انا راني في كرب كبييييييير من سنوات و كنت من النوع المتفائل و كل مرة نقول العام القادم احسن خصوصا لما يأتي رمضان اكثر من الطاعات و العمل الصالح خالص النية لله و اتفائل و عام بعد عام تنقص العزيمة و لكن نحب نحافظ على التفاؤل لكن السنة هذه كانت سنة سوداء كارثة من جميع الجوانب و لكن لما جاء رمضان سبحان الله جائتني عزيمة قوية من عند الله و بالنسبة لي كان رمضان في الكثير من العمل الصالح الحمد لله *ربي يتقبل* و رمضان كامل و انا متفائلة بالخير و نقول بعد رمضان هذا كل شيء يتغير و تتحل مشكلتي و لما انتهى رمضان مازال ولا شيء و لكن بقيت متفائلة بالخير لا ادري لماذا رمضان كانت نفسيتي عالية و ان كل شيء يتغير بعد رمضان المهم متعودة من سنوات نصوم 6 شوال قلت ممكن بعد 6 شوال تتحل المشكلة صمت ايامي و 6 شوال و لما لحقت نخلص 6 شوال جاوني مع الايام البيض قلت ربي راه يؤجل في الفرج لبعد الايام البيض صمت الايام البيض و فرحانة لما خلصت الصيام في نفس اليوم بعد صلاة العشاء جاني الخبر اللي كنت خايفة منو جاني العكس واش كنت نحلم و الاسبوع هذا حدث واش كنت نصارع حياتي باش ما يصراش انا هنا قلت مانيش قادرة نزيد نكذب على روحي و نقول ان مشكلتي رايحة تتحل قلت لازم نقتنع ان هذه هي حياتي و نتقبل ان مصيري الشقاء و الحزن مش ربي سبحانو ما يقدرش اعوذ بالله لكن وصلت لقناعة ان هذا هو الخير ليا عليها حياتي من صعب لصعب ممكن مانيش من النوع اللي يصلح في الفرح و السعادة ممكن لو نكون فرحانة ننسى ربي و ننسى واجباتي هنا اول مرة نحس قلبي مات خلاااااااااااص ماني حاسة بولا شيء راني نشوف مستقبلي اسود و ماكنش مستقبل قررت ان دعائي يكون ربي صبرني و رضني على واش راه جايني في المستقبل فقط
راني من سنواات و انا نصارع مع مشاكلي و لا مرة سمحت لمشاكلي يغلبوني و يطيحوني الارض و دايما مؤمنة انها رايحة تتحل ماحبتش نيئس خلااص و دايما نقرا واش ندير كيفاه ندير الاعمال الصالحة ماحبيتش نفسي تغلبني لكن العام هذا غلبتني خلااااااااااااص مش قادرة حابة نكمل نزيد نصوم الايام البيض من قبل كنت نحب نصومهم لكن نعجز و هذه المرة كما صمتهم حسيت روحي رايحة نقدر نكمل نصومهم ان شاء الله
السلام عليكي
اختي والله في الدنيا هدي مكاش الي ماعندوش هم ولا مشكلة
مي الواحد يحمد ربي على كل شيء
مي ربي كاين
ومع الصبر ياتي الفرج
بالعكس والله الحزن هذا كنت نحس بيه
ونقول علاش الحاجة الي نحبها ماتتحققش
مي كل شي بيد ربي سبحانو
وماتقلقي روحك ماوالو
ادعي ربي وصلي و اكثري من الاستغفار
ربي يهنيك اختي
السلام عليكم مافهمتش الفكرة اللي في راسك وحابة تنحيها
انت تقولي انو راكي تعيسة وانا نعرف الانسان اللي يصوم مليح ويتقرب لربي بالطاعات
هو اسعد النااس
وكاين حاجة جد سيئة في اخلاقنا مع ربي سبحانو وهو انو نتمزاو على ربي بالعمل الصالح
