كيما حكينا المرة ليفاتت دخلت للكوزينة مع هذيك لمرا حتى نلقى جاسمين مريحة
في الطابلا وحدها انا حشمت حبست المشية وبدااو رجليا يولو للوراء
قالتلي هذيك لمرا جوز ريح بوه الى تحشم من بنت خالتت يماك
انا تكاكيت مع مخي وقلت يا البهلول ريح هههه
والخلعة هذي جي غير وين منسحقهاش
المهم جبد النفس gااع واش كاين وريحت مقابلها
حطتلي الماكلا وقالتلي راني رايحا نشوف الضياف واش يسحاقو
هناك زااد النفس مرة نحسلو مرة مكاش ونسمع في قلبي يصدر صوت
كيما قالت الاخت ليليا بقبقبقبقبقبق هههههه
المهم السكات خيم على على القعدة اللي بيناتنا
هي حاطا راسها تاكل وانا نخزر فيها بنص عين هي طلع عينها انا نهبطها ههههه
جاواحد قالي في قلبي معرفتوش شكون ههه
قالي يالسكر واش راك تسنى اهدر فرصة ماتتعوضش ديجا شفت فرانسا كيفاه عاملا منحكيلكش خير عليها
حتى ينطق آخر قالي معنداك وكريمة بنت عمك هاي تبغيك تخليها وتدي مزوقت لحناك هههه
قلتلو قادر روحك ياو جاسمين هاذي واقيل متعرفهاش
المهم قيس ماخممت مليح مع راسي قلت لازم نهدر حتى نشوفها تمسح في فمها ويديها
ياو كملت وراهي خارجا
قلت لازم نهدر ايا سكر ماشي عوايدك هكذا هههه
هي وقفت وانا وقفت معاها هي خزرت فيا وانا خزرت فيها هي هبطت راسها انا محبطتش راسي ههههه
قلتلها جاسمين آلاvييو
ردتلي كوا توي مالاد
قلتلها كاسكليا آلاvييو نورمال آلاvييو ... قالتلي توا إل فوو ... وخرجت
قلت خلاص اليوم تخلاص عليا مآل هههه
كليت بالزرب هكذاك معلباليش ديجا واش كليت ههه
خرجت البرا لقيت الليل وصل المهم لقيت الناس برا يستفو الكراسا والطوابل جوزت معاهم الوقت
فالليل قالك يجيبو الشعبي يغني
بداو يخرجو النساا من الدار ويريحو برا والرجال مريحين ملقدام والنسا ماللور تقريبا غير لافامي
بدا الشعبي يزنزن علينا انا خيقني حكمت بلاصا بعيدة شويا مقابل جاسمين وبقيت نخزر فيها
وهي تضحك وتغني وتسفق
ريحت وحدي حتى كرهت قلت نروح نضرب دورة للغابة كاش ماناكلو كاش توت
انا وقفت حتى نلقى وحد الطفلة قدامي قالتلي ريح نهدر معاك
قالتلي انا بنت عمك معرفتنيش عندك مووودا مظهرتش وين راك مخبي
قلتلها والله معرفتك راني من اللمة مانخرجش هههه
المهم هدرة جيب هدرة حتى وصلنا لجاسمين هههه
حكيتلها بلي راهي تتكبر وحاسبا روحها منعرف
المهم قالتلي حبيت نقولك حاجا هي راح تهدرهها
ويجي خوها جايز هي رفدت صباطها وهربت قالتلي غدوا نقولك وهربت السلام مخلاتنيش نقولولها
معلباليش واش حبت تهدر بلاك غارت من جاسمين
حتى نشوف جاسمين جايا ملبعيد لعندي ويا فرحتي ههههه
وصلت قالتلي بون صوار. رجعتلها ببببوووون صصصووواااار
بدات تهدر وتهدر وتهدر وانا حرف مفهمتولها وين نشوفها تبسمت نقوللها وي وين شنفت نقوللها نو ههههه
فهمت غير كي عادت رايحا قالتلي دوما باغلي هههه
قلتلها ايه دوما كامل نباغليو هههه اونفواغ خخخخ
اواه خوكم يسبيكي لفرانسيسا هههههه
كملو السهرة خلاص جوايح 1:30 تاع الليل قلت ضرك ندبر وين نرقد هههه
رحت مور الدار طليت لوحد الشامبرا لقيتها فارغا فيها غير مطرح ومخدة وانا ميت بلعيا قلت هذاك هو نخبطها برقدة ديركت
دخلت بهدوء حتى لايمرgوو بي حطيت راسي رقدت مافقت كامل
حتى لصباح جيني الشمس في راسي فطنت ونلقى غاشي كبير راقد قدامي واش مالدراري واش من النسا
ونوض نعيط وااااااااااي ونسوطي مالطاقة ونبدا للجري خلعتهم كامل السكر طلعتهلهم ههههه
قلت عندي الفين فرانك نروح نتقهوى فالقهوى
حتى نسمع صونا تليفوني هههه يما راهي تعيط
آلو واش يما ويت راكي علبالك خلاص لعراس تاعك منزيدش نجي معاك
قالتلي خلاص آوليدي سكر وين راك ايا باش نروحو باباك تقلق علينا وراه غير يعيطلي
خلاص اخرجي لبرا راني جاي
كيما كان الحال رحت عندها وهبطنا لاري نسناو الكار
مي الحمد لله جات الكار بيه بيه وتانيت فارغا غير الروسوفور لي راكب فيها ووحد لعجوزة
انا ريحت فالكار داتني عيني حتى نتفكرهم
ياخاه واش درت نسيتهم يامحاينك
جاسمين وكريمة ههههه درت ديgاا علبالكم
المهم اخطينا منهم خلاص ضرك يجيب ربي الخير وكي يجي يجي ضربة وحدة هههه
يما أطلعي بالصوميل تشوفي عمبالك نسيت نياهاهاهاهاهاه
نروح نخلص بيها الانترنت باش ندخل للمة لعزيزة
في الاخير نقوللكم حاجا
أصعب إحساس هو كي جي تدخل للمة وتلقى الكونكسيو خلاصت
آما الباقي فكله خزعبلات
مديروش عليا
سلام
آخر تعديل:
