ساعدوني

[بسمة مرام]

سلام عليكم صح فطوركم حبابي وحبيت نطرح مشكلتي نتمنى تساعدوني انا وخطيبي بطلنا وحابين نولو مي هو قالي لازم يجيو خوتك ويقلولي بلي نتي قلتيلهم غلطتي فيا باه نقرب وعندك منا مور العي ولا نشوف وحه تانيه قالي نحبك راني نسنى فيك ديري حاجه ولا نشوف وحده تانيه على جال يما كبيره وحدها في دار متقدرش وش ندير ومن يومين ديت ضرب من عند خويا لانو فاقلي كلمتو قالي ياخي خلاص علاه تحكي معاه عاونوني وش ندير انا نبغيه مي هو قالي كون مدريش عليا حاجه وانا وش ندير خايفه من خويا ليقتلي من جديد قلت نقول لخيبو بلاك تساعدني وش رايكم عاونوني وش ندير

 

[Hakan]

رد: ساعدوني

انت وخطيبك بطلتو وحابين ترجعو ومن شروط الخطيب انو يجي الاخ العزيز باش يقلو
ياخويا اسمحلي والله ختي راهي غلطت معاك معليهش ترجعها و انت نورمال خايفة انو خوك
ما يقبلش بهذا الطلب ورايح بكل صدر رحب يقلك اختي العزيزة سانقذك من هذا الجحيم
واعتذر لخطيبك باسمك ..
المهم انا راني شرحت الموضوع من جهة اخرى ونقلك حاجة صغيرة ما تعرفيهاش
اختي في الله الراجل اللي يطلب هذا الطلب من خطيبتو ما هوش رايح يبني دار
لانو اولا حظوظو النفسية راهي تمشي بالتكبر والدليل انو لم يقبل اعتذارك
وحاب الاعتذار يكون من خوك انا نقلك حاجة اخرى الاخت اللي تخلي خوها يطيح نيفو في الارض
على جال باش تكون مع حب حياتها اللي اصلا ما جابت معاه ذرية اللي ممكن تضحي فيها بخوها على جالها
ونزيد نقلك حاجة اخرى اليوم طلب اعتذار خوك وغدوا يطلب اعتذار والديك
والانسان اللي يحب انسانة يرفع والديها في السماء مع والديه ويكونو خاوت الزوجة نتاعو هوما خاوتو اللي غدوا رايحين يكونو
اخوال ولادو اللي رايحين يرومبلاسيوه اذا غاب كآباء لاولادو ​

 

[zohor kfz]

رد: ساعدوني

انا على حساب فهامتي السيد هاذا راه حاب يذلكي و يذل عيلتكي و ماراهش اصلا ناوي يتزوج بيكي ... نصيحتي فوتيه و ربي يلقيكي بلي خير منه

 

[houda derdour-dz]

رد: ساعدوني

مشكورة والله يعطيك الف عافية
​

 

[GI Joe]

رد: ساعدوني

lalaa lala
meme la hdarti hakda w 9derti tgouli l khok w 9bel et tout mais nhar akhor tkouni b darek w yodholmek rayhin darkom ygololek ntii li khayerti hakda tu assume
raha tkouni wahdek w 9ader yedholmek hakdek, w entre nous mich 3afssa li ydirha radjel la nawik ytayeh b nifou w y3awed ysseyi mich ykhalik tetdharbi fi jorto
​

 

[الزهرة الحمراء]

رد: ساعدوني

السلام عليكم أختي
أولا ربي يهنيك ويعطيك لي فيه الخير
مانقولكش يعطيك واش متمنية بالاك لي راكي متمنيتيه مافيهش خير ليك والله تعالى أعلى وأعلم
ثانيا حبيبتي راكي تقولي نحبو هي صح الحب كي يقول الكلمة تاعو الانسان ماعندو مايدير لانو الحب مشاعر واحد مايقدر يتحكم فيها الله غالب فطرة في الانسان
ولكن لازم تعرفي حاجة حبيبتي الحب لازم عليه يحبس نهار يلحق لكرامة الانسان
هي صحيح نعرفو انو لي يحب لازم يضحي ولكن كاين تضحيات من تضحيات وزيد لي يحبك عمرو ولا يخمم يتلاح للكرامة تاعك
انت راكي تقولي هو يحبني حبيبتي على اي اساس قلتي الهدرة هاذي انا درك مانقدرش نظلم السيد ولكن من خلال هدرتك وقلتي انو قالك مانرجعوش حتى تجيبي خوك يعتذر مني هاذي اولا غلطة لانو نورمالمون يسامحك غير تعتذري انت لانو المشكلة بيناتكم في زوج وخوك ماكان مادخلو باه يعتذر منو
ونعرفو انو لي يحب يسامح انت اعتذرتي منو صح يسامحك ويفهمك الغلطة تاعك وانتوما فريتوها
وزيد الحاجة الثانية لي غلط فيها هو انو قاعد يهدد فيك لوكان ماديريش كذا وكذا قبل العيد رايح نشوف وحدة خلاف حبيبة انا من ذرك نقولك كي يقولك هكا قوليلو روح ربي يهنيك ويعطيك على حساب قلبك
نصيحة مني لي يشدك من اليد لي توجعك اقطعي هاذيك اليد لي راهو يشدك منها
لانو لي يحب عمرو ولا يهدد محبوبو بلي رايح نشوف وحدة خلاف لانو بهاذ الهدرة بينلك بلي وجودك وفراقك عندو سواء
نتمنى اختي ماتزعفيش من هدرتي انت جيتي هنا وقلتي ساعدوني
وزيد نصيحة ليك شوفي ديري كل شيء حبيبتي وماتخسريش ثقة خاوتك على جال واحد ماكيش ضامنة رايح يكون ليك ولالا
وزيد نورمالمون هو يقولهالك هاذ الهدرة ماشي على جال التكبر تاعو يخليك تدي طريحة من عند خوك
اختي صليلك صلاة الاستخارة وربي رايح يبينلك كل شيء
وردي بالك تخسري المباديء تاوعك على جال الحب
لانو الحب ماهوش كل شيء فالدنيا هاذي
على خاطر كون نقولك ثقة خاوتك ولا حب الحبيب واش رايحا تقوليلي باينة ثقة خاوتك
صلي وادعي ربي يرزقك ويقدملك لي فيه الخير
وديري ربي في قلبك لانو والله هاذ السيد اذا فيه الخير ربي رايح يجمعك بيه واذا لالا ماهوش رايح يجمعك فيه
حنا برك ناكلو في بعضانا على المكتوب تاعنا وهو كل شيء راهو مقدر عند مولانا
ربي يهنيك ويحفظك
تحياتي ​