يعني كي شغل نديرو العمل الصالح غير باش تنحل بعض الامور
لكن هذا خطأ لما الانسان يدير عبادة ما يعلقهاش باي شيء آخر عدا انو يتقبلها ربي او يرفضها
ربي يفتح عليك ختي ونضن عندك خذأ كبير في فهمك للطاعات
صح ممكن ربي يبتلي الانسان لكن ما خممتيش انو ممكن هذي الابتلاءات اللي راهي تصرالك غير من تفكيرك
السلبي هذا مع ربي سبحانو
كي شغل واحد يقول :
ياربي راني نصلي ونخدم ونصوم وانت قاعد تبتلي فيا
وهذا كلام خطير وعقيدة خاطئة لازم تصلحيها
والحياة هذي ماهيش فترة محددة فقط وانت واش دراك انو ابواب السعادة مابقالكش عليها خطوات بزااف
والانسان راهو يستعجل
اختي العزيزة هذه الدنيا تعب ومشقة وهموم
كل شخص ينقصه شئ والكمال لله سبحانه وتعالى
من عنده الأولاد والمال والصحة تنقصه راحة البال
ومن يملك السعادة يفقد الصحة .........الخ
وربما ينظرون إليك بحسد لأنك تملكي ما يفتقدونه
سلام الله عليكم ورحمة الله وبركاته وبعد:قد علمت ان بعد العسر يسرا ان شاء الله وهذا وعد من الله تعالى وقد علمت ايضا انو احيانا ندعو دعاءا نرجو به الخير وهو في واقع الامرشر وذلك لآننا نجهل الغيب لقوله عزوجلويدعو الانسان دعاءه بالشرد دعاءه بالخير وكان الانسان عجولا)
وما يدريك ان الله اجل لكي الاجابة لدعاءكي لانه احب سماع دعاءك فأجل لكي القبول
الاهم هنا انكي عرفتي قدر الله فلم تشركي بدعاءه احدا
فرج الله علينا وعليك فرجا عاجل غير اجل
السلام عليكم اختي وربي يفرج عليك ان شاء الله
صراحة نفس الكلام تقريبا لي كان في بالي قالوه الاخوة والاخوات ربي يحفظهم
شوفي ختي لعزيزة انا مشكلتك نقسمها لثلاث نقاط أول نقطة
كيما قالها خويا حكيم نتي تعبدي في ربي بالمقابل يعني نصلي واعطيني و ونصوملك واعطيني ونقوم الليل واعطيني
لالا ختي الصلاة والعبادة لله سبحانه وتعبديه لأنو هو لي خلقك وعبادتو واجبة وتصلي وتصومي كاشما تشكريه شوي
على واش عطاك من قبل، خاطر لو نجيبوها حياتنا كاملة نصليو ونصومو مانوفيوش حق نعمة البصر برك وحدها فمابلك
بالنعم الاخرى التي لا تعد وتحصى، مالا كي تصلي ولا تصومي حبيبتي صومي وصلي لله، رسولنا الكريم قالو الله سبحانه
وتعالى ذنبك لي سبق مغفور ولي جاي مغفور يعني رايح للجنة كن حنا كن حطين ارجل على رجل واستمعتنا بحياتنا
بصح رسولنا الكريم زاد كتر في الصلاة والصوم شكر لله تعالى، مالا اولا بدلي نيتك في الصلاة باه ترتاح نفسك
يعني اول خطوة هي طمأنينة النفس من خلال الطاعات وكي تطمأن نفسك وحدك تشوفي الحياة مليحة حتى ولو فيها
مشاكل خاطر يولي هدفك ارضاء الخالق والعيش للآخرة لا للدنيا ثاني نقطة
قلتي دعيت دعيت وفي الاخير جاني خبر ماش مليح، هنا خطأ وراكي تداركتيه بنفسك وقلتي هادا الخير ليا، ماتدريش
لربما دعواتك المتتالية جنبتك شر ونتي ماعلابالكش، كاين لي صراولو مصائب وكي عداو عليها اعوام اكتشف بلي كل
