الالتزام والنساء

[Hakan]

السلام عليكم سكان المنتدى الجميل ان شااء الله اموركم تمام
الاستقامة والاتزام من بين اعظم الاشياء التي يتفضل بها الله
سبحانه وتعالى على الانسان بل هي مطلب رئيسي حري بكل
مسلم عاقل ان ينشده مي في دزاير او في عالمنا العربي
نهار نذكرو كلمة استقاامة مبااشرة تجي في ذهن الجميع
""راجل ملتزم ""
وكانو الاستقامة هذي خلقت او هدف شرعي للرجال فقط
وكثير من فئات المجتمع تتعامل مع استقامة المراة كانها شيء عادي
او تصل ساعات وين يستغربوها الناااس
في البيت نتاعها مثلا ممكن يستغرب الاخ انو اختو مستقيمة وملتزمة
في الشارع كيف كيف
لما تسقسي اي راجل على امراة تأمر بالمعروف وتنهى عن المنكر تجيه
حااجة بيزاار في رااسو مام النساء في بعضااهم
يستغربو كيفاش امراة تكون مستقيمة وتلقاو حتى ساعات
يشككو بل دائما يشكو في الاستقامة نتاعها ويتحجو انو
راهي حابة تتزوج او حاجة كيما هاك
كاين شيء ناس لما يشوفو امراة ملتزمة في ملابسها وفي خرجاتها ودخلاتها
يحطو الف علاامة استفهاام
كي شغل في بالهم انو المراة انسانةعادية
والالتزاام هذا خاطيها في حين الراجل العكس تمام
-يبدل قشو
-يكبر اللحية
- يشري شويا مسك وعود سواك
وتبدأ تهليلات الامة عليه وانو فلان ماشاء الله
ياوجه النور
ياوجه السعد
يالاخ الكريم

في حين الطفلة :
واش راكي تعملي
باركاك ما تخرطي علينا
يشوفوه نضرة مستفزة كانو جن وخرج عليهم
مانحبوش نسمعو بنت تفتي
مانحبوش نشوفو طفلة تطلب في العلم الشرعي
او طفلة تقرأ كتب دين
ما نحبوش في المجالس نتاعنا نقعدو مع طفلة ملتزمة وهنا
نطرح اسئلة ونختصرها في ظمير وااحد او آدات واحدة
علاه ؟؟؟؟؟؟؟؟؟؟​

 

[لؤلؤة قسنطينة]

رد: الالتزام والنساء

السلام عليكم
والله يا اخي هي في مجتمعنا يشوفو الالتزام بعين شر ويشوفوه حاجة غريبة سواءا للرجل ولا المرأة
ولكن كيما قلتها على الراجل يتقبلوها بنسبة كبيرة عكس المرأة كأنو المرأة خلقت للفتنة وخلقت للفساد برك
يشوفو راجل بلحية وقميص يقولو ماشاء الله
يشوفو طفلة متجلببة تبدا الهدرة عليها، وزيد هاد الايام راهي قايمة واحد الفتنة يا لطيف ولا الهجوم
على المتجلببة وعلى لي لابسة حجاب شرعي اكثر من المتبرجة، البارح برك دخلت للفايس بوك
قريت في صفحة واحد كاتب بلي لي تلبس حجاب عريض راهي كي باتمان ساع ردلو واحد في لي
كومونتار قالو ولي تلبس فيزو هي القطة لي تساعد باتمان هههه، صدقلو لأنو في مجتمعنا ولا الالتزام
بالنسبة للمرأة كلي خبث وكلي نفاق، الرجال كاين لي دارو لحية على وجه لامود وتشبها بواحد كافر
ماقالو والو لكن المرأة كي تحب تستر روحها وتتقرب من ربي تبانلهم تنافق، سبحان الله رانا نوليو للخلف
ولينا نبجلو بالمتبرجة ونفرحو بشوفتها ونشجعوها بينما الملتزمة تبانلنا حاجة غريبة ولا مستحيلة
مثلا صرا معايا موقف هاد العام كنت واقفة مع زوج بنات يقراو معايا ومرت قدامي وحدة لابسة جلباب
النور على وجها وانا صراحة من موضوع الاخت الاخت زهور الشوق حول الجلباب حببتني فيه اكثر
المهم ماعلاباليش كيفاه بقيت نتبع في الاخت هاديك بعينيا وعجبتني الله يبارك ونطقت فجأة قلت للبنات لي معايا
قلتلهم متمنية نلبس كيما هي صدقني شبعو عليا ضحك مافهمتش واش لي فيها يضحك؟ المهم كانت
السخرية واضحة منهم، تقولهم نروح للدار نصلي يبقاو يشوفو معاك كلي قتلهم رايح نحج ونجي، تقولهم نقرا
قرآن يستغربو، كي تشوفهم يحكيو في مواضيع غالطة وتحذرهم يستغربو ويقولولك امشي نتي معقدة
مع انو بنات في بنات، يعني رانا في تخلف الله يستر منو ولاو يشوفو الملتحي يقولو شوفو الله يبارك التزم
وكي يشوفو طفة يقولو معقدة وهادا م نالحوادث لي تصرا في المجتمع ومن الفسق لي صاير في بناتنا حتى
ولاا لالتزام امر مستحيل، مع انو كلمة التزام غالطة عندنا، خاطر لي يصلي ويصوم ويقرا قرآن ويستر روحو
راهو يدير في واجباتو كمسلم ومازال حتى مالحقش لمرحلة الالتزام ولكن حنا ربي يهديهم
المهم علابالي خلطت وخرجت على الموضوع اتقبلي ردي وخلاص ههه
اصلا العبد قلبو معمر ونتا قستلنا في الجرح
ربي يهدينا برك ويستر علينا ويقوينا خاطر رانا في اصعب الازمنة لي مرت عبر التاريخ ولا فيها الحرام
بضغطة زر، يعني رانا نقاومو في شهواتنا ونبذلو في جهد باه نتقربو لربي ونطلبو منو يعينا على هاد الشي
بارك الله فيك خويا حكيم واي تعقيب راني واجدة خاطر حتى انا مازلت نطرح السؤال "علاه"
تحياتي
​

 

[Mr Brahim]

رد: الالتزام والنساء

و عليكم السلام و رحمة الله
لي عودة بعد ان تهدأ العاصفة التي تضرب عقلي حاليا ههههه
​

 

[Hakan]

رد: الالتزام والنساء

السلام عليكم
والله يا اخي هي في مجتمعنا يشوفو الالتزام بعين شر ويشوفوه حاجة غريبة سواءا للرجل ولا المرأة
ولكن كيما قلتها على الراجل يتقبلوها بنسبة كبيرة عكس المرأة كأنو المرأة خلقت للفتنة وخلقت للفساد برك
يشوفو راجل بلحية وقميص يقولو ماشاء الله
يشوفو طفلة متجلببة تبدا الهدرة عليها، وزيد هاد الايام راهي قايمة واحد الفتنة يا لطيف ولا الهجوم
على المتجلببة وعلى لي لابسة حجاب شرعي اكثر من المتبرجة، البارح برك دخلت للفايس بوك
قريت في صفحة واحد كاتب بلي لي تلبس حجاب عريض راهي كي باتمان ساع ردلو واحد في لي
كومونتار قالو ولي تلبس فيزو هي القطة لي تساعد باتمان هههه، صدقلو لأنو في مجتمعنا ولا الالتزام
بالنسبة للمرأة كلي خبث وكلي نفاق، الرجال كاين لي دارو لحية على وجه لامود وتشبها بواحد كافر
ماقالو والو لكن المرأة كي تحب تستر روحها وتتقرب من ربي تبانلهم تنافق، سبحان الله رانا نوليو للخلف
ولينا نبجلو بالمتبرجة ونفرحو بشوفتها ونشجعوها بينما الملتزمة تبانلنا حاجة غريبة ولا مستحيلة
مثلا صرا معايا موقف هاد العام كنت واقفة مع زوج بنات يقراو معايا ومرت قدامي وحدة لابسة جلباب
النور على وجها وانا صراحة من موضوع الاخت الاخت زهور الشوق حول الجلباب حببتني فيه اكثر
المهم ماعلاباليش كيفاه بقيت نتبع في الاخت هاديك بعينيا وعجبتني الله يبارك ونطقت فجأة قلت للبنات لي معايا
قلتلهم متمنية نلبس كيما هي صدقني شبعو عليا ضحك مافهمتش واش لي فيها يضحك؟ المهم كانت
السخرية واضحة منهم، تقولهم نروح للدار نصلي يبقاو يشوفو معاك كلي قتلهم رايح نحج ونجي، تقولهم نقرا
قرآن يستغربو، كي تشوفهم يحكيو في مواضيع غالطة وتحذرهم يستغربو ويقولولك امشي نتي معقدة
مع انو بنات في بنات، يعني رانا في تخلف الله يستر منو ولاو يشوفو الملتحي يقولو شوفو الله يبارك التزم
وكي يشوفو طفة يقولو معقدة وهادا م نالحوادث لي تصرا في المجتمع ومن الفسق لي صاير في بناتنا حتى
ولاا لالتزام امر مستحيل، مع انو كلمة التزام غالطة عندنا، خاطر لي يصلي ويصوم ويقرا قرآن ويستر روحو
راهو يدير في واجباتو كمسلم ومازال حتى مالحقش لمرحلة الالتزام ولكن حنا ربي يهديهم
المهم علابالي خلطت وخرجت على الموضوع اتقبلي ردي وخلاص ههه
اصلا العبد قلبو معمر ونتا قستلنا في الجرح
ربي يهدينا برك ويستر علينا ويقوينا خاطر رانا في اصعب الازمنة لي مرت عبر التاريخ ولا فيها الحرام
بضغطة زر، يعني رانا نقاومو في شهواتنا ونبذلو في جهد باه نتقربو لربي ونطلبو منو يعينا على هاد الشي
بارك الله فيك خويا حكيم واي تعقيب راني واجدة خاطر حتى انا مازلت نطرح السؤال "علاه"
تحياتي
​

