اسعد الله مساءكن
واش راكم لبنات
نتمنى راكم ملاح
تطبيقي لفطائر فطائر تركية للشيف حورية زنون
الذي سبقت وطَبّقَتهُ الخالة مطبخ الأحلام
في موضوعها هذا
فطائر تركية لشاف حورية من مطبخي
مكانش عندي السانوج استبدلتو بزريعة الكتان لي نحبها ايضا
وايضا العجينة كي زدت السائل اللي هو 340 ملل ماء دافىء العجينة ماجاتنيش مطاطاية جاتني تتلصق كيما تع البيزا
وإلا انا ماهوش عندي مفهوم العجينة بقوام مطاطي كيف تكون ؟؟ :-o:s
ايضا فالكُتيب دايرة بعد ما ترتاح العجينة تقسميها كويرات و تبداي تورقي بالوحدة على شكل متسطيل ثم تشكليها على شكل قارب
أنا مكانش الوقت في صالحي باه نورق بالوحدة المهم راني ورقة العجينة كامل وقسمتها لمستطيلات
على بركة الله
خليتها ارتاحت نص ساعة هكذاك
من الاحسن انك تبداي ترولي من جهتي العرض وليس الطول أثناء تشكيل القارب
قبل ما تدخليهم للفرن خليهم شويا يرتاحو أو يخمرو مدة 10 دقايق حتى 15 دقيقة عادي هكذا كي يطيبو يطيبو خفاف
وفي الأخير الحمد لله نالت إعجاب الجميع ههه إلا اختي الكبرى معلاباليش وش بيه ذوقها اليوم :-o :sهه وسوستني عدت نمشي فالدار ونسقسي بالواحد :graduation:
ممم ماما قاتلي العجينة شوي مسوسة ماعلينا يا ماما الجبن يعوضها الملوحة
هه ختي الثانية عجبتها وبابا قالي هايلين الله يعطيك الصحة واخي قالي شابين :p:d
أنا عجبوني مي صح العجينة شويا مسوسة
:smile02:
اِليـــكم الخط
متنساوش تقولولي كيفاه تكون العجينة بقوام مطاطي ؟ :s:s:s
بالصحة والهناء
في أمان الله وحفظه
آخر تعديل بواسطة المشرف:
