هالة
:: عضو مُشارك ::
- إنضم
- 27 أوت 2006
- المشاركات
- 101
- نقاط التفاعل
- 207
- النقاط
- 13
السلام عليكم ورحمة الله تعالى وبركاته.اولا وقبل كل شيئ انا رايحة نفتح موضوع حساس شوي لكنه عاملي غصة بقلبي ومثل العظم بحلقي مشي قادرة نبلعو ولا حتى نخرجو والي هو للاسف موضوع الزواج نعم موضوع الزواج الي اصبح هو كل شيئ في الدنيا واصبح يتداوله الكبير والصغير حتى الحشمة من فتح هذا الموضوع راحت واصبح متداول بين كل الفئات والمتضرر الوحيد هو البنت نعم البنت الي متزوجتش او تاخر زواجها شوي تصبح في هذا المجتمع كانها معاقة او ناقصة او مريضة او مشوهة وفيها كل العيوب فقط لانها لاتحمل لقب مدام بالرغم من انها هي المسكينة لاذنب لها فهي مسيرة وليست مخيرة لكن المجتمع والناس يعاقبوها لشيئ هي معملاتوش اه اه اه والف اه تعبت بزاف من هذا الموضوع مع اني بصراحة وبين قوسين بنت صغيرة وفي سن الزهور وجميلة ومثقفة وبنت عائلة والحمد لله ويتقدملي بزاف خطابين لكن الله مزال مكتبش وانا مزال ملقيتش الي يناسبني لكن تعبوني بهذا السؤال صحة اختي انتي مزوجة نرد انا لا .... يقولو اووو وعلاه وحدة شابة كيفك مشي مزوجة نرد بخجل :$ مكتوب ربي يقولو اممم مالا مخطوبة نقول لا .... ينصدمو مكاش منها علاه الرجال مشي يشوفو ولا ههه زهرك معوج ماهو كيما يقول المثل شابة وزهرها معوج ههه نرد انا بحرقة بقلبي نصيبي مزال مجاش وهذا مكتوب ربي يقولو اممم معليش بهذيك النبرة نتاع وحدة ترفع من معنويات الاخرى معليش حنونة رايح تتزوجي بصح اجري على روحك شحال نكرهها هذي الكلمة:very_mad: كيفاه انا نجري الربي اجري متبقايش هكذا بنات صغار وراهم زوجو راكي قاعدة بداركم وتستناي في الرجل يطيح عليك ياامخلوقة راكي تحلمي لازم ديري تاويل لروحك صحة التاويل كيفاه نخرج برى وندير براح ونقول ياااو شكون يزوجني ولا نخلق راجل من الطين والله انا تعبت اه وحبيت نقلكم انا مشي مقتنعة تماما بكلامهم لكن الله غالب تلقى كامل اهلك يحكو هاك ولافامي غير تتلاقى بيهم وانتي تسلمي كاش جديد ولا ناشفة :$:$ هههه ونزيدكم نقطة الضعف اي كلمة ويقلك صحة اعطيني او جيبيلي او اشريلي وربي يجيبلك سعد مسقم رابطين الحياة كامل بالزواج 
وكي نكون انا مشي حابة لازم لازم زواج .............. هذا الموضوع راهو كبير بزاف ولو نبق نحكي يخلاصو الوراق كامل هههه المهم الي تعي في نفس الماساة معايا ولا عندها نفس الشيئ معي تقدم رايها وكاش معندها حل لاقياتو معاهم تقدملي لاني انا جربت كل الحلول حتى الصمت لكن مقدرتش لان العدد اكبر مني . والي تقرى موضوعي نقوللها شكرا وربي يزوجك هههههه
وكي نكون انا مشي حابة لازم لازم زواج .............. هذا الموضوع راهو كبير بزاف ولو نبق نحكي يخلاصو الوراق كامل هههه المهم الي تعي في نفس الماساة معايا ولا عندها نفس الشيئ معي تقدم رايها وكاش معندها حل لاقياتو معاهم تقدملي لاني انا جربت كل الحلول حتى الصمت لكن مقدرتش لان العدد اكبر مني . والي تقرى موضوعي نقوللها شكرا وربي يزوجك هههههه
