- إنضم
- 22 ديسمبر 2014
- المشاركات
- 2,248
- نقاط التفاعل
- 5,762
- النقاط
- 126
- العمر
- 54
- محل الإقامة
- تيارت
- الجنس
- أنثى
السلام عليكم و رحمة الله وبركاته
رجعت من جديد و هاد المرة جبت طبق رئيسي ساهل و خفيف
لتحضير الطبق نحتاجو :
لحم مرحي . بصل . بيضة. فرماج . chapelure . فطر معلب . ملح . سكنجبير . فلفل أسود . خردل .
التحضير :
نخلطو اللحم المرحي مع نصف بصلة مرابية و نزيدولهم الفلفل الأسود السكنجبير و الخردل كي يتخلطو مليح نزيدولهم البيضة و الخبزاليابس المرحي قيس ما تولي قابلة للتشكيل
نكوروها و في وسط كل كويرة نديرو قطعة جبن
نفوتو هادوك الكويرات في الفرينة باه يشدو رواحهم
و نقلوهم حتى يولي لونهم ذهبي
من جهة أخرى تكوني محضرة صلصة بيضاء
تحطي فيها الكويرات و الفطر الي تكوني حمرتيه في شوية زبدة
خليها تعقد مليح و مبعد قدمي الطبق تاعك أنا رافقته بالبطاطا المقلية
و كل وحدة كيماا تبغي
نتمنى أن تنال الوصفة إعجابكم
نلتقي في موضوع آخر
في أمان الله
صح فطوركم
آخر تعديل:
