اريد وصفات سهلة لحلويات العيد ساعدوني

[حيلتي في حسن نيتي]

انا مبتدئة في مجال الحلويات و هذه المرة قالولي لازم انت الى ديري القاطو تاع العيد و راني حايرة واش ندير أفيدوني رجاءا :dunno01: و الله يفرحكم

 

[الحلم الوردي]

رد: اريد وصفات سهلة لحلويات العيد ساعدوني

وعليكي السلام والرحمة
ينقل للركن المناسب
دورك نحوسلك على حلويات
​

 

[الحلم الوردي]

رد: اريد وصفات سهلة لحلويات العيد ساعدوني

المشوك للاخت روكا
المقــــآدير:

500غ زبدة طرية، 2 كيسآن سكر رطب، 5 بيض ( 3 كاملين+ 2 صفار فقط )، 1 و نص خميرة كيميائية، 4 م ك كوكآو مطحون، فرينة.

طريقة التحضير:

نظن انهآ وآضحة وكآمل تعرفوهآ،
نشكلة عجينة طرية بالمقادير المذكورة، نشكلو كويرات، نغطسوهم في بياض البيض المتبقي، ونرمدوهم في الكوكآو
ونوضعوهم ديرآكت في ليكيسآت، ندخلو القآطو للفوغ
بعد مآ ينضج لآزم يتعسل مبآشرة وبكمية معتبرة، انا ندير حوالي لكل حبة ملعقة كبيرة عسل
في الاول تشوفيها تعوم ولكن بعد دقائق كامل يتشرب، وهاد هو السر اللي يخلي المشوك يجي طري وبنين،
نخليكم مع الصور:

​

 

[الحلم الوردي]

رد: اريد وصفات سهلة لحلويات العيد ساعدوني

معمول بحلوة الترك
للاخت مطبخ الاحلام
المقادير

250 غ زبدة رطب
4 صفار بيض
150 غ سكر رطب
150 مايزينة
فنيلا
1 خمارة حلوى
فرينة

طريقة التحضير :

نخلط سكر رطب مع زبدة ثم بضيف صفار بيض حبة حبة ثم نخلط الفرينة مع المايزينة والفانيلا والخمارة ونضيفها للخليط ونزيد الفرينة بشويا حتى نتحصلو على عجينة رطبة كيما صابلي




نقطع حلوة الترك مربعات



ثم نفتح العجينة بين ايدينا ونضع حلوة الترك



ونغلق عليها



ثم ندخلها في الطابع ونزبطها نيشان فالاطراف باش تجي قد قد



ونضغط عليها



وهدي النتيجة

​

 

[حيلتي في حسن نيتي]

رد: اريد وصفات سهلة لحلويات العيد ساعدوني

شكرا للاخت الحلم الوردي ربي يحفظك و ربي يزيدك شطارة على شطارة ’ كاين بعض البنات ما يبغوش يمدو الوصفات مالغري ناقلينها ماعلاباليش علاه ربي يهديهم و الحمد لله لي مازالو كاينين ناس الخير كيما انت ربي يفرحك ان شاء الله

 

[ضآحكة مستبشرة]

رد: اريد وصفات سهلة لحلويات العيد ساعدوني

يعطيك الصحة ملوووكة
بارك الله فيك مولات واجب كيما عرفناك
اختي حيلتي في حسن نيتي اسمحيلي مقدرتش نعاونك راني نكوناكتي بالهاتف
صح عيدكم

 

[الحلم الوردي]

رد: اريد وصفات سهلة لحلويات العيد ساعدوني

بلامزية اختي
الله يسلمك حنونة
كاين تانيك
هدوما

​

من نفس عجينة الصابلي احضرت نوعين من الحلوى وبالنسبة للعجينة يمكن استخدام اي عجينة صابلي انا اليوم استعملت عجينة الصابلي ببودرة اللوز​

​

:مقادير العجينة​

نحتاج الى250غ مرقرين​

ملاعق4 لوز مرحي ​

ملاعق 4 سكر رطب​

صفار2 بيض​

فاني​

نصف ملعقة صغيرة خمية كيميائية​

فرينة​

للتزيين​

شكولة سوداء​

شكولة بيضاء​

لاجولي ​

نيسلي​

عجينة اللوز الاصطناعية او عجينة السكر​

عقاش​

الطريقة​

نقوم بخلط المرقرين مع السكر الناعم جيدا نضيف صفار البيض والفاني ونستمر بالخلط ثم نضيف بودرة اللوز والخميرة ونضيف الفرينة حتى الحصول على عجينة متجانسة نجمعها دون عجنها نغطيها بغلاف بلاستيكي ونضعها ترتاح في الثلاجة لمدة نصف ساعة على الاقل​

صابلي الحلزون​

​

نبسط العجينة ونقطع دوائر بمول دائري ​

​

ندخل الحلوى للفرن ​

بالنسبة لهذه الحلوى نحتاج الى هذا القالب​

​

نبشر الشكولة البيضاء ونضعها على حمام مائي من دون اضافات على درجة حرارة منخفضة بعدها نملأ قوالب الشكولة وندخلها للثلاجة حتى تتماسك نضع نمسحها بالملمع الذهبي​

