اما عن الشوربة بنتي نقولك
تكون احسن اذا كانت بالدجاج
عادي حضرو
حبة بصل متوسطة مع 4 او5 فصوص ثوم رابيهم مع الملح فلفل اسود شويا كسبر مرحي
وشويا زيت ما تكثروش قدر3 او 4 معالق اكل ومثلهم ماء ومع طراف الجاج وحطيهم على نار هادية مع التقليب وكل ما تشوفيها شاحت زيديلها الماء بالعقل وكملي قلبي
وكي تشوفيها ذبالت البصلة زيدي مغرفة طماطم وتبقى الطماطم والملح والفلفل حوايج نسبية كل واحد كيفاه الذوق تاعو
ومن بعد قلبيها ايضا مع الدواوات وخليهم يتقلاو مليح السر في الطبخ الجيد هو تمازج الاذواق في هذه المرحلة
كيما قتلك راكي امالمها كل ما تشوفيها نقصت من الماء زيديلها حتى تزديلها كمية معتبرة تشوفيها قدر كاس ممكن فيها
في هذه الاثناء مرقيها
وما تكثروش الما تكون شورورو وتروح البنة غير قيس ما يتغطى عندك اللحم برك وخليها على نار ذليلة وهو السر الثاني في الطبخ
وكي يطيب اللحم نحيه واذا حبيتو ارحيو لمرقة
وارمي الفارميسال ةالا الشعيرية تاعك وقرن فلفل حار
وفي الاخير شبحيها بالدبشة وقدميها
ورديلي بالخبر
والشعيرية شايحا راح نديرها موضوع اليوم اذا حب ربي نحضرها للعشاء وغدا صباحا تلقاي الموضوع بالصور احسن
