]

رد: اليوم رايحين تفطرو عند [آمِيْرَتُه ]

السلام عليكم اختي
اولا عظم الله اجركم والله يرحمو يا رب ويجعل مثواه الجنة والله يصبركم ان لله وان اليه راجعون
وثانيا نقولك الله يجعلها نعمة دايمة يا رب والرزق من ربي نحمدوه عليه غيرنا مش لاقيه كل شي متحوف وفي بلاصتو وانا نموت على حاجة سامبل نكره المبالغة وحريرة وهرن كليتها ومكانش كيفها روعة
بصحتكم

 

[فيتامين سي]

رد: اليوم رايحين تفطرو عند [آمِيْرَتُه ]

عظم الله اجركم
ربي يرحمو و يجعله من اهل الجنة
ربي يصبركم على فراقه
الله يبارك حنونة فطور يشهي يمي يمي
فكرة ....لحم الحلو كي تحبي ديريه برقوق متزيديلهش سكر طيبي لحم عادي و من بعد وخريه و حطي البرقوق وين طاب لحم غير شوية برك ولا فوريه باش تجي مرقة مالحة عادي و فيها برقوق ....حنا هكدا نديروه

 

[آمِيْرَتُه]

رد: اليوم رايحين تفطرو عند [آمِيْرَتُه ]

عظم الله اجركم
ربي يرحمو و يجعله من اهل الجنة
ربي يصبركم على فراقه
الله يبارك حنونة فطور يشهي يمي يمي
فكرة ....لحم الحلو كي تحبي ديريه برقوق متزيديلهش سكر طيبي لحم عادي و من بعد وخريه و حطي البرقوق وين طاب لحم غير شوية برك ولا فوريه باش تجي مرقة مالحة عادي و فيها برقوق ....حنا هكدا نديروه

اهلا اختي
مشكورة على الفكرة بارك الله فيك
هكا نتعلمو من بعضانا المرة الجاية نولي نديرها بحول الله

 

[آمِيْرَتُه]

رد: اليوم رايحين تفطرو عند [آمِيْرَتُه ]

شكرا أحبابي على المرور بارك الله فيكم

 

[فيتامين سي]

رد: اليوم رايحين تفطرو عند [آمِيْرَتُه ]

اهلا اختي
مشكورة على الفكرة بارك الله فيك
هكا نتعلمو من بعضانا المرة الجاية نولي نديرها بحول الله

العفو اختي
حنا في عائلتنا مياكلوش مرقة حلوة ابدا ..حتى انا في حياتي مكليتها
مي نديروه هكدا و ياكلوه يجي لحم عادي و فيه برقوق ماشي مسكر و تنجمي تزيدي لوز ادا حبيتي
مي متديريش السكر ابدا لا في برقوق ولا لحم يطيب كلش مالح
ان شاء الله
ادا كتب ربي نديرها و نصورهالك

 

[MAROUA HAIBER]

رد: اليوم رايحين تفطرو عند [آمِيْرَتُه ]

ماشاء الله ربي يبارك بصحتكم
وربي يرحم خالك إن شاء الله