فصل الصيف __ موسم الاعراس °_^

[فعل الخير غايتي]

السلام عليكم اخوتي
كيف حالكم ؟؟

بما او رانا في فصل الصيف و هو لي معروف بموسم الاعراس
و بالمناسبة ربي يهني جميع واحد و لا وحدة
و في هذه الفترة تباشر الامهات بترصد البنات :love01: خخخخخ آك فاهم !!!

و كاين لي هوما يعسو البنات في لعراس
و كاين بنات هوما يصيدو وحدهم المهم كل واحد كيما كتبلو ربي


امالا حبيت نسقسيكم


وآآآش هي :
الشروط الي لازم تتوفر في شريك/ة حياتك ؟؟
و اسكو صبتوه/ها و لا مزال ؟؟
و اسكو تفضلو الزواج التقليدي و لا عن Love :love01: ؟؟


ربي يكمللكم يا اعضاء ,,,,, بالتوفيق

مع السلامة​

 

[Skor m@k]

رد: فصل الصيف __ موسم الاعراس °_^

السلام عليكم
صح يا ختي راهم هالكينا بلعراس سورتو في اوت هذا خخ
كل يوم يقولك عرس بصح ماصيدنا والو ههههه
واش تصيد وهوما تشوفهم فالعرس يعجبوك غدووا منذاك تشوفهم بلا ماكياج تنخلع هههه
إلفو لازم الواحد مايخلعوهش تاع لعراس لانهم كاليتي عيانة هههه
الشروط بزاف كيما نتوما النسا تشرطو فالمهر حنا نشرطو فالزين هههه
شرووطي انا بلاك مانشوفهومش فلعرس مانحبش لي تبقى تبريزونطي روحها للناس خخخ
يعطيك الصحة ختي​

 

[red rose]

رد: فصل الصيف __ موسم الاعراس °_^

السلام عليكم اخوتي
كيف حالكم ؟؟
و عليكم السلام فعل الخير غايتك
الحمدلله سوال علك
بما او رانا في فصل الصيف و هو لي معروف بموسم الاعراس
و بالمناسبة ربي يهني جميع واحد و لا وحدة
و في هذه الفترة تباشر الامهات بترصد البنات خخخخخ آك فاهم !!!
خخخخ لعنداك رام يكذبو عليك هههه
رام قلبوها للعزاء ههه



امالا حبيت نسقسيكم

تفضلي

وآآآش هي :
الشروط الي لازم تتوفر في شريك/ة حياتك ؟؟
خخخ با عندي ليستا طويلة بزاف خخخ
يكون طويل ماشي بزاف و متوسط عرش ماشي سمين و ماشي رقيق
عينيه مارون و و خمري مربي لحية خفيفة خخخخ و يكون زينونة(لمن تتوفر فيه هذه صفاة فليتصل على الارقام ظاهر اسفل شاشة خخخ)
نتمسخر برك كيما جابه ربي مليح اهم شي يكون يخاف ربي فيا
و اسكو صبتوه/ها و لا مزال ؟؟
خخخ متحشمينيش
و اسكو تفضلو الزواج التقليدي و لا عن Love ؟؟

تقليدي خير
ربي يكمللكم يا اعضاء ,,,,, بالتوفيق
امين ربي يحفظك زينة​

 

[cosette]

رد: فصل الصيف __ موسم الاعراس °_^

تم الإعتمآد
أسفة غآليتي اني بلهاتف

لي العودة باش ناقشك..موضوعك يستحق بعض الفلسفة
>سلامي<​

 

[باتنية و نص]

رد: فصل الصيف __ موسم الاعراس °_^

سلام عليكم
والله تحبي الصح يا اختي
منفكر فهاذ الموضوع منشرط منحوس نفهم
تالمو عشت ظروف كرهوني فهاذ السيجي
ولات عندي فوبيا منو
وربي يهني جميع العرسان
تحياتي

 

[Hakan]

رد: فصل الصيف __ موسم الاعراس °_^

الصيف هذا من اسوء الصيوف ولا الصيفات المهم اجمعوه وحدكم اللي فات عليا
توفات فيه بنت عمي
وتوفى فيه اين عم الوالد
وتوفات فه نهار الجمعة السابقة عمتي
يلعن بو هاذ الصيف
تقول جا محرش علياا
​

 

[Hakan]

رد: فصل الصيف __ موسم الاعراس °_^

نرجع للموضوع
مشكل الامهات انو يحسبو البنات الملاح يلقاهم في الاعراس
وفي بالهم الطفلة اللي تقصر في لباسها واللي مدايرة احسن قصة شعر
هي الحلال نتاع وليدها
وهذا خطأ
اما موضوع شريكة حياتي
انا نشرط تكون كيما انا لا اكثر ولا اقل ..
​

 

[محمد إبن الصحراء]

رد: فصل الصيف __ موسم الاعراس °_^

الله يعطيك الصحة كي راك تخمي على خواتك في اللمة

أنا عن نفسي مازال راني في عملية البحث والتقصي الدقيق عن فارسة المستحيل
وكل المحاولات التكتكية تفشل بسبب عدم رغبة الفتاة المعنية بالعيش في الصحراء
****************
بالنسبة للشروط الواجب توفرها في شريكة المستحيل هي :
* متدينة . ( اظفر بذات الدين تربت يداك )
* موظفة في مكان محترم خالي من الإختلاط
* العمر مابين ( 25 - 29 سنة )
* تقبل العيش في أعماق الصحراء