راحا للبحر شكون يجي

[ليليا مرام]

السلام عليكم الاحباب
ايا نوضو افطنو راه خلاص العيد خلونا نرجعو ليامات زمان والتمنشير اليوم كلاني فمي وقلت لازم نهدر ماكانش كيفاه ما نهدرش
اليوم يا جماعة حبيت نحكي على سوجي راني حايرة منو
السخانة راكم عارفين الناس الكل هاربة للبحر اييه خلوني نقولكم على البحر بحكم انو سكنت قدامو وولايتي منطقة سياحية الاكيد راح نخبركم امور
ليجون نتاعنا كامل الله يبارك مدينين وقالك يحوسو على العفيفة والشريفة والمستورة اييه وين يروحو يحوسو على المواصفات هذي فالبحر اييه شباب يروح من ولاية لولاية يروح للبحر مع صحابو باه يشلل عينيه والكارثة ما نقولش غير الرجال
البنات يتفاهمو النسا دوار كامل بنات العم وبنات الخال يروحو للبحر تقول راحين لاصال ديفات هوما يلحقو يديرو خيمة غير ليهم ويبداو الحوايج يطيرو المتحجبة عند الطريق عريانة عند الشط ويلا ريت تعوم راهي تمشي العدو الريفي رايحة وجاية كل الشط تحسابها حراس الشواطئ تلقى وراها الفيران يجاراو يدو فالارقام
اييه حتى البحر ويصلح للترنديف
سكان افريقيا السعداء عكس خاوتنا التعساء من هنا نقولكم
فهمو رواحكم رايحن تعومو فالبحر او تعومو فبحر الغرام والعايلات والله نستغرب منهم جايبها خوها او باباها بهذيك اللبسة والكارثة تعري قدامو نورمال وياخااااااااا تبهديل في حين تجي عائلى اخرى قالك محافظة الخاوة والزوج وفاميليا كبيرة وما يعروش النسا بالحجابات ولكن الاكيد راح يكسر الحرم قدامهم لانو راح يشوفو العجب

مدين واش داك للبحر ؟
انت متحجبة وتقولي عفتي وشرفي وحيائي في حجابي هذي فالفايس
وفالبحر مايو نتاعي 4 بياس او آف 4 هوما عفتي او كيفاه حجاب على الطريق مايو على الشط
والخاوة لجيون جماعات جماعات رايح تتشرق خونا وتبدل جو وراك كونجي وين المشكل العشق علاه على شط البحر
او زعمى من جيل فريد الاطرش جانا الهوا جانااااااااا ورمانا الهوا رمااااااااااااانااااااااا
السعداء كونتر البؤساء اليكم الخط



واش رايكم نتوما
​

 

[Skor m@k]

رد: راحا للبحر شكون يجي

السلام عليكم
والله يا ختي ليليا غير ضحكتيني
كيما قالو واش يسموك قالتلو اميرة بحجابي قاللها انا موح بسروالي هههه
هكذاك هذو فالحومة تاعها "حجابها سر اناقتها "وفلبحر " مايعرفونيش سر جمالي"
والترنديف ضرك ولا حلجا عادية تقدر يولو اسماك ويهدرو لغت السردينية كيما قال كمال عبدات
هذوك لي يترندفو فوق الرمل معليش ضرك تحت لبحر هذيك هي المشكلة
المهم خطينا منهم هههه
وحد لبحر راهو ليوم وزدتي سخفتيني عليه نهار الجمعة هبطت لبحر وعجزت نعوم حكمني التفنيين هههه
يعطيك الصحة ختي
سلام​

 

[ضيوف وسـنغادر]

رد: راحا للبحر شكون يجي

السلام عليكم
مثلما قلتي تلك هي الحقيقة المرة
كل شيء ذهبت مكانته ولم يبق هناك تعاليم اسلامية في قلب كثيرين الا من رحمه ربي
بالنسبة لمن يفكر بتلك الطريقة فهو ارذل الناس تفكيرآ في تحريفه لمعنى الاستمتآع والاستجمآم العائلي
على كل //الكل سيحمل اثمه يوم القيآمة //نطلب الله لهم الهدآية//
ولو كان التعري حضارة لكانت الحيوانات اكثر الخلق تحضرآ
مآ هكذآ الدين يا اخوتي!
صدقت يا رسول الله صدقت وآسفآه
قال رسول الله صلى الله عليه وسلم : « يأتي على الناس زمان القابض على دينه كالقابض على الجمر »
اللهم هدآيتك هي احوج حآجة​

 

[الحلم الوردي]

