البقلاوة التركية و الكروكي الجزائري المحروق !!

[ضآحكة مستبشرة]

​

السلام عليكم و رحمة الله خاوتي

بلاك كاين لي فهم العنوان و كاين لي مفهمتش
انا متأكدة بلي رواد الفيسبوك فهمو واش راني نقول

البقلاوة التركية المقصود بها شباب الترك لي كشرودات تاع الجزائر هابلين عليهم و اكثر حاجة دفعتهم باش يلجأو للبقلاوة التركية هو انهم كرهوا من كثرة الحاح الشباب الجزائريين على الزواج بالاوروبيات

و الكروكي الجزائري المحروق هو لي جان تاع البلاد هههه ههه و الله احيانآ يستاهلو هذا اللقب لكن حاشا ولاد الحلال و الفاميلية

انا شخصيا نفضل نديه طلاب جزائري و ايلا بقلاوة تركية ينعدم لادنى شروط الاخلاق ليس لهم دين و لا ملة


بصح يآ لبنات جاوبوني نتوما واش تفضلو الكروكي و لا البقلاوة

انا في الماكلة نحب البقلاوة بصح في العباد معليش ناكل الكروكي المحروق بالسيف ههههه


كاش كروكي محروق معانا

الووووو نستقبل اول مكالمة
من معي ؟؟؟؟

انا بانتظار قصف الكروكي ههههه

صراحة انت يآ ابن الجزائر هل تفضلها جزائرية ام اجنبية ؟؟

و انتي يآ بنت الجزائر هل تفضلينه جزائري ام اجنبي ؟؟؟



انا افضله ابن الجزائر ذو خلق و دين على صلاته محافظ و لكتاب الله حافظ
و استبعد الارتباط بشاب لا علاقة له بالصلاة و طاعة الوالدين

اسأل الله ان يرزق جميع اللماويين زوجات صالحات و اللماوييات ازواج صالحين


في امان الله​

 

[لؤلؤة قسنطينة]

رد: البقلاوة التركية و الكروكي الجزائري المحروق !!

تم الاعتماد حبيبتي
راجعتلك من بعد ان شاء الله للرد
لي عودة غاليتي
​

 

[AmiR@RoRo]

رد: البقلاوة التركية و الكروكي الجزائري المحروق !!

هههه كي قريت العنوان طلعت وش راكي تقصدي
البقلاوة غير نوع مزال كاين البسبوسة والشامية وووو هههه
وش نقلك انا ماشي مهووسة بهاد الحلويات الاجنبية هه يعني عادي جدا
المهم vive الكروكي لمحروق تع بلادي مكان ما داني للبقلاوة تع الترك
شكرا اسومة

 

[~أمِيرَة الخَجل~]

رد: البقلاوة التركية و الكروكي الجزائري المحروق !!

السلآم عليكم

صحيتي ختي اسماء على الموضوع
بصح فيه شوية استهزاء بولاد الجزائر ، صح في الفيسبوك دايرين تاع البقلاوة التركية
و الكروكي المحروق هههه انا نكره البقلاوة من ربي و نموت على الكروكي اممم
بصح ما نحبش لكروكي المحروق نحب اليآبس :p و مانيش مضطرة ناكلو بذراع كيمة نتي
باسكو عندي بابا و خاوتي كروكيات :p و جامي ننجم نكره الكروكي باسكو راه جزء مني :p
انا جزايرية يديني غير الجزايري و جامي نعشق في التركي كيما قالو :
الطفلة الجزائرية تعشق في الراجل التركي في المسلسلات و هو يبوس 16 طفلة
و كي تشوف حبيبها دآر جام لطفلة تقيمله القيامة في بلاصتو ههه ^^
يعني كي تجي تشوفي تلقآي التركي محبوب رغم العيوب و الجزآيري مقيّد عن كل شيء ~
باختصار انا ماش من النوع الي يعشق في البقلاوة التركية :-h~​

 

["viola"]

رد: البقلاوة التركية و الكروكي الجزائري المحروق !!

سلام علييكم
صدعونا بيهم و الله -___-
يااو يطيرو و ينزلوا يديها دزيرية و تديه دزيري و هوما يقولوا سبحان الله ..قالوها لي قبلكم ياااو
انا و الله منشتي البقلاوة من عند ربي مناكلهاش
كروكي بالحليب يفوت هههه
صحيتي اسووم ​

 

[فيتامين سي]

رد: البقلاوة التركية و الكروكي الجزائري المحروق !!