مصيبة كانت خير وهو ماعلابالوش، اتأكدي حبيبتي من حاجة بلي القدر تاعك بخيرو وشرو ربي لي رسمهولك وهل تظني
الخالق يغلط في تحديد القدر او تقدري نتي تسيري القدر تاعك خير على ربي سبحانو؟ حنا كي نجيو نبنيو دار برك مع انها
دارنا وماكانش لي يسكنها غيرنا بصح نخليو تصميمها على مهندس حتى ولو براني لأنو يعرف خير علينا ومستحيل يرضالنا
الهلاك فمابالك بالخالق؟ ارضاي بواش كتبهولك ربي وحطي الثقة في واش اختارلك ثالث نقطة
وهي قلتي اعوام ماجانيش الفرج يسمى رايحة نعيش حياتي شاقية علاه عليك هادا
لازم تعرفي حاجة حبيبتي حنا كي ندعيو ربي سبحانو مستحيل ومستحيييل مايلبيلناش الطلب تاعنا
الا اذا كان فيه ضرر لينا، وكي يلبيهولنا اما في الوقت هاداك بعد وإلا يأجلهولنا لوقت لاحق لي يشوفو هو مناسب
كاين مثلا لي تطلب ربي يرزقها الذرية و مايرزقهاش ربي حتى بعد 10 سنوات خاطر كن جاها صغير خلال 10 سنوات
هاديك كان قادر يموت ولا قادر هي ماتقدرش تربيه ولا يتمرمد ولا اي سبب آخر على هادي ربي يحددلها الوقت لي
يكون في تحقيق الدعوة مناسب لينا، ولكن السر هنا هو الالحاح في الدعاء سيدنا زكريا عليه السلام شعرو شاب ومرتو
عاقر وولات عجوز وبقى يلح في الداء ماش كي ولا عمرو 50 حبس لا بالعكس كان حاط ثقة في ربي بلي دعوتو رايحة
تستجاب مالا مايأسش، نتي تاني هكاك كملي ادعي ربي للغد المشرق هاداك لي مازال مالحقش ماتقوليش كيفاه وعلاه
انا عندي بعض الدعوات كل رمضان نعاودهم وعندي 4 او 5 سنوات نعاودهم وماتحققوش وماقلتش كيفاه وعلاه
مازلت للدرك نعاودهم حتى نهار يتحققو واذا ماتحققوش ربي رايح يعوضني بخير منهم ان شاء الله
مالا اختي العزيزة كوني قوية .. كوني متفاءلة تفكري دايما بلي لا حول ولا قوة لنا إلا بالله مالا غير تضعفي اطلبي
العون من ربي ومستحيل يخليك، راهي كل الاسلحة في يديك وراكي في ارض المعركة لازمك قلب الفارس الشجاع برك
الواثق بالله وكلشي يتحل بإذن الله
وربي يوفقك للخير عزيزتي
واعتذر على طول الرد
تحياتي
السلام عليكم أختي في الله
بصراحة لم تبقي لي الأخت العزيزة "لؤلؤة قسنطينة" و الأخ " حكيم "جزاهما الله عني كل خير ما أقوله فرأيي من رأيهما .
هناك خلل ما ، اجلسي مع نفسكي و تأملي وأصلحي هذا الخطأ عند اكتشافه فضلا عن الأخطاء التي نبهكي اليها الزملاء منها المن على خالقنا بالعبادة فهو أغنى الأغنياء عن هذه العبادة ، ولربما كنتي غافلة عن التقرب الى الله عند اليسر و تذكرته عند العسر فقط فكانت اجابته لكي مؤجلة ، حاولي أن تتفائلي كي تجلبي خير القدر اليكي و لا تتشائمي فتجلبي شره "ان شر النفوس نفس يؤس " و لا أضنكي تريدين أن تكوني من هذه الزمرة .
استمري في الدعاء و ألحي فمن تقفين ببابه كريم جواد و لا يرد دعوة السائلين و ان لم يستجب فاعلمي أن الخير في ذلك .
