- إنضم
- 7 أفريل 2015
- المشاركات
- 17,317
- الحلول
- 1
- نقاط التفاعل
- 50,586
- النقاط
- 1,886
- محل الإقامة
- الجزائر الحبيبة
- الجنس
- ذكر
بسم الله
يومكم سعيد ناس اللمة
و ما نظنش فينا واحد مهني و ما عنده هموم
لكن نحنا نقول رانا ملاح باش ما نزعفوش لحباب و ما نغلبوهمش معانا
اليوم راني زعفان و السقف نتاعي خلاص طار
و ما فهمت واش نعمل قلت أحسن حاجة نهدر بلاك نرتاح
المهم كان واحد النملة من عايلة غنية بزاف
تعشق في نملون الفقير المحارب و الشريف
و طايحة حديدة
كانوا يقراو مع بعض من زماااان
حتان ربحوا الباك و رااحوا للجامعة
النملة كانت غاية في الزين عينيها كحلين و كبار
و عندها الرشاقة تقول عليها من تركيا
كبرت و بداو الخطابة جايين و رايحين عليها و هي ترفض فيهم
تتسنا في حبيب القلب يعمل حاجة
هي عارفة أنه نملون انسان فقير و على باب الله
لكن زينها دخلها في مشاكل مع باباها تعرفوا الخطاب بزاااف و هي دايما ترفض
هي باش تتخلص من الورطة قالت لحبيبها نملون تقدم خطبني و قول لبابا يصبر عليك
حتان تكمل القراية و تخدم
نملون مسكين ضرب فيها تدويشة و تسلف سروال و قمجة من عند جاره
و أخذ والدته معاه تخطبله
بالمقابل النملة خبرت ماماها باش تخبر الوالد ما يغيبش
ياااك راهم الخطابة جايين
النملة كجلت عينيها و عملت ايلينار خفيف
و شوية نتاع غوج هاكا باش تمد رسالة لباباها بلي راها قابلة
جا نملون مع ماماه دق الباب فتح عليهم الخدام و داهم للصالون
لما دخلوا لقاو باباها يقرا في الجورنان و داير سيجارة في فمه
ما عبرهمش خلاص رد عيهم السلام بالبارد
المهم نملون عفس على قلبه و صبر من أجل الحب
دخلت أم النملة و حاولت تلطف الجو
بقات تحكي مع ولدة نملون تعرفو واش يحكوا العجايز
يحكوا على الوقت و أحداث العالم
حتان جات الملة و جابت القازوز و هي حشمانة
سلمت على العجوز نتاعها و قدمت المشروبات و بقات بعيدة
في هاذ الوقت تنحنح الوالد و حط الجرنان و رفع القارو من فمه
همط النواظر نتاوعه و قال
واش تخدم انت
قال نملون راني نقرا
واش تملك أنت
قال النملون عندنا بيت كامل عماتي يسالوا فيه
شحال عندك في الكونت من الدراهم
قال نملون ما عنديش اصلا الكونت
واش خلالك باباك الله يرحموا
قال نملون حلالي الكريدي في الحوانت بصح عطاني دعاوي الخير و مات و هو راضيني
هههههههههههه ههههههههههه ههههههههههههههههه مات و هو راضيك
هاذي فداش تسوى
روح يا ولدي نهار يكون عندك قصر و كونت و سيارات تماك نعطيك بنتي
نملون مسكين تخلع و نملونة راحت تجري للكزينة تفاجأت من رد باباها
خرج نملون يجري و راح عند شط البحر و بقا يبكي و يبكي
و فكر فكر و فكر باش يترك حبيبته
فجأة رن هاتفه فاذا به حبيبته النملونة هي اللي تتصل
فتح عليها و اسمعها في حالة تبكي و تنوح
حينها جاته السجاعة و التحدي
و قال يا نملونة يا حبيبتي انت صيرتي و انا مارايحش نتخلى عليك
باختصار نملون رفع التحدي
غاب و تغرب و دخلها لي زافار
و نملونة مسكينة حالها ولاحال كل يوم تنتظر الحبيب
قاسات و صبرت
نملون جمه الدينار مع الدينار
نملونة المعشوقة لا نوم و لا أكل قلبها مع حبيبها رحل
بعد عدة سنوات نملونة تغسل المواعن رن هاتفها
فاذا به حبيب القلب يتصل
طارت بالفرحة و حلت و هي تبكي و الارض ما تسعها
حبيبييييييييييييي حبيييييتيييييييييييييييييييييييييي
اليوم نجي نخطبك و ينتهي عذابك
جا نملون خابط نواظر كحلين و كوستيم اكحل
دخل لقا نسيبوا في الصالون كيما زمان
جبد الغلاكسي نتاعه و بدا يحكي مع الحدامة و على لي زافار
دار ليه نسيبه مخلوووع واشنوا هاذا
قاله نملون راني رجعت باش نخطب بنتك نملونة
عندي بيت و سيارة و كونت
قبل والدها بلا ما يفكر
خرج نملون فرحان و خرجت نملونة طايرة من الفرحة
مسك نملون يد حبيبته النملة
و جلس في مكان اللي زمان بكى فيه
و قال ايييييييه يا زمان رايح نتزوج حبيبتي أخيرا
لكن للأسف
ـ
ـ
ـ
ـ
ـ
ـ
ـ
ـ
جا طفل يجري خوه يزعك فيه بلا ما يشوفهم عفس عليهم
الللللللللله رحمهم
نملون و نملة ماتوا بلا ما يتزوجوا
اذا عجبكتم القصة خبروني نخبركم علا أنا نشبه ليهم
الامين محمد
آخر تعديل:
