حفافة ولا طولي واش رايكم؟؟؟؟

[لاريمان]

حبيت اليوم نطرح موضوع بلاك لبنات رايحين يكونو ضدي او بمعنى واحد اخر ضد الفكرة
وانا حابة ناقشو الفكرة
الحفافة ولا طولي هادي الكلمة قالتها عروسة تلاقيتها رايحة للحفافة
ديجا راهي حكمت الروديفو بسمانات من قبل وشكات من غلاء الاسعار تاع الحفافة
الي وصلت اكثر من اربع ملاين وكل حفافة راهي طلع في االسومة وشابعة عليها تخرج لعروسة نجمة
قالت لي بلمزية الكاركاس مليح والا كانت تطلب اكثر:-o
يعني لما تكون لعروسة ميش مليحة رايحة تتعب معاها وتخرجها بوبية وهنا تعبها رايح يزيد
ومع ذلك الاقبال كبير عليهم ولعروسة تحاول تتنازل على حوايج ماتشريهمش بصح لازم تروح للحفافة وتدفع
بمقارنة بسيطة علاه لعروس في الغرب ما تطلبش هذا الشيء كامل تسريحة بسيطة وهي معقبة عرسها
يعني حتى تنافخرو ونبانو رانا كلاس
الصراحة انا ضد لانو كاين امور بزاف واولويات اهم من الحفافة
ليس اني مانيش قادرة بصح الواحد يكون عقلاني
هذا بلا منحكي اذاكانت من عوايد مناطق اخرين الحفافة يخلصها العريس
يعني اعباء زايدة؟؟؟
واش رايكم

​

 

[الحلم الوردي]

رد: حفافة ولا طولي واش رايكم؟؟؟؟

السلام عليكي
بون كامل واش قولتي صح
ايه راهي اختي عروس
وحكمت رونديفو قبل بشهر من العرس
ايه نتاع الصح البروبلام ما تقولكش شعال السومة
حتى كي تكملك
ايه واش رايحين يديرو
علبالك اختي الصبغة وحدها من 600 الف دج وطلع
والمشطة وحدها من 3 ملايين وروح
والي معندهاش واش ديري
مي اختي راكي عارفة لعروس لازمها تخرج توب
وراكي عارفة هدرت الناس
ايه نتاع ناس الشرق المشطة لازم تكون توب
حنا من عاداتنا لعروسة يمدهالها الزوج
هدي من عاداتنا
المهم راهو نهار في العمر
لازم تخسر شوية وخلاص
مكاش الي يجيء كيفها
بون على حساب هدايا لازمها تخبي من قبل العرس
هكدا تدي احياطها احسن
ربي يهنيهم ان شاء الله
ويكون في العون
كل الشكر لكي على الموضوع
​

 

[همس الوُرود]

رد: حفافة ولا طولي واش رايكم؟؟؟؟

السلام عليكم

والله تفكير منطقي جدآ ~ أنآ معآك فالفكرة

بآرك الله فيك أختي​

 

[لآ شَيْـئَ مُهـمْ]

رد: حفافة ولا طولي واش رايكم؟؟؟؟

السلام عليككم
المشطة وحدها اكثر من اربع ملاين ؟؟ هذي كارثة
اول مرة نسمع فموضوهك بهاذ الشي
احنا عندنا الي تغلي تمشطلك مليون و نص
و هذي قليل وين يطلبوها الحفافات عندنا
الاكثرية 800 و 500 الف
و انا الي كنت حاسبة الدعوة غالية عندنا ، على حساب الشوفة رانا متهنيين
بالنسبة لموضوعك
المراة تكون مجبرة تدفع الي تطلبو الحفافة ، لانو كيما قالت الاخت قبلي هذي ليلة فالعمر
و ماناش رايحين نعيشو مرتين و لا ثلاثة
تعايشي مع المجتمع ، و صايي
اذا نتوم وصلت عندكم المشطات لهذه الدرجة ، رايحة ماتكوافيش مثلا في عرسك ؟

 

[ليليا مرام]

رد: حفافة ولا طولي واش رايكم؟؟؟؟

السلام عليكم اختي اهلا وسهلا
خليني نقولك بما انو راني كنت فالميدان هذا ونعرف خدمة الحفافات نقولك انو الصراحة والله ما فيها كل هذاالتعب اللي يستاهل 4 و 5 ملاين وحتى نوقلك ما يخسروش اماكياج الغالي يعني قادرة تشسري فوندوتا دير 800 ميل راهي دير بها الف وحدة باه تخلاص ودير قطرة منها وفرضا يا سيدي تشريه غالي وعلاه راح ديريلها بواطة فوجها ماكانش منها
المشكل نقولك المفاخرة هي لاصقة فينا مثلا فالشرق لوما يكون المقياس والذهب الغالي والمهر الخيالي ما يتزوجوش يعني كل منطقة معروفة بحاجة الحفافات مثلا هذيك نتاع عنابة طلعولها شانها اميرة قالك المشطة والعرس تقوم بيه حتى ب 30 مليون وعلاه يا سيدي راح تمدلها وجه هيفاء
انا نقول قد ما تكون البساطة فالعرس قد ما المرا تبان شابة انا شفتهم يجو عاديات ويتزوجو وجها منور وتجي خسرت على عمرها 20 مليون تقوليها بومة بروب صواري
البساطة اهم شي فالعلاقات

 

[tistissa dj-tissou]

رد: حفافة ولا طولي واش رايكم؟؟؟؟

ههههه الحفافة يا الحفافة هههه
شوفي كاين الحفافات والخياطات راكي نسيتي عليهم ههه راهم يضربو ضربتهم في الصيف
لا رحمة لا شفقة انا من ايام كان عندي عرس رحت الحفافة جبت شعري ودرت شوي ماكيااج خلصت 60 الف وجيت مروحة ومادارتلي حتى حاجة سبيسيال بالعكس نورمال خلاه
يااختي تحيري واش تخدملك باه تخلصي 4 ملاين حابين يغناو على ضهور الناس
ربي يهديهم ان شاء الله
​

 

[GI Joe]

رد: حفافة ولا طولي واش رايكم؟؟؟؟

prc chaifa nass makhlo3a b les apparences, une fois teglebha poupia kima golti tetlob menha wech theb ta9bel w teskot !!
koun wahda vrm sur men roha w raha tkoun bahyia l radjelha machi l m3aridh w l djiren, troh l coiffeuse nrml madepassich 1000da
​

 

[Skor m@k]

رد: حفافة ولا طولي واش رايكم؟؟؟؟

السلام عليكم
انا مكان ما دخلني فيكم يا لبنات هههه بصح كلاني قلبي برك خخخخ
صح الحفافات بزاف غاليين مي النسا هوما لي رجعوهم هكذا
لو مايروحولهمش تشوفي كيفاه يولو يهبطو السومة
تانيت الحفافة يا محاينك صح ترجعها تشبه كادر ولا رسمة تاع بيكاسو بالوان مائية
خصت غير الماستيك لي مداروهش في وجهم و شعرهم سبغوه من كل لون
تانيت قالتلي يما لازم ماتقوللهاش بلي هي عروسة باش ما تطلعلهاش السومة بزاف
خاطرش السومة ماشي كي لعروسة كي طفلة رايحا للعرس
يعطيك الصحة ختي​

 

[ماكانش]

رد: حفافة ولا طولي واش رايكم؟؟؟؟

وكل هذا على ظهر الراجل

 

[omar com]

رد: حفافة ولا طولي واش رايكم؟؟؟؟

انا منيش متزوج وضد هذي الضاهرة نحب مرتي تكون كيما خطبتها وكيما شفتها اول مرا لاني على قناعة بجمالها والدراهم هذي اللي ضايعا هاك في الباطل نوفروها افضل بلاك ندير بيها عمرة انا ومرتي افضل

 

[عاشقة الكرة]

رد: حفافة ولا طولي واش رايكم؟؟؟؟

السلام عليكم
والله غير جبتيها انا وحدة من الناس منشفاش لروحي اخر مرة رحت للحفافة بويسك نكرهم يسرقو في الناس وش نحكيلك سيرتو العروس انا نحير كفاه تخلي روحها من 8تاع صباح ل2 وهي ترسم فيها
انا عن نفسي منحبش التخربيشات نحب السامبل حتى في عرسي ان شاء الله مانشقي ختي الحفافة ماناكل ولد الناس في دراهمو باه نبانلو كساندرا ههههه
والخياطات تاني نسيتيهم الواحد ولا يسخف على كتان ولا خياطة ويندم ولاو كثر من الحفافة
ربي يهدو هاذو لعباد
وتقبلي مروري

