اليوم راح ننقلكم افلام mbc2
قالك ختكم ليليا مولعة بافلام الرعب ايااا
بدينا نتفرجو قالك دارونا الخوف الازرق نظن كلكم يعرفوه نتاع القرش هذاك دار فيهم كارثة
ايا كي خرج جديد دار حالة المهم ختكم تفرجاتو ولانو كنت نسكن قدام البحر يعني منين ذاك ترشقنا عومة فالليل ما نحبوش فالنهار الغاشي ايا نتلمو فالليل لبنات ونعومو
ختكم تعوم وبدات تحس بشحمة تحت رجلها
نفوتها هذي ايانروحو قالك واحد النهار نتفرج فيلم طومبات كبار يصدمو لواحد القرية وياكلو الناس
دارنا كنات شوي مش مخدومة مليح ولما خرجت نلقى حاجة وليت نقول ليليا افطني ننونونونونونو هذا الفيلم آو تليفيزو طفيتو
ونحك عينيا ونشوف المنظر ياو واحد العشر طومبات من الحجم الرفيع
وي اختي غير الخير ارواحو ضرك خويا عندنا حيوان فالدار راحين ياكلونا
ارواحو ارواحو
وفجأة وييييييييييييييو وييييييييييييييييييو كل صافرت الانذار عند الدار
كامل لميتهم ولما دخلو فتحت يمى الباب لقاوني فوق البونك نعيط قريب داوني سبيطار لمهابل
الطومبات رحلو من دزاير راحو حراقة وانا مزال نعيط شفت واحد الجوندارم قعد فالارض وقعد يضحك ما لقى ما يقول مسكين
كي جاو راحيين اختي نصيحة ما تزيديش تتفرجي وديت بخصة
والجيران الصباح الفو واحد يقول خرجلها سبع لخرى ديناصورررررر وانا قتلهم اناكوندا هاكا عيشتهم الرعب يغلقو توالقي والبيبان
اييييييييييه ونروحو للسبع الغاشي اللي يعرفني يعرف انو عندي فوبيا نتاع الاسود
ايا قالك واحد العيد ولاد اختي هايا دينا للبارك دينا ايا
رحنا للبارك انا كنت رحتلو مي جامي شفت سبع نشوفو غير فالتليفيزيو
رحنا لعبو كملو وقالو نروحو للحيوانات ايا انا شفت البلاكة شفت شعرو وعينيه
وليت نشهد ايا من هذي لهذي ورانا نقربو وفجأة يا جماعة الخير ونسمع صوت مش عادي يا حواج واش هذا ؟ اسد في بيتنا معقووووووول
قلت اواه لالا مانيش نسمع
ياو هذا وحيد القرن اييه مسكين راه يقلد برك وقفنا شفنا وحيد القرن مشيت شوي ونشوف شعرو
ياو هذا اسد قتلها وشنو اسد تتمسخري امشي نضربك خنونتك نديرهالك جال امشي تشوفي
وصلنا لكاج نتاعو ونشوف ورقة فيها كل المعلومات عليه واش ياكل واش يدير ويا ناس وتجي اللقطة وين شفتو من بعيد ويشوف فينا ديركت وانا مبادلاتو بنظرات نقولو فيهم
عمي سامحني وليدي انا امك خويا انا اختك جدي انا جداك سامحني دخلت لأرضك انا اختك
انا لحمي مر وسامط وما تشبعش انا فلووووون وما نوالمش
انا اختك وفلحظة تخيلتو كلاني يا حسراه شكون يحكمي
هذي حكاياتي مع ال
ومازال نحكيلكم على افلام داركولا فالجزء الجاي
آخر تعديل:
