medcherif03
:: عضو منتسِب ::
- إنضم
- 2 مارس 2016
- المشاركات
- 52
- نقاط التفاعل
- 81
- النقاط
- 3
الدنيا من شاوها بالبكي بدات...واتبكيك صغير في شاو المولد
قداه انمغرور اعطاتو صفعات...سقاية بامرار عمرها ماتسعد
العاقل مسكين يتفكر ما فات...و اللي سلفو قاع فيهم واش ايعد
ياسعدو من كان سابق للخيرات...غدوة عند الله عندو ما يوجد
ياعيني كفي عليا ذ الدمعات...ذا مكتوب الله امسطر و امجرد
يانفسي خليك توبي عالشهوات...لا من دامت ليه الدنيا و اخلد
الساكت نطقتيه واعطيتي دلات...وشبعتي من كان خاوي متجلد
فيقتي من كان جاهل بالحيلات...و امليتي لبطون للحرام اتهد
اسمطتي يافانية و بدلتي لوقات...قيمتي الدوني بالمال المجهد
جوعتي أسود هزلت و تنسات...و قدمتي لكلاب للمشوي تجبد
الدنيا كي جات الصفي ولات...عكست لي فدالتي و زهري صد
ولد البية هانتو و بيه استهزات...و الفكرون معاشراتو في الملبد
ولد الخيمة عاد مكسوبو معزات...و الراعي ولى القايد و السيد
ياسبحان الله واه فاضت واتعدات...وفضل اسمو(كذا) على محمد
حتى الذيب سرحت لو للنعيجات...اتمولك وعاد يصرف و ايعد
الجاهل في حالتو زادت درجات...و العالم اطفات شمعاتو واخمد
عرة قومي قدماتو في القعدات...ولد الأصل عاد فالكوري يقعد
مول الجودة عاد ياكل فالفضلات...والبخيل وكلاتو عالخبزة واجحد
بقلمي medcherif03
قداه انمغرور اعطاتو صفعات...سقاية بامرار عمرها ماتسعد
العاقل مسكين يتفكر ما فات...و اللي سلفو قاع فيهم واش ايعد
ياسعدو من كان سابق للخيرات...غدوة عند الله عندو ما يوجد
ياعيني كفي عليا ذ الدمعات...ذا مكتوب الله امسطر و امجرد
يانفسي خليك توبي عالشهوات...لا من دامت ليه الدنيا و اخلد
الساكت نطقتيه واعطيتي دلات...وشبعتي من كان خاوي متجلد
فيقتي من كان جاهل بالحيلات...و امليتي لبطون للحرام اتهد
اسمطتي يافانية و بدلتي لوقات...قيمتي الدوني بالمال المجهد
جوعتي أسود هزلت و تنسات...و قدمتي لكلاب للمشوي تجبد
الدنيا كي جات الصفي ولات...عكست لي فدالتي و زهري صد
ولد البية هانتو و بيه استهزات...و الفكرون معاشراتو في الملبد
ولد الخيمة عاد مكسوبو معزات...و الراعي ولى القايد و السيد
ياسبحان الله واه فاضت واتعدات...وفضل اسمو(كذا) على محمد
حتى الذيب سرحت لو للنعيجات...اتمولك وعاد يصرف و ايعد
الجاهل في حالتو زادت درجات...و العالم اطفات شمعاتو واخمد
عرة قومي قدماتو في القعدات...ولد الأصل عاد فالكوري يقعد
مول الجودة عاد ياكل فالفضلات...والبخيل وكلاتو عالخبزة واجحد
بقلمي medcherif03
