- إنضم
- 13 أفريل 2013
- المشاركات
- 14,618
- نقاط التفاعل
- 54,537
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السلام عليكم أهل اللمة الكرام واسعد الله اوقاتكم
ان شاء الله تكونو كامل ملاح
المهم ليوم قلبي تعمر وجيت نشكي في قسم الشكاوي قصدي قسم واش راك تهدر ههه ماكانش من غيرو لي نبرد فيه قلبي
علابالي من العنوان فهمتو بلي اخ يقول لاختو ماديريش حجاب ولا شاب يكلم شابة يقولها ماديريش الحجاب
المشكل الجملة هادي راني انا لي نقول فيها ونزيد نعاودها "اختي من فضلك ماديريش الحجاب" ولا بعبارة اوضح
"علاه راكي دايرة الحجاب ومن رايي نحيه احسن "
علابالي تقولو الطفلة هبلت ههه، وانا الجملة هادي نوجهها لشبه المتحجبات علابالي الموضوع هادا حكاو فيه بزاف بصح يا عجابة رايحين يجهلوني
تلقى وحدة متحجبة بصح ... وديرو زوج خطوط حمر على "بصح" خاطر تتبعها حوايج بزااااف
المهم نكملو تلقى اختنا محجبة بصح في العرس تتحول تخرج من باطيما لباطيما بالميني حاشاكم والشعر مطلوق واللبسة عريانة وهي تشطح وحالتها حالة، في لاصال الكاميرا تصور وهي مقابلة بلبسة مفضوحة وشعرها مطلوق وتقابل فلان وفلان وهي محجبة واكدولي على كلمة محجبة
تروح اختنا للبحر مكان الاستجمام والترفيه، هوووب يطير الخيمار واللبسة مانهدروش احسن واختنا تعوم حاطة روحها عروس البحر تبرد قلبها وتبلونجي وتتشقلب من ومن، ولا ديرلك الفولار هاديك غير تجي الموجة تديه، وفي الاخير تبقى عندها لقب المتحجبة واكدولي على كلمة متحجبة
تروح بطلتنا لعند الصوار "المصور" بالخيمار تدخل لداخل زعما باه تعدل خيمارها هوولي طار الخيمار تلقى اختنا خرجت محمرة و مشمرة والشعر لصفر مطلوق ويجي اخونا الصوار "المصور" يديرلها ليبوز لالة وتتصور وهي فرحانة وكي تجي خارجة دير الخيييييماااار بكل روح رياضية
زيد البطلة تاعنا قاتلك الحلاقة فلانية ماتمشطش مليح سمعت بلي فلان يمشط خير واقيلا نروح ليه، وتروح لعند الاخ يمشطلها زوج شعرات لي في راسها وزيد ينصحها بالمشطة لي تخرج على وجها وتروح فرحانة للدار كلي ماكاين والو وهادا الرجل الألف لي يشوف شعرها
مازلتو حابين تشوفو مشاهد خلاف؟
اختنا يجي صاحب خوها للدار تقابلو بشعرها الحريري وبالبيجامة، تخرج تشري من عند الحانوت لي قدامهم بالدوميمونش وفولارة على الراس شفافة تبين راسها كامل، تجي تطل من الطاقة تطل هكاك والحومة كاملة تتفرج فيها، تفتح الباب تاني براسها عريان والجيران يتفرجو
وفي الاخير كي تجي رايحة تقرا تقولك راني محجبة .. وي متحجبة ونص و 25
مالا يا اختي العزيزة من فضلك ماديريش الحجاب خاطر هادا راهو بث تجريبي في نظري ماش حجاب
انا حابة نحكم وحدة من هادو لي يديرو هاد العفايس ونقولها علاه راكي محجبة؟ تروحي للعرس بلا حجاب ومن الطاقة بلا حجاب والبحر بلا حجاب مالا علاه مدايرتو؟؟ علاه غابنة عمرك؟؟ حابة تتنفسي اتنفسي ضربة وحدة ماش بالفاسيليتي
واشوا التمسخير هادا محجبة تمشي برا بالدوميمونش؟ وهادا كامل تقولك مادرتش الحجاب حتى قنعت بيه
اعطيوني حديدة نخبط بيها راسي، اذا حتى اقتنعتي بيه وشوهتيه هكا مالا كن ماش مقتنعة كيفاه؟؟؟؟ تديري فولارة في رقبتك وتقولي راني محجبة؟
انا هنا ماش باه نوجه الكلام لاي شخص وعلابالي كاين لي دير مثل هاد الحوايج بصح داخلها مليح وقلبها مليح وراهو اسم لامود لي يلعبلها
على عقلها، بصح يا خواتاتي بزاااف والله الحجاب راهو امانة ماش سروال وتريكو وخيمار يبان منو شعرك الاصفر المصبوغ
وماش فستان مشبوح ماتفهم اذا تاع عرس ولا تاع خرجة، الحجاب سترة
ماراناش نقولو البسي جلباب من اول لحظة بصح على الاقل لبسة محترمة وشعرك مايشوفو حتى شخص خاطر راكي متحجبة
وكلمة متحجبة عليها العين كتر من لي ماش متحجبة، ماتعطيوش فرصة لصحاب القلوب المريضة يوليو يقولو نديها عريانة حاشاكم وخارجة صراحة
خير من محجبة دير العيب، ماتشوهوش صورة الحجاب الله يستركم وكي تشوفو رواحكم ماش قادرين عليه ماديروهش حتى تعرفو قيمتو
اسمحولي اذا ثرثرت بزاااف نخليلكم الخط ليكم واذا راني غالطة قولولي
اتهلاو في روحكم
سلااام
ان شاء الله تكونو كامل ملاح
المهم ليوم قلبي تعمر وجيت نشكي في قسم الشكاوي قصدي قسم واش راك تهدر ههه ماكانش من غيرو لي نبرد فيه قلبي
علابالي من العنوان فهمتو بلي اخ يقول لاختو ماديريش حجاب ولا شاب يكلم شابة يقولها ماديريش الحجاب
المشكل الجملة هادي راني انا لي نقول فيها ونزيد نعاودها "اختي من فضلك ماديريش الحجاب" ولا بعبارة اوضح
"علاه راكي دايرة الحجاب ومن رايي نحيه احسن "
علابالي تقولو الطفلة هبلت ههه، وانا الجملة هادي نوجهها لشبه المتحجبات علابالي الموضوع هادا حكاو فيه بزاف بصح يا عجابة رايحين يجهلوني
تلقى وحدة متحجبة بصح ... وديرو زوج خطوط حمر على "بصح" خاطر تتبعها حوايج بزااااف
المهم نكملو تلقى اختنا محجبة بصح في العرس تتحول تخرج من باطيما لباطيما بالميني حاشاكم والشعر مطلوق واللبسة عريانة وهي تشطح وحالتها حالة، في لاصال الكاميرا تصور وهي مقابلة بلبسة مفضوحة وشعرها مطلوق وتقابل فلان وفلان وهي محجبة واكدولي على كلمة محجبة
تروح اختنا للبحر مكان الاستجمام والترفيه، هوووب يطير الخيمار واللبسة مانهدروش احسن واختنا تعوم حاطة روحها عروس البحر تبرد قلبها وتبلونجي وتتشقلب من ومن، ولا ديرلك الفولار هاديك غير تجي الموجة تديه، وفي الاخير تبقى عندها لقب المتحجبة واكدولي على كلمة متحجبة
تروح بطلتنا لعند الصوار "المصور" بالخيمار تدخل لداخل زعما باه تعدل خيمارها هوولي طار الخيمار تلقى اختنا خرجت محمرة و مشمرة والشعر لصفر مطلوق ويجي اخونا الصوار "المصور" يديرلها ليبوز لالة وتتصور وهي فرحانة وكي تجي خارجة دير الخيييييماااار بكل روح رياضية
زيد البطلة تاعنا قاتلك الحلاقة فلانية ماتمشطش مليح سمعت بلي فلان يمشط خير واقيلا نروح ليه، وتروح لعند الاخ يمشطلها زوج شعرات لي في راسها وزيد ينصحها بالمشطة لي تخرج على وجها وتروح فرحانة للدار كلي ماكاين والو وهادا الرجل الألف لي يشوف شعرها
مازلتو حابين تشوفو مشاهد خلاف؟
اختنا يجي صاحب خوها للدار تقابلو بشعرها الحريري وبالبيجامة، تخرج تشري من عند الحانوت لي قدامهم بالدوميمونش وفولارة على الراس شفافة تبين راسها كامل، تجي تطل من الطاقة تطل هكاك والحومة كاملة تتفرج فيها، تفتح الباب تاني براسها عريان والجيران يتفرجو
وفي الاخير كي تجي رايحة تقرا تقولك راني محجبة .. وي متحجبة ونص و 25
مالا يا اختي العزيزة من فضلك ماديريش الحجاب خاطر هادا راهو بث تجريبي في نظري ماش حجاب
انا حابة نحكم وحدة من هادو لي يديرو هاد العفايس ونقولها علاه راكي محجبة؟ تروحي للعرس بلا حجاب ومن الطاقة بلا حجاب والبحر بلا حجاب مالا علاه مدايرتو؟؟ علاه غابنة عمرك؟؟ حابة تتنفسي اتنفسي ضربة وحدة ماش بالفاسيليتي
واشوا التمسخير هادا محجبة تمشي برا بالدوميمونش؟ وهادا كامل تقولك مادرتش الحجاب حتى قنعت بيه
اعطيوني حديدة نخبط بيها راسي، اذا حتى اقتنعتي بيه وشوهتيه هكا مالا كن ماش مقتنعة كيفاه؟؟؟؟ تديري فولارة في رقبتك وتقولي راني محجبة؟
انا هنا ماش باه نوجه الكلام لاي شخص وعلابالي كاين لي دير مثل هاد الحوايج بصح داخلها مليح وقلبها مليح وراهو اسم لامود لي يلعبلها
على عقلها، بصح يا خواتاتي بزاااف والله الحجاب راهو امانة ماش سروال وتريكو وخيمار يبان منو شعرك الاصفر المصبوغ
وماش فستان مشبوح ماتفهم اذا تاع عرس ولا تاع خرجة، الحجاب سترة
ماراناش نقولو البسي جلباب من اول لحظة بصح على الاقل لبسة محترمة وشعرك مايشوفو حتى شخص خاطر راكي متحجبة
وكلمة متحجبة عليها العين كتر من لي ماش متحجبة، ماتعطيوش فرصة لصحاب القلوب المريضة يوليو يقولو نديها عريانة حاشاكم وخارجة صراحة
خير من محجبة دير العيب، ماتشوهوش صورة الحجاب الله يستركم وكي تشوفو رواحكم ماش قادرين عليه ماديروهش حتى تعرفو قيمتو
اسمحولي اذا ثرثرت بزاااف نخليلكم الخط ليكم واذا راني غالطة قولولي
اتهلاو في روحكم
سلااام