 

[Hakan]

رد: حفافة ولا طولي واش رايكم؟؟؟؟

راجل يحفف ب 200 دج والله والله والله غير يخرج ليلة العرس نتاعو احسن من الزوجة اللي تحفف ب 20000 دج
لحد الآن راني حاير في المعنى نتاع التسريحات المستحمرة نتاع النسااء هذي وان شااء الله من بين الشروط نتاعي للزوجة القادمة لوكان تجي بتحليقة شعر نطلقها في نهارها الاول ديري طوماطيشة ولا ذيل الحصان احسن من هذاك الغباء المسمى حلاقة شعر ..​

 

[الورد الأحمر]

رد: حفافة ولا طولي واش رايكم؟؟؟؟

هذا كامل وإذا قلنا أنو في اللخر تخرج لعروس باهية ! على خاطر في معظم الحالات نشوفهم تحولو لكرنفال في دشرة وفقط !!

أنا يبانولي لعرايس يدفعو غالي حق ما يبشعوهم ماشي يبهيوهم ... الحفافات تاعنا مازالو بعاد بزاااااف على الاحترافية لي تخلي الوحدة تبان طبيعية .

هذا إذا ما حكيتش على الماشطات لي يحولو لعروس لشيطان فوق الأرض !

ربي يهدي من خلق .

 

[لاريمان]

رد: حفافة ولا طولي واش رايكم؟؟؟؟

بارك الله فيكم على هدا التفاعل مع الموضوع
اسمحولي لمانكون بالهاتف منقدرش نرد
ساعود للرد عليكم خاوتي وخواتاتي
ربي يحفظكم

 

[لاريمان]

رد: حفافة ولا طولي واش رايكم؟؟؟؟

السلام عليكي
بون كامل واش قولتي صح
ايه راهي اختي عروس
وحكمت رونديفو قبل بشهر من العرس
ايه نتاع الصح البروبلام ما تقولكش شعال السومة
حتى كي تكملك
ايه واش رايحين يديرو
علبالك اختي الصبغة وحدها من 600 الف دج وطلع
والمشطة وحدها من 3 ملايين وروح
والي معندهاش واش ديري
مي اختي راكي عارفة لعروس لازمها تخرج توب
وراكي عارفة هدرت الناس
ايه نتاع ناس الشرق المشطة لازم تكون توب
حنا من عاداتنا لعروسة يمدهالها الزوج
هدي من عاداتنا
المهم راهو نهار في العمر
لازم تخسر شوية وخلاص
مكاش الي يجيء كيفها
بون على حساب هدايا لازمها تخبي من قبل العرس
هكدا تدي احياطها احسن
ربي يهنيهم ان شاء الله
ويكون في العون
كل الشكر لكي على الموضوع
​

وعليكم السلام
مرحبا بيك اختي
الصراحة صح اختي الشيء غالي بصح ميش لدرجة انها توصل اربع ملاين واكثر
كاين حفافات فيهم رحمة ربي من شرط فلانة على خاطر بنت فلانة راحت وخرجتها توب مع انو في حالات والله تخرجهم
انشوفابل بصح الاقبال عليها كبير
انا اختي من الشرق تاني بصح كل واحد يعمل على مقدورو
ودرك كاين عرسان الي ميمدش دراهم الحفافة يعني العروس تتكفل بيها
اشكر ردك اختي على الموضوع
وربي يهني اختك والف مبروك

 

[لاريمان]

رد: حفافة ولا طولي واش رايكم؟؟؟؟

السلام عليكم

والله تفكير منطقي جدآ ~ أنآ معآك فالفكرة

بآرك الله فيك أختي​

وعليكم السلام
ويك بارك الرحمن:thumb_up02:
شكرا على التاييد
دمت بالف خير

 

[لاريمان]

رد: حفافة ولا طولي واش رايكم؟؟؟؟

السلام عليككم
المشطة وحدها اكثر من اربع ملاين ؟؟ هذي كارثة
اول مرة نسمع فموضوهك بهاذ الشي
احنا عندنا الي تغلي تمشطلك مليون و نص
و هذي قليل وين يطلبوها الحفافات عندنا
الاكثرية 800 و 500 الف
و انا الي كنت حاسبة الدعوة غالية عندنا ، على حساب الشوفة رانا متهنيين
بالنسبة لموضوعك
المراة تكون مجبرة تدفع الي تطلبو الحفافة ، لانو كيما قالت الاخت قبلي هذي ليلة فالعمر
و ماناش رايحين نعيشو مرتين و لا ثلاثة
تعايشي مع المجتمع ، و صايي
اذا نتوم وصلت عندكم المشطات لهذه الدرجة ، رايحة ماتكوافيش مثلا في عرسك ؟

