من هذا البوكيمون ؟؟

[Hakan]

السلام عليكم ابطال الديجيتال سكان كوكب ناميك
مرحبا بيكم في موضوع خيكم حكيم صاحب البوكيمون الاسطوري

المهم ندخلو في الموضوع باسكو عندي بعض البوكيمونات حاب نصيدهم
المهم بالاكم راكم عرفتو على واش راني رايح نحكي وي وي هذاك هو السوجي
انها لعبة البوكيمون الجديدة القديمة في الحقيقة منين كنا صغار كنت نتفرجو مغامرات آش وميستي وبروك وصديقهم بيكاتشو
ومعاهم عصابة الرداء الابيض وماكانش فينا يتخيل انو رايح يجي نهار ونكونو حنا من ضمن الناس اللي رايحة تغامر مغامرة
شيقة :sport02: ومثيرة بحيث تكون مريح في غرضك حتى يجيك جارك السعيد ويقلك ياحكيم من فضلك راهو البوكيمون نتاعي عندك
دخلني خليني نصيدو وانت كي البهلول ما راك فاهم فيها والو لانو كاين لعبة راهي اجتاحت الهواتف نتاعنا
اكثر من الفايسبوك والتطبيقات الاخرى واللي من ضمن اهم قاعدة تمشي عليها هي وظيفة GPS وهذا التطبيق
يأمر مستخدميه انو يتبعو البوكبمونات نتاعهم عن طريق اعطائهم اوامر التنقل من مكان الى مكان وقادر هذا البوكيمون يكون في بيت جارك
او في المسجد نتاعكم او في غرفة نتاع اختك او او او وهنا سؤال اسكو الشعب نتاعنا رايح تنفعو هذي اللعب كيما نفعاتو التطبيقات الاخرى
اترك لكم هذا الموضوع وانا نروح نصيد البوكيمون شمندر راني خليتو في الصالون سلاام :tongue02:​

 

[السلطانة]

رد: من هذا البوكيمون ؟؟

وعليكم السلام والله ياخويا حكيم شفت الشعب يحكي عليها وكي جيت نحوس نفهم لقيتها تفاهة معندهاش معنى
يعني لعبة كيما هك تخلي بيانات الشخص تتسرق منو ويزيدو يصورولو دارو ووين ساكن
ومنها الواحد يسكن فيها ويبقى عايش في عالم البوكيمون هاه راكم كبار يعني الجياح ماشي للدرجة هاذي
ليهود خدمو ماخدمو ووصلو وين يتحكمو بينا
نستاهلو لانو معندناش مخ نفكرو بيه

يعطيك الصحة ان شاء الله موضوعك يفيد كل من لايعرف عن هذه اللعبة


​

 

[لؤلؤة قسنطينة]

رد: من هذا البوكيمون ؟؟

وعليكم السلام ورحمة الله وبركاته
هههههه والله ضحكتني
انا والله من يومين وين اكتشفتها قريت عليها في احد صفحات الفايس بوك وواحد يحكي قالهم جبتها قريب ساعتين
وانا نمشي حتى لحقت للغابة باه حكمت بيدجيوتو ههههه ولاخر قالهم لقيت سكويرو في الدوش تاع دارنا هههه
مافهمت والو قلت واش راهو صاري وبما انو انا من النوع الفضولي ههه بقيت نتبع في لي كومونتار باه فهمت بلي لعبة
وبلي تمشي بالـ جي بي اس كيما قلت وكلما تتحرك يتحرك معاك اللاعب داخل اللعبة ولازمك تلقى البوكيمون وين
ماكان، وبالمصادفة قريت كومونتار كاتبين فيه واحد راح يخطب طفلة كي دخل وسقساوه وقالولو عجبوك اخلاقها ولا
قالهم لالا جيتي خاطر بوكيموني راهو عندكم هههه هي بصراحة سخفتني اللعبة اصلا طول عمري نحب البوكيمون
وكيما قلتها نتا تربينا على ىش وميستي وبروك وجمع البوكيمون وكنا كي نجتامعو حنا الاطفال مع بعضانا كنا نلعبو
لعبة جمع البوكيمونات هههه ونبداو نتخايلو واليوم اللعبة ولات حقيقة، كنت حابة ندخلها لاكن تيليفوني مقرقج للاسف ههه
وزعما كي ندخلها واش ندير؟ عندي غير الدار ندور فيها ولا نستنى التسجيلات الجامعية كاشما نلقى بوكيمون
يدور في الجامعة ههههه
بارك الله فيك خويا حكيم على الموضوع
ننتظر جديدك
تحياتي
​

 

[GI Joe]

رد: من هذا البوكيمون ؟؟

mzelt machefthech hadi w maken leh nchoufha, haba ki netfaker pokemon netfaker picatchouuuu
chouf bark 3andna gdeh n wahed 3andou pintereset w gdeh li 3andou facebook!!
cha3b ytebe3 l hadja li temchi w nassi les appli li yfidou wala les jeux educatifs;;
​

 

[لؤلؤة قسنطينة]

رد: من هذا البوكيمون ؟؟

وعليكم السلام والله ياخويا حكيم شفت الشعب يحكي عليها وكي جيت نحوس نفهم لقيتها تفاهة معندهاش معنى
يعني لعبة كيما هك تخلي بيانات الشخص تتسرق منو ويزيدو يصورولو دارو ووين ساكن
ومنها الواحد يسكن فيها ويبقى عايش في عالم البوكيمون هاه راكم كبار يعني الجياح ماشي للدرجة هاذي
ليهود خدمو ماخدمو ووصلو وين يتحكمو بينا
نستاهلو لانو معندناش مخ نفكرو بيه

يعطيك الصحة ان شاء الله موضوعك يفيد كل من لايعرف عن هذه اللعبة


​

صح سمعت بيها هادي قالك بلي للتجسس اللعبة هادي
بصح يا اختي انا نظن من رايي راهم يتجسسو علينا كيما يحبو ويشتيو ومن زمااان
مانظنش يستناو اللعبة حتى يستجسسو بيها علينا خاطر كاين طرق عديدة
راهم يدخلو بيها لكل بيت ويعرفو واش كاين فيه
واكيد اي حاجة تخرج في العالم وتلقاي وراها ضجة يكون من وراها هدف
والله اعلم
​

 

[zohor kfz]

رد: من هذا البوكيمون ؟؟

سمعت بيها و عجبتني بزآآآآف بصح ليها مخاطر كتر من منافيعها
يعني متلا بوكيمون يكون في الطريق السريع و ننزل نصيدو يصودوني انا هههه
الله لا يبلينا ;p
لحد الان مزالني حاكمة روحي و ما لعبتهاش بصح من بعد الله يجيب الخير هههه

 

[Msb security]

رد: من هذا البوكيمون ؟؟

السلام عليكم

هذه اللعبة عملت ضجة كبيرة هذه الايام
هي لعبة تابعة لشركة قوقل
واللعبة اصبحت اكثر تطبيق تم تحميله حتي الان
في الحقيقة هي لعبة مسلية جربتها لكن فيها سلبيات انك يجب ان تتوفر علي الويفي للعب وهذه اللعبة تستنفذ الكثير من موارد الهاتف
وتستهلك البطارية

اما الذين يقولون انها لعبة تجسس
فقد سبقها الكثير من التطبيقات التي تتجسس علي مستخدميها
وتطلب صلاحياة الكاميرا و تحديد المواقع بخفية عن المستخدم
مثل تطبيق تويتر فيسبوك و انستكرام
لو ارادو التجسس علي بلد معين او شخص معين فلهم اساليب جهنمية وغير معروفة وليس عن طريق لعبة

للاسف العرب يلهثون وراء الالعاب
فيما بلادهم تختصب ولا يبالون
الله المستعان

 

[إلياس]

رد: من هذا البوكيمون ؟؟

يقول عن هذه اللعبة:
نزلت هذه اللعبة حديثًا وأحدثت انقلاب فى العالم كله بين يوم وليلة... طبعا عندما شئ يظهر فجأة، تردافه ضجة كبيرة..
وهذا ما حصل مع هذه اللعبة بالرغم من أنها لعبة عادية جدًا ولكن يبقى في الأمر شئ غير طبيعي!!

ولتوضيح ذلك لمن لا يعرف أبعاد هذه اللعبة:
فهى عبارة عن لعبة تعمل بـ أل جي بي اس تبحث عن بوكيمون، وعلامات على أرض الواقع تتحرك بالكاميرا..
تأخدك بالخريطة لأماكن كثيرة وتجبرك على التحرك بها، وهذه اللعبة فيها خطوره كبيرة جدًا ويحذر من تحميلها..
من خطورتها:
أنها تجعل الشخص يصور كل الأماكن بدون أن يشعر، تبدأ من منزله الشخصي حتى تخرج به لأماكن أثرية وحيوية ..
وشدة انجذابه لها لا أراديا يجعله شبه جاسوسا من حيث لا يعلم.
يتخيل أنه يلعب وفى الحقيقة يتجسس فهو يصور كل ما حوله من أناس وأماكن وغيره.. وهذا التصوير متصل مباشرة بسيرفر اللعبة وكله يتم تسجيله!

فيصبح من يلعبها جاسوسًا مجانيًا لا يحتاج تدريب ولا غيره فهو يقدم لهم ما يلتقطه على طبق من فضة

هذه اللعبة ممنوعة فى بلاد معينة وحتى يتم تحمليها يلزم عمل سيرفر او بروكسي.
vpn
ودولة أستراليا نشرت تحذيرًا من هذه اللعبة وأنها يمكن أن تسبب حوادث كثيرة؛ لأن الشخص يمشي فى الشارع في غير وعيه ومنشغل بالتركيز فى جهازه فربما اصطدم في شئ وهو غير منتبه

لن يلعبها واحد ولا اثنين ولكننا سنلاحظ الملايين من الناس تجري خلف البوكيمون..
فيجب التنبه إلى أن السيرفرات والخرائط هذه كلها ترتبط ببعضها وكل صورة تكمل الأخرى( صوت وصورة لتصوير كل الأماكن الحيوية والخاصة)

أبدى هذا المهندس خوفه الشديد من هذه اللعبة وأبعادها ويحذر منها بشدة ويقول شرح موضوعها كبير جدا؛ والناس لن تستوعب مدى خطورتها..
ولكن يجب على الآباء تنبيه أبنائهم من خطورتها، فهذه حرب جديدة من حروب الجيل الخامس.

فأغلقوا هذا الباب( باب الشر) الذي انفتح على مصراعيه..
لمصلحتكم الشخصية ولمصلحة بلادكم..

اللهم بلغت اللهم فاشهد.

انشر للمصلحة العامة..

 

[ضآحكة مستبشرة]

رد: من هذا البوكيمون ؟؟

بكل بساطة لا اعلم عنها اي شيء سوى انها تطيبق يقوم بالتجسس لا اكثر
لم اصادفها في حياتي و لم يحكي لي عنها اي شخص اعرفه
اسأل الله ان يهدي شباب المسلمين
بارك الله فيك اخي حكيم​

 

["viola"]

رد: من هذا البوكيمون ؟؟

أنا أحلاامي مجريتش موراها حابيني نجري مورا بوكيمون ههههههههههههه

و لي تعجبك تلقاه فالجامع يصيد خخخخخ

صحيت
​

 

[باتنية و نص]

رد: من هذا البوكيمون ؟؟

سلام عليكم

والله مكنتش فاهمة معناها
حتا حطت صحبتي ستاتي فلفايسبوك..شحال عندكم بوكيمون فالدار نطقت وحدة قاتلها سقسي سعاد هي لي راهي تعاني منهم
انا كي البهلولة حسبتهم يحكيو على ولاد عمامي وختي كي راهم مستعمريني هاذو ليامات
انا رحت قتلهم والله راني نسوفري يد فلكوزينة ويد معاهم..راهم عندي 7 فالدار و3 بعثتهم لدار جدهم -_-
حسيت روحي قروي فالمدينة
انا من غير العاب ناينتندو منستعرف بحتى لعبة
مي اذا فيهم فايدة ويقدرو يعاونو فشغل الدار بلاك نسلف واحد..هات برك منطيحش فصايداك. خاطر عندي واحد كيفو فالدار (ختي الصغيرة ) لول
تحياتي

 

[همس الوُرود]

رد: من هذا البوكيمون ؟؟

السلآم عليكم

حقآ منعرف وآلو على هذي اللعبة هههه

 

[miss victoria]

رد: من هذا البوكيمون ؟؟

اول مرة نسمع بيها
شكرا على التنبيه

 

[آمِيْرَتُه]

رد: من هذا البوكيمون ؟؟

السلام عليكم
حتى أنا شفت ناس تهدر عليها مي مفهمتش كنت حاطة بوكيمون كاش واحد جزائري خخخخخ راه شايع كيما انوش مافيا ههههه
تفاهة ساكنة فيهم بففف يعيو
ربي يحفظك على الموضوع وعيتني بيه

 

[لاريمان]

رد: من هذا البوكيمون ؟؟

سمعت عنها البارحة في نشرة اخبار mbcوراهي دايرة ضجة في السعودية
نعتولنا كياه راهم ماشيين كيماروبو في الطريق يصايدو فيها
تبانلي خرطي وتضييع الوقت لو تستغل في امور اكثر فايدة

نفس لكلام قالوا خويا لو يجيني ويدق الباب باه يصيد البوكيمون قال ندخلو نعطيه طريحة ونطلقو:sport02:
تعيش على الموضوع الجميل

 

[قرصان الساحل]

رد: من هذا البوكيمون ؟؟

اهلا حكيم وش راك خويا راك مليح
ايه لعبة Pokémon GO أهي مدايرة حالة هاد اليام انا حقيقة ما لعبتهاش مي شفت عليها دي فيديو وما تحمستش بزاف ليها صح بكري في الصغر كنت نحب نتفرجها .. لكن قريت عليها أنك لما تلعبها راك تكون جاسوس تعمل ب 0 دولار لأنهم هوما لي يقولولك وين تروح وانت تبع بانتلي بلي منطقية لانك وانت تلعبها راح تصور مناطق كثيرة وبهذا راح تروح صورك لسرفيرات هاد الشركات والله اعلم.
يعطيك الصحة خويا
​

 

[السلطانة]

رد: من هذا البوكيمون ؟؟

صح سمعت بيها هادي قالك بلي للتجسس اللعبة هادي
بصح يا اختي انا نظن من رايي راهم يتجسسو علينا كيما يحبو ويشتيو ومن زمااان
مانظنش يستناو اللعبة حتى يستجسسو بيها علينا خاطر كاين طرق عديدة
راهم يدخلو بيها لكل بيت ويعرفو واش كاين فيه
واكيد اي حاجة تخرج في العالم وتلقاي وراها ضجة يكون من وراها هدف
والله اعلم
​

حكاية التجسس عبر الهواتف تخوف شويا
منين وصلت الدعاعيش وصلونا لارقامنا غير بسبة هاذ الهواتف الحالة راهي دونجي

 

[tistissa dj-tissou]

رد: من هذا البوكيمون ؟؟

سبحان الله وبحمده
انا اول مرة نسمع بيها صراحة
الحمد لله اللي تلاقيت بالمعلومة في اقرب سي نو راني جربتها وحصلت اعوذ بالله
شكرا على التنبيه يا اخوتي بارك الله فيكم
الحمد لله مانصيد مايصيدوني
​

 

[Hakan]

رد: من هذا البوكيمون ؟؟

السلام عليكم خاوتي موضوعي كان يهدف لشيء معين وهو انو ننتبه من مثل هاته التطبيقات
صحيح انو التجسس اصبح عنوان حياتنا لكن ان نكون نحن من نسهل عملية التجسس فهذا الشيء الرهيب
اللعبة تعتمد كما ذكر الاخوة على تصوير المناطق وفيها سلبيات عديدة لانها رايح تضطرك
انو تدخل لبيوت ناس او محلات ناس او مناطق مقدسة على جال حاجة ماشي مليحة
التسلية يمكن ان تكون بامور اخرى لكن مثل هاته التطبيقات اضن انا شخصيا
انها خطيرة جدا على الامن الفردي و الامن الدولي لانو الشركة المطلقة للعبة هي شركة يابانية
و في حالة الحروب او محاولة التجسس الدولي يمكن استعمال بينات الشركة التي تحصلت عليها من اللاعبين من اجل
اقتحام هاته الدول وزعزعة استقرارها لانو بيانات المواطنين وسكان العالم تعد اغلى ثمنا حتى من اليورانيوم بارك الله فيكم وفي تفاعلكم
ان شااء الله رسالتي وصلت ​

 

[Mr Brahim]

رد: من هذا البوكيمون ؟؟

مرحبا اخي حكيم
عجبتني قضية التجسس هههه
لي عودة فيما بعد ان شاء الله
​