دعواتي لكي عزيزتي بالفرج يارب
في أمان الله
السلام عليكم غاليتي
ان شاء الله تكوني بخير ربي يتقبل مننا و منك الطاعات و يفرج همنا و همك . والله كالعادة اسئلتي كم عمرك اختي الغالية و ما هو هذا المشكل الرهيب اللي متخوفة منه لو سمحتي يعني لو توفرينا تفاصيل اكثر ممكن نعينوك احسن اما لو كان عندك مانع يا اختي الغالية ما عندنا ليك غير الدعاء ربي يهدي بالك و يوفقك
أختي،أرى فيك قوة وصلابة ناذرتين في مواجهة المشكلات و الابتلاءات فلا تيأسي وتماسكي
إن الله لايؤخر أمرا إلا لخير ولا يعجله إلا لخير فإياك وفقدان الأمل بربك، لا أراك إلا خاضعة لإختبار الثقة ، الثقة بالله و التي هي مؤشر للإيمان فهل أنت على القدر اللازم من الثقة بالله؟؟؟ ، إياك أن يزعزع ثقتك بربك أيا كان ، إياك أن تجعلي بينك وبين الله شيئا ، لاتسمحي لشيء أن يحول بينك وبين ربك ، لا تسمحي لسوء الظن بذلك. أنت تعلمين أن الله اعلم بما هو خير لك وقد التمست ذلك فيما كتبتي، وتعلمين أن الله أرحم الراحمين وتعلمين أن الله إذا أحب عبدا ابتلاه ...إن الله يستحيي إذا رفع إليه عبده يديه أن يردهما خائبتين ،أفهذا ظنك بربك؟ إن ما يحدث لك فيه حكمة عظيمة لا يعلمها إلا الله.
أختي كل شيء يهون إذا رضي الله عنك ، وكيف يموت قلبك وربك المحيي؟؟؟ من أجمل ما قرأت عن معاني الإيمان :الإيمان الحقيقي هو بشاشة الروح و إعطاء الله الرضى من القلب ثقة بوعده ورجاءا لما عنده ، وأهديك هذا: يقول الله عز وجل "إن عبدي المؤمن عندي بمنزلة كل خير، يحمدني و أنا أنزع نفسه من بين جنبيه" فأين نحن من ذلك؟
تعرفي على الحياة الحلوة وسط الحياة المرة تعرفي على مناجاة الله والحديث معه في ظلمة الليل الاخر
أوصيك بكثرة الإستغفار والصلاة على النبي صلى الله عليه وسلم.
السلام عليكم اهلا وسهلا
اختي اولا الله يصبرك ويقدرك على التحمل والله يا اختي واش نقولك انت تحكي كانو تحكي عليا لوما حالفة ما نحكيش فالنت لكن نقولك اصبري ما تعرفيش الفرج وين انت لما تصومي ما تنتظريش المقابل او تحدي وقت فرج الله عليك بوقت ما صومي وديري النية وادعي وخليها على ربي يا اختي كل ما تصلي استغفري ودعي ربي وقولي حسبي الله ونعم الوكيل والله ياتيك الفرج وين ما تكونيش تستناي فيه ما توقفيش حياتك على وقت معين ومشاكلك على انهم ما راهمش راحين ينحلو والله مهما طال الليل راح يطلع النهار انا هذي نامن بيها فت بمشاكل وضيق وكرب كبار قد ما تتصوري كل شي جربتو والحمد لله كل شي مخلياتو على ربي سبحانو
راح تتفكري كلامنا وراح تجيك فرحة انت اصبري وما تتستنايش لانو الانتظار يقتل الامل خليها على ربي الله يفرج عليك
اختي العزيزة انت عندك مشكلة معينة غير تاع الطاعات وغيرها،، وهاد المشكلة انت ماوضحتيهاش ارجو التوضيح اكثر واش كنت تستناي؟ وواش الي جاك عكس ماكنت تستناي؟ وغيرها من الامور وضحيها اكثر اذا قدرت وشكرا
ويدعو الانسان دعاءه بالشرد دعاءه بالخير وكان الانسان عجولا)