وعليكم السلام
يااختي راكم في رحمة
انا ماقلتش متروحش للحفافة بح كاين حفافات معقولات تمشط
علاه نروح لوحدة دت الشيعة انت سمعت باربع ملاين تخلعت ولهذا انا ضد هادو محسوب
راهي جوال في الدبي
صحيت اختي على تفاعلك

 

[لاريمان]

رد: حفافة ولا طولي واش رايكم؟؟؟؟

السلام عليكم اختي اهلا وسهلا
خليني نقولك بما انو راني كنت فالميدان هذا ونعرف خدمة الحفافات نقولك انو الصراحة والله ما فيها كل هذاالتعب اللي يستاهل 4 و 5 ملاين وحتى نوقلك ما يخسروش اماكياج الغالي يعني قادرة تشسري فوندوتا دير 800 ميل راهي دير بها الف وحدة باه تخلاص ودير قطرة منها وفرضا يا سيدي تشريه غالي وعلاه راح ديريلها بواطة فوجها ماكانش منها
المشكل نقولك المفاخرة هي لاصقة فينا مثلا فالشرق لوما يكون المقياس والذهب الغالي والمهر الخيالي ما يتزوجوش يعني كل منطقة معروفة بحاجة الحفافات مثلا هذيك نتاع عنابة طلعولها شانها اميرة قالك المشطة والعرس تقوم بيه حتى ب 30 مليون وعلاه يا سيدي راح تمدلها وجه هيفاء
انا نقول قد ما تكون البساطة فالعرس قد ما المرا تبان شابة انا شفتهم يجو عاديات ويتزوجو وجها منور وتجي خسرت على عمرها 20 مليون تقوليها بومة بروب صواري
البساطة اهم شي فالعلاقات

وعليكم السا
واش راكي اختي
يعطيك الصحة كاين حفافات غير يديو في الدراهم باطل ماتتعب ماوالو وتخرجها سامبل خلاه
انا مع البساطة وكاين حفافات ماهمش غاليين ويمشطو
صحيت ليليا على اضافتك للموضوع
ربي يشفيك

 

[yorame]

رد: حفافة ولا طولي واش رايكم؟؟؟؟

هههههه تفكرت وحد القصة صرات في منطقة من الشرق الجزائري -ما نذكرش اسمها تفاديا للحساسيات-
المهم جات مشطت عندها وحد العروسة قاتلها ديريلي كل شئ سامبل-مع العلم ماقالتلهاش بلي راهي عروسة- المهم دارت شغلها سقامتلها وحد 100الف- سلكتها جات خارجة سمعت الطاكسيات مدايرين الغنا جايين يديو عروسة باينة.... قالت الحفافة يا درا لمن جايين هادو... نطقت العروسة قالت لي انا.... الحفافة قاتلها تعيشي استناي دقيقة درك نجي.... جابت بيدون تع الماء و صباطو فوق راس العروسة فزدتلها كل شئ..... العبرة : "جتمي تلعبها على الحفافة"

 

[لاريمان]

رد: حفافة ولا طولي واش رايكم؟؟؟؟

ههههه الحفافة يا الحفافة هههه
شوفي كاين الحفافات والخياطات راكي نسيتي عليهم ههه راهم يضربو ضربتهم في الصيف
لا رحمة لا شفقة انا من ايام كان عندي عرس رحت الحفافة جبت شعري ودرت شوي ماكيااج خلصت 60 الف وجيت مروحة ومادارتلي حتى حاجة سبيسيال بالعكس نورمال خلاه
يااختي تحيري واش تخدملك باه تخلصي 4 ملاين حابين يغناو على ضهور الناس
ربي يهديهم ان شاء الله
​

هههه بلمزية اختي رحت جربتي لعوبة لعرسك
انا هذا واش حبيت نول انو كاين حفاات داو الشيعة باطل
ولعرايس ميتين عليهم
ماكش قد البساطة
صحيت اختي على المشاركة