رد: راحا للبحر شكون يجي

السلام عليكي اختي
واش راكي
عمبالك اختي ليليا قتلتني بالضحك
نتاع الصح لواحد ليروح للبحر باش يبدل جو
ماشي لحاجة اخرى
صراحة انا من الناس الي يروح للبحر باش نبدل جو
مي مانعومش خلاص نريح مع يما المهم الواحد ينحي على بالو
ايه كيما قولتي متحجبة وهي سينيما
زعمما ولوكان تدخلي بالحجاب ماراهو رايح بصرالك والو
نتاع الصح يخلعوني هدوك المتحجبات الي يجو مع الدار كومبلي
ومن بعد تخرجلك بهداك اللبسة
انا في بلاصتها ونتبهدل
ربي يهدي وخلاص
والله لعجب كاين هنا
حتى في لبحر ومخلاوهش في حالو
يعطيك الصحة حنونة
هذا هو واش راه يصرا دوركا

​

 

[tistissa dj-tissou]

رد: راحا للبحر شكون يجي

اني جايا انا نروحوا للبحر كيف كيف
مي انا من جماعة 10 بياس هه في البحر الخيمار وليكات والسروال وساعات البوندانا تحت الخيمار باه ماعندو وين يتحرك
الحمد لله ونروحو للبحر مع دارنا بكل احترام انا وخاوتاتي وماما وبابا ونتبحرو تبحيرة روعة واحد مايدور بينا وبابا رافع راسو بينا
واحنا كي نروحو للبحر ديما نروجو بلاصا ايزولي خلاه مافيها حتى واحد غير احنا والما والحوت هههه كيما مرة رحنا للبحر في عنابة اسمو عكاشة واحد مافيه حتى الحماية ماكانش احنا المهم نهربو من الغاشي مي هاد لبحر دوكا شاع الناس كامل فاقت بيه
مي كي يروح الواحد في بحر فيه الغاشي تشوف كلش العجب وكي الدراري كي البنات الطفل يجيب عام كامل وهو يخدك في الكور تاعو ويربي في العضلات والطفلة قبل ماتهبط البحر تجبد شعرها دير كلش تقول ماراح تدخل للما ويتنحا كلش ويبان قدور
يابنتي في البحر تاعنا نشوفو حوايج يالاطيف وساعات نلقاو عايلات ماشاء الله احترام وكلش
مي بيناتنا ليليا لازم نلمو بنات اللمة ونديروا في تبحيرة مليحة
يعطيك الصحة حبيبتي​

 

[باتنية و نص]

رد: راحا للبحر شكون يجي

الناس كامل هاربين للبحر
غير انا لبحر هارب مني -_-
لي عودة ان شاء الله

 

[AmiR@RoRo]

رد: راحا للبحر شكون يجي

السلآم عليكم
ديما قلبي ياكلني من هاد الموضوع وراح نحاول نختصر قدر الامكان خاطر ادا بديت ما نحبسش هههه
المهم كل عام نفس السيناريو يتعاود شواطئ خامجة حاشاك مافيها ما يصلح
الواحد يهرب غير للي بعاد وخاليين كما موالفين نروحو حتى مافيهمش حماية وكلشي مي خير من تشوفي وجوه الشر
ولا المليح الواحد يروح قبل ما يزدمو ليزيبقري -_- ولا بعد ما يروحو
ههه لي يضحكوني لي حكيتي عليهم يلبسو ما يلبسو ويبداو يتورنيو على طول الشط رايحين جايين زعما راني هنا شوفوني ههه
ولا الخوات المتحجبات لي برا تشوفيها حتى عينيها ما يبانوش كي تروح للبحر ترجع وحدة تانية
وصرات عندنا هنا وحد المرة وحدة والغاشي كامل سمع بحكايتها
عاييلة تع دين وحشمة وكلش وكامل دايرين جلباب بنتهم خرجت هي وصحاباتها بحجة راح يروحو عند وحدة صديقتهم ويديرو ليكور معا بعض
وهما دارو جماعة ويعطوها للبحر ههه الحجاب طار الجلباب طار والحشمة طارت
وصدفة كان لتم صاحب خوها لحتى يعيطلو ويقولو ختك ها وين راها ويهبط عليها كي الصاعقة هه المهم ما خلاش فيها منعرف حتى ادا مزالت حية ولا لا ههه
لاش بيها توصل روحها لمواصل هكا منعرف ؟

