عااااجل... ادخلووووو

[دعاء الجنات]

صباح الخير
درت عاجل باه تدخلو وتجاوبوني
المهم انا مخطوبة وحبينا اليوم نعرضو خطيبي وأمو"عجوزتي" للفطور ..تمام... بصح المشكل انو عجوزتي جاتها حاجة ثقيلة من قبل كي حكا معاها خطيبي قالها قالتلو مانعرف اذا نروح ولا لا.. قاللها عادي واش فيها ... للمهم كيما عيطتلها يما باه تعرضها للفطور قالت ايه رانا نجو بصح علاه تشقو ارواحكم قالتها يما نورمال باه تشوفي عروستك عندك بزاف ماشفتيهاش ... قالتلها عجوزتي.. هاو مازالو ليام ونشوفها
المهم حبيت نسقسيكوم ياك مافيها والو كيما عرضناهم للفطور+ راني عاقدة ... والله وسوستني ؟؟؟
هذا ماكان جاوبوني ربي يحفظكوم...

 

[اميرة في مملكة العلم]

رد: عااااجل... ادخلووووو

لا أدري ...ستنيني حتى نكبر و نرد عليك

 

[GI Joe]

رد: عااااجل... ادخلووووو

je crois kolech b l 3a9lyet
ya3ni koun ki hkalek l fiancé ta3ek ue jatha dghila ma3rdhtohach

nti almohim ethanaw dertouha b nia ta3 tkabrou biha w en + 3a9da sema pr moi nrml

kouni naturelle bark m3aha w saha ftorkom

 

[دعاء الجنات]

رد: عااااجل... ادخلووووو

je crois kolech b l 3a9lyet
ya3ni koun ki hkalek l fiancé ta3ek ue jatha dghila ma3rdhtohach

nti almohim ethanaw dertouha b nia ta3 tkabrou biha w en + 3a9da sema pr moi nrml

kouni naturelle bark m3aha w saha ftorkom

شكرا اخيتي على الرد والمرور تاعك
الله يسلمك وانت زادا صح فطورك
تحية ليك

 

[السلطانة]

رد: عااااجل... ادخلووووو

وعليكم السلام
اسمحيلي اختي ملاك نهدرلك الصراحة عجوزتك عندها حق
حتى ولو راكم مخطوبين وعاقدين متجيش تعرضوهم للفطور
لأنو هاذ الشي ممكن يفتح باب للمشاكل والدصارة
كي تتزوجو ان شاءالله راكم تفطرو مع بعضاكم
حنا في عايلتنا معندناش هاذ الامور
الوحدة حتان تدخل باه تزور اهل راجلها وهوما تانيتك
بخلاف الاعياد لي يجيبولها فيهم العيد ويشربو قهوة
وهي تاني متروحش ليهم تروح الوالدة تاعها وبرك
المهم متقلقي روحك وربي يهنيكم ان شاء الله

 

[دعاء الجنات]

رد: عااااجل... ادخلووووو

وعليكم السلام
اسمحيلي اختي ملاك نهدرلك الصراحة عجوزتك عندها حق
حتى ولو راكم مخطوبين وعاقدين متجيش تعرضوهم للفطور
لأنو هاذ الشي ممكن يفتح باب للمشاكل والدصارة
كي تتزوجو ان شاءالله راكم تفطرو مع بعضاكم
حنا في عايلتنا معندناش هاذ الامور
الوحدة حتان تدخل باه تزور اهل راجلها وهوما تانيتك
بخلاف الاعياد لي يجيبولها فيهم العيد ويشربو قهوة
وهي تاني متروحش ليهم تروح الوالدة تاعها وبرك
المهم متقلقي روحك وربي يهنيكم ان شاء الله

شكرا أم ياسمين على الرد .. في الحقيقة زعما درنا كيما خوالي في التزاير عقليتهوم اوفار.. وهنا في سطيف والله ماعلابالي انا يما تزيرية على بيها ماشية بالعقلية ... و+ درتها اغلبية في خاطر خطيبي حب يشوفني ودايما يمعني لي على الفطور كشغل تحطيت في موقف ...(؟) درك طفرت حنا عرضناهم
شكرا مجددا

 

[الحلم الوردي]

رد: عااااجل... ادخلووووو

السلام عليكي
واش راكي اختي
نقولك حاجة
راهي اختي مخطوبة وعاقدة
مي معرضتش دار زوجها
حنا في عاداتنا مكاش هديا
حتى تتزوج ونوغمال
مي كيما قالت الاخت ام ياسمين
هكدا تايفيتي المشاكل
وصح ومازالو لايام ان شاء الله
كي تروح عندهم ونوغمال
ربي يهنيك حنونة
​

 

[لؤلؤة قسنطينة]

رد: عااااجل... ادخلووووو

السلام عليكم اختي سعاد
صراحة كيما قالو الأخوات راهم عطاوك النصائح اللازمة ماشاء الله
يعني لو كان كانو جايين خطبة ومن طريق بعيدة وعرضتوهم للغداء معليش
بصح في رمضان نظن ماتصحش بصح نورمال ماش حاجة خطيرة هادي
يعني مادام جايينكم اكرموهم كيما لازم وخليو السهرة تعدي بخير وعلى خير
وربي يسهل ان شاء الله، المهم والصح في حياتك معاهم من بعد
كاين لي مشا قدقد وبالمسطرة قبل الزواج وورا الزواج تقلبت حياتهم وكاين لي العكس
يعني عادي مادرتيش حاجة حرام غلطة وتتصلح ان شاء الله
بالتوفيق عزيزتي وربي يهنيك
تحياتي
​

 

[الزهرة الحمراء]

رد: عااااجل... ادخلووووو

السلام عليكم اختي
اولا ربي يهنيك ويصلحلك امورك
شوفي انا حساب واش نعرف انو الوحدة قبل الزواج تتفادى هاذ اللقاءات مع العايلتين لانو تقدر في قصرة ولا هدرة ولا اي حاجة ومنها يصراو المشاكل
ولكن نعطيك مثال انا عندي بنت خالتي لذرك عندها عامين زواج هي تاني كانت مخطوبة وعاقدة وكانت في كل مناسبة شغل هي تعرض وهوما يعرضوها ويروحوا لبعضاهم وذرك الحمد لله راهي متزوجة ولحد الساعة ماكانش مشاكل ربي يدومها
طاحت في عجوزة صح دايرتها كيما بينتها
يعني ماتعمريش راسك حبيبتي هاذي ماهيش رايحا تأثر بزاف كيما قالت مريومة تقدري تلقاي وحدة قبل الزواج تمشي بالمسطرة وبعد الزواج كل شيء يتخلط وقادرة تلقاي العكس
انت درك مادام عرضتيهم وكملتي حاولي انك كي يجو ماتبينيلهمش شغل درتي حاجة وندمتي عليها وكامل اتصرفي على طبيعتك
ربي يهنيك غاليتي

 

[دعاء الجنات]

رد: عااااجل... ادخلووووو

شكرا اخواتي...
ربي يجعل هاذ النصائح في ميزان حسناتكم
قبل قليل اتصلت عجوزتي بيما واعتذرت على خاطر مات ابن خوها ربي يرحمو ويجعل مثواه الجنة.
انا والله كنت بنيتي وبالاك ربي شاف فيها خير
شكرا حبيباتي وصح فطوركم.

 

[آمِيْرَتُه]

رد: عااااجل... ادخلووووو

السلام عليك
مافيها حتى عيب وحدة تعرض عجوزتها للفطور و لا تعرض خطيبها
وزيدي راه عاقد عليك يعني راه زوجك امام الله و الشريعة و القانون
غير حنا برك خالعينا العادات و التقاليد و ناقسين في الظن برك
ربي يرحم لي مات و انت درتي لي عليك وهي ربي يسهل عليها
كون جيت عجوزتك كون جيت ههه الله غالب خخخ
ربي يهنيك اختي

 

[saho souhila]

رد: عااااجل... ادخلووووو

لآآ مافيها والو ،، يآك درتوا الوآجب

بآلاك عجوزتك برك مجاتهاش تجي كي شغل حشمة كآين لي عنده عادات

مكان علاه تتوسوسي نورمآل

+

عظم الله اجرهم ربي يرحمو و يوسع عليه

​

​

​

​

​

 

[دعاء الجنات]

رد: عااااجل... ادخلووووو

السلام عليك
مافيها حتى عيب وحدة تعرض عجوزتها للفطور و لا تعرض خطيبها
وزيدي راه عاقد عليك يعني راه زوجك امام الله و الشريعة و القانون
غير حنا برك خالعينا العادات و التقاليد و ناقسين في الظن برك
ربي يرحم لي مات و انت درتي لي عليك وهي ربي يسهل عليها
كون جيت عجوزتك كون جيت ههه الله غالب خخخ
ربي يهنيك اختي

شكرا ربي يحفظك.. طمنتيني على خاطر وسوسوني لي من قبل هههههه
ياك رسول الله عليه الصلاة والسلام قال إنما الأعمال بالنيات وحنا حبينا نكبرو بيهم "صراحة حبيت نشوف خطيبي هههه:d.
شكرا جعل الله هذا في ميزان حسناتك

 

[دعاء الجنات]

رد: عااااجل... ادخلووووو

لآآ مافيها والو ،، يآك درتوا الوآجب

بآلاك عجوزتك برك مجاتهاش تجي كي شغل حشمة كآين لي عنده عادات

مكان علاه تتوسوسي نورمآل

+

عظم الله اجرهم ربي يرحمو و يوسع عليه

​

​

​

​

​

شكرا أخيتي ... حنا درنا واجب كيما قلتي وكي ماكتبهاش ربي كل شي بالمكتوب . صح توسوست شويا على خاطر لحاجة لي نديروها مانسلكوش بصح النية اسبق
تخية ليك​

 

[دلولة خطيبي]

رد: عااااجل... ادخلووووو

انا في رايي مافيها والو اختي بالصح كل منطقة عندها عادتها مثلا في المنطقة تاعنا يديروها عيب ويبقو يتكلمو بينا بالصح اذا راكم عاقدين ثاني اكيد مافيها حتى مشكل هذا رايي الخاص يااختي

 

[الورد الأحمر]

رد: عااااجل... ادخلووووو

السلام عليكم ورحمة الله وبركاته

ربي يرحم لي مات وانتي تهنيتي من التوسويس لي حكمك وربي يجمعك بخطيبك في أقرب وقت وتكوني معاه على ديما .

---
يغلق الموضوع .