- إنضم
- 13 أفريل 2013
- المشاركات
- 14,618
- نقاط التفاعل
- 54,537
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السلام عليكم ناس اللمة الكرام
ان شاء الله تكونو بخير
علابالي عندكم بزاف ماشفتونيش هنا راني غير نعتمد ونوافق على الدوسيات هههه هيا جا دوري نحط دوسي حتى انا :p
المهم الموضوع باين من العنوان تاع تمنشير وكي نحب نمنشر ونبرد قلبي ماكانش من غير واش راك تهدر تبردلي قلبي
المهم ندخل في الموضوع مباشرة
ياسيدي قالك العمرة ولات لامود هاد الاعوام اللخرين، بكري لما انسان يقرر يروح يعتمر تحسو رايح للجنة ويرجع لدرجة علابالو بقيمة هاداك المكان وبالعظمة تاعو، تلقاه يبدا يبعد على الحوايج الغالطين اصلا كن ماش توبتو مايروحش يعتمر ويزور قبر النبي يعني راهو حاب يقفل باب الذنوب بزيارة لأشرف بلاصة في الارض، وزيد تلقاه يطلب السماح من الناس حتى من لي ظلموه يطلب منهم السماح باه يروح صافي وكلشي
لكن درك يا عجابة تقول راحو لهاواي يتبحرو ورجعو ماش لمكة المكرمة لي اسمها وحدو يزعزعلك قلبك
المهم باه مانبحركمش معايا نقولكم كيفاه حتى جاتني فكرة الموضوع، يا سيدي حنا قاعدين في امان الله قبل رمضان نسمع بواحد من العائلة رايح للعمرة، انا مانكدبش عليكم تشوكيت كيفاه الشخص هاداك رايح علابالي ربي يهدي من يشاء وكلشي وكي يحب يصلح عبد يصلحو بصح العبد هادا او عندو عمرة ساع في دارو لازم يديرها ومن بعد يروح لمكة، عندو بناتو لا سترة لا حشمة لا تربية (وماش باه نهدر في اعراض الناس) مرتو تخرج تقضيلو وتتقابد مع الخضار وهو مربع في الدار وخلي باقي الامور الاخرى انا في رايي يبدا بالشي هادا ساع ويكون صافي مع ربي في عرضو وفي اهل بيتو ومن بعد يروح الانسان للعمرة هاني، المهم لا علينا قلت بالاك الانسان رايح يتهدا ويهدي عايلتو مايدريش العبد، مالا راح الشخص هادا وحدو ومادا معاه حتى فرد من الاسرة لا مرتو ولا بناتو ورجع من بعد على خير وسلامة، وطبعا في عاداتنا لازم نروحو نباركولو ونفرحو على سلامتو ولا معرف كيفاه يسميوها هههه، المهم تدخل للدار هاديك من المفروض تستنى في الراجل يحكي على الهول لي شافو تما يحكيلك على مشاعرو كيفاه على دموعو لي طاحو قدام قبر النبي ساع مالقيت والو :s، اول حاجة بدا بيها كي قالولو "ياك دعيتلنا معاك قدام الكعبة" قالهم لي يحب يدعي يدعي وحدو ماش شرط لازم تكون قدام الكعبة (يا لطيف واش هادا :-o) وزعما حديث ورا حديث نستناو يحكيلنا على المدينة المنورة على جمال الكعبة على الراحة لي حس بيها نلقاو في السيد يقول " والله عندهم سلعة هايلة تما شريت بورتابلات ولي طابلات والنظارات وقلت نعاودلهم البيعة هنا وجبت منهم هدايا للولاد وصاوني عليهم وقش خلاف تاني نعاودلو البيعة" بقيت بلا راس
، واشوا التمسخير هادا؟؟ رايح تعتمر وتزور بيت الله ولا دير التجارة؟ يا عجابة حتى الوضوء نساه عاد يقولنا الوجه يتغسل قبل الكفين ههههه عماوه الدراهم واقيلا ههه
انا كن انسان كيما هادا نقولو خسارة فيك ارض طاهرة كيما هكا، كاين ناس راهي تبكي باه تمس ترابها وتشم هواها وناس راهي تروح تحوس ولات منطقة سياحية راحو للترك وماليزيا والهند هيا حبو يكملوها بالسعودية والله عيب الشي هادا
المهم اني علابالي خلطت في الموضوع لدرجة قلقني وعندي شحال وانا حابة نكتبو هيا تشجعت اليوم
درك قولولي ماش خسارة ناس كيما هكا تدي بلاصة شخص خلاف وهي تروح للتجارة بدل ماتروح تعبد ربي؟
هيا نخليلكم الخط عبرو كيما تحبو
تحياتي
ان شاء الله تكونو بخير
علابالي عندكم بزاف ماشفتونيش هنا راني غير نعتمد ونوافق على الدوسيات هههه هيا جا دوري نحط دوسي حتى انا :p
المهم الموضوع باين من العنوان تاع تمنشير وكي نحب نمنشر ونبرد قلبي ماكانش من غير واش راك تهدر تبردلي قلبي
المهم ندخل في الموضوع مباشرة
ياسيدي قالك العمرة ولات لامود هاد الاعوام اللخرين، بكري لما انسان يقرر يروح يعتمر تحسو رايح للجنة ويرجع لدرجة علابالو بقيمة هاداك المكان وبالعظمة تاعو، تلقاه يبدا يبعد على الحوايج الغالطين اصلا كن ماش توبتو مايروحش يعتمر ويزور قبر النبي يعني راهو حاب يقفل باب الذنوب بزيارة لأشرف بلاصة في الارض، وزيد تلقاه يطلب السماح من الناس حتى من لي ظلموه يطلب منهم السماح باه يروح صافي وكلشي
لكن درك يا عجابة تقول راحو لهاواي يتبحرو ورجعو ماش لمكة المكرمة لي اسمها وحدو يزعزعلك قلبك
المهم باه مانبحركمش معايا نقولكم كيفاه حتى جاتني فكرة الموضوع، يا سيدي حنا قاعدين في امان الله قبل رمضان نسمع بواحد من العائلة رايح للعمرة، انا مانكدبش عليكم تشوكيت كيفاه الشخص هاداك رايح علابالي ربي يهدي من يشاء وكلشي وكي يحب يصلح عبد يصلحو بصح العبد هادا او عندو عمرة ساع في دارو لازم يديرها ومن بعد يروح لمكة، عندو بناتو لا سترة لا حشمة لا تربية (وماش باه نهدر في اعراض الناس) مرتو تخرج تقضيلو وتتقابد مع الخضار وهو مربع في الدار وخلي باقي الامور الاخرى انا في رايي يبدا بالشي هادا ساع ويكون صافي مع ربي في عرضو وفي اهل بيتو ومن بعد يروح الانسان للعمرة هاني، المهم لا علينا قلت بالاك الانسان رايح يتهدا ويهدي عايلتو مايدريش العبد، مالا راح الشخص هادا وحدو ومادا معاه حتى فرد من الاسرة لا مرتو ولا بناتو ورجع من بعد على خير وسلامة، وطبعا في عاداتنا لازم نروحو نباركولو ونفرحو على سلامتو ولا معرف كيفاه يسميوها هههه، المهم تدخل للدار هاديك من المفروض تستنى في الراجل يحكي على الهول لي شافو تما يحكيلك على مشاعرو كيفاه على دموعو لي طاحو قدام قبر النبي ساع مالقيت والو :s، اول حاجة بدا بيها كي قالولو "ياك دعيتلنا معاك قدام الكعبة" قالهم لي يحب يدعي يدعي وحدو ماش شرط لازم تكون قدام الكعبة (يا لطيف واش هادا :-o) وزعما حديث ورا حديث نستناو يحكيلنا على المدينة المنورة على جمال الكعبة على الراحة لي حس بيها نلقاو في السيد يقول " والله عندهم سلعة هايلة تما شريت بورتابلات ولي طابلات والنظارات وقلت نعاودلهم البيعة هنا وجبت منهم هدايا للولاد وصاوني عليهم وقش خلاف تاني نعاودلو البيعة" بقيت بلا راس
، واشوا التمسخير هادا؟؟ رايح تعتمر وتزور بيت الله ولا دير التجارة؟ يا عجابة حتى الوضوء نساه عاد يقولنا الوجه يتغسل قبل الكفين ههههه عماوه الدراهم واقيلا هههانا كن انسان كيما هادا نقولو خسارة فيك ارض طاهرة كيما هكا، كاين ناس راهي تبكي باه تمس ترابها وتشم هواها وناس راهي تروح تحوس ولات منطقة سياحية راحو للترك وماليزيا والهند هيا حبو يكملوها بالسعودية والله عيب الشي هادا
المهم اني علابالي خلطت في الموضوع لدرجة قلقني وعندي شحال وانا حابة نكتبو هيا تشجعت اليوم
درك قولولي ماش خسارة ناس كيما هكا تدي بلاصة شخص خلاف وهي تروح للتجارة بدل ماتروح تعبد ربي؟
هيا نخليلكم الخط عبرو كيما تحبو
تحياتي