لا ولي يعجبوني كامل لي تلقايهم مع عايلاتهم يا عباد ربي باباها قاعد وكلش وهي خارجة قدامو بلبسة نتي وتحشمي تشوفي فيها ههه تحيري والله كفاش يخمممو هكا والدين
مليح لي يكونو هكا يضرب فيهم تسونامي يسرطهم كامل ويهني لبحر ولرض من تبهديلهم هههه

ندير الــ stop هنا خاطر ادا درت على روحي مانكملش هههه
'' عجبتني فكرة اماني هه وش رايك ليلا نديروها شي خطرة ؟ههه''
يعطيك الصحة ليلوش

 

[لؤلؤة قسنطينة]

رد: راحا للبحر شكون يجي

السلام عليكم
هههههههههههه يا ليليا ختي حرام عليك قتلتيني ضحك وانا قاعدة مع ماما وختي ماقدرتش نضحك لا يقولو مهبولة ههههه
يعطيك الصحة موضوع في الصميم، قالك البحر حرام شوف اسيدي -_- استرو رواحكم واترباو يولي حلال
صدقيني كي تروحي لولاية ساحلية تعودي تحوسي على شاطىء محترم بالريق الناشف غير باه تستراحي بعيدا عن المشاهد المخلة
بالحياء، يحكيولي بنات من العائلة صدقيني كاين شواطىء في الجزائر تقول في بلد كافر ماش مسلم وخلي البير بغطاه
خاطر حتى عيب نذكرو واش كاين في شواطئنا، اما الناس لي تكون متحجبة وتروح للبحر تتحول لا خيمار ولا والو هادوك
ماش غير في البحر لي هكاك لو تروحي للاعراس تلقاي الخيمار طاير واللبسة الله لا يشوف فيها مومن يعني اكيد في البحر
تلقايهم هكاك، وحتى الرجال لبستهم ماش مستورة ماش غير النساء، انا كيما قالتها اماني نلبس سروال وحجاب فوقو طويل
ويكون قماشو خشين باه مايلصقش كي تعومي بيه والخيمار اكيد من فوق ونحكمو مليح نديرلو 3 مساسك ههههه باه
مايتحركش خلاص، ونعوم عادي وينو المشكل ومستورة وفي شاطىء محترم مع ناس محترمين ومنين نلقى عباد ماش محترمين
قدامي نولي نبدل البلاصة واصلا مافهمتش نجي من طرف الدنيا للبحر باه نتمتع بيه نولي نوقف في الشاطىء ولا
ندور؟ ياو نبروفيتي بكل لحظة انا اصلا كي نروحو للبحر نخرجهم بكري نجيبها من 7 وانا داخل الماء نعوم حتى يخرجوني
بالسيف هههه لدرجة نموت على البحر ماعنديش وقت نوقف في الشاطىء باه نرضي لي يسوى ومايسواش كي نحب
نقعد في الشاطىء ننضم لوالديا وختي نقعد معاهم نتفرج على جمال البحر ماش على وجوه شر ينعتو زوج في عضلات
يعني شعبنا نفوسهم مريضة صح ومابقات لا حشمة ولا حياء ولا تربية، بنات يلبسو ملابس فاضحة قدام والديهم
ولي يهبل كتر تلقايا لام لي شايبة لابسة نفس ملابس بناتها الفاضحة عيب والله عيب انا ختي نحشم منها فمابالك شعب
كامل، ربي يهديهم برك ويهدينا
شكرا ليلوشة على الموضوع ربي يحفظك حبيبتي

​

 

[باتنية و نص]

رد: راحا للبحر شكون يجي

عدنا على قولة بوزيد
نتي vrai مصرفقة
نفضل نكون خدامة وجارية بسروالي ومحترمة نفسي
ومنكونش اميرة باخلاقي وسلطانة بجلبابي في عيون الناس برك
حاشا العفيفات الطاهرات اللي لباسهن يعكس شخصيتهن
عندي وحدة نعرفها لبستها ما شاء الله
الف واحد يتمناها
لكن كل متحكيلي حكاية تختتمها بفلان مظلي نميرو وفلان عيطلي
واخر حكاية كانت فلبحر وجا لعندها واحد وعطاها نميرو مالقري كانت مع باباها وخاوتها
الحكاية ومفيها يديرو دي جاست ويجيبو لبلا لرواحهم مباعد يقولك مقصدناش
انا من ولاية محافظة..وشاوية. وعلبالي بيك تموتي علا الشاوية ^^
وعلبالي لي جون تع مدينتي كيما لخرين
مي كعائلات معندناش هاذ الظاهرة
الدليل فالصيف تلقاي جيجل كامل معمرة ب 05 لانو فيها شوي احترام ومفيهاش الظاهرة تع العري
المهم انا اليوم رح نتحاوز من الدار بسبة موضوعك
كنت نقرا ونملح فالطعام حتا نسيت روحي -_-
اللي عندو لاتونسيو سير اليوم نلحقو لليزيرجونس
وبالنسبة لموضوعك تع "والله مبلعاني"
بغيت برك نقولك بلي المخلوقة اللي خدعها عمي دات ولد خالها..الحمد لله مبارتش لول
تحياتيً