خليتو قاطو الطابع و بيمو لي من عام جدي متبدلتش ههههههههه
عقلية مكانش كما دزيري ..بقلاوة و كرواصو تاع جوارينا نحسهم معندهمش رجولة هههههه كون نعيط عليه نتخيله يخاف
............نطلعو المورال للكروكي تاع بلادنا...........

 

[الحلم الوردي]

رد: البقلاوة التركية و الكروكي الجزائري المحروق !!

اهلا اختي اسماء
واش راكي لباس
هديا اول مرة نسمع بيها مرانيش متابعة الفيس بوك
ايه نتاع الصح مانحبش البقلاوة
فيف الكروكي الدزيري
والله مكانش كيما الكروكي نتاع بلادنا
يابس محروق المهم الاصل وخلاص
يعطيك الصحة حنونة

 

[ليليا مرام]

رد: البقلاوة التركية و الكروكي الجزائري المحروق !!

السلام عليكم
ايه انا من العنوان عرفت المقصود شوفي عندي تعقيب قلت الشباب التركي لا دين ولا ملة لالا اختي يصلو وكاين مسلمين وزيدي انا رحت 3 مرات للترك والله مربيين احسن تربية ويحترمو الناس بزاف ولو تمشي فالشارع وحدك والله تلقاي كل الاحترام انا لما مرضت هناك لقيت فيهم الرحمة خير من العرب وانا فالاردن ما رحمونيش
هي شوفي لو جات للاسم يستاهلو مي حنا خير منهم رغم روعة البقلاوة التركية مي نموتو فالكروكي المحروق عن نفسي ما نقدرش نشوف فرجل من غير وليد بلادي
ملاحظة البقلاوة التركية من أروع ما كليت في حياتي نتمنى تزورو الترك روعة

 

[آمِيْرَتُه]

رد: البقلاوة التركية و الكروكي الجزائري المحروق !!

السلام عليك
نسيتي حلوة الطابع خخخخ
و الله يجيني الضحك كي نشوفهم يكحلو على الأتراك خاصة الفنانين و يقولك بقلاوة بقلاوة
الصراحة أنا لي ديته 50 جزائري و 50 تونسي مش عارف من أي صنف نتاع حلوة يصنف واقيلا الغريبية ههههه

 

[آمِيْرَتُه]

رد: البقلاوة التركية و الكروكي الجزائري المحروق !!

السلام عليكم
ايه انا من العنوان عرفت المقصود شوفي عندي تعقيب قلت الشباب التركي لا دين ولا ملة لالا اختي يصلو وكاين مسلمين وزيدي انا رحت 3 مرات للترك والله مربيين احسن تربية ويحترمو الناس بزاف ولو تمشي فالشارع وحدك والله تلقاي كل الاحترام انا لما مرضت هناك لقيت فيهم الرحمة خير من العرب وانا فالاردن ما رحمونيش
هي شوفي لو جات للاسم يستاهلو مي حنا خير منهم رغم روعة البقلاوة التركية مي نموتو فالكروكي المحروق عن نفسي ما نقدرش نشوف فرجل من غير وليد بلادي
ملاحظة البقلاوة التركية من أروع ما كليت في حياتي نتمنى تزورو الترك روعة

السلام عليك
البقلاوة لي تهدر عليها ماشي شباب الأتراك من فئة المواطنيين العاديين لالا
البقلاوة على مهند و جماعته :thumb_up02:

 

[عاشقة الإحسان]

رد: البقلاوة التركية و الكروكي الجزائري المحروق !!

أنا أول مرة نسمع بهذا الشيء عزيزتي
أنا الا سقسيتيني على البقلاوة التركية كأكلة نموت عليها و جامي شفت بقلاوة كيما هي و من اللي دقتها وليت منحبش البقلاوة الأخرى كامل
أما الا سقسيتي على البقلاوة كتشبيه فأنا نشوف بلي الراجل ينحب بفعايلو ماشي بزينو ، و الكروكي عندي أغلى من كل البقلاوات ، و ربي يخليلنا الكروكي و يكثر منو * رجال فاحلين و يهدو لجبال*
سرني تواجدي على صفحتكي حبيبتي ، تقبلي مروري ​

 

[ضآحكة مستبشرة]

رد: البقلاوة التركية و الكروكي الجزائري المحروق !!

هههه راهم غير لبنات
وين راكم يآ سبوعا ههه خفتو واقيل

ياك كامل قلنا غير نتوما منسمحوش فيكم​

 

[Hakan]

رد: البقلاوة التركية و الكروكي الجزائري المحروق !!

والله يااختي اسماء لوكان نبارتاجيلك
غير مجموعة من صحابي قسما بالله غير تقولي هذو ماهمش دزيريا يعني الله يبارك جمال خلقا ودين
وكل شيء يعني بيناتنا الكروكي
ينطبق على الزين نتاع البنات لانو كيما قيل كنت نتفرج في حصة في قناة الرسالة
كان يفتي فيها الشيخ ولد الددو على قضية الرؤية الشرعية ومن بين النقاط اللي قالو عليها هي رغبة الفتاة في الرجل الوسيم
فاجاب انو الرجل يكون جمالو عادي ومبني من فحولتو اما الجمال الخارجي شوي شوي
مي معليه ربي يرزقك بكروكي مليح ماهو مرحوق ماهو ناقص طياب وكيما قلت ميزان الاخلاق هو كل شيء تحياتي ليك سلام
اما عن رايي في قضية البنت الاجنبية ما نقدرش نقلك نفضل ولا مي جوبونس نخير وحدة تكون مليحة والاقرب انو رايح نخضع لرغبات الوالدة على حسب آخر التسريبات الصحفية من خيتو ايمان هه سلام ​

 

[ضآحكة مستبشرة]

رد: البقلاوة التركية و الكروكي الجزائري المحروق !!

والله يااختي اسماء لوكان نبارتاجيلك
غير مجموعة من صحابي قسما بالله غير تقولي هذو ماهمش دزيريا يعني الله يبارك جمال خلقا ودين
وكل شيء يعني بيناتنا الكروكي
ينطبق على الزين نتاع البنات لانو كيما قيل كنت نتفرج في حصة في قناة الرسالة
كان يفتي فيها الشيخ ولد الددو على قضية الرؤية الشرعية ومن بين النقاط اللي قالو عليها هي رغبة الفتاة في الرجل الوسيم
فاجاب انو الرجل يكون جمالو عادي ومبني من فحولتو اما الجمال الخارجي شوي شوي
مي معليه ربي يرزقك بكروكي مليح ماهو مرحوق ماهو ناقص طياب وكيما قلت ميزان الاخلاق هو كل شيء تحياتي ليك سلام
اما عن رايي في قضية البنت الاجنبية ما نقدرش نقلك نفضل ولا مي جوبونس نخير وحدة تكون مليحة والاقرب انو رايح نخضع لرغبات الوالدة على حسب آخر التسريبات الصحفية من خيتو ايمان هه سلام ​

انا مع الكروكي الجزائري المحروق لاخر يوم
و لن اجد افضل منه دينا و خلقا و شهامة
و انت اسأل الله لك ان يجمعك بزوجة صالحة ان شاء الله تساعدك على شؤون الحيآة
بارك الله فيك

 

[Skor m@k]

رد: البقلاوة التركية و الكروكي الجزائري المحروق !!

السلام عليكم
قلت شبيها ختي اسماء تلفولها المنتديات هذا موضوع تاع منتدى الطبخ هههه
المهم جامي سمعت بهذي الهدرة عدت ندور فالفايسبوك بصح معدتش نحوس الحومات بزاف غير شويا ونهرب خخخخ
نقولك حجا ختي اسومة البقلاوة اللي هي الحلوى ماشي التركيات نبغيها نموت عليها العيد كامل وانا ناكل فيها
بصح التركيات والله ما نحملهم ديجا جامي تفرجت مسلسل تركي بلاك غير شويا حلقات تاع واد الذئاب شفتو غير كي كنت فارغ شغل برك
بصح منخبيش عليك هههه الزين و الزين سويدية يامحاينك
الشعر صفور والعنين زروق هههه هذاك هو الزين ولا خليني خخخ
بصح بنات بلادي معندنا مانقولو فيهم صح صامطين شويا ويلعبو على المورال هةههه
بصح عقليتهم مليحة
ندورو ندورو ونديوها جزايرية انا علبالي غير الى المكتوب مكتوب علينا نديوها المانية يا محاينك
نعرضكم كاملين نديرو فيها زردة كبيرة هههه
وانت ختي أسومة مع ختي مريم تبوغرو هههه
يعطيك الصحة ختي ضحكتيني في نص الليل هههه​

 

[Skor m@k]

رد: البقلاوة التركية و الكروكي الجزائري المحروق !!

سلام علييكم
صدعونا بيهم و الله -___-
يااو يطيرو و ينزلوا يديها دزيرية و تديه دزيري و هوما يقولوا سبحان الله ..قالوها لي قبلكم ياااو
انا و الله منشتي البقلاوة من عند ربي مناكلهاش
كروكي بالحليب يفوت هههه
صحيتي اسووم ​

السلام عليكم
علاه يا ختي فيولا علاه كاش ما درنالك هههه
بسيف ندوها منا جزايرية هههه
وتونسية ولا مغربية تقبلونا ولالا
​

 

["viola"]

رد: البقلاوة التركية و الكروكي الجزائري المحروق !!

السلام عليكم
علاه يا ختي فيولا علاه كاش ما درنالك هههه
بسيف ندوها منا جزايرية هههه
وتونسية ولا مغربية تقبلونا ولالا
​

تونسية تقولها متروحيش لماماك لبارح كنتي عندها اديرلك الخُلع
و المروكية ديرلك الدولمة هههههه
أيا خير فيهم وحدة و متتكبرش :p

ربي يهنييكم قاااع تشولموند تشولموند :d​

 

[لؤلؤة قسنطينة]

رد: البقلاوة التركية و الكروكي الجزائري المحروق !!

السلام عليكم
شوف مالك قالك نبورو -_- ولا نبوغرو قريب ردها بغرير هههه
يابني حنا قطايف ماش غير كروكي :d مكرا فيك ههه
هيا نوليو للموضوع، يسمى درك الشعب ولاو يشبهوه للماكلة؟؟ تشفى خويا مالك حكاية اللوبيا مديرة تاع ليسي ههههه
ونضت تضحك عليا وتقولي هبلتي هاهي البقلاوة تاني ولاو يشبهو بيها ههههه
انا نقولك الصراحة من غير البقلاوة القسنطينية بقلاوة ماتعجبني لا تاع تركيا ولا تاع لاشين والكروكي تاني تفطري بيه الصباح مع كاس حليب بيض هكاك (ماديروش عليا راني مريضة بليسطوما عندي 3 ايام نضرب غير في البويون هههه)
هادي فيما يخص الحلوى اما الاشخاص يكدب عليك لي يقولك تركي وجابوني وروسي ومعرف واش
كن مايكونش ولد بلادي لي تربى كيما تربيه وتنفس الهواء لي تنفستو ويعرف معنى الاسرة الجزائرية ويهدر لهجتي وكلشي
مانقدرش نتزوج بيه اصلا ولد بلادك ولازمك عام باه تتفاهمو وتحفظو طبايع بعضاكم فمابالك لي جا من طرف الدنيا
يا ختي ندي جزائري ونفتخر بيه واذا على الزين كاين لي جزائريين شابين ومايغريونيش المهم الاخلاق
الجمال مايوكل مايشرب مايعيش عايلة، اصلا لي اخلاقو طيبة ربي ينورلو وجهو وحتى ولو ماكانش في قمة الجمال
المهم في الاخير كروكي محروق ولا حتى معوج خير من الف بقلاوة تركية هههه
شكرا اسومة واعتذر على التأخير
تحياتي

​

 

[Skor m@k]

رد: البقلاوة التركية و الكروكي الجزائري المحروق !!

تونسية تقولها متروحيش لماماك لبارح كنتي عندها اديرلك الخُلع
و المروكية ديرلك الدولمة هههههه
أيا خير فيهم وحدة و متتكبرش :p

ربي يهنييكم قاااع تشولموند تشولموند :d​

السلام عليكم
قلتلكم بنات الدزاير واعرين منين نجوكم جونا
ماتقوليليش مصرية برك هههه لو تبقى غير هي
عايز ايه وبدك ايه ومنعرف كيفاه خخخخ

ختي مريم علاه فهمتيني غالط قلتلك لو نجيبها المانية ولا سويدية شعر صفر وعنين زروق
نعرضكم كامل اهل اللمة
وانت واسومة تبوغرو ماشي تبورو يا وجه لكرووكي~​

 

[لؤلؤة قسنطينة]

رد: البقلاوة التركية و الكروكي الجزائري المحروق !!

السلام عليكم
قلتلكم بنات الدزاير واعرين منين نجوكم جونا
ماتقوليليش مصرية برك هههه لو تبقى غير هي
عايز ايه وبدك ايه ومنعرف كيفاه خخخخ

ختي مريم علاه فهمتيني غالط قلتلك لو نجيبها المانية ولا سويدية شعر صفر وعنين زروق
نعرضكم كامل اهل اللمة
وانت واسومة تبوغرو ماشي تبورو يا وجه لكرووكي~​

واشوا تبوغرو هادي -_-
نتا عندك مفردات وحدهم، ساعات البورتموني معرف كيفاه
درك اشرحلنا تبوغرو هادي واشوا
ياو قلنا حنا قطايف واش لي كروكي هادي :smile02:
​