- إنضم
- 30 نوفمبر 2014
- المشاركات
- 3,109
- نقاط التفاعل
- 7,433
- النقاط
- 941
- الجنس
- أنثى
السلام عليكم
-------
حبيت نتكلم عن فضل القرآن الكريم ؛ لكن هذه المرة ماراحش نحكي بصفة عامة كيما راكوم تلقاو في الكثير من المواقع عن فضل القرآن... لأنكم تعرفوها وموالفين تقراوها ؛ وزيد نحكي باللغة العامية لأنو ماشي شرط نتكلمو بالفصحى عند النصح والإرشاد... بل العكس مليح نشوفو الطريق الأسهل لوصول الرسالة
أما أنا راح نحكي تجربتي الشخصية مع القرآن الكريم... وواش شفت في حياتي من الفضل تاعو ...
أولا حنا عائلة محافظة والحمد لله كباقي العايلات الجزايرية ؛ بصح حنا كنٌا في ظرف صعيب بكري شويا وكان كل مشكلة إلا وعڨبنا عليها "أنا وعايلتي".. ؛ مانيش هنا باه نحكيلكوم على الظروف لي جازت عليا بصح باه نحكيلكم شكون لي كان يوقف معايا في هاذيك الظروف؟؟
رغم صغر سني كيما نلقا المشاكل في الدار وحالة مايعلم بيها غير ربي سبحانو كنت نرفد المصحف ونحضنو علا خاطر ماكنت نلقا حتى واحد من غيرو في هذاك الوقت ..وكنت نحس بالأمان... كبرت شويا وعزمت نحفظ القرآن وحفظت في داك الوقت 7 احزاب فقط بصح كنت دايما بصلة معاه على خاطر كنت علابالي بلي هو "السعادة" في الدنيا والآخرة ؛ ومن بعد تأزمت الحالة تاعي في الثانوية بعد الكثير من المشاكل حتى أني مرضت نفسيا.. لكن شوفو هنا في هذه المرحلة بعدت على القرآن وكنت نقراه غير مييييين داك حتى بعض السور كنت حفظتها نسيتها... بصح في هاذ المرحلة والله ماشفت الراحة .. كانت كل الأبواب مغلوقة في وجهي .. ماكنتش علابالي بلي راني بعدت بزاف على القرآن وحتى صلاتي ماعدت نصليها مليح يعني بعدت شويا على ربي.. ولما تخطبت "المرة الأولى" طحت في راجل مايعرفش ربي سبحانو ماكانش يعاوني على أمر الدين بل العكس مين خطبني قلت خلاص هاذي هي حياتي معاه سيرتو كيما درنا الفاتحة. الوقت مابقاش عندي باه نقرا القرآن غير نحكي معاه في الهاتف أو الفايس بوك... حسبت هاذيك هي السعادة 'بصح هجرت السعادة الحقيقية " المهم انفصلت مع خطيبي هذاك بعدما اكتشفنا خرايبو... المهم هاذيك اصعب مرحلة مريٌت بيها في حياتي وظننت أن الدنيا انتهت وماراحش نذوق السعادة في حياتي
لكن...
رجعت إلى الأصل وهو القرآن... لأني في هذاك الظرف مالقيت حتى واحد... مالقيتش الناس لي ضيعت وقتي وجهدي ودراهمي على جالهوم...
لقيت غير "القرآن " لي هجرتو...
والله العلي العظيم ماكانش سعادة اكبر من انك تحمل القرآن وتقراه.. مهما ومهما بلغت همومك او ذنوبك أو أي شيئ ماكانش أعظم من ذاك المصحف لي راك رافدو بين يديك... راك رافد نور وعلم كأنك رافد الأرض والسماء .. وزيد كان عندي وحد المشكل وقلت محال يتحل... قريت القرآن وختمتو ودعيت باه ربي يحلولي... والله تحل في ظرف عشرون يوم او شهر فقط
المهم ومن بعد تخطبت بإنسان أقل ما أقول عنه أنو ماشاء الله يعني السعادة لي ظنيت أنها ماراحش تطرق بابي... لقيت العكس عطاني ربي شخص تمنيتو في يوم من الأيام ومن بعد ربي جعلو مكتوبي.. وأنا الآن راني سعيدة معاه والحمد لله
خلاصة قولي
تجربتي في هاذ الدنيا... قراءة كلام الله وتدبره.. الطريق المختصر للسعادة + إجابة الدعاء + تفريج الهموم + محبة الله إليك
وكاين بزاف يسقسو : كيفاه نعرفو بلي ربي يحبنا؟
نقوللكوم أولا ... سقسيو واش هوما الأشياء لي يحبها ربي
هي القرآن (؟)
اذن باه يحبكوم ربي تقربو من واش هو بحب
+
محبة ربي ليك راح تحسها في قلبك. وماتحتاجش باه يفتوك الناس على خاطر هاذي حاجة خاصة وحدك تحس بيها
وأنا نهار ماكنتش نقرا القرآن والله قريب ضعت لولا رحمة الله
اذا كانت عندك مشاكل ولا هموم ولا أي حاجة مقلقاتك بدون استثناء
ارفد المصحف واقرأ ..واقرأ...وخلي الباقي على ربي
ماشي تقرا حزب وتقول ماتحلتش مشاكلي... لالا... اقراأ اقرأ بلا حساب خاااااصة في (الليل) وراح تشوف النتيجة
نتمنى نكون فدتكم ولو بالقليل
تقبلو تحياتي.
-------
حبيت نتكلم عن فضل القرآن الكريم ؛ لكن هذه المرة ماراحش نحكي بصفة عامة كيما راكوم تلقاو في الكثير من المواقع عن فضل القرآن... لأنكم تعرفوها وموالفين تقراوها ؛ وزيد نحكي باللغة العامية لأنو ماشي شرط نتكلمو بالفصحى عند النصح والإرشاد... بل العكس مليح نشوفو الطريق الأسهل لوصول الرسالة
أما أنا راح نحكي تجربتي الشخصية مع القرآن الكريم... وواش شفت في حياتي من الفضل تاعو ...
أولا حنا عائلة محافظة والحمد لله كباقي العايلات الجزايرية ؛ بصح حنا كنٌا في ظرف صعيب بكري شويا وكان كل مشكلة إلا وعڨبنا عليها "أنا وعايلتي".. ؛ مانيش هنا باه نحكيلكوم على الظروف لي جازت عليا بصح باه نحكيلكم شكون لي كان يوقف معايا في هاذيك الظروف؟؟
رغم صغر سني كيما نلقا المشاكل في الدار وحالة مايعلم بيها غير ربي سبحانو كنت نرفد المصحف ونحضنو علا خاطر ماكنت نلقا حتى واحد من غيرو في هذاك الوقت ..وكنت نحس بالأمان... كبرت شويا وعزمت نحفظ القرآن وحفظت في داك الوقت 7 احزاب فقط بصح كنت دايما بصلة معاه على خاطر كنت علابالي بلي هو "السعادة" في الدنيا والآخرة ؛ ومن بعد تأزمت الحالة تاعي في الثانوية بعد الكثير من المشاكل حتى أني مرضت نفسيا.. لكن شوفو هنا في هذه المرحلة بعدت على القرآن وكنت نقراه غير مييييين داك حتى بعض السور كنت حفظتها نسيتها... بصح في هاذ المرحلة والله ماشفت الراحة .. كانت كل الأبواب مغلوقة في وجهي .. ماكنتش علابالي بلي راني بعدت بزاف على القرآن وحتى صلاتي ماعدت نصليها مليح يعني بعدت شويا على ربي.. ولما تخطبت "المرة الأولى" طحت في راجل مايعرفش ربي سبحانو ماكانش يعاوني على أمر الدين بل العكس مين خطبني قلت خلاص هاذي هي حياتي معاه سيرتو كيما درنا الفاتحة. الوقت مابقاش عندي باه نقرا القرآن غير نحكي معاه في الهاتف أو الفايس بوك... حسبت هاذيك هي السعادة 'بصح هجرت السعادة الحقيقية " المهم انفصلت مع خطيبي هذاك بعدما اكتشفنا خرايبو... المهم هاذيك اصعب مرحلة مريٌت بيها في حياتي وظننت أن الدنيا انتهت وماراحش نذوق السعادة في حياتي
لكن...
رجعت إلى الأصل وهو القرآن... لأني في هذاك الظرف مالقيت حتى واحد... مالقيتش الناس لي ضيعت وقتي وجهدي ودراهمي على جالهوم...
لقيت غير "القرآن " لي هجرتو...
والله العلي العظيم ماكانش سعادة اكبر من انك تحمل القرآن وتقراه.. مهما ومهما بلغت همومك او ذنوبك أو أي شيئ ماكانش أعظم من ذاك المصحف لي راك رافدو بين يديك... راك رافد نور وعلم كأنك رافد الأرض والسماء .. وزيد كان عندي وحد المشكل وقلت محال يتحل... قريت القرآن وختمتو ودعيت باه ربي يحلولي... والله تحل في ظرف عشرون يوم او شهر فقط
المهم ومن بعد تخطبت بإنسان أقل ما أقول عنه أنو ماشاء الله يعني السعادة لي ظنيت أنها ماراحش تطرق بابي... لقيت العكس عطاني ربي شخص تمنيتو في يوم من الأيام ومن بعد ربي جعلو مكتوبي.. وأنا الآن راني سعيدة معاه والحمد لله
خلاصة قولي
تجربتي في هاذ الدنيا... قراءة كلام الله وتدبره.. الطريق المختصر للسعادة + إجابة الدعاء + تفريج الهموم + محبة الله إليك
وكاين بزاف يسقسو : كيفاه نعرفو بلي ربي يحبنا؟
نقوللكوم أولا ... سقسيو واش هوما الأشياء لي يحبها ربي
هي القرآن (؟)
اذن باه يحبكوم ربي تقربو من واش هو بحب
+
محبة ربي ليك راح تحسها في قلبك. وماتحتاجش باه يفتوك الناس على خاطر هاذي حاجة خاصة وحدك تحس بيها
وأنا نهار ماكنتش نقرا القرآن والله قريب ضعت لولا رحمة الله
اذا كانت عندك مشاكل ولا هموم ولا أي حاجة مقلقاتك بدون استثناء
ارفد المصحف واقرأ ..واقرأ...وخلي الباقي على ربي
ماشي تقرا حزب وتقول ماتحلتش مشاكلي... لالا... اقراأ اقرأ بلا حساب خاااااصة في (الليل) وراح تشوف النتيجة
نتمنى نكون فدتكم ولو بالقليل
تقبلو تحياتي.