 

[محمد إبن الصحراء]

رد: راحا للبحر شكون يجي

واش راينا :down::down::down:

*- واش راه يوقع كل صيف على شواطي البحر من تبرج وتحرشات وإختلاطات وعري أصبح عادي
و هدا المشكل يصعب معالجته ........ فقط ننتظر نزول البلاء والعياد بالله أو قيام الساعة .
والأنسان المؤمن يدي عايلته لشواطي مافيهاش الأمور السيئة .

.......... هدا من جهة

ومن جهة ثانية : ...........

قلت العبارة التالية : ( انت متحجبة وتقولي عفتي وشرفي وحيائي في حجابي هذي فالفايس )

واش هدا الكلام . حسبي الله ونعم الوكيل . قدف المحصنات . :scared01:

'' رُب كلمة لا يُلقي لها بالاً تهوي بصاحبها في النار سبعين خريفاً "":scared01:

أستغفر الله .

 

[ماكانش]

رد: راحا للبحر شكون يجي

موضوع جريء شوي وفيه كلمات كان يمكن تفاديها ...

 

[ليليا مرام]

رد: راحا للبحر شكون يجي

السلام عليكم
والله يا ختي ليليا غير ضحكتيني
كيما قالو واش يسموك قالتلو اميرة بحجابي قاللها انا موح بسروالي هههه
هكذاك هذو فالحومة تاعها "حجابها سر اناقتها "وفلبحر " مايعرفونيش سر جمالي"
والترنديف ضرك ولا حلجا عادية تقدر يولو اسماك ويهدرو لغت السردينية كيما قال كمال عبدات
هذوك لي يترندفو فوق الرمل معليش ضرك تحت لبحر هذيك هي المشكلة
المهم خطينا منهم هههه
وحد لبحر راهو ليوم وزدتي سخفتيني عليه نهار الجمعة هبطت لبحر وعجزت نعوم حكمني التفنيين هههه
يعطيك الصحة ختي
سلام​

السلام عليكم اخي سكر افندي نورتني
اييه نتاع عفتي في حجابي واش راني نتلاقا بيهم ياو كاين حتى اللي مش دايرة حجاب
والله ما همني الترنديف فالبحر او تحت الما بقدر ما يهم انو حتى عوائل يتجهو للبحر ماكانش منظر لائق يعني الوحدة ما ترحش مع باباها او خوها او يروحو اماكن معزولة لانو من المحال الواحد يشوف المناظر هذيك وهو مع اهلو
رايح الجمعة امالا راح نقول البنات ونصدمو لدلس ههه
شكرا على اعتماد الموضوع

 

[ليليا مرام]

رد: راحا للبحر شكون يجي

السلام عليكم
مثلما قلتي تلك هي الحقيقة المرة
كل شيء ذهبت مكانته ولم يبق هناك تعاليم اسلامية في قلب كثيرين الا من رحمه ربي
بالنسبة لمن يفكر بتلك الطريقة فهو ارذل الناس تفكيرآ في تحريفه لمعنى الاستمتآع والاستجمآم العائلي
على كل //الكل سيحمل اثمه يوم القيآمة //نطلب الله لهم الهدآية//
ولو كان التعري حضارة لكانت الحيوانات اكثر الخلق تحضرآ
مآ هكذآ الدين يا اخوتي!
صدقت يا رسول الله صدقت وآسفآه
قال رسول الله صلى الله عليه وسلم : « يأتي على الناس زمان القابض على دينه كالقابض على الجمر »
اللهم هدآيتك هي احوج حآجة​

السلام عليكم اختي يسلم فمك لو كان التعري رقي وحضارة ماكان ارقى من الحيوانات وكما قلت اماكن الاستجمام والراحة مش معناها اماكن للرذيلة ومرا متحجبة ولو تروح للبحر مع عائلتها مش عيب ولا حرام ولكن علاه التعري فالبحر وايضا اللي يعرو وامامهم عوائل والله عيب وحدة مع خوها ولخرى مع حماتها من المفروض الحرية الشخصية مش لهذي الدرجة الله يهديهم ويهدينا معاهم
شكرا

 

[ليليا مرام]

