- إنضم
- 28 جوان 2011
- المشاركات
- 6,052
- نقاط التفاعل
- 6,367
- النقاط
- 351
السلام عليكم ورحمة الله وبركاته
صباح الخيرات
وش راكم مع رمضان راه يجوز بالخف
بعد ما حكيت على شوي هبال هنا
http://4algeria.com/forum/threads/448140/
نروح لكوتي اوخر من غير المدرسة
واللي عديت طفولتي الكل مقابلتها :love01: جارتي لالا
كي كنت صغيرة ما عندناش ذراري في الحومة مالا كنت ديما معاها وهي مرا كبيرة واولادها وبناتها قاع مزوجين وفي ولايات اوخرين ما شاء الله
كل يوم مقابلتها نقعد معاها اكثر ما نقعد في الدار :d
تبعثني للجيران والا ندير معاها قداه من حاجة
اما قصتها مع مول الحانوت :p ههههه
عندنا حانوت حدانا واي حاجة تستحقها تبعثني ليه ليه
كل يوم نشريلها الخبز المسوس وكان يدير 8دج
ياما تعطيني قيس قيس الدراهم والا تعطيني 10دج وسات هو ما يرجعليش هادوك2 دج
ايييييييييييييييييييييييييييييييه تاكلو بدعوات ربي وشافك صغيرة ويحقرلي في بنتي الله لا تربحو
تقولي ارجعلو قوليلو قاتلك لالا اذا ما رجعتش الصرف نجيك انا وهي مسكينة كبيرة وتمشي غير بالعكاز يشقيها بففففففففف
ساعات يمدلي وخطرات تقلي قولو يعطيك حلوة المهم ما يتهناش بيهم ههههه
مرة كانت معاها بنتها والحوار الدائم :d
قاتلها راهي مش راح تغنيك قاتلها حتى هي ما تغنيهش وهو عندو حانوت وطامع فيا انا :-h
وخطرة راحت لعندو خطراكش كي رحتلو عيط عليا
راحت هزتلي حقي :-r
حتى ماما ساعات كي تضربتي تجيها تقولها لوكان مزلتي تمسيلي بنتي ما نتفاهمش معك :yahoo01:
وتانيك مع مولا الطاكسفون
ياخي بكري ما كانش البرطابلات ولالا ولادها وبناتها بعاد تحب تكلمهم في التلفون وتاع الدار ساعات يفسد ويطولو باه يرجعوه يخدم
تقولي روحي للطاكسفون -حتى هو بحذانا ما شاء الله- سقسيه الا عندو الخط
نروحلو ونرجع ايه عندو
تلبس الحايك تاعها ونحكمها نمشو دبة دبة
تدخل تقولو اوليدي اعطيني بنك يعطيها ومن بعد تقولو اعطيني اداك الكرسي -اللي هو قاعد عليه هههه-
يقلها ياحاجة اعطيتك البنك
تقول البنك لنبتي -راني نطلع فوقو اه نطلبلها الرقم ههه- ولقوني مخرجة لساني هههه نحمص فيه
هاداك التلفون بسيف ما يمشي ساعات ما يفرميش الرقم اصلا وساعات ما يحكمش وساعات يقص في النص هههههههه
وتبدا تنادي فيه ارواح شوف ها الهم تاعك اللي تسميه تلفون لا يصلح لا والو
يوفق مسكين يحاول يحاول ومرات يقللنا بدلو للتلفون لوخر وبدا نكرلو في الكرسي والبنك هههههههههههه
مسكين نركبوله الحمة ههههه
وكان حكم لالا تسمع الطاكسفون كاملة هادا الكل تسخايل روحها راهي يهدر بالعقل ههه
وجا وقت السلاك
خطرة قصلها التلفون في النص وكرهنا باه حكم اصلا قاللها 23دج قاتلو علاه هالغلاء والكواه يا شومي هههه
وكيما تخلصو تعطيهالو كامل 1 دج مسكين يقعد يحسب وسات نخلطو انا هههههه يعيط عليا وتاكلو لالا بالدعوات ههههههههه
بنتي ياكل راسك ووووووووووووووووو نخرجلو لساني ونهزلو حواجبي مسكين ههههه
يجيه الشوك كل ما نروحوله :thumb_up02:
ان شاء الله عجتكم الحكاية وكنت خفيفة عليكم
ادعو للالا بالرحمة راهي عند مولاها
كتبت هديل
ادعو للالا بالرحمة راهي عند مولاها
كتبت هديل