السلام عليكم موضوعي ياختي الكريمة مريم
درتو بسبب وحد النهار درنا اضراب وكانو زوج بنات يقراو معايا معولين
يكاسيو الاضراب ايا جاوني الذكور قالولي ياحكيم
انت البنات راهو يحتارموك ويسمعولك اذن لازم تحكي معاهم
المهم غير لحقو للباب رحت ليهم وحكيت معاهم :tongue02:
على انو لازم نكونو راي وااحد ايا قالولي ما ندخلوش برك لانك انت اللي قلتلنا
على اساس انو ماكانش اللي رايح نخليه يدخل
لكنوهنا كانو رايحين يدخلو للديبارتومون خلعو صحابي عند بالهم ما وافقوليش
حتان قلت لصحابي انو البنتين هذون موالف نشوفهم يروحو يصلو وهما في حد ذاتهم قالولي خلينا نفوتو نصلو
وسبحاان الله التعليقات اللي خرجت عجب
كان امر مشين انو الطفلة تصلي في وقتها وتعرف ربي سبحانو بارك الله فيك خيتي


​

 

[لاريمان]

رد: الالتزام والنساء

لا ادري لا يظهر لي نص الموضوع كاملا

 

["viola"]

رد: الالتزام والنساء

سلاام عليكم

كيما قاتلك مريم راهم ميتقبلوهاش عليهم للزوج ..الرااجل ثان يدير اللحية برك تبدا الهدرة الزايدة الراجل برك يقدر يفرض روحو باه يبداو يقبلووه

بالنسبة للطفلة نظن باللي الشعب ولى ميصدقش خاطر من التناقض لي رااهم يشوفو فيه ..

قليل وين تالقي راجل ملتزم و مكرفصها منهيه ..بصح المرأة و خاااصة لي التزمت خوفا من خوها و لا باباها هي لي تزيgزاgي شوي..

تالية قااع تاع طاطا اكراام ..هاهم ولاو يقولو الحجاب و يخدعوا في ربي و منعرف ..

و من بكري مطفرة فيها اصلاا ..

برك حاجة ...انا كي نحب نلتزم نشبع مخي و نقرا الكتب و السير و نلبس اللباس المحتشم و ننصح و كلش و اللي معجبوش الحاال راه يعرف وش يدير ..ليمتاا دايرين حسااب للجوهالا

صحيت ​

 

[GI Joe]

رد: الالتزام والنساء

mafhamtech bien
mais 3la hssabi mra wala radjel l iltizem mich b lehia w messk wala b hijeb wala jilbab, l iltizam f la façon de marché, la façon li tahder w li tkhamem biha ,
kayen sah bnet monafi9at teltazem godem ness 3la djel zwadj wala godem darhom
w rdjel mounaf9in godem ness maalabalich leh

mais mich men ha9na bach li ydji njugiweh que ça soit 3la hadja mliha wala mich mliha, allah yssahel 3la kol مؤمن و مؤمنة w khlass
​

 

[Hakan]

رد: الالتزام والنساء

سلاام عليكم

كيما قاتلك مريم راهم ميتقبلوهاش عليهم للزوج ..الرااجل ثان يدير اللحية برك تبدا الهدرة الزايدة الراجل برك يقدر يفرض روحو باه يبداو يقبلووه

بالنسبة للطفلة نظن باللي الشعب ولى ميصدقش خاطر من التناقض لي رااهم يشوفو فيه ..

قليل وين تالقي راجل ملتزم و مكرفصها منهيه ..بصح المرأة و خاااصة لي التزمت خوفا من خوها و لا باباها هي لي تزيgزاgي شوي..

تالية قااع تاع طاطا اكراام ..هاهم ولاو يقولو الحجاب و يخدعوا في ربي و منعرف ..

و من بكري مطفرة فيها اصلاا ..

برك حاجة ...انا كي نحب نلتزم نشبع مخي و نقرا الكتب و السير و نلبس اللباس المحتشم و ننصح و كلش و اللي معجبوش الحاال راه يعرف وش يدير ..ليمتاا دايرين حسااب للجوهالا

صحيت ​

ايه ممكن مي نضرة خاطئة لاخاطر ماشي النساء كاامل كيف كيف
لوكان مثلا تخرج حصة في التيليفزيون وتكون المشرفة عليها مرا
ماكانش اللي يتفرجها اذا كانت حصة دينية ماشي كيما الرجل
اما قضية النفاق هنا نخالفك فيها لانو ربي قال في الآية الكريمة :
(المنافقون والمنافقات بعضهم من بعض يأمرون بالمنكر وينهون عن المعروف ويقبضون أيديهم نسوا الله فنسيهم إن المنافقين هم الفاسقون)

وقدم المنافقين ومن الآية الكريمة نفهمو انو النفااق متأصل في الرجال عكس النسااء والله اعلم
اما اكراام ربي يهديها باسكو مازالها مسلمة وماكفرتش ؟​

 

[Hakan]

رد: الالتزام والنساء

mafhamtech bien
mais 3la hssabi mra wala radjel l iltizem mich b lehia w messk wala b hijeb wala jilbab, l iltizam f la façon de marché, la façon li tahder w li tkhamem biha ,
kayen sah bnet monafi9at teltazem godem ness 3la djel zwadj wala godem darhom
w rdjel mounaf9in godem ness maalabalich leh

mais mich men ha9na bach li ydji njugiweh que ça soit 3la hadja mliha wala mich mliha, allah yssahel 3la kol مؤمن و مؤمنة w khlass
​

البروبلام في المجتمع نتاعنا انو الله يسهل على كل واحد هذي ما يفهومهاش
ودايما يفرضو آرائهم على عنصر ما من خلال التجارب الفاشلة
اللي شافوها لكن موضوعي يتكلم على استقامة الرجل والمراة
بغض النظر على النفااق لا حتى وتكون امراة مخلصة
المجتمع نتاعنا يعاملها عكس الرجل الملتزم والمخلص شكرا خيتي ​

 

["viola"]

رد: الالتزام والنساء

ايه ممكن مي نضرة خاطئة لاخاطر ماشي النساء كاامل كيف كيف
لوكان مثلا تخرج حصة في التيليفزيون وتكون المشرفة عليها مرا
ماكانش اللي يتفرجها اذا كانت حصة دينية ماشي كيما الرجل
اما قضية النفاق هنا نخالفك فيها لانو ربي قال في الآية الكريمة : المنافقون والمنافقات بعضهم اولياء بعض

وقدم المنافقين ومن الآية الكريمة نفهمو انو النفااق متأصل في الرجال عكس النسااء والله اعلم
اما اكراام ربي يهديها باسكو مازالها مسلمة وماكفرتش ؟​

أرواح نتا و فهمهم باللي ماشي النسا كامل كيفي كيف و باللي اكراام مزالها مسلمة ..

بالنسبة لقضية النفااق ..راك تهدر بالدليل و منقدرش نخالفك ربما ..بصح اني نهدر مالمحيط تاعي ..يعني انا نشووف النساا الاكثر وش دايرين اك فااهم ​

 

[Hakan]

رد: الالتزام والنساء

أرواح نتا و فهمهم باللي ماشي النسا كامل كيفي كيف و باللي اكراام مزالها مسلمة ..

بالنسبة لقضية النفااق ..راك تهدر بالدليل و منقدرش نخالفك ربما ..بصح اني نهدر مالمحيط تاعي ..يعني انا نشووف النساا الاكثر وش دايرين اك فااهم ​

ايه ممكن باسكو كثيرا من الحالات اللي قدامك ممكن تعطيلك حكم مسبق شكرا خيتو :regards01:​

 

[الامين محمد]

رد: الالتزام والنساء

صباح الخير
حبيب القلب حكيييم
لي عودة بحول الله​

 

[باتنية و نص]

رد: الالتزام والنساء

سلام عليكم
انا في رأيي انو المشكل بدا من الاساس من هاذ الاشخاص الذي يطلق عليهم ملتزمين..طبعا مشي كامل
مي كيما تعرفو بزاف ناس يسمو رواحهم ملتزمين شوهو صورة الدين من خلال افعالهم اللي متعكسش مظهرهم الخارجي
سواء اصحاب النصف ساق او الجلباب
ونحكي هاذ الشي عن تجربة
يقراو معايا زوج بنات مدايرين جلباب
لما شفناهم اول مرة قلنا ما شاء الله
لكن لما عرفت السبب وراء قرارهم ..قلت مبقاش
بيسك عباد ولاو يتظاهرو ويلجؤوا للتدين لاغراض شخصية خاصة البنات
ونزيدك حاجة المفروض حضرتك تقرا بيطرة
يعني الدبارتمو تعكم مسامية المصلى
انا كنت كي يكون عندي حصة فراغ نروح نصلي الظهر الثم وصدقني اغلب البنات اللي نلقاهم يصلو الثم من جماعة السراول والسيفيليزي
اما صاحبات اللباس الشرعي نلقاهم يدورو البرا
طبعا انا نحكي عن ثلة ومنيش نعمم
وهذا ثاني ميعنيش انو وش قلت نت غالط
لأنو للاسف مجتمعنا اقرب للتخلف وكل تصرف يقراوه على مبدأ النقص ويحكم بزاف على المظاهر والوازع الديني عندنا زيرو وانا اولهم
يعني والله ساعات تتحسر على النيفو اللي وصلنالو
تحياتي

 

[بقايا إنسان]

رد: الالتزام والنساء

أهلا بالاخ الكريم حكيم أرجوأن يزدك الله من النعيم مشرف في شتى الميادين ههه راني غير نضحك متزعفش مني خاطر زعافك مني منجمش عليه وذلك لما احمله لك من حب في الله وود اما بعد:فلا أرى الاستقامة للرجل مجرد ترك لحية او قص شارب ولا يشفع لاستقامته قميص مقصر ان كان من الحق هارب فأحيان نرى من يفعل هذا من اجل مصلحة يسعى اليها ولطالم انخدع الناس في مثل هذه الفصيلة من الناس .إن كان المخبرمطابق للمظهر فبالاستقامة ظفر وإن كان المخبر عكس المظهرفحاله كرجل الثلج الكبير الذي ما ان بلغه نور الشمس انصهر وانكشف على حقيقته وأصبح حديث كل البشر أما بالنسبة للبنت فكلام الناس عليها اذالتزمت كثرولم تنجو من لسان اي بشر وان كانت توبتها نصوحا فيبقى في امرها نظرولو لجم الناس ألسنتهم لكان لهم أزكى واطهر فلو كان زمن مريم العذراء بيننا لكفر بها جل البشر ولخاذو في عرضها وقالو :لانؤمن بشرعية مولود ولد من دون ذكر
تقبل مروري المتواضع اخي الكريم حكيم

 

[ليليا مرام]

رد: الالتزام والنساء

السلام عليكم خويا حكيم اهلا وسهلا
والله يا خويا لازم نفرقو بين الالتزام وبين التدين مش كل ملتزمة ولا ملتزم متديين التدين بعيد علينا نحن كجزائرين بكمل صراحة ليس كل متجلببة ولا ملتزمة راهي ملتزمة من قلبها ولا الراجل كل من عندو لحية وقميص راه صح يعرف ربي لالا واحنا بشر مش ملايكة تغلطو ونتوب فكرنا الحجاب بمعنى والالتزام بمعنى علاه الكذب كوني دايرة حجاب وحاجة ما تبان مني هذا ما يعنيش انو فالدار ما نلبسش هذا ما يعنيش اني ما نغلطش وانو عندي راجل ونحبو ما نخبيش حاجة يعرفها ربي لكن مش نخرج عريانة للناس ونفتن الرجال ولا نجي نقول لطفلة هذيك حرام وحرام وانا دايرتها لالا الكذب على ربي حرام حنا بشر مش ملايكة راحين للجنة مباشرة رانا نغلطو والواحد يتوب مجتمعنا يستغرب التزام المرا والراجل راني مع اختي مريم لكن يقبلو للرجل اخطائو والمرا يشوفو فيها شوفة اخرى حجاب شرعي وعندها تلفون واش دخلكم عندي طاكسي فون ونبات نهدر انا ساترة روحي وما حكيش نحكي او ما نحكيش او نلبس او ندير الماكياجح فدارنا انا حرة نحوس على حجابي برا باب دارنا قدام الناس الباقي انا انسان كيفي كيفكم الف واحد يغلط ربي برك هو اللي يغفر او لالا
نقولك انو الموضوع سهل خويا حكيم كاين التزام وكاين تدين ماراناش متدينين رانا نصولو نصومو مستورين نقراو القرآن اما التدين مامراناش متدينيين هذي بكل صراحة
شكرا لك والله يهدينا اجمعين