رد: راحا للبحر شكون يجي

السلام عليكي اختي
وعليكم السلام ملاك ان شاء الله امورك تمام
واش راكي
الحمد لله نعمة شكرا
عمبالك اختي ليليا قتلتني بالضحك
يدوم هناك وضحكتك يا رب
نتاع الصح لواحد ليروح للبحر باش يبدل جو
ماشي لحاجة اخرى

تامني انا والله غير نقعد قدامو بزاف عليا مي واش تقعدي الشعب ديفيلي مود ما تلقايش وين تقعدي

صراحة انا من الناس الي يروح للبحر باش نبدل جو
مي مانعومش خلاص نريح مع يما المهم الواحد ينحي على بالو
اييه انا نروح مع اختي وولادها نريح برك مان عومش روعة نحي على روحي مي نشوف العجب

ايه كيما قولتي متحجبة وهي سينيما
زعمما ولوكان تدخلي بالحجاب ماراهو رايح بصرالك والو
نتاع الصح يخلعوني هدوك المتحجبات الي يجو مع الدار كومبلي
ومن بعد تخرجلك بهداك اللبسة

المشكل هنا لو عامت بالحجاب واش فيها علاه لازم تعري وكيفاه تجيها الجرأة تنحي والبحر معمر غاشي تبهديل وتنحي نورمال تقولي راهي فشمبرتها

انا في بلاصتها ونتبهدل
ربي يهدي وخلاص
والله لعجب كاين هنا
حتى في لبحر ومخلاوهش في حالو
يعطيك الصحة حنونة
هذا هو واش راه يصرا دوركا

​

ويعيطك الصحة والله برك ان شاء الله كل واحد يصلح من نفسو نروحو نحو على خاطرنا مع اهلينا لازم كل واحد يدير حساب للناس لو هو دارهم اوفير وكول ويقبلو التعري ناس اخرين ما يقبلوش شوي احترام

شكرا لك

 

[الامين محمد]

رد: راحا للبحر شكون يجي

عندك ألف حق ليليا أختي
الناس اللي تحشم راهي في آخر الدرب و لا واحد يسمع بيهم
و الناس حقرتهم

نخبرك بحاجة أنا مانعرفش نعوم لأنه ما جاتنيش فرصة باش نروح للبحر
أنا نحشم بزاااف بتريكو تبو و ما نقدرش نخرج قدام الباب
الحشمة زينة و الله
و كل ماكانت في حاجة زادتها زين و كل ما غابت من أمر اصبح شين


لكن بيناتنا اذا تعرضيني نجيبلك أختك و نجيب اسلام و نجي ضيف عندكم
انت تشدي أختك في الدار و أنا نعمل دورة نشوف العالم المتقدم أنا راني روطار
و زيدها أنا عروبي من البادية ههههه خلوني نتقدم شوي نضرب فيها شرط
و نواظر و مظل و بلاااك نبدل مشيتي و هدرتي وي نونو بيان سفان كمون سفان
ماشيري ههههههههه واش شفتيني نسلك راسي بهادو زوج كلمات

نرجع سيريو ربي يهدي و خلاص
شكرا أختي التوأم ليليا
​

 

[ليليا مرام]

رد: راحا للبحر شكون يجي

اني جايا انا نروحوا للبحر كيف كيف
مي انا من جماعة 10 بياس هه في البحر الخيمار وليكات والسروال وساعات البوندانا تحت الخيمار باه ماعندو وين يتحرك

السلام عليكم اختي اهلا وسهلا
اييه ارواحي العومة فدلس ان شاء الله راهم قالولي كاين ميتناجور هايل قالك كامل يغرقو واسمو مالك هههه
ويسرق الحوايج انا الحمد لله نعوم بحوايجي هههه

الحمد لله ونروحو للبحر مع دارنا بكل احترام انا وخاوتاتي وماما وبابا ونتبحرو تبحيرة روعة واحد مايدور بينا وبابا رافع راسو بينا

وانا علاه ناقشت الموضوع لانو لازم الناس هذي تفهم انو كاين عوائل تزور وعيب بزاف الامور هذي الكل من حقو الراحة والاستجمام والواحد مستور البحر مش حرام
عادي جدا تروحو مع والدكم او خوكم نورمال

واحنا كي نروحو للبحر ديما نروجو بلاصا ايزولي خلاه مافيها حتى واحد غير احنا والما والحوت هههه كيما مرة رحنا للبحر في عنابة اسمو عكاشة واحد مافيه حتى الحماية ماكانش احنا المهم نهربو من الغاشي مي هاد لبحر دوكا شاع الناس كامل فاقت بيه

قتلك البحر وما سلكش من العدو الريفي ههه

مي كي يروح الواحد في بحر فيه الغاشي تشوف كلش العجب وكي الدراري كي البنات الطفل يجيب عام كامل وهو يخدك في الكور تاعو ويربي في العضلات والطفلة قبل ماتهبط البحر تجبد شعرها دير كلش تقول ماراح تدخل للما ويتنحا كلش ويبان قدور
يابنتي في البحر تاعنا نشوفو حوايج يالاطيف وساعات نلقاو عايلات ماشاء الله احترام وكلش
مي بيناتنا ليليا لازم نلمو بنات اللمة ونديروا في تبحيرة مليحة
يعطيك الصحة حبيبتي​

اييه يروح لاصال ويجي فايت فالشط تقولي لابس الكرتون صدرو لوتوروت هههههه والله مرت نشوف اشكال تقولي مش نتاعو الكور مركبو هههههه يضحكوني رسوم متحركة غالشط وباباي داير ظل وزيتونة رايحة جاية ههههه
اييه راني راحا نراسل البنات السبت نبحرو لدلس هههه
ويعطيك الخير اختي شكرا

 

[ليليا مرام]

رد: راحا للبحر شكون يجي

الناس كامل هاربين للبحر
غير انا لبحر هارب مني -_-
لي عودة ان شاء الله

السلام عليكم الشاويى الفحلة
وعلاه البحر هارب منك يا طفلة واش درتيلو
عودي لازم نعرف علاه هرب منك ممكن البحر ميت راكي تسكني هناك ههه
شكرا نحي الحزن عليك حاجة ما تستاهل

 

[ليليا مرام]

رد: راحا للبحر شكون يجي

السلآم عليكم


وعليكم السلام امورة اهلا وسهلا نورتيني مرحبتين

ديما قلبي ياكلني من هاد الموضوع وراح نحاول نختصر قدر الامكان خاطر ادا بديت ما نحبسش هههه
خذي راحتك اختي احنا نعالجو فظاهرة نتمنى نحوها ويكون الاحترام فالشواطئ


المهم كل عام نفس السيناريو يتعاود شواطئ خامجة حاشاك مافيها ما يصلح
الواحد يهرب غير للي بعاد وخاليين كما موالفين نروحو حتى مافيهمش حماية وكلشي مي خير من تشوفي وجوه الشر
ولا المليح الواحد يروح قبل ما يزدمو ليزيبقري -_- ولا بعد ما يروحو
ايه الهربة للبحور الخالية هذا اذا خلاوها خاليا والله ما ليزيميقري اللي يديرو هاكا غير اللي جاو منا ومنا انا شفت ليزيميقري والله محترمين
ههه لي يضحكوني لي حكيتي عليهم يلبسو ما يلبسو ويبداو يتورنيو على طول الشط رايحين جايين زعما راني هنا شوفوني ههه

انا نبقى نشوف فالعدو الريفي بوالمرقة ومورسلي زوج رايحين يتكسلو وعشرة وراهم علاه تمشي من شط لشط مش فاهمة زعمى عرض الازياء نتاع الحوت او واش

ولا الخوات المتحجبات لي برا تشوفيها حتى عينيها ما يبانوش كي تروح للبحر ترجع وحدة تانية

شوفي اللي متبرجة وبلاك نورمال عريانة فالطريق وتكمل فالشط مي المتحجبة كيفاه تنحي حجابها قدام الغاشي الكل يشوف والله تبهديل
وصرات عندنا هنا وحد المرة وحدة والغاشي كامل سمع بحكايتها
عاييلة تع دين وحشمة وكلش وكامل دايرين جلباب بنتهم خرجت هي وصحاباتها بحجة راح يروحو عند وحدة صديقتهم ويديرو ليكور معا بعض
وهما دارو جماعة ويعطوها للبحر ههه الحجاب طار الجلباب طار والحشمة طارت
وصدفة كان لتم صاحب خوها لحتى يعيطلو ويقولو ختك ها وين راها ويهبط عليها كي الصاعقة هه المهم ما خلاش فيها منعرف حتى ادا مزالت حية ولا لا ههه
لاش بيها توصل روحها لمواصل هكا منعرف ؟

شفت ربي فضحها انا هذس ما تغبضنينيش لانو نحات شي دارتو على قناعة وراحت دير فالتبهديل والله يصرا العجب الله يسترنا

لا ولي يعجبوني كامل لي تلقايهم مع عايلاتهم يا عباد ربي باباها قاعد وكلش وهي خارجة قدامو بلبسة نتي وتحشمي تشوفي فيها ههه تحيري والله كفاش يخمممو هكا والدين
مليح لي يكونو هكا يضرب فيهم تسونامي يسرطهم كامل ويهني لبحر ولرض من تبهديلهم هههه

اييه من ضرب تسونامي نخاف البحر يا اختي هوما يديرو يروحو وحدهم وعلاه نخلص انا معاهم انا نقول مرات لو يضرب تسونامي كيفاه يموتو كامل بهذاك الشكل ياخا والله تبهديل


ندير الــ stop هنا خاطر ادا درت على روحي مانكملش هههه
'' عجبتني فكرة اماني هه وش رايك ليلا نديروها شي خطرة ؟ههه''
يعطيك الصحة ليلوش

افادتك مهمة ونورتني والله يهديهم ويهدينا
اييه نروحو نهار السبت لدلس عند مالك الميتناجور اللي حابة تغرق تجي راه قال ما يعرفش يخدم ههه
ويعطيك الخير

 

[ليليا مرام]

رد: راحا للبحر شكون يجي

السلام عليكم
هههههههههههه يا ليليا ختي حرام عليك قتلتيني ضحك وانا قاعدة مع ماما وختي ماقدرتش نضحك لا يقولو مهبولة ههههه

وعليكم السلام مريومة
اهلا وسهلا نورت الموضوع اييه اضحكي واش راحين ندو منها

يعطيك الصحة موضوع في الصميم، قالك البحر حرام شوف اسيدي -_- استرو رواحكم واترباو يولي حلال
صدقيني كي تروحي لولاية ساحلية تعودي تحوسي على شاطىء محترم بالريق الناشف غير باه تستراحي بعيدا عن المشاهد المخلة
بالحياء، يحكيولي بنات من العائلة صدقيني كاين شواطىء في الجزائر تقول في بلد كافر ماش مسلم وخلي البير بغطاه


والله يا اختي راهي وين تروحي مش العاصمة وفقط كاين ولايات اخرى شفتها كارثة تقولي رانا فإسبانيا والكارثة مع اهاليهم عادي قدام باباها
ما يحترمو روحهم ما يحترمو الناس وما تقدريش تروحي اونفامي وتشوفي الكوارث هذوك

خاطر حتى عيب نذكرو واش كاين في شواطئنا، اما الناس لي تكون متحجبة وتروح للبحر تتحول لا خيمار ولا والو هادوك
ماش غير في البحر لي هكاك لو تروحي للاعراس تلقاي الخيمار طاير واللبسة الله لا يشوف فيها مومن يعني اكيد في البحر
تلقايهم هكاك، وحتى الرجال لبستهم ماش مستورة ماش غير النساء، انا كيما قالتها اماني نلبس سروال وحجاب فوقو طويل
ويكون قماشو خشين باه مايلصقش كي تعومي بيه والخيمار اكيد من فوق ونحكمو مليح نديرلو 3 مساسك ههههه باه
مايتحركش خلاص، ونعوم عادي وينو المشكل ومستورة وفي شاطىء محترم مع ناس محترمين ومنين نلقى عباد ماش محترمين
قدامي نولي نبدل البلاصة واصلا مافهمتش نجي من طرف الدنيا للبحر باه نتمتع بيه نولي نوقف في الشاطىء ولا
ندور؟ ياو نبروفيتي بكل لحظة انا اصلا كي نروحو للبحر نخرجهم بكري نجيبها من 7 وانا داخل الماء نعوم حتى يخرجوني
بالسيف هههه لدرجة نموت على البحر ماعنديش وقت نوقف في الشاطىء باه نرضي لي يسوى ومايسواش كي نحب
نقعد في الشاطىء ننضم لوالديا وختي نقعد معاهم نتفرج على جمال البحر ماش على وجوه شر ينعتو زوج في عضلات
يعني شعبنا نفوسهم مريضة صح ومابقات لا حشمة ولا حياء ولا تربية، بنات يلبسو ملابس فاضحة قدام والديهم
ولي يهبل كتر تلقايا لام لي شايبة لابسة نفس ملابس بناتها الفاضحة عيب والله عيب انا ختي نحشم منها فمابالك شعب
كامل، ربي يهديهم برك ويهدينا

شوفي هوما كاتلنسا كالرجال قبل الصيف وهو يربي فيه زوج عظمات وليكوت يوري فيهم ويعرّض رايح جاي تقولي فاندام بلا عظام رايح جاي يوري فروحو
ولالة دايرتلي عدو الريفي شادة بنت عمتها او خالتها يد فاليد تقولي خاطبتها ورايحة وجاية انا نشوف نفس الوجوه كل يف معناها عيات تمشي فالشط وما تزوجت ما والو ههههه
والله اختي انا كونتر متحجبة تنحي حوايجها فالبحر يا اختي تستر روحها بحجابها عادي وتعوم وين المشكل مش حرام اما تشوفيها وصلت وتبدا طيّر من الطريق الخمار هو الاول يتنحى وكاين فئة الراحلات للآخرة تلقايها عجوزة شعرها منتف ما عنهاش قرعة ولابسة لبايس البحر ياخاااااااااااا واش توري الجلود نعيفها مرات نشوف عجايز نحير نقول واشبيها الخرف يدير قاع هاك والله عيب
الله يهديهم رانا نصيدو فالاماكن الفارغة مي ولات خطر تلقاي اللي يخمرو قاعدين واش تقعد قدامهم
نروحو للواد وخلاص ههه
راه مالك فدلس حكمنا ببلاصة تجي

شكرا ليلوشة على الموضوع ربي يحفظك حبيبتي

​

العفو مريومة شكرا ويخليك اختي

 

[ليليا مرام]

رد: راحا للبحر شكون يجي

عدنا على قولة بوزيد
نتي vrai مصرفقة
نفضل نكون خدامة وجارية بسروالي ومحترمة نفسي
ومنكونش اميرة باخلاقي وسلطانة بجلبابي في عيون الناس برك
حاشا العفيفات الطاهرات اللي لباسهن يعكس شخصيتهن
عندي وحدة نعرفها لبستها ما شاء الله
الف واحد يتمناها
لكن كل متحكيلي حكاية تختتمها بفلان مظلي نميرو وفلان عيطلي
واخر حكاية كانت فلبحر وجا لعندها واحد وعطاها نميرو مالقري كانت مع باباها وخاوتها
الحكاية ومفيها يديرو دي جاست ويجيبو لبلا لرواحهم مباعد يقولك مقصدناش
انا من ولاية محافظة..وشاوية. وعلبالي بيك تموتي علا الشاوية ^^
وعلبالي لي جون تع مدينتي كيما لخرين
مي كعائلات معندناش هاذ الظاهرة

اهلا وسهلا الشاوية الفحلة نورت الموضوع هي انا صح مصرفقة ومهبولة مي على درجات
واس نقولك المشكل مش فلبستها لانو قادرة تكون متبرجة وما فيها والو وقادرة متحجبة ودايرة رايها هذا مش معياري ابدا وعندي صديقات متبرجات والله روعة واخلاق هايلة
انا نحكي على البحر العوائل ا وين تقعد ما تلقاي بحر فارغ حتى تشيبي لانو لخرين فيهم العجب ومتحجبة وعلاه تنحي تعوم بحاجبها عادي
البحر ملك للجميع مش ملك خاص حتى وحدة تعري ولاخر مع بنتو يشوف العجب لالا حرية شخصية عندها حدود
الولايات الداخلية ما فيهاش بحر لكن لما ينتقلو اكيد يشوفو الظواهر هذي وانا شفتهم جاو من مناطق داخلية وين ما يلقاوش شكون يعرفهم تخيلو رواحهم فاسبانيا فمرة كانو ساكنين قدامنا عائلة كراو عند البحر يسكنو فولاية معروفة بالحزم يعني المرا هناك ما تخرجش اطلاقا تخيلي يلبيسو العجب ويحرجو تقريبا عريانات
يعني نبدلو البلاصة نبدلو اخلاقنا

الدليل فالصيف تلقاي جيجل كامل معمرة ب 05 لانو فيها شوي احترام ومفيهاش الظاهرة تع العري
المهم انا اليوم رح نتحاوز من الدار بسبة موضوعك
كنت نقرا ونملح فالطعام حتا نسيت روحي -_-
هههه وي جيجل معروفة بالاحترام على شواطئها خبروني عليها
اييه حاوزوك ارواحي عندنا مرحبا راني عند البحر مي نروحو نديك لبلاصة ما فيها حتى واحد مكان سري نعومو ونرجعو ههه

اللي عندو لاتونسيو سير اليوم نلحقو لليزيرجونس
وبالنسبة لموضوعك تع "والله مبلعاني"
بغيت برك نقولك بلي المخلوقة اللي خدعها عمي دات ولد خالها..الحمد لله مبارتش لول
تحياتيً

ههههه دارت ولد خالها هههههه وانا بقاتلي عقدة كيفاه صرا هههه
شكرا نورتيني