نلصقها على دوائر الصابلي بكمية من نيسلي​

ونزين بحبيبات من العقاشنضع كمية من نيستلي في جيب حلواني ونملأ الفراغ​

يمكن استبدال الشكولة البيضاء بالسوداء​

​

صابلي الكادر​

​

نبسط العجينة ونقطعها بهذا المول الخاص بالكادر وان لم يتوفر ممكن استعمال مول مستطيل
​

​

نحتاج لتزيين هذا الحلوى الى هذا النوع من القوالب ​

​

نقوم باذابة الشكولة على حمام مائي من دون اضافات وندخلها للثلاجة حتى تتماسك نمسحها بالملمع الذهبي ونلصقها فوق الحلوى سواء بالمعجون او النيسلي او القليل من الشكولة​

​

الصابلي المزين بالشكولة السوداء ملأت الفراغ بنيسلي وزينته بورود من بنية اللون من عجينة السكر​

​

اما الحلوى المزينة بالشكولة البيضاء ملأت الفراغ بكمية من لاجولي بعد ما اضفت له ملون احمر وزينت بورود من عجينة السكر​

​

بمقدير بسيطة يمكن اتحضير حلوى رائعة شكلا وذوقا وهنا صابلي بريستيج في صحن واحد​

​

​

 

[الحلم الوردي]

رد: اريد وصفات سهلة لحلويات العيد ساعدوني

المقــــــــآدير:

500غ زبدة طرية، 5 بيض ( 3 كاملين+ 2 صفار)، 250غ سكر رطب، 2 كيسان نشاء ( مايزينة)، 1 ونصف خميرة كيميائية، جلجلان او سمسم، فرينة.

التحضير:

نخلط الزبدة مع السكر، نضيف البيض، الجلجلان، الخميرة ثم النشاء ونلمو العجينة بالفرينة

نآخذ كويرات، نحطهم في طابع المعمول به ورق سيلوفان حتى ما تلصقش العجينة،

نضغط عليها جيدا حتى تاخذ الشكل،

ومبعد نثقبها من فوق،

نصففها في صينية مدهونة بالزيت، وندخلها للفرن

اثناء الطهي رايحة تنتفخ ويتغلقو الفراغات لذلك نعاود نضغط عليهم بالاصبع،

بعد ما يطيب نضيف له مربى في الفراغات

ويقدم

​

 

[حيلتي في حسن نيتي]

رد: اريد وصفات سهلة لحلويات العيد ساعدوني

سلام الى الاخت عاشقة الجنة ماعليش اختي راكي مسامحة انت لازم تفرحينا في الباك ان شاء الله ربي يوفقك و تكوني من الرابحين بامتياز آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآمممممممممممممممممممممممين

 

[ضآحكة مستبشرة]

رد: اريد وصفات سهلة لحلويات العيد ساعدوني

سلام الى الاخت عاشقة الجنة ماعليش اختي راكي مسامحة انت لازم تفرحينا في الباك ان شاء الله ربي يوفقك و تكوني من الرابحين بامتياز آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآمممممممممممممممممممممممين

ربي يحفظك حنونة
بارك الله فيك غاليتي
ان شاء الله كي اليوم تسمعوا بيا جبت الباك
ربي يوفقك

 

[منال التلمسانية]

رد: اريد وصفات سهلة لحلويات العيد ساعدوني

وصفة حلوة جافة بجوز الهند للمبدعة ام وليد درتها للعيد يختي تخرج هايلة
250غ مرغرين
كاس زيت
كاس سكر
معلقة صغيرة لفاني
2 حبات بيض
2 خمارة وفرينة
نخلط المرغرين وزيت وسكر ولفاني و2 حبات بيض حتى تصبح كريمة ثم نضع لفرينة وحمارة حتى نتحصل على عجينة طرية نشكلوها كويرات ونطيبوها من طيب نضعها قي مربي ونواة كوكو محمص
شوفي ختي انا حشيتها بحلوة حلقوم خرجتلي هايلة تحبي تحشيها هدا اختياري

 

[cosette]

رد: اريد وصفات سهلة لحلويات العيد ساعدوني

كيما وعدتكم هدو مقادير الهليلات كيما صتها كيما نقلتها وطبقتها

المقادير:

كأس زبدة ذائبة

كأس زيت

كأس حليب

نصف كيس خميرة

رشة فاني

فرينة

للتزيين :




ڤوفريط

حلوة الترك

عسل

شوكلاطة

طريقة التحضير:

نخلط كل المواد السائلة ثم نضيف الخميرة و رشة ڤاني ثم الفرينة حتى نتحصل على عجية طرية

نقطع بالقطاعة دوائر ... نضع في وسط الدائرة قليلا من حلو الترك و نشكل هلال

نضع الهليلات في الفرن

ما تحمرو

همش بزاف خلوهم doré

بعد الطهي خلوهم يبردو ثم اغطسيهم في العسل و رمديهم في الڤوفريط ( من الاحسن ذوق ڤاني انا استعملت 2علب كروستي وزوقتها بالشكولا