 

[يونس قاسم]

رد: ساعدوني

هذا السيد يشوفوا روحو راجل ؟
غريب والله حاب يذلك و يبين شطارتوا
لي يحب وحدة و حاب يتزوجها مايديرش هاك
غير خليك منو صراحة مايحبكش

 

[houda derdour-dz]

رد: ساعدوني

اختي المشكل راه بينك وبينوا وما تخليش ناس يعرفوه ليق تحليه نتوما 2 فهمتي ولا دخلوا ناس وخدخرين غادي كامل ماينحلش المشكل

 

[فيتامين سي]

رد: ساعدوني

نكملك النهاية و كي خوك يطلب السماح و طلب لي حبه سيرتو ادا كان في الجماعة خطيبك يقوله منقبلش و يزيد شويا هدرة من عنده ...النهاية واضحة ربي يرزقك بالزوج الصالح مي هدا الطفل خطيك منه

 

[omar inc]

رد: ساعدوني

ربي يجيب الخير

 

[chirine zina]

رد: ساعدوني

انت وخطيبك بطلتو وحابين ترجعو ومن شروط الخطيب انو يجي الاخ العزيز باش يقلو
ياخويا اسمحلي والله ختي راهي غلطت معاك معليهش ترجعها و انت نورمال خايفة انو خوك
ما يقبلش بهذا الطلب ورايح بكل صدر رحب يقلك اختي العزيزة سانقذك من هذا الجحيم
واعتذر لخطيبك باسمك ..
المهم انا راني شرحت الموضوع من جهة اخرى ونقلك حاجة صغيرة ما تعرفيهاش
اختي في الله الراجل اللي يطلب هذا الطلب من خطيبتو ما هوش رايح يبني دار
لانو اولا حظوظو النفسية راهي تمشي بالتكبر والدليل انو لم يقبل اعتذارك
وحاب الاعتذار يكون من خوك انا نقلك حاجة اخرى الاخت اللي تخلي خوها يطيح نيفو في الارض
على جال باش تكون مع حب حياتها اللي اصلا ما جابت معاه ذرية اللي ممكن تضحي فيها بخوها على جالها
ونزيد نقلك حاجة اخرى اليوم طلب اعتذار خوك وغدوا يطلب اعتذار والديك
والانسان اللي يحب انسانة يرفع والديها في السماء مع والديه ويكونو خاوت الزوجة نتاعو هوما خاوتو اللي غدوا رايحين يكونو
اخوال ولادو اللي رايحين يرومبلاسيوه اذا غاب كآباء لاولادو ​

يعطيك الصحة كلامك رزين ومقنع وأنا لكان جيت في مكانها لأخذته بعين الإعتبار لأنه منطقي.....لك كل التهاني:bravo01:

 

[بسمة مرام]

رد: ساعدوني

مرسي ليكم بزاف وانا اكيد ندير على نصايحكم وقتلو ربي يهنيك لانو قالي طولتي مدرتي والو قالي ادا مدرتي والو في هاد العيد نروح نقول لطفله ختي تخطبلي قتلو اوك وانا ننسى نشالله وربي يعوضني نشالله وتعيشو نتوما الله يحفظكم ويعطيكم ماتتمنو مرسي نحبكم

 

[zohor kfz]

رد: ساعدوني

مرسي ليكم بزاف وانا اكيد ندير على نصايحكم وقتلو ربي يهنيك لانو قالي طولتي مدرتي والو قالي ادا مدرتي والو في هاد العيد نروح نقول لطفله ختي تخطبلي قتلو اوك وانا ننسى نشالله وربي يعوضني نشالله وتعيشو نتوما الله يحفظكم ويعطيكم ماتتمنو مرسي نحبكم

اكييييد انه ربي راح يعوظكي بلي خييييييير منه

 

[إشراقة حب]

رد: ساعدوني

سلام عليكم
اختي اياك تغلطي علطة تندمي عليها حكايتك
هذا واحد ملاعبي حاب يذل اخوك ويذلك معاه
لوكان جا يحبك كما تقولي هو يولي على جالك
مشي يقولك خوك يجي يعتذرلي واش دراك
اذا كان يقبل اعتذاره ولا يذلوا اكثر مبعد مايديكش
لو يحبك مايقولكش نروح لوحدة خلاف ..تاخدي رايي
احزمي امرك ماتزيديش تهدري معاه ونسيه واذا قالك نرجعوا
قوليلوا لالا تشوفي كيفاه يولي يحلل فيك
لقاك ضعيفة راه يضغط عليك .اختي ممكن تتصلي بيا فالخاص نحكوا احسن
تهلاي في روحك وعندك تصدقي هذا الكذاب كرامة خوك هيا كرامتك
يعجبك الحال لما يمشي فالطريق ويقول خوها جا يحلل فيا باه نولي لختوا